ಸನಾತನ ದೇವ
ಶ್ರೀ ವೇಙ್ಕಟೇಶ ಪ್ರಾತಃಸ್ಮರಣಂ ಶ್ಲೋಕತ್ರಯಮ್
श्री वेङ्कटेश प्रातःस्मरणं श्लोकत्रयम्
ವೇಙ್ಕಟೇಶ ಪ್ರಾತಃಸ್ಮರಣಂ ಶ್ಲೋಕತ್ರಯಮ್
ಪ್ರಾತಃ ಸ್ಮರಾಮಿ ರಮಯಾ ಸಹ ವೇಙ್ಕಟೇಶಂ
ಮನ್ದಸ್ಮಿತಂ ಮುಖಸರೋರುಹಕಾನ್ತಿರಮ್ಯಮ್ .
ಮಾಣಿಕ್ಯಕಾನ್ತಿವಿಲಸನ್ಮಕುಟೋರ್ಧ್ವಪುಣ್ಡ್ರಂ
ಪದ್ಮಾಕ್ಷಲಕ್ಷ್ಯಮಣಿಕುಣ್ಡಲಮಣ್ಡಿತಾಙ್ಗಮ್ .. ೧..
ಪ್ರಾತರ್ಭಜಾಮಿ ಕರರಮ್ಯಸುಶಙ್ಖಚಕ್ರಂ
ಭಕ್ತಾಭಯಪ್ರದಕಟಿಸ್ಥಲದತ್ತಪಾಣಿಮ್ .
ಶ್ರೀವತ್ಸಕೌಸ್ತುಭಲಸನ್ಮಣಿಭೂಷಣೋದ್ಯತ್
ಪೀತಾಮ್ಬರಂ ಮದನಕೋಟಿಸುಮೋಹನಾಙ್ಗಮ್ .. ೨..
ಪ್ರಾತರ್ನಮಾಮಿ ಪರಮಾದ್ಯ ಪದಾರವಿನ್ದಂ
ಆನನ್ದಸಾನ್ದ್ರನಿಲಯಂ ಮಣಿನೂಪುರಾಢ್ಯಮ್ .
ಏತತ್ಸಮಸ್ತಜಗತಾಮಿತಿ ದರ್ಶಯನ್ತಂ
ವೈಕುಣ್ಠಮತ್ರ ಭಜತಾಂ ಕರಪಲ್ಲವೇನ .. ೩..
ಶ್ಲೋಕತ್ರಯಸ್ಯ ಪಠನಂ ದಿನಪೂರ್ವಕಾಲೇ
ದುಸ್ಸ್ವಪ್ನದುಶ್ಶಕುನದುರ್ಭಯಪಾಪಶಾನ್ತ್ಯೈ .
ನಿತ್ಯಂ ಕರೋತಿ ಮತಿಮಾನ್ಪರಮಾತ್ಮರೂಪಂ
ಶ್ರೀವೇಙ್ಕಟೇಶನಿಲಯಂ ವ್ರಜತಿ ಸ್ಮ ಯೋಽಸೌ ..
.. ಇತಿ ವೇಙ್ಕಟೇಶ ಪ್ರಾತಃಸ್ಮರಣಂ ಶ್ಲೋಕತ್ರಯಮ್ ..