.. ப்ரஶ்நோபநிஷத் ..

.. ப்ரஶ்நோபநிஷத் ..

ௐ ப₄த்₃ரம் கர்ணேபி₄꞉ ஶ்ருணுயாம தே₃வா
ப₄த்₃ரம் பஷ்யேமாக்ஷபி₄ர்யஜத்ரா꞉ .
ஸ்தி₂ரைரங்கை₃ஸ்துஷ்துவாம்ஸஸ்தநூபி₄ர்வ்யஶேம தே₃வஹிதம் யதா₃யு꞉ ..

ஸ்வஸ்தி ந இந்த்₃ரோ வ்ருத்₃த₄ஶ்ரவா꞉
ஸ்வஸ்தி ந꞉ பூஷா விஶ்வவேதா₃꞉ .
ஸ்வஸ்தி நஸ்தார்க்ஷ்யோ அரிஷ்டநேமி꞉
ஸ்வஸ்தி நோ ப்₃ருஹஸ்பதிர்த₃தா₄து ..

ௐ ஶாந்தி꞉ ஶாந்தி꞉ ஶாந்தி꞉ ..

ப்ரத₂ம꞉ ப்ரஶ்ந꞉
ௐ ஸுகேஶா ச பா₄ரத்₃வாஜ꞉ ஶைப்₃யஶ்ச ஸத்யகாம꞉ ஸௌர்யாயணீ ச கா₃ர்க்₃ய꞉ கௌஸல்யஶ்சாஶ்வலாயநோ பா₄ர்க₃வோ வைத₃ர்பி₄꞉ கப₃ந்தீ₄ காத்யாயநஸ்தே ஹைதே ப்₃ரஹ்மபரா ப்₃ரஹ்மநிஷ்டா₂꞉ பரம் ப்₃ரஹ்மாந்வேஷமாணா ஏஷ ஹ வை தத்ஸர்வம் வக்ஷ்யதீதி தே ஹ ஸமித்பாணயோ ப₄க₃வந்தம் பிப்பலாத₃முபஸந்நா꞉ .. 1 ..

தந் ஹ ஸ ருஷிருவச பூ₄ய ஏவ தபஸா ப்₃ரஹ்மசர்யேண ஶ்ரத்₃த₄யா ஸம்வத்ஸரம் ஸம்வத்ஸ்யத₂ யதா₂காமம் ப்ரஶ்நாந் ப்ருச்ச₂த யதி₃ விஜ்ஞாஸ்யாம꞉ ஸர்வம் ஹ வோ வக்ஷ்யாம இதி .. 2 ..

அத₂ கப₃ந்தீ₄ கத்யாயந உபேத்ய பப்ரச்ச₂ . ப₄க₃வந் குதே ஹ வா இமா꞉ ப்ரஜா꞉ ப்ரஜாயந்த இதி .. 3 ..

தஸ்மை ஸ ஹோவாச ப்ரஜாகாமோ வை ப்ரஜாபதி꞉ ஸ தபோ(அ)தப்யத ஸ தபஸ்தப்த்வா ஸ மிது₂நமுத்பாத₃யதே . ரயிம் ச ப்ரணம்சேத்யேதௌ மே ப₃ஹுதா₄ ப்ரஜா꞉ கரிஷ்யத இதி .. 4 ..

ஆதி₃த்யோ ஹ வை ப்ராணோ ரயிரேவ சந்த்₃ரமா ரயிர்வா ஏதத் ஸர்வம் யந்மூர்தம் சாமூர்தம் ச தஸ்மாந்மூர்திரேவ ரயி꞉ .. 5 ..

அதா₂தி₃த்ய உத₃யந்யத்ப்ராசீம் தி₃ஶம் ப்ரவிஶதி தேந ப்ராச்யாந் ப்ராணாந் ரஶ்மிஷு ஸந்நித₄த்தே . யத்₃த₃க்ஷிணாம் யத் ப்ரதீசீம் யது₃தீ₃சீம் யத₃தோ₄ யதூ₃ர்த்₄வம் யத₃ந்தரா தி₃ஶோ யத் ஸர்வம் ப்ரகாஶயதி தேந ஸர்வாந் ப்ராணாந் ரஶ்மிஷு ஸந்நித₄த்தே .. 6 ..

ஸ ஏஷ வைஶ்வாநரோ விஶ்வருப꞉ ப்ராணோ(அ)க்₃நிருத₃யதே . ததே₃தத்₃ருசா(அ)ப்₄யுக்தம் .. 7 ..

விஶ்வரூபம் ஹரிணம் ஜாதவேத₃ஸம்
பராயணம் ஜ்யோதிரேகம் தபந்தம் .
ஸஹஸ்ரரஶ்மி꞉ ஶததா₄ வர்தமாந꞉
ப்ராண꞉ ப்ரஜாநாமுத₃யத்யேஷ ஸூர்ய꞉ .. 8 ..

ஸம்வத்ஸரோ வை ப்ரஜாபதிஸ்தஸ்யாயநே த₃க்ஷிணம் சோத்தரம் ச . தத்₃யே ஹ வை ததி₃ஷ்டாபூர்தே க்ருதமித்யுபாஸதே தே சாந்த்₃ரமஸமேவ லோகமபி₄ஜயந்தே . த ஏவ புநராவர்தந்தே தஸ்மாதே₃த ருஷய꞉ ப்ரஜாகாமா த₃க்ஷிணம் ப்ரதிபத்₃யந்தே . ஏஷ ஹ வை ரயிர்ய꞉ பித்ருயாண꞉ .. 9 ..

அதோ₂த்தரேண தபஸா ப்₃ரஹ்மசர்யேண ஶ்ரத்₃த₄யா வித்₃யயா(ஆ)த்மாநமந்விஷ்யாதி₃த்யமபி₄ஜயந்தே . ஏதத்₃வை ப்ராணாநாமாயதநமேதத₃ம்ருதமப₄யமேதத் பராயணமேதஸ்மாந்ந புநராவர்தந்த இத்யேஷ நிரோத₄ஸ்ததே₃ஷ ஶ்லோக꞉ .. 10 ..

பஞ்சபாத₃ம் பிதரம் த்₃வாத₃ஶாக்ருதிம்
தி₃வ ஆஹு꞉ பரே அர்தே₄ புரீஷிணம் .
அதே₂மே அந்ய உ பரே விசக்ஷணம்
ஸப்தசக்ரே ஷட₃ர ஆஹுரர்பிதமிதி .. 11 ..

மாஸோ வை ப்ரஜாபதிஸ்தஸ்ய க்ருஷ்ணபக்ஷ ஏவ ரயி꞉ ஶுக்ல꞉ ப்ரணஸ்தஸ்மாதே₃த ருஷய꞉ ஶுக்ல இஷ்டம் குர்வந்தீதர இதரஸ்மிந் .. 12 ..

அஹோராத்ரோ வை ப்ரஜாபதிஸ்தஸ்யாஹரேவ ப்ராணோ ராத்ரிரேவ ரயி꞉ ப்ராணம் வா ஏதே ப்ரஸ்கந்த₃ந்தி யே தி₃வா ரத்யா ஸம்யுஜ்யந்தே ப்₃ரஹ்மசர்யமேவ தத்₃யத்₃ராத்ரௌ ரத்யா ஸம்யுஜ்யந்தே .. 13 ..

அந்நம் வை ப்ரஜாபதிஸ்ததோ ஹ வை தத்₃ரேதஸ்தஸ்மாதி₃மா꞉ ப்ரஜா꞉ ப்ரஜாயந்த இதி .. 14 ..

தத்₃யே ஹ வை தத் ப்ரஜாபதிவ்ரதம் சரந்தி தே மிது₂நமுத்பாத₃யந்தே . தேஷாமேவைஷ ப்₃ரஹ்மலோகோ யேஷாம் தபோ ப்₃ரஹ்மசர்யம் யேஷு ஸத்யம் ப்ரதிஷ்டிதம் .. 15 ..

தேஷாமஸௌ விரஜோ ப்₃ரஹ்மலோகோ ந யேஷு ஜிஹ்மமந்ருதம் ந மாயா சேதி .. 16 ..

த்₃விதீய꞉ ப்ரஶ்ந꞉
அத₂ ஹைநம் பா₄ர்க₃வோ வைத₃ர்பி₄꞉ பப்ரச்ச₂ . ப₄க₃வந் கத்யேவ தே₃வா꞉ ப்ரசாம் தி₃தா₄ரயந்தே கதர ஏதத் ப்ரகஶயந்தே க꞉ புநரேஷாம் வரிஷ்ட₂ இதி .. 1 ..

தஸ்மை ஸ ஹோவாசாகாஶோ ஹ வா ஏஷ தே₃வோ வாயுரக்₃நிராப꞉ ப்ருதி₂வீ வாங்மநஶ்சக்ஷு꞉ ஶ்ரோத்ரம் ச . தே ப்ரகாஶ்யாபி₄வத₃ந்தி வயமேதத்₃பா₃ணமவஷ்டப்₄ய விதா₄ரயாம꞉ .. 2 ..

தாந் வரிஷ்ட₂꞉ ப்ராண உவாச . மா மோஹமாபத்₃யத₂ அஹமேவைதத் பஞ்சதா₄(ஆ)த்மாநம் ப்ரவிப₄ஜ்யைதத்₃பா₃ணமவஷ்டப்₄ய விதா₄ரயாமீதி தே(அ)ஶ்ரத்₃த₃தா₄நா ப₃பூ₄வு꞉ .. 3 ..

ஸோ(அ)பி₄மாநாதூ₃ர்த்₄வமுத்க்ராமத இவ தஸ்மிந்நுத்க்ராமத்யதே₂தரே ஸர்வ ஏவோத்க்ராமந்தே தஸ்மிஶ்ச ப்ரதிஷ்ட₂மாநே ஸர்வ ஏவ ப்ரதிஷ்ட₂ந்தே . தத்₃யதா₂ மக்ஷிகா மது₄கரராஜாநமுத்க்ராமந்தம் ஸர்வ ஏவோத்க்ரமந்தே தஸ்மிஷ்ச ப்ரத்ஷ்ட₂மாநே ஸர்வ ஏவ ப்ரதிஷ்டந்த ஏவம் வாங்மநஷ்சக்ஷு꞉ ஶ்ரோத்ரம் ச தே ப்ரீதா꞉ ப்ராணம் ஸ்துந்வந்தி .. 4 ..

ஏஷோ(அ)க்₃நிஸ்தபத்யேஷ ஸூர்ய
ஏஷ பர்ஜந்யோ மக₄வாநேஷ வாயு꞉
ஏஷ ப்ருதி₂வீ ரயிர்தே₃வ꞉
ஸத₃ஸச்சாம்ருதம் ச யத் .. 5 ..

அரா இவ ரத₂நாபௌ₄ ப்ராணே ஸர்வம் ப்ரதிஷ்டி₂தம் .
ருசோ யஜூம்ஷி ஸாமாநி யஜ்ஞ꞉ க்ஷத்ரம் ப்₃ரஹ்ம ச .. 6 ..

ப்ரஜாபதிஶ்சரஸி க₃ர்பே₄ த்வமேவ ப்ரதிஜாயஸே .
துப்₄யம் ப்ராண ப்ரஜாஸ்த்விமா ப₃லிம் ஹரந்தி ய꞉ ப்ரணை꞉ ப்ரதிதிஷ்ட₂ஸி .. 7 ..

தே₃வாநாமஸி வஹ்நிதம꞉ பித்ருணாம் ப்ரத₂மா ஸ்வதா₄ .
ருஷீணாம் சரிதம் ஸத்யமத₂ர்வாங்கி₃ரஸாமஸி .. 8 ..

இந்த்₃ரஸ்த்வம் ப்ராண தேஜஸா ருத்₃ரோ(அ)ஸி பரிரக்ஷிதா .
த்வமந்தரிக்ஷே சரஸி ஸூர்யஸ்த்வம் ஜ்யோதிஷாம் பதி꞉ .. 9 ..

யதா₃ த்வமபி₄வர்ஷஸ்யதே₂மா꞉ ப்ராண தே ப்ரஜா꞉ .
ஆநந்த₃ரூபாஸ்திஷ்ட₂ந்தி காமாயாந்நம் ப₄விஷ்யதீதி .. 10 ..

வ்ராத்யஸ்த்வம் ப்ராணைகர்ஷரத்தா விஶ்வஸ்ய ஸத்பதி꞉ .
வயமாத்₃யஸ்ய தா₃தார꞉ பிதா த்வம் மாதரிஶ்வ ந꞉ .. 11 ..

யா தே தநூர்வாசி ப்ரதிஷ்டி₂தா யா ஶ்ரோத்ரே யா ச சக்ஷுஷி .
யா ச மநஸி ஸந்ததா ஶிவாம் தாம் குரூ மோத்க்ரமீ꞉ .. 12 ..

ப்ராணஸ்யேத₃ம் வஶே ஸர்வம் த்ரிதி₃வே யத் ப்ரதிஷ்டி₂தம் .
மாதேவ புத்ராந் ரக்ஷஸ்வ ஶ்ரீஶ்ச ப்ரஜ்ஞாம் ச விதே₄ஹி ந இதி .. 13 ..

த்ருதீய꞉ ப்ரஶ்ந꞉
அத₂ ஹைநம் கௌஶல்யஷ்சாஶ்வலாயந꞉ பப்ரச்ச₂ . ப₄க₃வந் குத ஏஷ ப்ராணோ ஜாயதே கத₂மாயாத்யஸ்மிஞ்ஶரீர ஆத்மாநம் வா ப்ரவிப₄ஜ்ய கத₂ம் ப்ரதிஷ்ட₂தே கேநோத்க்ரமதே கத₂ம் ப₃ஹ்யமபி₄த₄தே கத₂மத்₄யாத்மமிதி .. 1 ..

தஸ்மை ஸ ஹோஉவாசாதிப்ரஷ்சாந் ப்ருச்ச₂ஸி ப்₃ரஹ்மிஷ்டோ₂(அ)ஸீதி தஸ்மாத்தே(அ)ஹம் ப்₃ரவீமி .. 2 ..

ஆத்மந ஏஷ ப்ராணோ ஜாயதே . யதை₂ஷா புருஷே சா₂யைதஸ்மிந்நேததா₃ததம் மநோக்ருதேநாயாத்யஸ்மிஞ்ஶரீரே .. 3 ..

யதா₂ ஸம்ராதே₃வாதி₄க்ருதாந் விநியுங்க்தே . ஏதந் க்₃ராமாநோதாந் க்₃ராமாநதி₄திஷ்டஸ்வேத்யேவமேவைஷ ப்ராண இதராந் ப்ராணாந் ப்ருத₂க் ப்ருத₂கே₃வ ஸந்நித₄த்தே பாயூபஸ்தே₂(அ)பாநம் சக்ஷு꞉ஶ்ரோத்ரே முக₂நாஸிகாப்₄யாம் ப்ராண꞉ ஸ்வயம் ப்ராதிஷ்டதே மத்₄யே து ஸமாந꞉ . ஏஷ ஹ்யேதத்₃து₄தமந்நம் ஸமம் நயதி தஸ்மாதே₃தா꞉ ஸப்தார்சிஷோ ப₄வந்தி .. 5 ..

ஹ்ருதி₃ ஹ்யேஷ ஆத்மா . அத்ரைததே₃கஶதம் நாடீ₃நம் தாஸாம் ஶதம் ஶதமேகைகஸ்யா த்₃வாஸப்ததிர்த்₃வாஸப்ததி꞉ ப்ரதிஶாகா₂நாடீ₃ஸஹஸ்ராணி ப₄வந்த்யாஸு வ்யாநஶ்சரதி .. 6 ..

அதை₂கயோர்த்₄வ உதா₃ந꞉ புண்யேந புண்யம் லோகம் நயதி பாபேந பாபமுபா₄ப்₄யாமேவ மநுஷ்யலோகம் .. 7 ..

ஆதி₃த்யோ ஹ வை பா₃ஹ்ய꞉ ப்ராண உத₃யத்யேஷ ஹ்யேநம் சாக்ஷுஷம் ப்ராணமநுக்₃ருஹ்ணாந꞉ . ப்ருதி₂வ்யாம் யா தே₃வதா ஸைஷா புருஷஸ்ய அபாநமவஷ்டப்₄யாந்தரா யதா₃காஶ꞉ ஸ ஸமாநோ வாயுர்வ்யாந꞉ .. 8 ..

தேஜோ ஹ வா உதா₃நஸ்தஸ்மாது₃பஶாந்ததேஜா꞉ . புநர்ப₄வமிந்த்₃ரியைர்மநஸி ஸம்பத்₄யமாநை꞉ .. 9 ..

யச்சித்தஸ்தேநைஷ ப்ராணமாயாதி . ப்ராணஸ்தேஜஸா யுக்த꞉ ஸஹாத்மநா ததா₂ஸங்கல்பிதம் லோகம் நயதி .. 10 ..

ய ஏவம் வித்₃வாந் ப்ராணம் வேத₃ ந ஹாஸ்ய ப்ரஜா ஹீயதே(அ)ம்ருதோ ப₄வதி ததே₃ஷ꞉ ஶ்லோக꞉ .. 11 ..

உத்பத்திமாயதிம் ஸ்தா₂நம் விபு₄த்வம் சைவ பஞ்சதா₄ .
அத்₄யாத்மம் சைவ ப்ராணஸ்ய விஜ்ஞாயாம்ருதமஶ்நுதே
விஜ்ஞாயாம்ருதமஶ்நுத இதி .. 12 ..

சதுர்த₂꞉ ப்ரஶ்ந꞉
அத₂ ஹைநம் ஸௌர்யாயணி கா₃ர்க்₃ய꞉ பப்ரச்ச₂ . ப₄க₃வந்நேதஸ்மிந் புருஷே காநி ஸ்வபந்தி காந்யஸ்மிஞ்ஜாக்₃ரதி கதர ஏஷ தே₃வ꞉ ஸ்வப்நாந் பஶ்யதி கஸ்யைதத் ஸுக₂ம் ப₄வதி கஸ்மிந்நு ஸர்வே ஸம்ப்ரதிஷ்டிதா ப₄வந்தீதி .. 1 ..

தஸ்மை ஸ ஹோவச . யத₂ கா₃ர்க்₃ய மரீசயோ(அ)ர்கஸ்யாஸ்தம் க₃ச்ச₂த꞉ ஸர்வா ஏதஸ்மிம்ஸ்தேஜோமண்ட₃ல ஏகீப₄வந்தி . தா꞉ புந꞉ புநருத₃யத꞉ ப்ரசரந்த்யேவம் ஹ வை தத் ஸர்வம் பரே தே₃வே மநஸ்யேகீப₄வதி தேந தர்ஹ்யேஷ புருஷோ ந ஶ்ருணோதி ந பஶ்யதி ந ஜிக்₄ரதி ந ரஸயதே ந ஸ்ப்ருஶதே நாபி₄வத₃தே நாத₃த்தே நாநந்த₃யதே ந விஸ்ருஜதே நேயாயதே ஸ்வபிதீத்யாசக்ஷதே .. 2 ..

ப்ராணாக்₃ரய ஏவைதஸ்மிந் புரே ஜாக்₃ரதி . கா₃ர்ஹபத்யோ ஹ வா ஏஷோ(அ)பாநோ வ்யாநோ(அ)ந்வாஹார்யபசநோ யத்₃கா₃ர்ஹபத்யாத் ப்ரணீயதே ப்ரணயநாதா₃ஹவநீய꞉ ப்ராண꞉ .. 3 ..

யது₃ச்ச்₂வாஸநி꞉ஶ்வாஸாவேதாவாஹுதீ ஸமம் நயதீதி ஸ ஸமாந꞉ . மநோ ஹ வாவ யஜமாந꞉ . இஷ்டப₂லமேவோதா₃ந꞉ . ஸ ஏநம் யஜமாநமஹரஹர்ப்₃ரஹ்ம க₃மயதி .. 4 ..

அத்ரைஷ தே₃வ꞉ ஸ்வப்நே மஹிமாநமநுப₄வதி . யத்₃த்₃ருஷ்டம் த்₃ருஷ்டமநுபஶ்யதி ஶ்ருதம் ஶ்ருதமேவார்த₂மநுஶ்ருணோதி தே₃ஶதி₃க₃ந்தரைஶ்ச ப்ரத்யநுபூ₄தம் புந꞉ புந꞉ ப்ரத்யநுப₄வதி த்₃ருஷ்டம் சாத்₃ருஷ்டம் ச ஶ்ருதம் சாஶ்ருதம் சாநுபூ₄தம் சாநநுபூ₄தம் ச ஸ்ச்சாஸச்ச ஸர்வம் பஶ்யதி ஸர்வ꞉ பஸ்யதி .. 5 ..

ஸ யதா₃ தேஜஸா(அ)பி₄பூ₄தோ ப₄வதி . அத்ரைஷ தே₃வ꞉ ஸ்வப்நாந்ந பஶ்யத்யத₂ யதை₃தஸ்மிஞ்ஶரீர ஏதத்ஸுக₂ம் ப₄வதி .. 6 ..

ஸ யதா₂ ஸோப்₄ய வயாம்ஸி வஸோவ்ருக்ஷம் ஸம்ப்ரதிஷ்ட₂ந்தே . ஏவம் ஹ வை தத் ஸர்வம் பர ஆத்மநி ஸம்ப்ரதிஷ்ட₂தே .. 7 ..

ப்ருதி₂வீ ச ப்ருதி₂வீமாத்ரா சாபஶ்சாபோமாத்ரா ச தேஜஶ்ச தேஜோமாத்ரா ச வாயுஶ்ச வாயுமாத்ரா சாகாஶஶ்சாகாஶமாத்ரா ச சக்ஷுஶ்ச த்₃ரஷ்டவ்யம் ச ஶ்ரோத்ரம் ச ஶ்ரோதவ்யம் ச க்₃ராணம் ச க்₄ராதவ்யம் ச ரஸஶ்ச ரஸயிதவ்யம் ச த்வக்ச ஸ்பர்ஶயிதவ்யம் ச வாக்ச வக்தவ்யம் ச ஹஸ்தௌ சாதா₃தவ்யம் சோபஸ்த₂ஶ்சாநந்த₃யிதவ்யம் ச பாயுஶ்ச விஸர்ஜயிதவ்யம் ச யாதௌ₃ ச க₃ந்தவ்யம் ச மநஶ்ச மந்தவ்யம் ச பு₃த்₃தி₄ஶ்ச போ₃த்₃தி₄வ்யம் சாஹங்காரஶ்சாஹங்கர்தவ்யம் ச சித்தம் ச சேதயிதவ்யம் ச தேஜஶ்ச வித்₃யோதயிதவ்யம் ச ப்ராணஶ்ச வித்₃யாரயிதவ்யம் ச .. 8 ..

ஏஷ ஹி த்₃ரஷ்டா ஸ்ப்ரஷ்டா ஶ்ரோதா க்₄ராதா ரஸயிதா மந்தா போ₃த்₃தா₄ கர்தா விஜ்ஞாநாத்மா புருஷ꞉ . ஸ பரே(அ)க்ஷர ஆத்மநி ஸம்ப்ரதிஷ்ட₂தே .. 9 ..

பரமேவாக்ஷரம் ப்ரதிபத்₃யதே ஸ யோ ஹ வை தத₃ச்சா₂யமஶரீரம்லோஹிதம் ஶுப்₄ரமக்ஷரம் வேத₃யதே யஸ்து ஸோம்ய . ஸ ஸர்வஜ்ஞ꞉ ஸர்வோ ப₄வதி . ததே₃ஷ ஶ்லோக꞉ .. 10 ..

விஜ்ஞாநாத்மா ஸஹ தே₃வைஶ்ச ஸர்வை꞉
ப்ராணா பு₄தாநி ஸம்ப்ரதிஷ்ட₂ந்தி யத்ர .
தத₃க்ஷரம் வேத₃யதே யஸ்து ஸோம்ய
ஸ ஸர்வஜ்ஞ꞉ ஸர்வமேவாவிவேஶேதி .. 11 ..

பஞ்சம꞉ ப்ரஶ்ந꞉
அத₂ ஹைநம் ஸைப்₃ய꞉ ஸத்யகாம꞉ பப்ரச்ச₂ . ஸ யோ ஹ வை தப்₄த₃க₃வந்மநுஷ்யேஷு ப்ராயணாந்தமோங்காரமபி₄த்₄யாயீத . கதமம் வாவ ஸ தேந லோகம் ஜயதீதி . தஸ்மை ஸ ஹோவாச .. 1 ..

ஏதத்₃வை ஸத்யகாம பரம் சாபரம் ச ப்₃ரஹ்ம யதோ₃ங்கார꞉ . தஸ்மாத்₃வித்₃வாநேதேநைவாயதநேநைகதரமந்வேதி .. 2 ..

ஸ யத்₄யேகமாத்ரமபி₄த்₄யாயீத ஸ தேநைவ ஸம்வேதி₃தஸ்தூர்ணமேவ ஜக₃த்யாபி₄ஸம்பத்₄யதே . தம்ருசோ மநுஷ்யலோகமுபநயந்தே ஸ தத்ர தபஸா ப்₃ரஹ்மசர்யேண ஶ்ரத்₃த₄யா ஸம்பந்நோ மஹிமாநமநுப₄வதி .. 3 ..

அத₂ யதி₃ த்₃விமாத்ரேண மநஸி ஸம்பத்₄யதே ஸோ(அ)ந்தரிக்ஷம் யஜுர்பி₄ரஉந்நீயதே ஸோமலோகம் . ஸ ஸோமலோகே விபு₄திமநுபூ₄ய புநராவர்ததே .. 4 ..

ய꞉ புநரேதம் த்ரிமாத்ரேணோமித்யேதேநைவாக்ஷரேண பரம் புருஷமபி₄த்₄யாயீத ஸ தேஜஸி ஸூர்யே ஸம்பந்ந꞉ . யதா₂ பாதோ₃த₃ரஸ்த்வசா விநிர்பு₄ச்யத ஏவம் ஹ வை ஸ பாப்மநா விநிர்பு₄க்த꞉ ஸ ஸாமபி₄ருந்நீயதே ப்₃ரஹ்மலோகம் ஸ ஏதஸ்மாஜ்ஜீவக₄நாத் பராத்பரம் புருஶயம் புருஷமீக்ஷதே . ததே₃தௌ ஶ்லோகௌ ப₄வத꞉ .. 5 ..

திஸ்ரோ மாத்ரா ம்ருஅத்யுமத்ய꞉ ப்ரயுக்தா
அந்யோந்யஸக்தா꞉ அநவிப்ரயுக்தா꞉ .
க்ரியாஸு பா₃ஹ்யாப்₄யந்தரமத்₄யமாஸு
ஸம்யக் ப்ரயுக்தாஸு ந கம்பதே ஜ்ஞ꞉ .. 6 ..

ருக்₃பி₄ரேதம் யஜுர்பி₄ரந்தரிக்ஷம்
ஸாமபி₄ர்யத் தத் கவயோ வேத₃யந்தே .
தமோங்காரேணைவாயதநேநாந்வேதி வித்₃வாந்
யத்தச்சா₂ந்தமஜரமம்ருதமப₄யம் பரம் சேதி .. 7 ..

ஷஷ்ட₂꞉ ப்ரஶ்ந꞉
அத₂ ஹைநம் ஸுகேஶா பா₄ரத்₃வாஜ꞉ பப்ரச்ச₂ . ப₄க₃வந் ஹிரண்யநாப₄꞉ கௌஸல்யோ ராஜபுத்ரோ மாமுபேத்யைதம் ப்ரஶ்நமப்ருச்ச₂த . ஷோட₃ஶகலம் பா₄ரத்₃வாஜ புருஷம் வேத்த₂ . தமஹம் குமாரம்ப்₃ருவம் நாஹமிமம் வேத₃ . யத்₄யஹமிமமவேதி₃ஷம் கத₂ம் தே நாவக்ஷ்யமிதி . ஸமூலோ வா ஏஷ பரிஶுஷ்யதி யோ(அ)ந்ருதமபி₄வத₃தி தஸ்மாந்நார்ஹம்யந்ருதம் வக்தும் . ஸ தூஷ்ணீம் ரத₂மாருஹ்ய ப்ரவவ்ராஜ . தம் த்வா ப்ருச்சா₂மி க்வாஸௌ புருஷ இதி .. 1 ..

தஸ்மை ஸ ஹோவாச . இஹைஇவாந்த꞉ஶரீரே ஸோப்₄ய ஸ புருஷோ யஸ்மிந்நதா꞉ ஷோட₃ஶகலா꞉ ப்ரப₄வந்தீதி .. 2 ..

ஸ ஈக்ஷாசக்ரே . கஸ்மிந்நஹமுத்க்ராந்த உத்க்ராந்தோ ப₄விஷ்யாமி கஸ்மிந்வா ப்ரதிஷ்டிதே ப்ரதிஷ்டஸ்யாமீதி .. 3 ..

ஸ ப்ராணமஸ்ருஜத ப்ராணாச்ச்₂ரத்₃தா₄ம் க₂ம் வாயுர்ஜ்யோதிராப꞉ப்ருதி₂வீந்த்₃ரியம் மந꞉ . அந்நமந்நாத்₃வீர்யம் தபோ மந்த்ரா꞉ கர்ம லோகா லோகேஷு ச நாம ச .. 4 ..

ஸ யதே₂மா நத்₄ய꞉ ஸ்யந்த₃மாநா꞉ ஸமுத்₃ராயணா꞉ ஸமுத்₃ரம் ப்ராப்யாஸ்தம் க₃ச்ச₂ந்தி பி₄த்₄யேதே தாஸாம் நாமருபே ஸமுத்₃ர இத்யேவம் ப்ரோச்யதே . ஏவமேவாஸ்ய பரித்₃ரஷ்டுரிமா꞉ ஷோட₃ஶகலா꞉ புருஷாயணா꞉ புருஷம் ப்ராப்யாஸ்தம் க₃ச்ச₂ந்தி பி₄த்₄யேதே சாஸாம் நாமருபே புருஷ இத்யேவம் ப்ரோச்யதே ஸ ஏஷோ(அ)கலோ(அ)ம்ருதோ ப₄வதி ததே₃ஷ ஶ்லோக꞉ .. 5 ..

அரா இவ ரத₂நாபௌ₄ கலா யஸ்மிந்ப்ரதிஷ்டிதா꞉ .
தம் வேத்₄யம் புருஷம் வேத₃ யத₂ மா வோ ம்ருத்யு꞉ பரிவ்யதா₂ இதி .. 6 ..

தாந் ஹோவாசைதாவதே₃வாஹமேதத் பரம் ப்₃ரஹ்ம வேத₃ . நாத꞉ பரமஸ்தீதி .. 7 ..

தே தமர்சயந்தஸ்த்வம் ஹி ந꞉ பிதா யோ(அ)ஸ்மாகமவித்₄யாயா꞉ பரம் பரம் தாரயஸீதி . நம꞉ பரமருஷிப்₄யோ நம꞉ பரமருஷிப்₄ய꞉ .. 8 ..

ௐ ப₄த்₃ரம் கர்ணேபி₄꞉ ஶ்ருணுயாம தே₃வா
ப₄த்₃ரம் பஷ்யேமாக்ஷபி₄ர்யஜத்ரா꞉ .
ஸ்தி₂ரைரங்கை₃ஸ்துஷ்துவாம்ஸஸ்தநூபி₄ர்வ்யஶேம தே₃வஹிதம் யதா₃யு꞉ ..

ஸ்வஸ்தி ந இந்த்₃ரோ வ்ருத்₃த₄ஶ்ரவா꞉
ஸ்வஸ்தி ந꞉ பூஷா விஶ்வவேதா₃꞉ .
ஸ்வஸ்தி நஸ்தார்க்ஷ்யோ அரிஷ்டநேமி꞉
ஸ்வஸ்தி நோ ப்₃ருஹஸ்பதிர்த₃தா₄து ..

ௐ ஶாந்தி꞉ ஶாந்தி꞉ ஶாந்தி꞉ ..