.. நாராயணகவசம் ..

.. நாராயணகவசம் ..

ஶ்ரீராஜோவாச
யயா கு₃ப்த꞉ ஸஹஸ்ராக்ஷ꞉ ஸவாஹாந்ரிபுஸைநிகாந்.
க்ரீட₃ந்நிவ விநிர்ஜித்ய த்ரிலோக்யா பு₃பு₄ஜே ஶ்ரியம்..1..

ப₄க₃வம்ஸ்தந்மமாக்₂யாஹி வர்ம நாராயணாத்மகம்.
யதா₂ததாயிந꞉ ஶத்ரூந்யேந கு₃ப்தோ(அ)ஜயந்ம்ருதே₄..2..

ஶ்ரீஶுக உவாச
வ்ருத꞉ புரோஹிதஸ்த்வாஷ்ட்ரோ மஹேந்த்₃ராயாநுப்ருச்ச₂தே.
நாராயணாக்₂யம் வர்மாஹ ததி₃ஹைகமநா꞉ ஶ்ருணு..3..

ஶ்ரீவிஶ்வரூப உவாச
தௌ₄தாங்க்₄ரிபாணிராசம்ய ஸபவித்ர உத₃ங்முக₂꞉.
க்ருதஸ்வாங்க₃கரந்யாஸோ மந்த்ராப்₄யாம் வாக்₃யத꞉ ஶுசி꞉..4..

நாராயணபரம் வர்ம ஸந்நஹ்யேத்₃ப₄ய ஆக₃தே.
பாத₃யோர்ஜாநுநோரூர்வோருத₃ரே ஹ்ருத்₃யதோ₂ரஸி..5..

முகே₂ ஶிரஸ்யாநுபூர்வ்யாதோ₃ம்காராதீ₃நி விந்யஸேத்.
ஓம் நமோ நாராயணாயேதி விபர்யயமதா₂பி வா..6..

கரந்யாஸம் தத꞉ குர்யாத்₃த்₃வாத₃ஶாக்ஷரவித்₃யயா.
ப்ரணவாதி₃யகாராந்தமங்கு₃ல்யங்கு₃ஷ்ட₂பர்வஸு..7..

ந்யஸேத்₃த்₄ருத₃ய ஓம்காரம் விகாரமநு மூர்த₄நி.
ஷகாரம் து ப்₄ருவோர்மத்₄யே ணகாரம் ஶிக₂யா ந்யஸேத்..8..

வேகாரம் நேத்ரயோர்யுஞ்ஜ்யாந்நகாரம் ஸர்வஸந்தி₄ஷு.
மகாரமஸ்த்ரமுத்₃தி₃ஶ்ய மந்த்ரமூர்திர்ப₄வேத்₃பு₃த₄꞉..9..

ஸவிஸர்க₃ம் ப₂ட₃ந்தம் தத்ஸர்வதி₃க்ஷு விநிர்தி₃ஶேத்.
ஓம் விஷ்ணவே நம இதி..10..

ஆத்மாநம் பரமம் த்₄யாயேத்₃த்₄யேயம் ஷட்ஶக்திபி₄ர்யுதம்.
வித்₃யாதேஜஸ்தபோமூர்திமிமம் மந்த்ரமுதா₃ஹரேத்..11..

ஓம் ஹரிர்வித₃த்₄யாந்மம ஸர்வரக்ஷாம்
ந்யஸ்தாங்க்₄ரிபத்₃ம꞉ பதகே₃ந்த்₃ரப்ருஷ்டே₂.
த₃ராரிசர்மாஸிக₃தே₃ஷுசாப
பாஶாந்த₃தா₄நோ(அ)ஷ்டகு₃ணோ(அ)ஷ்டபா₃ஹு꞉..12..

ஜலேஷு மாம் ரக்ஷது மத்ஸ்யமூர்தி-
ர்யாதோ₃க₃ணேப்₄யோ வருணஸ்ய பாஶாத்.
ஸ்த₂லேஷு மாயாவடுவாமநோ(அ)வ்யா-
த்த்ரிவிக்ரம꞉ கே₂(அ)வது விஶ்வரூப꞉..13..

து₃ர்கே₃ஷ்வடவ்யாஜிமுகா₂தி₃ஷு ப்ரபு₄꞉-
பாயாந்ந்ருஸிம்ஹோ(அ)ஸுரயூத₂பாரி꞉.
விமுஞ்சதோ யஸ்ய மஹாட்டஹாஸம்-
தி₃ஶோ விநேது₃ர்ந்யபதம்ஶ்ச க₃ர்பா₄꞉..14..

ரக்ஷத்வஸௌ மாத்₄வநி யஜ்ஞகல்ப꞉-
ஸ்வத₃ம்ஷ்ட்ரயோந்நீதத₄ரோ வராஹ꞉.
ராமோ(அ)த்₃ரிகூடேஷ்வத₂ விப்ரவாஸே
ஸலக்ஷ்மணோ(அ)வ்யாத்₃ப₄ரதாக்₃ரஜோ(அ)ஸ்மாந்..15..

மாமுக்₃ரத₄ர்மாத₃கி₂லாத்ப்ரமாதா₃-
ந்நாராயண꞉ பாது நரஶ்ச ஹாஸாத்.
த₃த்தஸ்த்வயோகா₃த₃த₂ யோக₃நாத₂꞉
பாயாத்₃கு₃ணேஶ꞉ கபில꞉ கர்மப₃ந்தா₄த்..16..

ஸநத்குமாரோ(அ)வது காமதே₃வா-
த்₃த₄யஶீர்ஷா மாம் பதி₂ தே₃வஹேலநாத்.
தே₃வர்ஷிவர்ய꞉ புருஷார்சநாந்தரா-
த்கூர்மோ ஹரிர்மாம் நிரயாத₃ஶேஷாத்..17..

த₄ந்வந்தரிர்ப₄க₃வாந்பாத்வபத்₂யா-
த்₃த்₃வந்த்₃வாத்₃ப₄யாத்₃ருஷபோ₄ நிர்ஜிதாத்மா.
யஜ்ஞஶ்ச லோகாத₃வதாஜ்ஜநாந்தா-
த்₃ப₃லோ க₃ணாத்க்ரோத₄வஶாத₃ஹீந்த்₃ர꞉..18..

த்₃வைபாயநோ ப₄க₃வாநப்ரபோ₃தா₄-
த்₃பு₃த்₃த₄ஸ்து பாஷண்ட₃க₃ணப்ரமாதா₃த்.
கல்கி꞉ கலே꞉ காலமலாத்ப்ரபாது
த₄ர்மாவநாயோருக்ருதாவதார꞉..19..

மாம் கேஶவோ க₃த₃யா ப்ராதரவ்யா-
த்₃கோ₃விந்த₃ ஆஸங்க₃வமாத்தவேணு꞉.
நாராயண꞉ ப்ராஹ்ண உதா₃த்தஶக்தி
ர்மத்₄யந்தி₃நே விஷ்ணுரரீந்த்₃ரபாணி꞉..20..

தே₃வோ(அ)பராஹ்ணே மது₄ஹோக்₃ரத₄ந்வா
ஸாயம் த்ரிதா₄மாவது மாத₄வோ மாம்.
தோ₃ஷே ஹ்ருஷீகேஶ உதார்த₄ராத்ரே
நிஶீத₂ ஏகோ(அ)வது பத்₃மநாப₄꞉..21..

ஶ்ரீவத்ஸதா₄மாபரராத்ர ஈஶ꞉
ப்ரத்யூஷ ஈஶோ(அ)ஸித₄ரோ ஜநார்த₃ந꞉.
தா₃மோத₃ரோ(அ)வ்யாத₃நுஸந்த்₄யம் ப்ரபா₄தே
விஶ்வேஶ்வரோ ப₄க₃வாந்காலமூர்தி꞉..22..

சக்ரம் யுகா₃ந்தாநலதிக்₃மநேமி
ப்₄ரமத்ஸமந்தாத்₃ப₄க₃வத்ப்ரயுக்தம்.
த₃ந்த₃க்₃தி₄ த₃ந்த₃க்₃த்₄யரிஸைந்யமாஶு
கக்ஷம் யதா₂ வாதஸகோ₂ ஹுதாஶ꞉..23..

க₃தே₃(அ)ஶநிஸ்பர்ஶநவிஸ்பு₂லிங்கே₃
நிஷ்பிண்டி₄ நிஷ்பிண்ட்₄யஜிதப்ரியாஸி.
குஷ்மாண்ட₃வைநாயகயக்ஷரக்ஷோ
பூ₄தக்₃ரஹாம்ஶ்சூர்ணய சூர்ணயாரீந்..24..

த்வம் யாதுதா₄நப்ரமத₂ப்ரேதமாத்ரு
பிஶாசவிப்ரக்₃ரஹகோ₄ரத்₃ருஷ்டீந்.
த₃ரேந்த்₃ர வித்₃ராவய க்ருஷ்ணபூரிதோ
பீ₄மஸ்வநோ(அ)ரேர்ஹ்ருத₃யாநி கம்பயந்..25..

த்வம் திக்₃மதா₄ராஸிவராரிஸைந்ய
மீஶப்ரயுக்தோ மம சி₂ந்தி₄ சி₂ந்தி₄.
சக்ஷூம்ஷி சர்மந்ச₂தசந்த்₃ர சா₂த₃ய
த்₃விஷாமகோ₄நாம் ஹர பாபசக்ஷுஷாம்..26..

யந்நோ ப₄யம் க்₃ரஹேப்₄யோ(அ)பூ₄த்கேதுப்₄யோ ந்ருப்₄ய ஏவ ச.
ஸரீஸ்ருபேப்₄யோ த₃ம்ஷ்ட்ரிப்₄யோ பூ₄தேப்₄யோ(அ)ம்ஹோப்₄ய ஏவ ச..27..

ஸர்வாண்யேதாநி ப₄க₃வந்நாமரூபாநுகீர்தநாத்.
ப்ரயாந்து ஸங்க்ஷயம் ஸத்₃யோ யே ந꞉ ஶ்ரேய꞉ப்ரதீபகா꞉..28..

க₃ருடோ₃ ப₄க₃வாந்ஸ்தோத்ர ஸ்தோப₄ஶ்ச₂ந்தோ₃மய꞉ ப்ரபு₄꞉.
ரக்ஷத்வஶேஷக்ருச்ச்₂ரேப்₄யோ விஷ்வக்ஸேந꞉ ஸ்வநாமபி₄꞉..29..

ஸர்வாபத்₃ப்₄யோ ஹரேர்நாம ரூபயாநாயுதா₄நி ந꞉.
பு₃த்₃தீ₄ந்த்₃ரியமந꞉ப்ராணாந்பாந்து பார்ஷத₃பூ₄ஷணா꞉..30..

யதா₂ ஹி ப₄க₃வாநேவ வஸ்துத꞉ ஸத₃ஸச்ச யத்.
ஸத்யேநாநேந ந꞉ ஸர்வே யாந்து நாஶமுபத்₃ரவா꞉..31..

யதை₂காத்ம்யாநுபா₄வாநாம் விகல்பரஹித꞉ ஸ்வயம்.
பூ₄ஷணாயுத₄லிங்கா₃க்₂யா த₄த்தே ஶக்தீ꞉ ஸ்வமாயயா..32..

தேநைவ ஸத்யமாநேந ஸர்வஜ்ஞோ ப₄க₃வாந்ஹரி꞉.
பாது ஸர்வை꞉ ஸ்வரூபைர்ந꞉ ஸதா₃ ஸர்வத்ர ஸர்வக₃꞉..33..

விதி₃க்ஷு தி₃க்ஷூர்த்₄வமத₄꞉ ஸமந்தா-
த₃ந்தர்ப₃ஹிர்ப₄க₃வாந்நாரஸிம்ஹ꞉.
ப்ரஹாபய லோகப₄யம் ஸ்வநேந
ஸ்வதேஜஸா க்₃ரஸ்தஸமஸ்ததேஜா꞉..34..

மக₄வந்நித₃மாக்₂யாதம் வர்ம நாராயணாத்மகம்.
விஜேஷ்யஸே(அ)ஞ்ஜஸா யேந த₃ம்ஶிதோ(அ)ஸுரயூத₂பாந்..35..

ஏதத்₃தா₄ரயமாணஸ்து யம் யம் பஶ்யதி சக்ஷுஷா.
பதா₃ வா ஸம்ஸ்ப்ருஶேத்ஸத்₃ய꞉ ஸாத்₄வஸாத்ஸ விமுச்யதே..36..

ந குதஶ்சித்₃ப₄யம் தஸ்ய வித்₃யாம் தா₄ரயதோ ப₄வேத்.
ராஜத₃ஸ்யுக்₃ரஹாதி₃ப்₄யோ வ்யாத்₄யாதி₃ப்₄யஶ்ச கர்ஹிசித்..37..

இமாம் வித்₃யாம் புரா கஶ்சித்கௌஶிகோ தா₄ரயந்த்₃விஜ꞉.
யோக₃தா₄ரணயா ஸ்வாங்க₃ம் ஜஹௌ ஸ மருத₄ந்வநி..38..

தஸ்யோபரி விமாநேந க₃ந்த₄ர்வபதிரேகதா₃.
யயௌ சித்ரரத₂꞉ ஸ்த்ரீபி₄ர்வ்ருதோ யத்ர த்₃விஜக்ஷய꞉..39..

க₃க₃நாந்ந்யபதத்ஸத்₃ய꞉ ஸவிமாநோ ஹ்யவாக்ஷிரா꞉
ஸ வாலிகி₂ல்யவசநாத₃ஸ்தீ₂ந்யாதா₃ய விஸ்மித꞉
ப்ராஸ்ய ப்ராசீஸரஸ்வத்யாம் ஸ்நாத்வா தா₄ம ஸ்வமந்வகா₃த்..40..

ஶ்ரீஶுக உவாச
ய இத₃ம் ஶ்ருணுயாத்காலே யோ தா₄ரயதி சாத்₃ருத꞉.
தம் நமஸ்யந்தி பூ₄தாநி முச்யதே ஸர்வதோ ப₄யாத்..41..

ஏதாம் வித்₃யாமதி₄க₃தோ விஶ்வரூபாச்ச₂தக்ரது꞉
த்ரைலோக்யலக்ஷ்மீம் பு₃பு₄ஜே விநிர்ஜித்ய ம்ருதே₄(அ)ஸுராந்..42..