.. લિઙ્ગાષ્ટકમ્ ..

.. લિઙ્ગાષ્ટકમ્ ..

બ્રહ્મમુરારિસુરાર્ચિતલિઙ્ગં નિર્મલભાસિતશોભિતલિઙ્ગમ્.
જન્મજદુઃખવિનાશકલિઙ્ગં તત્ પ્રણમામિ સદાશિવલિઙ્ગમ્.. ૧..

દેવમુનિપ્રવરાર્ચિતલિઙ્ગં કામદહં કરુણાકરલિઙ્ગમ્.
રાવણદર્પવિનાશનલિઙ્ગં તત્ પ્રણમામિ સદાશિવલિઙ્ગમ્.. ૨..

સર્વસુગન્ધિસુલેપિતલિઙ્ગં બુદ્ધિવિવર્ધનકારણલિઙ્ગમ્.
સિદ્ધસુરાસુરવન્દિતલિઙ્ગં તત્ પ્રણમામિ સદાશિવલિઙ્ગમ્.. ૩..

કનકમહામણિભૂષિતલિઙ્ગં ફણિપતિવેષ્ટિતશોભિતલિઙ્ગમ્.
દક્ષસુયજ્ઞવિનાશનલિઙ્ગં તત્ પ્રણમામિ સદાશિવલિઙ્ગમ્.. ૪..

કુઙ્કુમચન્દનલેપિતલિઙ્ગં પઙ્કજહારસુશોભિતલિઙ્ગમ્.
સઞ્ચિતપાપવિનાશનલિઙ્ગં તત્ પ્રણમામિ સદાશિવલિઙ્ગમ્.. ૫..

દેવગણાર્ચિતસેવિતલિઙ્ગં ભાવૈર્ભક્તિભિરેવ ચ લિઙ્ગમ્.
દિનકરકોટિપ્રભાકરલિઙ્ગં તત્ પ્રણમામિ સદાશિવલિઙ્ગમ્.. ૬..

અષ્ટદલોપરિવેષ્ટિતલિઙ્ગં સર્વસમુદ્ભવકારણલિઙ્ગમ્.
અષ્ટદરિદ્રવિનાશિતલિઙ્ગં તત્ પ્રણમામિ સદાશિવલિઙ્ગમ્.. ૭..

સુરગુરુસુરવરપૂજિતલિઙ્ગં સુરવનપુષ્પસદાર્ચિતલિઙ્ગમ્.
પરાત્પરં પરમાત્મકલિઙ્ગં તત્ પ્રણમામિ સદાશિવલિઙ્ગમ્.. ૮..

લિઙ્ગાષ્ટકમિદં પુણ્યં યઃ પઠેત્ શિવસન્નિધૌ.
શિવલોકમવાપ્નોતિ શિવેન સહ મોદતે.. ૯ ..