మాతా మహాలక్ష్మీ
కనకధారాస్తోత్రమ్
कनकधारास्तोत्रम्
.. కనకధారాస్తోత్రమ్ ..
అఙ్గం హరేః పులకభూషణమాశ్రయన్తీ
భృఙ్గాఙ్గనేవ ముకులాభరణం తమాలమ్.
అఙ్గీకృతాఖిలవిభూతిరపాఙ్గలీలా
మాఙ్గల్యదాస్తు మమ మఙ్గలదేవతాయాః.. 1 ..
ముగ్ధా ముహుర్విదధతీ వదనే మురారేః
ప్రేమత్రపాప్రణిహితాని గతాగతాని.
మాలా దృశోర్మధుకరీవ మహోత్పలే యా
సా మే శ్రియం దిశతు సాగరసమ్భవాయాః.. 2 ..
ఆమీలితాక్షమధిగమ్య ముదా ముకున్దమ్
ఆనన్దకన్దమనిమేషమనఙ్గతన్త్రమ్.
ఆకేకరస్థితకనీనికపక్ష్మనేత్రమ్భూ
త్యై భవేన్మమ భుజఙ్గశయాఙ్గనాయాః.. 3 ..
బాహ్వన్తరే మధుజితః శ్రితకౌస్తుభే యా
హారావలీవ హరినీలమయీ విభాతి.
కామప్రదా భగవతోఽపి కటాక్షమాలా
కల్యాణమావహతు మే కమలాలయాయాః.. 4 ..
కాలామ్బుదాలిలలితోరసి కైటభారేః
ధారాధరే స్ఫురతి యా తడిదఙ్గనేవ.
మాతుః సమస్తజగతాం మహనీయమూర్తిః
భద్రాణి మే దిశతు భార్గవనన్దనాయాః.. 5 ..
ప్రాప్తం పదం ప్రథమతః ఖలు యత్ప్రభావాత్
మాఙ్గల్యభాజి మధుమాథిని మన్మథేన.
మయ్యాపతేత్తదిహ మన్థరమీక్షణార్ధమ్మ
న్దాలసం చ మకరాలయకన్యకాయాః.. 6 ..
విశ్వామరేన్ద్రపదవీభ్రమదానదక్షమ్
ఆనన్దహేతురధికం మురవిద్విషోఽపి.
ఈషన్నిషీదతు మయి క్షణమీక్షణార్ద్ధమ్ఇ
న్దీవరోదరసహోదరమిన్దిరాయాః.. 7 ..
ఇష్టా విశిష్టమతయోఽపి యయా దయార్ద్ర-
దృష్ట్యా త్రివిష్టపపదం సులభం లభన్తే.
దృష్టిః ప్రహృష్టకమలోదరదీప్తిరిష్టామ్పు
ష్టిం కృషీష్ట మమ పుష్కరవిష్టరాయాః.. 8 ..
దద్యాద్దయానుపవనో ద్రవిణామ్బుధారామ్
అస్మిన్నకిఞ్చనవిహఙ్గశిశౌ విషణ్ణే.
దుష్కర్మఘర్మమపనీయ చిరాయ దూరమ్నా
రాయణప్రణయినీనయనామ్బువాహః.. 9 ..
గీర్దేవతేతి గరుడధ్వజసున్దరీతి
శాకమ్భరీతి శశిశేఖరవల్లభేతి.
సృష్టిస్థితిప్రలయకేలిషు సంస్థితాయై
తస్యై నమస్త్రిభువనైకగురోస్తరుణ్యై.. 10 ..
శ్రుత్యై నమోఽస్తు శుభకర్మఫలప్రసూత్యై
రత్యై నమోఽస్తు రమణీయగుణార్ణవాయై.
శక్త్యై నమోఽస్తు శతపత్రనికేతనాయై
పుష్ట్యై నమోఽస్తు పురుషోత్తమవల్లభాయై.. 11 ..
నమోఽస్తు నాలీకనిభాననాయై
నమోఽస్తు దుగ్ధోదధిజన్మభూమ్యై.
నమోఽస్తు సోమామృతసోదరాయై
నమోఽస్తు నారాయణవల్లభాయై.. 12 ..
నమోఽస్తు హేమామ్బుజపీఠికాయై
నమోఽస్తు భూమణ్డలనాయికాయై.
నమోఽస్తు దేవాదిదయాపరాయై
నమోఽస్తు శార్ఙ్గాయుధవల్లభాయై.. 13 ..
నమోఽస్తు దేవ్యై భృగునన్దనాయై
నమోఽస్తు విష్ణోరురసి స్థితాయై.
నమోఽస్తు లక్ష్మ్యై కమలాలయాయై
నమోఽస్తు దామోదరవల్లభాయై.. 14 ..
నమోఽస్తు కాన్త్యై కమలేక్షణాయై
నమోఽస్తు భూత్యై భువనప్రసూత్యై.
నమోఽస్తు దేవాదిభిరర్చితాయై
నమోఽస్తు నన్దాత్మజవల్లభాయై.. 15 ..
సమ్పత్కరాణి సకలేన్ద్రియనన్దనాని
సామ్రాజ్యదానవిభవాని సరోరుహాక్షి.
త్వద్వన్దనాని దురితాహరణోద్యతాని
మామేవ మాతరనిశం కలయన్తు మాన్యే.. 16 ..
యత్కటాక్షసముపాసనావిధిః
సేవకస్య సకలార్థసమ్పదః.
సన్తనోతి వచనాఙ్గమానసైః
త్వాం మురారిహృదయేశ్వరీం భజే.. 17 ..
సరసిజనిలయే సరోజహస్తే
ధవలతమాంశుకగన్ధమాల్యశోభే.
భగవతి హరివల్లభే మనోజ్ఞే
త్రిభువనభూతికరి ప్రసీద మహ్యమ్.. 18 ..
దిగ్ఘస్తిభిః కనకకుమ్భముఖావసృష్ట-
స్వర్వాహినీ విమలచారుజలాప్లుతాఙ్గీమ్.
ప్రాతర్నమామి జగతాం జననీమశేష-
లోకాధినాథగృహిణీం అమృతాబ్ధిపుత్రీమ్.. 19 ..
కమలే కమలాక్షవల్లభే త్వం
కరుణాపూరతరఙ్గితైరపాఙ్గైః.
అవలోకయ మామకిఞ్చనానాం
ప్రథమం పాత్రమకృత్రిమం దయాయాః.. 20 ..
స్తువన్తి యే స్తుతిభిరమీభిరన్వహమ్
త్రయీమయీం త్రిభువనమాతరం రమామ్.
గుణాధికా గురుతరభాగ్యభాగినో
భవన్తి తే భువి బుధభావితాశయాః.. 21 ..
దేవి ప్రసీద జగదీశ్వరి లోకమాతః
కల్యాణగాత్రి కమలేక్షణజీవనాథే.
దారిద్ర్యభీతిహృదయం శరణాగతం మామ్ఆ
లోకయ ప్రతిదినం సదయైరపాఙ్గైః....
ఇతి కనకధారాస్తోత్రమ్ ..