માતા મહાલક્ષ્મી
કનકધારાસ્તોત્રમ્
कनकधारास्तोत्रम्
.. કનકધારાસ્તોત્રમ્ ..
અઙ્ગં હરેઃ પુલકભૂષણમાશ્રયન્તી
ભૃઙ્ગાઙ્ગનેવ મુકુલાભરણં તમાલમ્.
અઙ્ગીકૃતાખિલવિભૂતિરપાઙ્ગલીલા
માઙ્ગલ્યદાસ્તુ મમ મઙ્ગલદેવતાયાઃ.. ૧ ..
મુગ્ધા મુહુર્વિદધતી વદને મુરારેઃ
પ્રેમત્રપાપ્રણિહિતાનિ ગતાગતાનિ.
માલા દૃશોર્મધુકરીવ મહોત્પલે યા
સા મે શ્રિયં દિશતુ સાગરસમ્ભવાયાઃ.. ૨ ..
આમીલિતાક્ષમધિગમ્ય મુદા મુકુન્દમ્
આનન્દકન્દમનિમેષમનઙ્ગતન્ત્રમ્.
આકેકરસ્થિતકનીનિકપક્ષ્મનેત્રમ્ભૂ
ત્યૈ ભવેન્મમ ભુજઙ્ગશયાઙ્ગનાયાઃ.. ૩ ..
બાહ્વન્તરે મધુજિતઃ શ્રિતકૌસ્તુભે યા
હારાવલીવ હરિનીલમયી વિભાતિ.
કામપ્રદા ભગવતોઽપિ કટાક્ષમાલા
કલ્યાણમાવહતુ મે કમલાલયાયાઃ.. ૪ ..
કાલામ્બુદાલિલલિતોરસિ કૈટભારેઃ
ધારાધરે સ્ફુરતિ યા તડિદઙ્ગનેવ.
માતુઃ સમસ્તજગતાં મહનીયમૂર્તિઃ
ભદ્રાણિ મે દિશતુ ભાર્ગવનન્દનાયાઃ.. ૫ ..
પ્રાપ્તં પદં પ્રથમતઃ ખલુ યત્પ્રભાવાત્
માઙ્ગલ્યભાજિ મધુમાથિનિ મન્મથેન.
મય્યાપતેત્તદિહ મન્થરમીક્ષણાર્ધમ્મ
ન્દાલસં ચ મકરાલયકન્યકાયાઃ.. ૬ ..
વિશ્વામરેન્દ્રપદવીભ્રમદાનદક્ષમ્
આનન્દહેતુરધિકં મુરવિદ્વિષોઽપિ.
ઈષન્નિષીદતુ મયિ ક્ષણમીક્ષણાર્દ્ધમ્ઇ
ન્દીવરોદરસહોદરમિન્દિરાયાઃ.. ૭ ..
ઇષ્ટા વિશિષ્ટમતયોઽપિ યયા દયાર્દ્ર-
દૃષ્ટ્યા ત્રિવિષ્ટપપદં સુલભં લભન્તે.
દૃષ્ટિઃ પ્રહૃષ્ટકમલોદરદીપ્તિરિષ્ટામ્પુ
ષ્ટિં કૃષીષ્ટ મમ પુષ્કરવિષ્ટરાયાઃ.. ૮ ..
દદ્યાદ્દયાનુપવનો દ્રવિણામ્બુધારામ્
અસ્મિન્નકિઞ્ચનવિહઙ્ગશિશૌ વિષણ્ણે.
દુષ્કર્મઘર્મમપનીય ચિરાય દૂરમ્ના
રાયણપ્રણયિનીનયનામ્બુવાહઃ.. ૯ ..
ગીર્દેવતેતિ ગરુડધ્વજસુન્દરીતિ
શાકમ્ભરીતિ શશિશેખરવલ્લભેતિ.
સૃષ્ટિસ્થિતિપ્રલયકેલિષુ સંસ્થિતાયૈ
તસ્યૈ નમસ્ત્રિભુવનૈકગુરોસ્તરુણ્યૈ.. ૧૦ ..
શ્રુત્યૈ નમોઽસ્તુ શુભકર્મફલપ્રસૂત્યૈ
રત્યૈ નમોઽસ્તુ રમણીયગુણાર્ણવાયૈ.
શક્ત્યૈ નમોઽસ્તુ શતપત્રનિકેતનાયૈ
પુષ્ટ્યૈ નમોઽસ્તુ પુરુષોત્તમવલ્લભાયૈ.. ૧૧ ..
નમોઽસ્તુ નાલીકનિભાનનાયૈ
નમોઽસ્તુ દુગ્ધોદધિજન્મભૂમ્યૈ.
નમોઽસ્તુ સોમામૃતસોદરાયૈ
નમોઽસ્તુ નારાયણવલ્લભાયૈ.. ૧૨ ..
નમોઽસ્તુ હેમામ્બુજપીઠિકાયૈ
નમોઽસ્તુ ભૂમણ્ડલનાયિકાયૈ.
નમોઽસ્તુ દેવાદિદયાપરાયૈ
નમોઽસ્તુ શાર્ઙ્ગાયુધવલ્લભાયૈ.. ૧૩ ..
નમોઽસ્તુ દેવ્યૈ ભૃગુનન્દનાયૈ
નમોઽસ્તુ વિષ્ણોરુરસિ સ્થિતાયૈ.
નમોઽસ્તુ લક્ષ્મ્યૈ કમલાલયાયૈ
નમોઽસ્તુ દામોદરવલ્લભાયૈ.. ૧૪ ..
નમોઽસ્તુ કાન્ત્યૈ કમલેક્ષણાયૈ
નમોઽસ્તુ ભૂત્યૈ ભુવનપ્રસૂત્યૈ.
નમોઽસ્તુ દેવાદિભિરર્ચિતાયૈ
નમોઽસ્તુ નન્દાત્મજવલ્લભાયૈ.. ૧૫ ..
સમ્પત્કરાણિ સકલેન્દ્રિયનન્દનાનિ
સામ્રાજ્યદાનવિભવાનિ સરોરુહાક્ષિ.
ત્વદ્વન્દનાનિ દુરિતાહરણોદ્યતાનિ
મામેવ માતરનિશં કલયન્તુ માન્યે.. ૧૬ ..
યત્કટાક્ષસમુપાસનાવિધિઃ
સેવકસ્ય સકલાર્થસમ્પદઃ.
સન્તનોતિ વચનાઙ્ગમાનસૈઃ
ત્વાં મુરારિહૃદયેશ્વરીં ભજે.. ૧૭ ..
સરસિજનિલયે સરોજહસ્તે
ધવલતમાંશુકગન્ધમાલ્યશોભે.
ભગવતિ હરિવલ્લભે મનોજ્ઞે
ત્રિભુવનભૂતિકરિ પ્રસીદ મહ્યમ્.. ૧૮ ..
દિગ્ઘસ્તિભિઃ કનકકુમ્ભમુખાવસૃષ્ટ-
સ્વર્વાહિની વિમલચારુજલાપ્લુતાઙ્ગીમ્.
પ્રાતર્નમામિ જગતાં જનનીમશેષ-
લોકાધિનાથગૃહિણીં અમૃતાબ્ધિપુત્રીમ્.. ૧૯ ..
કમલે કમલાક્ષવલ્લભે ત્વં
કરુણાપૂરતરઙ્ગિતૈરપાઙ્ગૈઃ.
અવલોકય મામકિઞ્ચનાનાં
પ્રથમં પાત્રમકૃત્રિમં દયાયાઃ.. ૨૦ ..
સ્તુવન્તિ યે સ્તુતિભિરમીભિરન્વહમ્
ત્રયીમયીં ત્રિભુવનમાતરં રમામ્.
ગુણાધિકા ગુરુતરભાગ્યભાગિનો
ભવન્તિ તે ભુવિ બુધભાવિતાશયાઃ.. ૨૧ ..
દેવિ પ્રસીદ જગદીશ્વરિ લોકમાતઃ
કલ્યાણગાત્રિ કમલેક્ષણજીવનાથે.
દારિદ્ર્યભીતિહૃદયં શરણાગતં મામ્આ
લોકય પ્રતિદિનં સદયૈરપાઙ્ગૈઃ....
ઇતિ કનકધારાસ્તોત્રમ્ ..