ಗಕಾರಾದಿ ಶ್ರೀಗಣಪತಿಸಹಸ್ರನಾಮಸ್ತೋತ್ರಮ್

.. ಗಕಾರಾದಿ ಶ್ರೀಗಣಪತಿಸಹಸ್ರನಾಮಸ್ತೋತ್ರಮ್ ..

.. ಕರನ್ಯಾಸಃ ..
ಓಂ ಅಙ್ಗುಷ್ಠಾಭ್ಯಾಂ ನಮಃ . ಶ್ರೀಂ ತರ್ಜನೀಭ್ಯಾಂ ನಮಃ . ಹ್ರೀಂ ಮಧ್ಯಮಾಭ್ಯಾಂ ನಮಃ . ಕ್ರೀಂ ಅನಾಮಿಕಾಭ್ಯಾಂ ನಮಃ .
ಗ್ಲೌಂ ಕನಿಷ್ಠಿಕಾಭ್ಯಾಂ ನಮಃ . ಗಂ ಕರತಲಕರಪೃಷ್ಠಾಭ್ಯಾಂ ನಮಃ . ಏವಂ ಹೃದಯಾದಿನ್ಯಾಸಃ ಧ್ಯಾನಮ್ ಓಂ ಕಾರ ಸನ್ನಿಭಮಿಭಾನನಮಿನ್ದುಭಾಲಮ್ ಮುಕ್ತಾಗ್ರಬಿನ್ದುಮಮಲದ್ಯುತಿಮೇಕದನ್ತಮ್.
ಲಮ್ಬೋದರಂ ಕಲಚತುರ್ಭುಜಮಾದಿದೇವಂ ಧ್ಯಾಯೇನ್ಮಹಾಗಣಪತಿಂ ಮತಿಸಿದ್ಧಿಕಾನ್ತಮ್..

ಸ್ತೋತ್ರಮ್
ಓಂ ಗಣೇಶ್ವರೋ ಗಣಾಧ್ಯಕ್ಷೋ ಗಣಾರಾಧ್ಯೋ ಗಣಪ್ರಿಯಃ.
ಗಣನಾಥೋ ಗಣಸ್ವಾಮೀ ಗಣೇಶೋ ಗಣನಾಯಕಃ..೧..

ಗಣಮೂರ್ತಿರ್ಗಣಪತಿರ್ಗಣತ್ರಾತಾ ಗಣಞ್ಜಯಃ.
ಗಣಪೋಽಥ ಗಣಕ್ರೀಡೋ ಗಣದೇವೋ ಗಣಾಧಿಪಃ..೨..

ಗಣಜ್ಯೇಷ್ಠೋ ಗಣಶ್ರೇಷ್ಠೋ ಗಣಪ್ರೇಷ್ಠೋ ಗಣಾಧಿರಾಟ್.
ಗಣರಾಡ್ ಗಣಗೋಪ್ತಾಥ್ ಗಣಾಙ್ಗೋ ಗಣದೈವತಮ್..೩..

ಗಣಬನ್ಧುರ್ಗಣಸುಹೃದ್ ಗಣಾಧೀಶೋ ಗಣಪ್ರಥಃ.
ಗಣಪ್ರಿಯಸಖಃ ಶಶ್ವದ್ ಗಣಪ್ರಿಯಸುಹೃತ್ ತಥಾ..೪..

ಗಣಪ್ರಿಯರತೋ ನಿತ್ಯಂ ಗಣಪ್ರೀತಿವಿವರ್ಧನಃ.
ಗಣಮಣ್ಡಲಮಧ್ಯಸ್ಥೋ ಗಣಕೇಲಿಪರಾಯಣಃ..೫..

ಗಣಾಗ್ರಣೀರ್ಗಣೇಶಾನೋ ಗಣಗೀತೋ ಗಣೋಚ್ಛ್ರಯಃ.
ಗಣ್ಯೋ ಗಣಹಿತೋ ಗರ್ಜದ್ಗಣಸೇನೋ ಗಣೋದ್ಧತಃ..೬..

ಗಣಭೀತಿಪ್ರಮಥನೋ ಗಣಭೀತ್ಯಪಹಾರಕಃ.
ಗಣನಾರ್ಹೋ ಗಣಪ್ರೌಢೋ ಗಣಭರ್ತಾ ಗಣಪ್ರಭುಃ..೭..

ಗಣಸೇನೋ ಗಣಚರೋ ಗಣಪ್ರಜ್ಞೋ ಗಣೈಕರಾಟ್.
ಗಣಾಗ್ರ್ಯೋ ಗಣನಾಮಾ ಚ ಗಣಪಾಲನತತ್ಪರಃ..೮..

ಗಣಜಿದ್ಗಣಗರ್ಭಸ್ಥೋ ಗಣಪ್ರವಣಮಾನಸಃ.
ಗಣಗರ್ವಪರೀಹರ್ತಾ ಗಣೋ ಗಣನಮಸ್ಕೃತಃ..೯..

ಗಣಾರ್ಚಿತಾಙ್ಘ್ರಿಯುಗಳೋ ಗಣರಕ್ಷಣಕೃತ್ ಸದಾ.
ಗಣಧ್ಯಾತೋ ಗಣಗುರುರ್ಗಣಪ್ರಣಯತತ್ಪರಃ..೧೦..

ಗಣಾಗಣಪರಿತ್ರಾತಾ ಗಣಾಧಿಹರಣೋದ್ಧುರಃ.
ಗಣಸೇತುರ್ಗಣನುತೋ ಗಣಕೇತುರ್ಗಣಾಗ್ರಗಃ..೧೧..

ಗಣಹೇತುರ್ಗಣಗ್ರಾಹೀ ಗಣಾನುಗ್ರಹಕಾರಕಃ.
ಗಣಾಗಣಾನುಗ್ರಹಭೂರ್ಗಣಾಗಣವರಪ್ರದಃ..೧೨..

ಗಣಸ್ತುತೋ ಗಣಪ್ರಾಣೋ ಗಣಸರ್ವಸ್ವದಾಯಕಃ.
ಗಣವಲ್ಲಭಮೂರ್ತಿಶ್ಚ ಗಣಭೂತಿರ್ಗಣೇಷ್ಟದಃ..೧೩..

ಗಣಸೌಖ್ಯಪ್ರದಾತಾ ಚ ಗಣದುಃಖಪ್ರಣಾಶನಃ.
ಗಣಪ್ರಥಿತನಾಮಾ ಚ ಗಣಾಭೀಷ್ಟಕರಃ ಸದಾ..೧೪..

ಗಣಮಾನ್ಯೋ ಗಣಖ್ಯಾತೋ ಗಣವೀತೋ ಗಣೋತ್ಕಟಃ.
ಗಣಪಾಲೋ ಗಣವರೋ ಗಣಗೌರವದಾಯಕಃ..೧೫..

ಗಣಗರ್ಜಿತಸನ್ತುಷ್ಟೋ ಗಣಸ್ವಚ್ಛನ್ದಗಃ ಸದಾ.
ಗಣರಾಜೋ ಗಣಶ್ರೀದೋ ಗಣಾಭಯಕರಃ ಕ್ಷಣಾತ್..೧೬..

ಗಣಮೂರ್ಧಾಭಿಷಿಕ್ತಶ್ಚ ಗಣಸೈನ್ಯಪುರಸ್ಸರಃ.
ಗುಣಾತೀತೋ ಗುಣಮಯೋ ಗುಣತ್ರಯವಿಭಾಗಕೃತ್..೧೭..

ಗುಣೀ ಗುಣಾಕೃತಿಧರೋ ಗುಣಶಾಲೀ ಗುಣಪ್ರಿಯಃ.
ಗುಣಪೂರ್ಣೋ ಗುಣಾಮ್ಭೋಧಿರ್ಗುಣಭಾಗ್ ಗುಣದೂರಗಃ..೧೮..

ಗುಣಾಗುಣವಪುರ್ಗೌಣಶರೀರೋ ಗುಣಮಣ್ಡಿತಃ.
ಗುಣಸ್ತ್ರಷ್ಟಾ ಗುಣೇಶಾನೋ ಗುಣೇಶೋಽಥ ಗುಣೇಶ್ವರಃ..೧೯..

ಗುಣಸೃಷ್ಟಜಗತ್ಸಙ್ಘೋ ಗುಣಸಙ್ಘೋ ಗುಣೈಕರಾಟ್.
ಗುಣಪ್ರವೃಷ್ಟೋ ಗುಣಭೂರ್ಗುಣೀಕೃತಚರಾಚರಃ..೨೦..

ಗುಣಪ್ರವಣಸನ್ತುಷ್ಟೋ ಗುಣಹೀನಪರಾಙ್ಮುಖಃ.
ಗುಣೈಕಭೂರ್ಗುಣಶ್ರೇಷ್ಠೋ ಗುಣಜ್ಯೇಷ್ಠೋ ಗುಣಪ್ರಭುಃ..೨೧..

ಗುಣಜ್ಞೋ ಗುಣಸಮ್ಪೂಜ್ಯೋ ಗುಣೈಕಸದನಂ ಸದಾ.
ಗುಣಪ್ರಣಯವಾನ್ ಗೌಣಪ್ರಕೃತಿರ್ಗುಣಭಾಜನಮ್..೨೨..

ಗುಣಿಪ್ರಣತಪಾದಾಬ್ಜೋ ಗುಣಿಗೀತೋ ಗುಣೋಜ್ಜ್ವಲಃ.
ಗುಣವಾನ್ ಗುಣಸಮ್ಪನ್ನೋ ಗುಣಾನನ್ದಿತಮಾನಸಃ..೨೩..

ಗುಣಸಞ್ಚಾರಚತುರೋ ಗುಣಸಞ್ಚಯಸುನ್ದರಃ.
ಗುಣಗೌರೋ ಗುಣಾಧಾರೋ ಗುಣಸಂವೃತಚೇತನಃ..೨೪..

ಗುಣಕೃದ್ಗುಣಭೃನ್ನಿತ್ಯಂ ಗುಣಾಗ್ರ್ಯೋ ಗುಣಪಾರದೃಕ್.
ಗುಣಪ್ರಚಾರೀ ಗುಣಯುಗ್ ಗುಣಾಗುಣವಿವೇಕಕೃತ್..೨೫..

ಗುಣಾಕರೋ ಗುಣಕರೋ ಗುಣಪ್ರವಣವರ್ಧನಃ.
ಗುಣಗೂಢಚರೋ ಗೌಣಸರ್ವಸಂಸಾರಚೇಷ್ಟಿತಃ..೨೬..

ಗುಣದಕ್ಷಿಣಸೌಹಾರ್ದೋ ಗುಣಲಕ್ಷಣತತ್ತ್ವವಿತ್.
ಗುಣಹಾರೀ ಗುಣಕಲೋ ಗುಣಸಙ್ಘಸಖಃ ಸದಾ..೨೭..

ಗುಣಸಂಸ್ಕೃತಸಂಸಾರೋ ಗುಣತತ್ತ್ವವಿವೇಚಕಃ.
ಗುಣಗರ್ವಧರೋ ಗೌಣಸುಖದುಃಖೋದಯೋ ಗುಣಃ..೨೮..

ಗುಣಾಧೀಶೋ ಗುಣಲಯೋ ಗುಣವೀಕ್ಷಣಲಾಲಸಃ.
ಗುಣಗೌರವದಾತಾ ಚ ಗುಣದಾತಾ ಗುಣಪ್ರದಃ..೨೯..

ಗುಣಕೃದ್ಗುಣಸಮ್ಬನ್ಧೋ ಗುಣಭೃದ್ಗುಣಬನ್ಧನಃ.
ಗುಣಹೃದ್ಯೋ ಗುಣಸ್ಥಾಯೀ ಗುಣದಾಯೀ ಗುಣೋತ್ಕಟಃ..೩೦..

ಗುಣಚಕ್ರಧರೋ ಗೌಣಾವತಾರೋ ಗುಣಬಾನ್ಧವಃ.
ಗುಣಬನ್ಧುರ್ಗುಣಪ್ರಜ್ಞೋ ಗುಣಪ್ರಾಜ್ಞೋ ಗುಣಾಲಯಃ..೩೧..

ಗುಣಧಾತಾ ಗುಣಪ್ರಾಣೋ ಗುಣಗೋಪೋ ಗುಣಾಶ್ರಯಃ.
ಗುಣಯಾಯೀ ಗುಣಾಧಾಯೀ ಗುಣಪೋ ಗುಣಪಾಲಕಃ..೩೨..

ಗುಣಾಹೃತತನುರ್ಗೌಣೋ ಗೀರ್ವಾಣೋ ಗುಣಗೌರವಃ.
ಗುಣವತ್ಪೂಜಿತಪದೋ ಗುಣವತ್ಪ್ರೀತಿದಾಯಕಃ..೩೩..

ಗುಣವದ್ಗೀತಕೀರ್ತಿಷ್ಚ ಗುಣವದ್ಬದ್ಧಸೌಹೃದಃ.
ಗುಣವದ್ವರದೋ ನಿತ್ಯಂ ಗುಣವತ್ಪ್ರತಿಪಾಲಕಃ..೩೪..

ಗುಣವದ್ಗುಣಸನ್ತುಷ್ಟೋ ಗುಣವದ್ರಚಿತಸ್ತವಃ.
ಗುಣವದ್ರಕ್ಷಣಪರೋ ಗುಣವತ್ಪ್ರಣಯಪ್ರಿಯಃ..೩೫..

ಗುಣವಚ್ಚಕ್ರಸಞ್ಚಾರೋ ಗುಣವತ್ಕೀರ್ತಿವರ್ಧನಃ.
ಗುಣವದ್ಗುಣಚಿತ್ತಸ್ಥೋ ಗುಣವದ್ಗುಣರಕ್ಷಕಃ..೩೬..

ಗುಣವತ್ಪೋಷಣಕರೋ ಗುನವಚ್ಛತ್ರುಸೂದನಃ.
ಗುಣವತ್ಸಿದ್ಧಿದಾತಾ ಚ ಗುಣವದ್ಗೌರವಪ್ರದಃ..೩೭..

ಗುಣವತ್ಪ್ರವಣಸ್ವಾನ್ತೋ ಗುಣವದ್ಗುಣಭೂಷಣಃ.
ಗುಣವತ್ಕುಲವಿದ್ವೇಷಿವಿನಾಷಕರಣಕ್ಷಮಃ..೩೮..

ಗುಣಿಸ್ತುತಗುಣೋ ಗರ್ಜಪ್ರಲಯಾಮ್ಬುದನಿಃಸ್ವನಃ.
ಗಜೋ ಗಜಪತಿರ್ಗರ್ಜದ್ಗಜಯುದ್ಧವಿಷಾರದಃ..೩೯..

ಗಜಾಸ್ಯೋ ಗಜಕರ್ಣೋಽಥ ಗಜರಾಜೋ ಗಜಾನನಃ.
ಗಜರೂಪಧರೋ ಗರ್ಜದ್ಗಜಯೂಥೋದ್ಧುರಧ್ವನಿಃ..೪೦..

ಗಜಾಧೀಷೋ ಗಜಾಧಾರೋ ಗಜಾಸುರಜಯೋದ್ಧುರಃ.
ಗಜದನ್ತೋ ಗಜವರೋ ಗಜಕುಮ್ಭೋ ಗಜಧ್ವನಿಃ..೪೧..

ಗಜಮಾಯೋ ಗಜಮಯೋ ಗಜಶ್ರೀರ್ಗಜಗರ್ಜಿತಃ.
ಗಜಾಮಯಹರೋ ನಿತ್ಯಂ ಗಜಪುಷ್ಟಿಪ್ರದಾಯಕಃ..೪೨..

ಗಜೋತ್ಪತ್ತಿರ್ಗಜತ್ರಾತಾ ಗಜಹೇತುರ್ಗಜಾಧಿಪಃ.
ಗಜಮುಖ್ಯೋ ಗಜಕುಲಪ್ರವರೋ ಗಜದೈತ್ಯಹಾ..೪೩..

ಗಜಕೇತುರ್ಗಜಾಧ್ಯಕ್ಷೋ ಗಜಸೇತುರ್ಗಜಾಕೃತಿಃ.
ಗಜವನ್ದ್ಯೋ ಗಜಪ್ರಾಣೋ ಗಜಸೇವ್ಯೋ ಗಜಪ್ರಭುಃ..೪೪..

ಗಜಮತ್ತೋ ಗಜೇಶಾನೋ ಗಜೇಶೋ ಗಜಪುಙ್ಗವಃ.
ಗಜದನ್ತಧರೋ ಗುಞ್ಜನ್ಮಧುಪೋ ಗಜವೇಷಭೃತ್..೪೫..

ಗಜಚ್ಛನ್ನೋ ಗಜಾಗ್ರಸ್ಥೋ ಗಜಯಾಯೀ ಗಜಾಜಯಃ.
ಗಜರಾಡ್ಗಜಯೂಥಸ್ಥೋ ಗಜಗಞ್ಜಕಭಞ್ಜಕಃ..೪೬..

ಗರ್ಜಿತೋಜ್ಞಿತದೈತ್ಯಾಸುರ್ಗರ್ಜಿತತ್ರಾತವಿಷ್ಟಪಃ.
ಗಾನಜ್ಞೋ ಗಾನಕುಶಲೋ ಗಾನತತ್ತ್ವವಿವೇಚಕಃ..೪೭..

ಗಾನಶ್ಲಾಘೀ ಗಾನರಸೋ ಗಾನಜ್ಞಾನಪರಾಯಣಃ.
ಗಾನಾಗಮಜ್ಞೋ ಗಾನಾಙ್ಗೋ ಗಾನಪ್ರವಣಚೇತನಃ..೪೮..

ಗಾನಕೃದ್ಗಾನಚತುರೋ ಗಾನವಿದ್ಯಾವಿಶಾರದಃ.
ಗಾನಧ್ಯೇಯೋ ಗಾನಗಮ್ಯೋ ಗಾನಧ್ಯಾನಪರಾಯಣಃ..೪೯..

ಗಾನಭೂರ್ಗಾನಶೀಲಶ್ಚ ಗಾನಶಾಲೀ ಗತಶ್ರಮಃ.
ಗಾನವಿಜ್ಞಾನಸಮ್ಪನ್ನೋ ಗಾನಶ್ರವಣಲಾಲಸಃ..೫೦..

ಗಾನಯತ್ತೋ ಗಾನಮಯೋ ಗಾನಪ್ರಣಯವಾನ್ ಸದಾ.
ಗಾನಧ್ಯಾತಾ ಗಾನಬುದ್ಧಿರ್ಗಾನೋತ್ಸುಕಮನಾಃ ಪುನಃ..೫೧..

ಗಾನೋತ್ಸುಕೋ ಗಾನಭೂಮಿರ್ಗಾನಸೀಮಾ ಗುಣೋಜ್ಜ್ವಲಃ.
ಗಾನಙ್ಗಜ್ಞಾನವಾನ್ ಗಾನಮಾನವಾನ್ ಗಾನಪೇಶಲಃ..೫೨..

ಗಾನವತ್ಪ್ರಣಯೋ ಗಾನಸಮುದ್ರೋ ಗಾನಭೂಷಣಃ.
ಗಾನಸಿನ್ಧುರ್ಗಾನಪರೋ ಗಾನಪ್ರಾಣೋ ಗಣಾಶ್ರಯಃ..೫೩..

ಗಾನೈಕಭೂರ್ಗಾನಹೃಷ್ಟೋ ಗಾನಚಕ್ಷುರ್ಗಾಣೈಕದೃಕ್.
ಗಾನಮತ್ತೋ ಗಾನರುಚಿರ್ಗಾನವಿದ್ಗಾನವಿತ್ಪ್ರಿಯಃ..೫೪..

ಗಾನಾನ್ತರಾತ್ಮಾ ಗಾನಾಢ್ಯೋ ಗಾನಭ್ರಾಜತ್ಸಭಃ ಸದಾ.
ಗಾನಮಯೋ ಗಾನಧರೋ ಗಾನವಿದ್ಯಾವಿಶೋಧಕಃ..೫೫..

ಗಾನಾಹಿತಘ್ರೋ ಗಾನೇನ್ದ್ರೋ ಗಾನಲೀನೋ ಗತಿಪ್ರಿಯಃ.
ಗಾನಾಧೀಶೋ ಗಾನಲಯೋ ಗಾನಾಧಾರೋ ಗತೀಶ್ವರಃ..೫೬..

ಗಾನವನ್ಮಾನದೋ ಗಾನಭೂತಿರ್ಗಾನೈಕಭೂತಿಮಾನ್.
ಗಾನತಾನತತೋ ಗಾನತಾನದಾನವಿಮೋಹಿತಃ..೫೭..

ಗುರುರ್ಗುರುದರಶ್ರೋಣಿರ್ಗುರುತತ್ತ್ವಾರ್ಥದರ್ಶನಃ.
ಗುರುಸ್ತುತೋ ಗುರುಗುಣೋ ಗುರುಮಾಯೋ ಗುರುಪ್ರಿಯಃ..೫೮..

ಗುರುಕೀರ್ತಿರ್ಗುರುಭುಜೋ ಗುರುವಕ್ಷಾ ಗುರುಪ್ರಭಃ.
ಗುರುಲಕ್ಷಣಸಮ್ಪನ್ನೋ ಗುರುದ್ರೋಹಪರಾಙ್ಮುಖಃ..೫೯..

ಗುರುವಿದ್ಯೋ ಗುರುಪ್ರಾಣೋ ಗುರುಬಾಹುಬಲೋಚ್ಛ್ರಯಃ.
ಗುರುದೈತ್ಯಪ್ರಾಣಹರೋ ಗುರುದೈತ್ಯಾಪಹಾರಕಃ..೬೦..

ಗುರುಗರ್ವಹರೋ ಗುಹ್ಯಪ್ರವರೋ ಗುರುದರ್ಪಹಾ.
ಗುರುಗೌರವದಾಯೀ ಚ ಗುರುಭೀತ್ಯಪಹಾರಕಃ..೬೧..

ಗುರುಶುಣ್ಡೋ ಗುರುಸ್ಕನ್ಧೋ ಗುರುಜಙ್ಘೋ ಗುರುಪ್ರಥಃ.
ಗುರುಭಾಲೋ ಗುರುಗಲೋ ಗುರುಶ್ರೀರ್ಗುರುಗರ್ವನುತ್ ..೬೨..

ಗುರೂರುಗುರುಪೀನಾಂಸೋ ಗುರುಪ್ರಣಯಲಾಲಸಃ.
ಗುರುಮುಖ್ಯೋ ಗುರುಕುಲಸ್ಥಾಯೀ ಗುರುಗುಣಃ ಸದಾ..೬೩..

ಗುರುಸಂಶಯಭೇತ್ತಾ ಚ ಗುರುಮಾನಪ್ರದಾಯಕಃ.
ಗುರುಧರ್ಮಸದಾರಾಧ್ಯೋ ಗುರುಧರ್ಮನಿಕೇತನಃ..೬೪..

ಗುರುದೈತ್ಯಕುಲಚ್ಛೇತ್ತಾ ಗುರುಸೈನ್ಯೋ ಗುರುದ್ಯುತಿಃ.
ಗುರುಧರ್ಮಾಗ್ರಗಣ್ಯೋಽಥ ಗುರುಧರ್ಮಧುರನ್ಧರಃ.
ಗರಿಷ್ಠೋ ಗುರುಸನ್ತಾಪಶಮನೋ ಗುರುಪೂಜಿತಃ..೬೫..

ಗುರುಧರ್ಮಧರೋ ಗೌರಧರ್ಮಾಧಾರೋ ಗದಾಪಹಃ.
ಗುರುಶಾಸ್ತ್ರವಿಚಾರಜ್ಞೋ ಗುರುಶಾಸ್ತ್ರಕೃತೋದ್ಯಮಃ..೬೬..

ಗುರುಶಾಸ್ತ್ರಾರ್ಥನಿಲಯೋ ಗುರುಶಾಸ್ತ್ರಾಲಯಃ ಸದಾ.
ಗುರುಮನ್ತ್ರೋ ಗುರುಶೇಷ್ಠೋ ಗುರುಮನ್ತ್ರಫಲಪ್ರದಃ..೬೭..

ಗುರುಸ್ತ್ರೀಗಮನೋದ್ದಾಮಪ್ರಾಯಶ್ಚಿತ್ತನಿವಾರಕಃ.
ಗುರುಸಂಸಾರಸುಖದೋ ಗುರುಸಂಸಾರದುಃಖಭಿತ್..೬೮..

ಗುರುಶ್ಲಾಘಾಪರೋ ಗೌರಭಾನುಖಣ್ಡಾವತಂಸಭೃತ್.
ಗುರುಪ್ರಸನ್ನಮೂರ್ತಿಶ್ಚ ಗುರುಶಾಪವಿಮೋಚಕಃ..೬೯..

ಗುರುಕಾನ್ತಿರ್ಗುರುಮಯೋ ಗುರುಶಾಸನಪಾಲಕಃ.
ಗುರುತನ್ತ್ರೋ ಗುರುಪ್ರಜ್ಞೋ ಗುರುಭೋ ಗುರುದೈವತಮ್..೭೦..

ಗುರುವಿಕ್ರಮಸಞ್ಚಾರೋ ಗುರುದೃಗ್ಗುರುವಿಕ್ರಮಃ.
ಗುರುಕ್ರಮೋ ಗುರುಪ್ರೇಷ್ಠೋ ಗುರುಪಾಖಣ್ಡಖಣ್ಡಕಃ..೭೧..

ಗುರುಗರ್ಜಿತಸಮ್ಪೂರ್ಣಬ್ರಹ್ಮಾಣ್ಡೋ ಗುರುಗರ್ಜಿತಃ.
ಗುರುಪುತ್ರಪ್ರಿಯಸಖೋ ಗುರುಪುತ್ರಭಯಾಪಹಃ..೭೨..

ಗುರುಪುತ್ರಪರಿತ್ರಾತಾ ಗುರುಪುತ್ರವರಪ್ರದಃ.
ಗುರುಪುತ್ರಾರ್ತಿಶಮನೋ ಗುರುಪುತ್ರಾಧಿನಾಶನಃ..೭೩..

ಗುರುಪುತ್ರಪ್ರಾಣದಾತಾ ಗುರುಭಕ್ತಿಪರಾಯಣಃ.
ಗುರುವಿಜ್ಞಾನವಿಭವೋ ಗೌರಭಾನುವರಪ್ರದಃ..೭೪..

ಗೌರಭಾನುಸ್ತುತೋ ಗೌರಭಾನುತ್ರಾಸಾಪಹಾರಕಃ.
ಗೌರಭಾನುಪ್ರಿಯೋ ಗೌರಭಾನುರ್ಗೌರವವರ್ಧನಃ..೭೫..

ಗೌರಭಾನುಪರಿತ್ರಾತಾ ಗೌರಭಾನುಸಖಃ ಸದಾ.
ಗೌರಭಾನುರ್ಪ್ರಭುರ್ಗೌರಭಾನುಭೀತಿಪ್ರಣಶನಃ..೭೬..

ಗೌರೀತೇಜಃಸಮುತ್ಪನ್ನೋ ಗೌರೀಹೃದಯನನ್ದನಃ.
ಗೌರೀಸ್ತನನ್ಧಯೋ ಗೌರೀಮನೋವಾಞ್ಛಿತಸಿದ್ಧಿಕೃತ್..೭೭..

ಗೌರೋ ಗೌರಗುಣೋ ಗೌರಪ್ರಕಾಶೋ ಗೌರಭೈರವಃ.
ಗೌರೀಶನನ್ದನೋ ಗೌರೀಪ್ರಿಯಪುತ್ರೋ ಗದಾಧರಃ..೭೮..

ಗೌರೀವರಪ್ರದೋ ಗೌರೀಪ್ರಣಯೋ ಗೌರಸಚ್ಛವಿಃ.
ಗೌರೀಗಣೇಶ್ವರೋ ಗೌರೀಪ್ರವಣೋ ಗೌರಭಾವನಃ..೭೯..

ಗೌರಾತ್ಮಾ ಗೌರಕೀರ್ತಿಶ್ಚ ಗೌರಭಾವೋ ಗರಿಷ್ಠದೃಕ್.
ಗೌತಮೋ ಗೌತಮೀನಾಥೋ ಗೌತಮೀಪ್ರಾಣವಲ್ಲಭಃ..೮೦..

ಗೌತಮಾಭೀಷ್ಟವರದೋ ಗೌತಮಾಭಯದಾಯಕಃ.
ಗೌತಮಪ್ರಣಯಪ್ರಹ್ವೋ ಗೌತಮಾಶ್ರಮದುಃಖಹಾ..೮೧..

ಗೌತಮೀತೀರಸಞ್ಚಾರೀ ಗೌತಮೀತೀರ್ಥನಾಯಕಃ.
ಗೌತಮಾಪತ್ಪರಿಹಾರೋ ಗೌತಮಾಧಿವಿನಾಶನಃ..೮೨..

ಗೋಪತಿರ್ಗೋಧನೋ ಗೋಪೋ ಗೋಪಾಲಪ್ರಿಯದರ್ಶನಃ.
ಗೋಪಾಲೋ ಗೋಗಣಾಧೀಶೋ ಗೋಕಶ್ಮಲನಿವರ್ತಕಃ..೮೩..

ಗೋಸಹಸ್ರೋ ಗೋಪವರೋ ಗೋಪಗೋಪೀಸುಖಾವಹಃ.
ಗೋವರ್ಧನೋ ಗೋಪಗೋಪೋ ಗೋಪೋ ಗೋಕುಲವರ್ಧನಃ..೮೪..

ಗೋಚರೋ ಗೋಚರಾಧ್ಯಕ್ಷೋ ಗೋಚರಪ್ರೀತಿವೃದ್ಧಿಕೃತ್.
ಗೋಮೀ ಗೋಕಷ್ಟಸನ್ತ್ರಾತಾ ಗೋಸನ್ತಾಪನಿವರ್ತಕಃ..೮೫..

ಗೋಷ್ಠೋ ಗೋಷ್ಠಾಶ್ರಯೋ ಗೋಷ್ಠಪತಿರ್ಗೋಧನವರ್ಧನಃ.
ಗೋಷ್ಠಪ್ರಿಯೋ ಗೋಷ್ಠಮಯೋ ಗೋಷ್ಠಾಮಯನಿವರ್ತಕಃ..೮೬..

ಗೋಲೋಕೋ ಗೋಲಕೋ ಗೋಭೃದ್ಗೋಭರ್ತಾ ಗೋಸುಖಾವಹಃ.
ಗೋಧುಗ್ಗೋಧುಗ್ಗಣಪ್ರೇಷ್ಠೋ ಗೋದೋಗ್ಧಾ ಗೋಮಯಪ್ರಿಯಃ..೮೭..

ಗೋತ್ರಂ ಗೋತ್ರಪತಿರ್ಗೋತ್ರಪ್ರಭುರ್ಗೋತ್ರಭಯಾಪಹಃ.
ಗೋತ್ರವೃದ್ಧಿಕರೋ ಗೋತ್ರಪ್ರಿಯೋ ಗೋತ್ರಾರ್ತಿನಾಶನಃ..೮೮..

ಗೋತ್ರೋದ್ಧಾರಪರೋ ಗೋತ್ರಪ್ರವರೋ ಗೋತ್ರದೈವತಮ್.
ಗೋತ್ರವಿಖ್ಯಾತನಾಮಾ ಚ ಗೋತ್ರೀ ಗೋತ್ರಪ್ರಪಾಲಕಃ..೮೯..

ಗೋತ್ರಸೇತುರ್ಗೋತ್ರಕೇತುರ್ಗೋತ್ರಹೇತುರ್ಗತಕ್ಲಮಃ.
ಗೋತ್ರತ್ರಾಣಕರೋ ಗೋತ್ರಪತಿರ್ಗೋತ್ರೇಶಪೂಜಿತಃ..೯೦..

ಗೋತ್ರಭಿದ್ಗೋತ್ರಭಿತ್ತ್ರಾತಾ ಗೋತ್ರಭಿದ್ವರದಾಯಕಃ.
ಗೋತ್ರಭಿತ್ಪೂಜಿತಪದೋ ಗೋತ್ರಭಿಚ್ಛತ್ರುಸೂದನಃ..೯೧..

ಗೋತ್ರಭಿತ್ಪ್ರೀತಿದೋ ನಿತ್ಯಂ ಗೋತ್ರಭಿದ್ಗೋತ್ರಪಾಲಕಃ.
ಗೋತ್ರಭಿದ್ಗೀತಚರಿತೋ ಗೋತ್ರಭಿದ್ರಾಜ್ಯರಕ್ಷಕಃ..೯೨..

ಗೋತ್ರಭಿಜ್ಜಯದಾಯೀ ಚ ಗೋತ್ರಭಿತ್ಪ್ರಣಯಃ ಸದಾ.
ಗೋತ್ರಭಿದ್ಭಯಸಮ್ಭೇತ್ತಾ ಗೋತ್ರಭಿನ್ಮಾನದಾಯಕಃ..೯೩..

ಗೋತ್ರಭಿದ್ಗೋಪನಪರೋ ಗೋತ್ರಭಿತ್ಸೈನ್ಯನಾಯಕಃ.
ಗೋತ್ರಾಧಿಪಪ್ರಿಯೋ ಗೋತ್ರಪುತ್ರೀಪುತ್ರೋ ಗಿರಿಪ್ರಿಯಃ..೯೪..

ಗ್ರನ್ಥಜ್ಞೋ ಗ್ರನ್ಥಕೃದ್ಗ್ರನ್ಥಗ್ರನ್ಥಿಭಿದ್ಗ್ರನ್ಥವಿಘ್ನಹಾ.
ಗ್ರನ್ಥಾದಿರ್ಗ್ರನ್ಥಸಞ್ಚಾರೋ ಗ್ರನ್ಥಶ್ರವಣಲೋಲುಪಃ..೯೫..

ಗ್ರನ್ಥಾದೀನಕ್ರಿಯೋ ಗ್ರನ್ಥಪ್ರಿಯೋ ಗ್ರನ್ಥಾರ್ಥತತ್ತ್ವವಿತ್.
ಗ್ರನ್ಥಸಂಶಯಸಞ್ಛೇದೀ ಗ್ರನ್ಥವಕ್ತಾ ಗ್ರಹಾಗ್ರಣೀಃ..೯೬..

ಗ್ರನ್ಥಗೀತಗುಣೋ ಗ್ರನ್ಥಗೀತೋ ಗ್ರನ್ಥಾದಿಪೂಜಿತಃ.
ಗ್ರನ್ಥಾರಮ್ಭಸ್ತುತೋ ಗ್ರನ್ಥಗ್ರಾಹೀ ಗ್ರನ್ಥಾರ್ಥಪಾರದೃಕ್..೯೭..

ಗ್ರನ್ಥದೃಗ್ಗ್ರನ್ಥವಿಜ್ಞಾನೋ ಗ್ರನ್ಥಸನ್ದರ್ಭಷೋಧಕಃ.
ಗ್ರನ್ಥಕೃತ್ಪೂಜಿತೋ ಗ್ರನ್ಥಕರೋ ಗ್ರನ್ಥಪರಾಯಣಃ..೯೮..

ಗ್ರನ್ಥಪಾರಾಯಣಪರೋ ಗ್ರನ್ಥಸನ್ದೇಹಭಞ್ಜಕಃ.
ಗ್ರನ್ಥಕೃದ್ವರದಾತಾ ಚ ಗ್ರನ್ಥಕೃದ್ವನ್ದಿತಃ ಸದಾ..೯೯..

ಗ್ರನ್ಥಾನುರಕ್ತೋ ಗ್ರನ್ಥಜ್ಞೋ ಗ್ರನ್ಥಾನುಗ್ರಹದಾಯಕಃ.
ಗ್ರನ್ಥಾನ್ತರಾತ್ಮಾ ಗ್ರನ್ಥಾರ್ಥಪಣ್ಡಿತೋ ಗ್ರನ್ಥಸೌಹೃದಃ..೧೦೦..

ಗ್ರನ್ಥಪಾರಙ್ಗಮೋ ಗ್ರನ್ಥಗುಣವಿದ್ಗ್ರನ್ಥವಿಗ್ರಹಃ.
ಗ್ರನ್ಥಸೇತುರ್ಗ್ರನ್ಥಹೇತುರ್ಗ್ರನ್ಥಕೇತುರ್ಗ್ರಹಾಗ್ರಗಃ..೧೦೧..

ಗ್ರನ್ಥಪೂಜ್ಯೋ ಗ್ರನ್ಥಗೇಯೋ ಗ್ರನ್ಥಗ್ರಥನಲಾಲಸಃ.
ಗ್ರನ್ಥಭೂಮಿರ್ಗ್ರಹಶ್ರೇಷ್ಠೋ ಗ್ರಹಕೇತುರ್ಗ್ರಹಾಶ್ರಯಃ..೧೦೨..

ಗ್ರನ್ಥಕಾರೋ ಗ್ರನ್ಥಕಾರಮಾನ್ಯೋ ಗ್ರನ್ಥಪ್ರಸಾರಕಃ.
ಗ್ರನ್ಥಶ್ರಮಜ್ಞೋ ಗ್ರನ್ಥಾಙ್ಗೋ ಗ್ರನ್ಥಭ್ರಮನಿವಾರಕಃ..೧೦೩..

ಗ್ರನ್ಥಪ್ರವಣಸರ್ವಾಙ್ಗೋ ಗ್ರನ್ಥಪ್ರಣಯತತ್ಪರಃ.
ಗೀತಂ ಗೀತಗುಣೋ ಗೀತಕೀರ್ತಿರ್ಗೀತವಿಶಾರದಃ..೧೦೪..

ಗೀತಸ್ಫೀತಯಶಾ ಗೀತಪ್ರಣಯೋ ಗೀತಚಞ್ಚುರಃ.
ಗೀತಪ್ರಸನ್ನೋ ಗೀತಾತ್ಮಾ ಗೀತಲೋಲೋ ಗತಸ್ಪೃಹಃ..೧೦೫..

ಗೀತಾಶ್ರಯೋ ಗೀತಮಯೋ ಗೀತತತ್ತ್ವಾರ್ಥಕೋವಿದಃ.
ಗೀತಸಂಶಯಸಞ್ಛೇತ್ತಾ ಗೀತಸಙ್ಗೀತಶಾಶನಃ..೧೦೬..

ಗೀತಾರ್ಥಜ್ಞೋ ಗೀತತತ್ತ್ವೋ ಗೀತಾತತ್ತ್ವಂ ಗತಾಶ್ರಯಃ.
ಗೀತಾಸಾರೋಽಥ ಗೀತಾಕೃದ್ಗೀತಾಕೃದ್ವಿಘ್ನನಾಶನಃ..೧೦೭..

ಗೀತಾಶಕ್ತೋ ಗೀತಲೀನೋ ಗೀತಾವಿಗತಸಞ್ಜ್ವರಃ.
ಗೀತೈಕದೃಗ್ಗೀತಭೂತಿರ್ಗೀತಪ್ರೀತೋ ಗತಾಲಸಃ..೧೦೮..

ಗೀತವಾದ್ಯಪಟುರ್ಗೀತಪ್ರಭುರ್ಗೀತಾರ್ಥತತ್ತ್ವವಿತ್.
ಗೀತಾಗೀತವಿವೇಕಜ್ಞೋ ಗೀತಾಪ್ರವಣಚೇತನಃ..೧೦೯..

ಗತಭೀರ್ಗತವಿದ್ವೇಷೋ ಗತಸಂಸಾರಬನ್ಧನಃ.
ಗತಮಾಯೋ ಗತತ್ರಾಸೋ ಗತದುಃಖೋ ಗತಜ್ವರಃ..೧೧೦..

ಗತಾಸುಹೃದ್ಗತಜ್ಞಾನೋ ಗತದುಷ್ಟಾಶಯೋ ಗತಃ.
ಗತಾರ್ತಿರ್ಗತಸಙ್ಕಲ್ಪೋ ಗತದುಷ್ಟವಿಚೇಷ್ಟಿತಃ..೧೧೧..

ಗತಾಹಙ್ಕಾರಸಞ್ಚಾರೋ ಗತದರ್ಪೋ ಗತಾಹಿತಃ.
ಗತವಿಘ್ನೋ ಗತಭಯೋ ಗತಾಗತನಿವಾರಕಃ..೧೧೨..

ಗತವ್ಯಥೋ ಗತಾಪಾಯೋ ಗತದೋಷೋ ಗತೇಃ ಪರಃ.
ಗತಸರ್ವವಿಕಾರೋಽಥ ಗತಗಞ್ಜಿತಕುಞ್ಜರಃ..೧೧೩..

ಗತಕಮ್ಪಿತಭೂಪೃಷ್ಠೋ ಗತರುಗ್ಗತಕಲ್ಮಷಃ.
ಗತದೈನ್ಯೋ ಗತಸ್ತೈನ್ಯೋ ಗತಮಾನೋ ಗತಶ್ರಮಃ..೧೧೪..

ಗತಕ್ರೋಧೋ ಗತಗ್ಲಾನಿರ್ಗತಮ್ಲಾನೋ ಗತಭ್ರಮಃ.
ಗತಾಭಾವೋ ಗತಭವೋ ಗತತತ್ತ್ವಾರ್ಥಸಂಶಯಃ..೧೧೫..

ಗಯಾಸುರಶಿರಶ್ಛೇತ್ತಾ ಗಯಾಸುರವರಪ್ರದಃ.
ಗಯಾವಾಸೋ ಗಯಾನಾಥೋ ಗಯಾವಾಸಿನಮಸ್ಕೃತಃ..೧೧೬..

ಗಯಾತೀರ್ಥಫಲಾಧ್ಯಕ್ಷೋ ಗಯಾಯಾತ್ರಾಫಲಪ್ರದಃ.
ಗಯಾಮಯೋ ಗಯಾಕ್ಷೇತ್ರಂ ಗಯಾಕ್ಷೇತ್ರನಿವಾಸಕೃತ್..೧೧೭..

ಗಯಾವಾಸಿಸ್ತುತೋ ಗಯಾನ್ಮಧುವ್ರತಲಸತ್ಕಟಃ.
ಗಾಯಕೋ ಗಾಯಕವರೋ ಗಾಯಕೇಷ್ಟಫಲಪ್ರದಃ..೧೧೮..

ಗಾಯಕಪ್ರಣಯೀ ಗಾತಾ ಗಾಯಕಾಭಯದಾಯಕಃ.
ಗಾಯಕಪ್ರವಣಸ್ವಾನ್ತೋ ಗಾಯಕಃ ಪ್ರಥಮಃ ಸದಾ..೧೧೯..

ಗಾಯಕೋದ್ಗೀತಸಮ್ಪ್ರೀತೋ ಗಾಯಕೋತ್ಕಟವಿಘ್ನಹಾ.
ಗಾನಗೇಯೋ ಗಾನಕೇಶೋ ಗಾಯಕಾನ್ತರಸಞ್ಚರಃ..೧೨೦..

ಗಾಯಕಪ್ರಿಯದಃ ಶಶ್ವದ್ಗಾಯಕಾಧೀನವಿಗ್ರಹಃ.
ಗೇಯೋ ಗೇಯಗುಣೋ ಗೇಯಚರಿತೋ ಗೇಯತತ್ತ್ವವಿತ್..೧೨೧..

ಗಾಯಕತ್ರಾಸಹಾ ಗ್ರನ್ಥೋ ಗ್ರನ್ಥತತ್ತ್ವವಿವೇಚಕಃ.
ಗಾಢಾನುರಾಗೋ ಗಾಢಾಙ್ಗೋ ಗಾಢಾಗಙ್ಗಾಜಲೋಽನ್ವಹಮ್..೧೨೨..

ಗಾಢಾವಗಾಢಜಲಧಿರ್ಗಾಢಪ್ರಜ್ಞೋ ಗತಾಮಯಃ.
ಗಾಢಪ್ರತ್ಯರ್ಥಿಸೈನ್ಯೋಽಥ ಗಾಢಾನುಗ್ರಹತತ್ಪರಃ..೧೨೩..

ಗಾಢಶ್ಲೇಷರಸಾಭಿಜ್ಞೋ ಗಾಢನಿರ್ವೃತಿಸಾಧಕಃ.
ಗಙ್ಗಾಧರೇಷ್ಟವರದೋ ಗಙ್ಗಾಧರಭಯಾಪಹಃ..೧೨೪..

ಗಙ್ಗಾಧರಗುರುರ್ಗಙ್ಗಾಧರಧ್ಯಾತಪದಃ ಸದಾ.
ಗಙ್ಗಾಧರಸ್ತುತೋ ಗಙ್ಗಾಧರಾರಾಧ್ಯೋ ಗತಸ್ಮಯಃ..೧೨೫..

ಗಙ್ಗಾಧರಪ್ರಿಯೋ ಗಙ್ಗಾಧರೋ ಗಙ್ಗಾಮ್ಬುಸುನ್ದರಃ.
ಗಙ್ಗಾಜಲರಸಾಸ್ವಾದಚತುರೋ ಗಾಙ್ಗತೀರಯಃ..೧೨೬..

ಗಙ್ಗಾಜಲಪ್ರಣಯವಾನ್ ಗಙ್ಗಾತೀರವಿಹಾರಕೃತ್.
ಗಙ್ಗಾಪ್ರಿಯೋ ಗಙ್ಗಾಜಲಾವಗಾಹನಪರಃ ಸದಾ..೧೨೭..

ಗನ್ಧಮಾದನಸಂವಾಸೋ ಗನ್ಧಮಾದನಕೇಲಿಕೃತ್.
ಗನ್ಧಾನುಲಿಪ್ತಸರ್ವಾಙ್ಗೋ ಗನ್ಧಲುಬ್ಧಮಧುವ್ರತಃ..೧೨೮..

ಗನ್ಧೋ ಗನ್ಧರ್ವರಾಜೋಽಥ ಗನ್ಧರ್ವಪ್ರಿಯಕೃತ್ ಸದಾ.
ಗನ್ಧರ್ವವಿದ್ಯಾತತ್ತ್ವಜ್ಞೋ ಗನ್ಧರ್ವಪ್ರೀತಿವರ್ಧನಃ..೧೨೯..

ಗಕಾರಬೀಜನಿಲಯೋ ಗಕಾರೋ ಗರ್ವಿಗರ್ವನುತ್.
ಗನ್ಧರ್ವಗಣಸಂಸೇವ್ಯೋ ಗನ್ಧರ್ವವರದಾಯಕಃ..೧೩೦..

ಗನ್ಧರ್ವೋ ಗನ್ಧಮಾತಙ್ಗೋ ಗನ್ಧರ್ವಕುಲದೈವತಮ್.
ಗನ್ಧರ್ವಗರ್ವಸಞ್ಛೇತ್ತಾ ಗನ್ಧರ್ವವರದರ್ಪಹಾ..೧೩೧..

ಗನ್ಧರ್ವಪ್ರವಣಸ್ವಾನ್ತೋ ಗನ್ಧರ್ವಗಣಸಂಸ್ತುತಃ.
ಗನ್ಧರ್ವಾರ್ಚಿತಪಾದಾಬ್ಜೋ ಗನ್ಧರ್ವಭಯಹಾರಕಃ..೧೩೨..

ಗನ್ಧರ್ವಾಭಯದಃ ಶಶ್ವದ್ ಗನ್ಧರ್ವಪ್ರತಿಪಾಲಕಃ.
ಗನ್ಧರ್ವಗೀತಚರಿತೋ ಗನ್ಧರ್ವಪ್ರಣಯೋತ್ಸುಕಃ..೧೩೩..

ಗನ್ಧರ್ವಗಾನಶ್ರವಣಪ್ರಣಯೀ ಗರ್ವಭಞ್ಜನಃ.
ಗನ್ಧರ್ವತ್ರಾಣಸನ್ನದ್ಧೋ ಗನ್ಧರ್ವಸಮರಕ್ಷಮಃ..೧೩೪..

ಗನ್ಧರ್ವಸ್ತ್ರೀಭಿರಾರಾಧ್ಯೋ ಗಾನಂ ಗಾನಪಟುಃ ಸದಾ.
ಗಚ್ಛೋ ಗಚ್ಛಪತಿರ್ಗಚ್ಛನಾಯಕೋ ಗಚ್ಛಗರ್ವಹಾ..೧೩೫..

ಗಚ್ಛರಾಜೋಽಥ ಗಚ್ಛೇಶೋ ಗಚ್ಛರಾಜನಮಸ್ಕೃತಃ.
ಗಚ್ಛಪ್ರಿಯೋ ಗಚ್ಛಗುರುರ್ಗಚ್ಛತ್ರಾಣಕೃತೋದ್ಯಮಃ..೧೩೬..

ಗಚ್ಛಪ್ರಭುರ್ಗಚ್ಛಚರೋ ಗಚ್ಛಪ್ರಿಯಕೃತೋದ್ಯಮಃ.
ಗಚ್ಛಗೀತಗುಣೋ ಗಚ್ಛಮರ್ಯಾದಾಪ್ರತಿಪಾಲಕಃ..೧೩೭..

ಗಚ್ಛಧಾತಾ ಗಚ್ಛಭರ್ತಾ ಗಚ್ಛವನ್ದ್ಯೋ ಗುರೋರ್ಗುರುಃ.
ಗೃತ್ಸೋ ಗೃತ್ಸಮದೋ ಗೃತ್ಸಮದಾಭೀಷ್ಟವರಪ್ರದಃ..೧೩೮..

ಗೀರ್ವಾಣಗೀತಚರಿತೋ ಗೀರ್ವಾಣಗಣಸೇವಿತಃ.
ಗೀರ್ವಾಣವರದಾತಾ ಚ ಗೀರ್ವಾಣಭಯನಾಶಕೃತ್..೧೩೯..

ಗೀರ್ವಾಣಗುಣಸಂವೀತೋ ಗೀರ್ವಾಣಾರಾತಿಸೂದನಃ.
ಗೀರ್ವಾಣಧಾಮ ಗೀರ್ವಾಣಗೋಪ್ತಾ ಗೀರ್ವಾಣಗರ್ವಹೃತ್..೧೪೦..

ಗೀರ್ವಾಣಾರ್ತಿಹರೋ ನಿತ್ಯಂ ಗೀರ್ವಾಣವರದಾಯಕಃ.
ಗೀರ್ವಾಣಶರಣಂ ಗೀತನಾಮಾ ಗೀರ್ವಾಣಸುನ್ದರಃ..೧೪೧..

ಗೀರ್ವಾಣಪ್ರಾಣದೋ ಗನ್ತಾ ಗೀರ್ವಾಣಾನೀಕರಕ್ಷಕಃ.
ಗುಹೇಹಾಪೂರಕೋ ಗನ್ಧಮತ್ತೋ ಗೀರ್ವಾಣಪುಷ್ಟಿದಃ..೧೪೨..

ಗೀರ್ವಾಣಪ್ರಯುತತ್ರಾತಾ ಗೀತಗೋತ್ರೋ ಗತಾಹಿತಃ.
ಗೀರ್ವಾಣಸೇವಿತಪದೋ ಗೀರ್ವಾಣಪ್ರಥಿತೋ ಗಲತ್..೧೪೩..

ಗೀರ್ವಾಣಗೋತ್ರಪ್ರವರೋ ಗೀರ್ವಾಣಫಲದಾಯಕಃ.
ಗೀರ್ವಾಣಪ್ರಿಯಕರ್ತಾ ಚ ಗೀರ್ವಾಣಾಗಮಸಾರವಿತ್..೧೪೪..

ಗೀರ್ವಾಣಾಗಮಸಮ್ಪತ್ತಿರ್ಗೀರ್ವಾಣವ್ಯಸನಾಪಹಹ್.
ಗೀರ್ವಾಣಪ್ರಣಯೋ ಗೀತಗ್ರಹಣೋತ್ಸುಕಮಾನಸಃ..೧೪೫..

ಗೀರ್ವಾಣಭ್ರಮಸಮ್ಭೇತ್ತಾ ಗೀರ್ವಾಣಗುರುಪೂಜಿತಃ.
ಗ್ರಹೋ ಗ್ರಹಪತಿರ್ಗ್ರಾಹೋ ಗ್ರಹಪೀಡಾಪ್ರಣಾಶನಃ..೧೪೬..

ಗ್ರಹಸ್ತುತೋ ಗ್ರಹಾಧ್ಯಕ್ಷೋ ಗ್ರಹೇಶೋ ಗ್ರಹದೈವತಮ್.
ಗ್ರಹಕೃದ್ಗ್ರಹಭರ್ತಾ ಚ ಗ್ರಹೇಶಾನೋ ಗ್ರಹೇಶ್ವರಃ..೧೪೭..

ಗ್ರಹಾರಾಧ್ಯೋ ಗ್ರಹತ್ರಾತಾ ಗ್ರಹಗೋಪ್ತಾ ಗ್ರಹೋತ್ಕಟಃ.
ಗ್ರಹಗೀತಗುಣೋ ಗ್ರನ್ಥಪ್ರಣೇತಾ ಗ್ರಹವನ್ದಿತಃ..೧೪೮..

ಗವೀ ಗವೀಶ್ವರೋ ಗರ್ವೀ ಗರ್ವಿಷ್ಠೋ ಗರ್ವಿಗರ್ವಹಾ.
ಗವಾಮ್ಪ್ರಿಯೋ ಗವಾನ್ನಾಥೋ ಗವೀಶಾನೋ ಗವಾಮ್ಪತೀ..೧೪೯..

ಗವ್ಯಪ್ರಿಯೋ ಗವಾಙ್ಗೋಪ್ತಾ ಗವಿಸಮ್ಪತ್ತಿಸಾಧಕಃ.
ಗವಿರಕ್ಷಣಸನ್ನದ್ಧೋ ಗವಾಂಭಯಹರಃ ಕ್ಷಣಾತ್..೧೫೦..

ಗವಿಗರ್ವಹರೋ ಗೋದೋ ಗೋಪ್ರದೋ ಗೋಜಯಪ್ರದಃ.
ಗಜಾಯುತಬಲೋ ಗಣ್ಡಗುಞ್ಜನ್ಮತ್ತಮಧುವ್ರತಃ..೧೫೧..

ಗಣ್ಡಸ್ಥಲಲಸದ್ದಾನಮಿಳನ್ಮತ್ತಾಳಿಮಣ್ಡಿತಃ.
ಗುಡೋ ಗುಡಪ್ರಿಯೋ ಗುಣ್ಡಗಳದ್ದಾನೋ ಗುಡಾಶನಃ..೧೫೨..

ಗುಡಾಕೇಶೋ ಗುಡಾಕೇಶಸಹಾಯೋ ಗುಡಲಡ್ಡುಭುಕ್.
ಗುಡಭುಗ್ಗುಡಭುಗ್ಗಣಯೋ ಗುಡಾಕೇಶವರಪ್ರದಃ..೧೫೩..

ಗುಡಾಕೇಶಾರ್ಚಿತಪದೋ ಗುಡಾಕೇಶಸಖಃ ಸದಾ.
ಗದಾಧರಾರ್ಚಿತಪದೋ ಗದಾಧರವರಪ್ರದಃ..೧೫೪..

ಗದಾಯುಧೋ ಗದಾಪಾಣಿರ್ಗದಾಯುದ್ಧವಿಶಾರದಃ.
ಗದಹಾ ಗದದರ್ಪಘ್ನೋ ಗದಗರ್ವಪ್ರಣಾಶನಃ..೧೫೫..

ಗದಗ್ರಸ್ತಪರಿತ್ರಾತಾ ಗದಾಡಮ್ಬರಖಣ್ಡಕಃ.
ಗುಹೋ ಗುಹಾಗ್ರಜೋ ಗುಪ್ತೋ ಗುಹಾಶಾಯೀ ಗುಹಾಶಯಃ..೧೫೬..

ಗುಹಪ್ರೀತಿಕರೋ ಗೂಢೋ ಗೂಢಗುಲ್ಫೋ ಗುಣೈಕದೃಕ್.
ಗೀರ್ಗೀಷ್ಪತಿರ್ಗಿರೀಶಾನೋ ಗೀರ್ದೇವೀಗೀತಸದ್ಗುಣಃ..೧೫೭..

ಗೀರ್ದೇವೋ ಗೀಷ್ಪ್ರಿಯೋ ಗೀರ್ಭೂರ್ಗೀರಾತ್ಮಾ ಗೀಷ್ಪ್ರಿಯಙ್ಕರಃ.
ಗೀರ್ಭೂಮಿರ್ಗೀರಸನ್ನೋಽಥ ಗೀಃಪ್ರಸನ್ನೋ ಗಿರೀಶ್ವರಃ..೧೫೮..

ಗಿರೀಶಜೋ ಗಿರೌಶಾಯೀ ಗಿರಿರಾಜಸುಖಾವಹಃ.
ಗಿರಿರಾಜಾರ್ಚಿತಪದೋ ಗಿರಿರಾಜನಮಸ್ಕೃತಃ..೧೫೯..

ಗಿರಿರಾಜಗುಹಾವಿಷ್ಟೋ ಗಿರಿರಾಜಾಭಯಪ್ರದಃ.
ಗಿರಿರಾಜೇಷ್ಟವರದೋ ಗಿರಿರಾಜಪ್ರಪಾಲಕಃ..೧೬೦..

ಗಿರಿರಾಜಸುತಾಸೂನುರ್ಗಿರಿರಾಜಜಯಪ್ರದಃ.
ಗಿರಿವ್ರಜವನಸ್ಥಾಯೀ ಗಿರಿವ್ರಜಚರಃ ಸದಾ..೧೬೧..

ಗರ್ಗೋ ಗರ್ಗಪ್ರಿಯೋ ಗರ್ಗದೇಹೋ ಗರ್ಗನಮಸ್ಕೃತಃ.
ಗರ್ಗಭೀತಿಹರೋ ಗರ್ಗವರದೋ ಗರ್ಗಸಂಸ್ತುತಃ..೧೬೨..

ಗರ್ಗಗೀತಪ್ರಸನ್ನಾತ್ಮಾ ಗರ್ಗಾನನ್ದಕರಃ ಸದಾ.
ಗರ್ಗಪ್ರಿಯೋ ಗರ್ಗಮಾನಪ್ರದೋ ಗರ್ಗಾರಿಭಞ್ಜಕಃ..೧೬೩..

ಗರ್ಗವರ್ಗಪರಿತ್ರಾತಾ ಗರ್ಗಸಿದ್ಧಿಪ್ರದಾಯಕಃ.
ಗರ್ಗಗ್ಲಾನಿಹರೋ ಗರ್ಗಭ್ರಮಹೃದ್ಗರ್ಗಸಙ್ಗತಃ..೧೬೪..

ಗರ್ಗಾಚಾರ್ಯೋ ಗರ್ಗಮುನಿರ್ಗರ್ಗಸಮ್ಮಾನಭಾಜನಃ.
ಗಮ್ಭೀರೋ ಗಣಿತಪ್ರಜ್ಞೋ ಗಣಿತಾಗಮಸಾರವಿತ್..೧೬೫..

ಗಣಕೋ ಗಣಕಶ್ಲಾಘ್ಯೋ ಗಣಕಪ್ರಣಯೋತ್ಸುಕಃ.
ಗಣಕಪ್ರವಣಸ್ವಾನ್ತೋ ಗಣಿತೋ ಗಣಿತಾಗಮಃ..೧೬೬..

ಗದ್ಯಂ ಗದ್ಯಮಯೋ ಗದ್ಯಪದ್ಯವಿದ್ಯಾವಿಶಾರದಃ.
ಗಲಲಗ್ನಮಹಾನಾಗೋ ಗಲದರ್ಚಿರ್ಗಲಸನ್ಮದಃ..೧೬೭..

ಗಲತ್ಕುಷ್ಠಿವ್ಯಥಾಹನ್ತಾ ಗಲತ್ಕುಷ್ಠಿಸುಖಪ್ರದಃ.
ಗಮ್ಭೀರನಾಭಿರ್ಗಮ್ಭೀರಸ್ವರೋ ಗಮ್ಭೀರಲೋಚನಃ..೧೬೮..

ಗಮ್ಭೀರಗುಣಸಮ್ಪನ್ನೋ ಗಮ್ಭೀರಗತಿಶೋಭನಃ.
ಗರ್ಭಪ್ರದೋ ಗರ್ಭರೂಪೋ ಗರ್ಭಾಪದ್ವಿನಿವಾರಕಃ..೧೬೯..

ಗರ್ಭಾಗಮನಸನ್ನಾಶೋ ಗರ್ಭದೋ ಗರ್ಭಶೋಕನುತ್.
ಗರ್ಭತ್ರಾತಾ ಗರ್ಭಗೋಪ್ತ ಗರ್ಭಪುಷ್ಟಿಕರಃ ಸದಾ..೧೭೦..

ಗರ್ಭಾಶ್ರಯೋ ಗರ್ಭಮಯೋ ಗರ್ಭಾಮಯನಿವಾರಕಃ.
ಗರ್ಭಾಧಾರೋ ಗರ್ಭಧರೋ ಗರ್ಭಸನ್ತೋಷಸಾಧಕಃ..೧೭೧..

ಗರ್ಭಗೌರವಸನ್ಧಾನಸನ್ಧಾನಂ ಗರ್ಭವರ್ಗಹೃತ್.
ಗರೀಯಾನ್ ಗರ್ವನುದ್ಗರ್ವಮರ್ದೀ ಗರದಮರ್ದಕಃ..೧೭೨..

ಫಲಶ್ರುತಿಃ
ಗರಸನ್ತಾಪಶಮನೋ ಗುರುರಾಜ್ಯಸುಖಪ್ರದಃ.
ನಾಮ್ನಾಂ ಸಹಸ್ರಮುದಿತಂ ಮಹದ್ಗಣಪತೇರಿದಮ್..೧೭೪..

ಗಕಾರಾದಿ ಜಗದ್ವನ್ದ್ಯಂ ಗೋಪನೀಯಂ ಪ್ರಯತ್ನತಃ.
ಯ ಇದಂ ಪ್ರಯತಃ ಪ್ರಾತಸ್ತ್ರಿಸನ್ಧ್ಯಂ ವಾ ಪಠೇನ್ನರಃ..೧೭೩..

ವಾಞ್ಛಿತಂ ಸಮವಾಪ್ನೋತಿ ನಾತ್ರ ಕಾರ್ಯಾ ವಿಚಾರಣಾ.
ಪುತ್ರಾರ್ಥೀ ಲಭತೇ ಪುತ್ರಾನ್ ಧನಾರ್ಥೀ ಲಭತೇ ಧನಮ್..೧೭೪..

ವಿದ್ಯಾರ್ಥೀ ಲಭತೇ ವಿದ್ಯಾಂ ಸತ್ಯಂ ಸತ್ಯಂ ನ ಸಂಶಯಃ.
ಭೂರ್ಜತ್ವಚಿ ಸಮಾಲಿಖ್ಯ ಕುಙ್ಕುಮೇನ ಸಮಾಹಿತಃ..೧೭೫..

ಚತುರ್ಥಾಂ ಭೌಮವಾರೋ ಚ ಚನ್ದ್ರಸೂರ್ಯೋಪರಾಗಕೇ.
ಪೂಜಯಿತ್ವಾ ಗಣಧೀಶಂ ಯಥೋಕ್ತವಿಧಿನಾ ಪುರಾ..೧೭೬..

ಪೂಜಯೇದ್ ಯೋ ಯಥಾಶಕ್ತ್ಯಾ ಜುಹುಯಾಚ್ಚ ಶಮೀದಲೈಃ.
ಗುರುಂ ಸಮ್ಪೂಜ್ಯ ವಸ್ತ್ರಾದ್ಯೈಃ ಕೃತ್ವಾ ಚಾಪಿ ಪ್ರದಕ್ಷಿಣಮ್..೧೭೭..

ಧಾರಯೇದ್ ಯಃ ಪ್ರಯತ್ನೇನ ಸ ಸಾಕ್ಷಾದ್ಗಣನಾಯಕಃ.
ಸುರಾಶ್ಚಾಸುರವರ್ಯಾಶ್ಚ ಪಿಶಾಚಾಃ ಕಿನ್ನರೋರಗಃ..೧೭೮..

ಪ್ರಣಮನ್ತಿ ಸದಾ ತಂ ವೈ ದುಷ್ಟ್ವಾಂ ವಿಸ್ಮಿತಮಾನಸಾಃ.
ರಾಜಾ ಸಪದಿ ವಶ್ಯಃ ಸ್ಯಾತ್ ಕಾಮಿನ್ಯಸ್ತದ್ವಶೋ ಸ್ಥಿರಾಃ..೧೭೯..

ತಸ್ಯ ವಂಶೋ ಸ್ಥಿರಾ ಲಕ್ಷ್ಮೀಃ ಕದಾಪಿ ನ ವಿಮುಞ್ಚತಿ.
ನಿಷ್ಕಾಮೋ ಯಃ ಪಠೇದೇತದ್ ಗಣೇಶ್ವರಪರಾಯಣಃ..೧೮೦..

ಸ ಪ್ರತಿಷ್ಠಾಂ ಪರಾಂ ಪ್ರಾಪ್ಯ ನಿಜಲೋಕಮವಾಪ್ನುಯಾತ್.
ಇದಂ ತೇ ಕೀರ್ತಿತಂ ನಾಮ್ನಾಂ ಸಹಸ್ರಂ ದೇವಿ ಪಾವನಮ್..೧೮೧..

ನ ದೇಯಂ ಕೃಪಣಯಾಥ ಶಠಾಯ ಗುರುವಿದ್ವಿಷೇ.
ದತ್ತ್ವಾ ಚ ಭ್ರಂಶಮಾಪ್ನೋತಿ ದೇವತಾಯಾಃ ಪ್ರಕೋಪತಃ..೧೮೨..

ಇತಿ ಶ್ರುತ್ವಾ ಮಹಾದೇವೀ ತದಾ ವಿಸ್ಮಿತಮಾನಸಾ.
ಪೂಜಯಾಮಾಸ ವಿಧಿವದ್ಗಣೇಶ್ವರಪದದ್ವಯಮ್..೧೮೩..

.. ಇತಿ ಶ್ರೀರುದ್ರಯಾಮಲೇ ಮಹಾಗುಪ್ತಸಾರೇ ಶಿವಪಾರ್ವತೀಸಂವಾದೇ ಗಕಾರಾದಿ ಶ್ರೀಗಣಪತಿಸಹಸ್ರನಾಮಸ್ತೋತ್ರಂ ಸಮ್ಪೂರ್ಣಮ್ ..