Sanaatana deva

Devee maahaatmyam vaa durgaasaptashatee

Composer / Sage: Paaramparika Reads: 3

Select Script / Language: देवनागरी (संस्कृत) English (Roman) தமிழ் తెలుగు ಕನ್ನಡ ગુજરાતી বাংলা

Devee maahaatmyam vaa durgaasaptashatee
.. Devee maahaatmyam ..

.. Shree ..

.. Shreechand'ikaadhyaanam ..

Om bandhookakusumaabhaasaam' panchamund'aadhivaasineem .
Sphurachchandrakalaaratnamukut'aam' mund'amaalineem ..

Trinetraam' raktavasanaam' peenonnataghat'astaneem .
Pustakam' chaakshamaalaam' cha varam' chaabhayakam' kramaat ..

Dadhateem' sam'smarennityamuttaraamnaayamaanitaam .
Athavaa
Yaa chand'ee madhukait'abhaadidaityadalanee yaa maahishonmoolinee
Yaa dhoomrekshanachand'amund'amathanee yaa raktabeejaashanee .
Shaktih' shumbhanishumbhadaityadalanee yaa siddhidaatree paraa
Saa devee navakot'imoortisahitaa maam' paatu vishveshvaree ..

.. Atha argalaastotram ..

Viniyogah': om asya shreeargalaastotramantrasya vishnurri'shih', anusht'up chhandah', shreemahaalakshmeerdevataa, shreejagadambaapreetaye saptashatipaat'haangatvena jape viniyogah' .

Om namashchand'ikaayai .
Maarkand'eya uvaacha .
Om jaya tvam' devi chaamund'e jaya bhootaapahaarini .
Jaya sarvagate devi kaalaraatri namo'stu te .. 1..

Jayantee mangalaa kaalee bhadrakaalee kapaalinee .
Durgaa shivaa kshamaa dhaatree svaahaa svadhaa namo'stu te .. 2..

Madhukait'abhavidhvam'si vidhaatri'varade namah' .
Roopam' dehi jayam' dehi yasho dehi dvisho jahi .. 3..

Mahishaasuranirnaashi bhaktaanaam' sukhade namah' .
Roopam' dehi jayam' dehi yasho dehi dvisho jahi .. 4..

Dhoomranetravadhe devi dharmakaamaarthadaayini .
Roopam' dehi jayam' dehi yasho dehi dvisho jahi .. 5..

Raktabeejavadhe devi chand'amund'avinaashini .
Roopam' dehi jayam' dehi yasho dehi dvisho jahi .. 6..

Nishumbhashumbhanirnaashi trailokyashubhade namah' .
Roopam' dehi jayam' dehi yasho dehi dvisho jahi .. 7..

Vanditaanghriyuge devi sarvasaubhaagyadaayini .
Roopam' dehi jayam' dehi yasho dehi dvisho jahi .. 8..

Achintyaroopacharite sarvashatruvinaashini .
Roopam' dehi jayam' dehi yasho dehi dvisho jahi .. 9..

Natebhyah' sarvadaa bhaktyaa chaaparne duritaapahe .
Roopam' dehi jayam' dehi yasho dehi dvisho jahi .. 10..

Stuvadbhyo bhaktipoorvam' tvaam' chand'ike vyaadhinaashini .
Roopam' dehi jayam' dehi yasho dehi dvisho jahi .. 11..

Chand'ike satatam' yuddhe jayanti paapanaashini .
Roopam' dehi jayam' dehi yasho dehi dvisho jahi .. 12..

Dehi saubhaagyamaarogyam' dehi devi param' sukham .
Roopam' dehi jayam' dehi yasho dehi dvisho jahi .. 13..

Vidhehi devi kalyaanam' vidhehi vipulaam' shriyam .
Roopam' dehi jayam' dehi yasho dehi dvisho jahi .. 14..

Vidhehi dvishataam' naasham' vidhehi balamuchchakaih' .
Roopam' dehi jayam' dehi yasho dehi dvisho jahi .. 15..

Suraasurashiroratnanighri'sht'acharane'mbike .
Roopam' dehi jayam' dehi yasho dehi dvisho jahi .. 16..

Vidyaavantam' yashasvantam' lakshmeevantancha maam' kuru .
Roopam' dehi jayam' dehi yasho dehi dvisho jahi .. 17..

Devi prachand'adordand'adaityadarpanishoodini .
Roopam' dehi jayam' dehi yasho dehi dvisho jahi .. 18..

Prachand'adaityadarpaghne chand'ike pranataaya me .
Roopam' dehi jayam' dehi yasho dehi dvisho jahi .. 19..

Chaturbhuje chaturvaktrasam'stute parameshvari .
Roopam' dehi jayam' dehi yasho dehi dvisho jahi .. 20..

Kri'shnena sam'stute devi shashvadbhaktyaa sadaambike .
Roopam' dehi jayam' dehi yasho dehi dvisho jahi .. 21..

Himaachalasutaanaathasam'stute parameshvari .
Roopam' dehi jayam' dehi yasho dehi dvisho jahi .. 22..

Indraaneepatisadbhaavapoojite parameshvari .
Roopam' dehi jayam' dehi yasho dehi dvisho jahi .. 23..

Devi bhaktajanoddaamadattaanandodaye'mbike .
Roopam' dehi jayam' dehi yasho dehi dvisho jahi .. 24..

Bhaaryaam' manoramaam' dehi manovri'ttaanusaarineem .
Roopam' dehi jayam' dehi yasho dehi dvisho jahi .. 25..

Taarini durgasam'saarasaagarasyaachalodbhave .
Roopam' dehi jayam' dehi yasho dehi dvisho jahi .. 26..

Idam' stotram' pat'hitvaa tu mahaastotram' pat'hennarah' .
Saptashateem' samaaraadhya varamaapnoti durlabham .. 27..

.. Iti shreemaarkand'eyapuraane argalaastotram' samaaptam ..

.. Atha keelakastotram ..

Viniyogah': om asya shreekeelakamantrasya shivari'shih', anusht'up chhandah', shreemahaasarasvatee devataa, shreejagadambaapreetyartham' saptashateepaat'haangatvena jape viniyogah' .

Om namashchand'ikaayai .
Maarkand'eya uvaacha .
Om vishuddhajnyaanadehaaya trivedeedivyachakshushe .
Shreyah'praaptinimittaaya namah' somaardhadhaarine .. 1..

Sarvametadvijaaneeyaanmantraanaamapi keelakam .
So'pi kshemamavaapnoti satatam' japyatatparah' .. 2..

Siddhyantyuchchaat'anaadeeni karmaani sakalaanyapi .
Etena stuvataam' deveem' stotravri'ndena bhaktitah' .. 3..

Na mantro naushadham' tasya na kinchidapi vidyate .
Vinaa japyena siddhyettu sarvamuchchaat'anaadikam .. 4..

Samagraanyapi setsyanti lokashankaamimaam' harah' .
Kri'tvaa nimantrayaamaasa sarvamevamidam' shubham .. 5..

Stotram' vai chand'ikaayaastu tachcha guhyam' chakaara sah' .
Samaapnoti sa punyena taam' yathaavannimantranaam .. 6..

So'pi kshemamavaapnoti sarvameva na sam'shayah' .
Kri'shnaayaam' vaa chaturdashyaamasht'amyaam' vaa samaahitah' .. 7..

Dadaati pratigri'hnaati naanyathaishaa praseedati .
Ittham' roopena keelena mahaadevena keelitam .. 8..

Yo nishkeelaam' vidhaayainaam' chand'eem' japati nityashah' .
Sa siddhah' sa ganah' so'tha gandharvo jaayate dhruvam .. 9..

Na chaivaapaat'avam' tasya bhayam' kvaapi na jaayate .
Naapamri'tyuvasham' yaati mri'te cha mokshamaapnuyaat .. 10..

Jnyaatvaa praarabhya kurveeta hyakurvaano vinashyati .
Tato jnyaatvaiva sampoornamidam' praarabhyate budhaih' .. 11..

Saubhaagyaadi cha yatkinchid dri'shyate lalanaajane .
Tatsarvam' tatprasaadena tena japyamidam' shubham .. 12..

Shanaistu japyamaane'smin stotre sampattiruchchakaih' .
Bhavatyeva samagraapi tatah' praarabhyameva tat .. 13..

Aishvaryam' tatprasaadena saubhaagyaarogyameva cha .
Shatruhaanih' paro mokshah' stooyate saa na kim' janaih' .. 14..

Chand'ikaam' hri'dayenaapi yah' smaret satatam' narah' .
Hri'dyam' kaamamavaapnoti hri'di devee sadaa vaset .. 15..

Agrato'mum' mahaadevakri'tam' keelakavaaranam .
Nishkeelancha tathaa kri'tvaa pat'hitavyam' samaahitaih' .. 16..

.. Iti shreebhagavatyaah' keelakastotram' samaaptam ..

.. Atha devee kavacham ..

Viniyogah': asya shreechand'eekavachasya brahmaa ri'shih' , anusht'up chhandah' ,chaamund'aa devataa , anganyaasoktamaataro beejam digbandhadevataastatvam , shreejagadambaapreetyarthe jape viniyogah' .

Om namashchand'ikaayai .
Maarkand'eya uvaacha .
Om yadguhyam' paramam' loke sarvarakshaakaram' nri'naam .
Yanna kasyachidaakhyaatam' tanme broohi pitaamaha .. 1..

Brahmovaacha .
Asti guhyatamam' vipra sarvabhootopakaarakam .
Devyaastu kavacham' punyam' tachchhri'nushva mahaamune .. 2..

Prathamam' shailaputreeti dviteeyam' brahmachaarinee .
Tri'teeyam' chandraghant'eti kooshmaand'eti chaturthakam .. 3..

Panchamam' skandamaateti shasht'ham' kaatyaayanee tathaa .
Saptamam' kaalaraatrishcha mahaagaureeti chaasht'amam .. 4..

Navamam' siddhidaatree cha navadurgaah' prakeertitaah' .
Uktaanyetaani naamaani brahmanaiva mahaatmanaa .. 5..

Agninaa dahyamaanaastu shatrumadhyagataa rane .
Vishame durgame chaiva bhayaartaah' sharanam' gataah' .. 6.
Na teshaam' jaayate kinchidashubham' ranasankat'e .
Aapadam' na cha pashyanti shokaduh'khabhayankareem .. 7..

Yaistu bhaktyaa smri'taa nityam' teshaam' vri'ddhih' prajaayate .
Ye tvaam' smaranti deveshi rakshasi taanna sam'shayah' .. 8..

Pretasam'sthaa tu chaamund'aa vaaraahee mahishaasanaa .
Aindree gajasamaarood'haa vaishnavee garud'aasanaa .. 9..

Naarasim'hee mahaaveeryaa shivadootee mahaabalaa .
Maaheshvaree vri'shaarood'haa kaumaaree shikhivaahanaa .. 10..

Lakshmeeh' padmaasanaa devee padmahastaa haripriyaa .
Shvetaroopadharaa devee eeshvaree vri'shavaahanaa .. 11..

Braahmee ham'sasamaarood'haa sarvaabharanabhooshitaa .
Ityetaa maatarah' sarvaah' sarvayogasamanvitaah' .. 12..

Naanaabharanashobhaad'hyaa naanaaratnopashobhitaah' .
Shraisht'haishcha mauktikaih' sarvaa divyahaarapralambibhih' .. 13..

Indraneelairmahaaneelaih' padmaraagaih' sushobhanaih' .
Dri'shyante rathamaarood'haa devyah' krodhasamaakulaah' .. 14..

Shankham' chakram' gadaam' shaktim' halam' cha musalaayudham .
Khet'akam' tomaram' chaiva parashum' paashameva cha .. 15..

Kuntaayudham' trishoolam' cha shaarngamaayudhamuttamam .
Daityaanaam' dehanaashaaya bhaktaanaamabhayaaya cha .. 16..

Dhaarayantyaayudhaaneettham' devaanaam' cha hitaaya vai .
Namaste'stu mahaaraudre mahaaghoraparaakrame .. 17..

Mahaabale mahotsaahe mahaabhayavinaashini .
Traahi maam' devi dushprekshye shatroonaam' bhayavardhini .. 18..

Praachyaam' rakshatu maamaindree aagneyyaamagnidevataa .
Dakshine'vatu vaaraahee nairri'tyaam' khad'gadhaarinee .. 19..

Prateechyaam' vaarunee rakshedvaayavyaam' mri'gavaahinee .
Udeechyaam' paatu kauberee eeshaanyaam' shooladhaarinee .. 20..

Oordhvam' brahmaanee me rakshedadhastaadvaishnavee tathaa .
Evam' dasha disho rakshechchaamund'aa shavavaahanaa .. 21..

Jayaa maamagratah' paatu vijayaa paatu pri'sht'hatah' .
Ajitaa vaamapaarshve tu dakshine chaaparaajitaa .. 22..

Shikhaam' me dyotinee rakshedumaa moordhni vyavasthitaa .
Maalaadharee lalaat'e cha bhruvau rakshedyashasvinee .. 23..

Netrayoshchitranetraa cha yamaghant'aa tu paarshvake .
Trinetraa cha trishoolena bhruvormadhye cha chand'ikaa .. 24..

Shankhinee chakshushormadhye shrotrayordvaaravaasinee .
Kapolau kaalikaa rakshet karnamoole tu shankaree .. 25..

Naasikaayaam' sugandhaa cha uttarosht'he cha charchikaa .
Adhare chaamri'taabaalaa jihvaayaam' cha sarasvatee .. 26..

Dantaan rakshatu kaumaaree kant'hadeshe tu chand'ikaa .
Ghant'ikaam' chitraghant'aa cha mahaamaayaa cha taaluke .. 27..

Kaamaakshee chibukam' rakshedvaacham' me sarvamangalaa .
Greevaayaam' bhadrakaalee cha pri'sht'havam'she dhanurdharee .. 28..

Neelagreevaa bahih' kant'he nalikaam' nalakoobaree .
Skandhayoh' khad'ginee rakshed baahoo me vajradhaarinee .. 29..

Hastayordand'inee rakshedambikaa chaanguleeshu cha .
Nakhaanchhooleshvaree rakshet kukshau rakshennareshvaree .. 30..

Stanau rakshenmahaadevee manah'shokavinaashinee .
Hri'daye lalitaa devee udare shooladhaarinee .. 31..

Naabhau cha kaaminee rakshed guhyam' guhyeshvaree tathaa .
Med'hram' rakshatu durgandhaa paayum' me guhyavaahinee .. 32..

Kat'yaam' bhagavatee rakshedooroo me meghavaahanaa .
Janghe mahaabalaa rakshet jaanoo maadhavanaayikaa .. 33..

Gulphayornaarasim'hee cha paadapri'sht'he tu kaushikee .
Paadaanguleeh' shreedharee cha talam' paataalavaasinee .. 34..

Nakhaan dam'sht'rakaraalee cha keshaam'shchaivordhvakeshinee .
Romakoopeshu kaumaaree tvacham' yogeeshvaree tathaa .. 35..

Raktamajjaavasaamaam'saanyasthimedaam'si paarvatee .
Antraani kaalaraatrishcha pittam' cha mukut'eshvaree .. 36..

Padmaavatee padmakoshe kaphe chood'aamanistathaa .
Jvaalaamukhee nakhajvaalaamabhedyaa sarvasandhishu .. 37..

Shukram' brahmaanee me rakshechchhaayaam' chhatreshvaree tathaa .
Ahankaaram' mano buddhim' rakshenme dharmadhaarinee .. 38..

Praanaapaanau tathaa vyaanamudaanam' cha samaanakam .
Vajrahastaa cha me rakshet praanaan kalyaanashobhanaa .. 39..

Rase roope cha gandhe cha shabde sparshe cha yoginee .
Sattvam' rajastamashchaiva rakshennaaraayanee sadaa .. 40..

Aayoo rakshatu vaaraahee dharmam' rakshatu paarvatee .
Yashah' keertim' cha lakshmeem' cha sadaa rakshatu vaishnavee .. 41..

Gotramindraanee me rakshet pashoon rakshechcha chand'ikaa .
Putraan rakshenmahaalakshmeerbhaaryaam' rakshatu bhairavee .. 42..

Dhaneshvaree dhanam' rakshet kaumaaree kanyakaam' tathaa .
Panthaanam' supathaa rakshenmaargam' kshemankaree tathaa .. 43..

Raajadvaare mahaalakshmeervijayaa satata sthitaa .
Rakshaaheenam' tu yat sthaanam' varjitam' kavachena tu .. 44..

Tatsarvam' raksha me devi jayantee paapanaashinee .
Sarvarakshaakaram' punyam' kavacham' sarvadaa japet .. 45..

Idam' rahasyam' viprarshe bhaktyaa tava mayoditam .
Paadamekam' na gachchhet tu yadeechchhechchhubhamaatmanah' .. 46..

Kavachenaavri'to nityam' yatra yatraiva gachchhati .
Tatra tatraarthalaabhashva vijayah' saarvakaalikah' .. 47..

Yam' yam' chintayate kaamam' tam' tam' praapnoti nishchitam .
Paramaishvaryamatulam' praapsyate bhootale pumaan .. 48..

Nirbhayo jaayate martyah' sangraameshvaparaajitah' .
Trailokye tu bhavetpoojyah' kavachenaavri'tah' pumaan .. 49..

Idam' tu devyaah' kavacham' devaanaamapi durlabham .
Yah' pat'hetprayato nityam' trisandhyam' shraddhayaanvitah' .. 50..

Daiveekalaa bhavettasya trailokye chaaparaajitah' .
Jeevedvarshashatam' saagramapamri'tyuvivarjitah' .. 51..

Nashyanti vyaadhayah' sarve lootaavisphot'akaadayah' .
Sthaavaram' jangamam' chaiva kri'trimam' chaiva yadvisham .. 52..

Abhichaaraani sarvaani mantrayantraani bhootale .
Bhoocharaah' khecharaashchaiva kulajaashchaupadeshikaah' .. 53..

Sahajaa kulajaa maalaa d'aakinee shaakinee tathaa .
Antarikshacharaa ghoraa d'aakinyashcha mahaaravaah' .. 54..

Grahabhootapishaachaashcha yakshagandharvaraakshasaah' .
Brahmaraakshasavetaalaah' kooshmaand'aa bhairavaadayah' .. 55..

Nashyanti darshanaattasya kavachenaavri'to hi yah' .
Maanonnatirbhavedraajnyastejovri'ddhih' paraa bhavet .. 56..

Yashovri'ddhirbhavet pum'saam' keertivri'ddhishcha jaayate .
Tasmaat japet sadaa bhaktah' kavacham' kaamadam' mune .. 57..

Japet saptashateem' chand'eem' kri'tvaa tu kavacham' puraa .
Nirvighnena bhavet siddhishchand'eejapasamudbhavaa .. 58..

Yaavadbhoomand'alam' dhatte sashailavanakaananam .
Taavattisht'hati medinyaam' santatih' putrapautrikee .. 59..

Dehaante paramam' sthaanam' surairapi sudurlabham .
Praapnoti purusho nityam' mahaamaayaaprasaadatah' .. 60..

Tatra gachchhati gatvaasau punashchaagamanam' nahi .
Labhate paramam' sthaanam' shivena samataam' vrajet .. 61..

.. Iti shreemaarkand'eyapuraane hariharabrahmavirachitam'

Deveekavacham' samaaptam ..

.. Devee maahaatmyam ..

%
.. Shreedurgaayai namah' ..

.. Atha shreedurgaasaptashatee ..

.. 1. Madhukait'abhavadho naama prathamo'dhyaayah' ..

Viniyogah': asya shree prathamacharitrasya . Brahmaa ri'shih' . Mahaakaalee devataa . Gaayatree chhandah' . Nandaa shaktih' . Raktadantikaa beejam . Agnistattvam . Ri'gvedah' svaroopam . Shreemahaakaaleepreetyarthe prathamacharitrajape viniyogah' .

. Dhyaanam .
Om khad'gam' chakragadeshuchaapaparighaanchhoolam' bhushund'eem' shirah'
Shankham' sandadhateem' karaistrinayanaam' sarvaangabhooshaavri'taam .
Neelaashmadyutimaasyapaadadashakaam' seve mahaakaalikaam'
Yaamastautsvapite harau kamalajo hantum' madhum' kait'abham ..

Om namashchand'ikaayai ..

Om aim' maarkand'eya uvaacha .. 1.1..

Saavarnih' sooryatanayo yo manuh' kathyate'sht'amah' .
Nishaamaya tadutpattim' vistaraadgadato mama .. 1.2..

Mahaamaayaanubhaavena yathaa manvantaraadhipah' .
Sa babhoova mahaabhaagah' saavarnistanayo raveh' .. 1.3..

Svaarochishe'ntare poorvam' chaitravam'shasamudbhavah' .
Suratho naama raajaabhootsamaste kshitimand'ale .. 1.4..

Tasya paalayatah' samyak prajaah' putraanivaurasaan .
Babhoovuh' shatravo bhoopaah' kolaavidhvam'sinastadaa .. 1.5..

Tasya tairabhavad yuddhamatiprabaladand'inah' .
Nyoonairapi sa tairyuddhe kolaavidhvam'sibhirjitah' .. 1.6..

Tatah' svapuramaayaato nijadeshaadhipo'bhavat .
Aakraantah' sa mahaabhaagastaistadaa prabalaaribhih' .. 1.7..

Amaatyairbalibhirdusht'airdurbalasya duraatmabhih' .
Kosho balam' chaapahri'tam' tatraapi svapure tatah' .. 1.8..

Tato mri'gayaavyaajena hri'tasvaamyah' sa bhoopatih' .
Ekaakee hayamaaruhya jagaama gahanam' vanam .. 1.9..

Sa tatraashramamadraaksheeddvijavaryasya medhasah' .
Prashaantashvaapadaakeernam' munishishyopashobhitam .. 1.10..

Tasthau kanchitsa kaalam' cha muninaa tena satkri'tah' .
Itashchetashcha vicharam'stasmin munivaraashrame .. 1.11..

So'chintayattadaa tatra mamatvaakri'sht'amaanasah' .
Matpoorvaih' paalitam' poorvam' mayaa heenam' puram' hi tat .. 1.12..

Madbhri'tyaistairasadvri'ttairdharmatah' paalyate na vaa .
Na jaane sa pradhaano me shooro hastee sadaamadah' .. 1.13..

Mama vairivasham' yaatah' kaan bhogaanupalapsyate .
Ye mamaanugataa nityam' prasaadadhanabhojanaih' .. 1.14..

Anuvri'ttim' dhruvam' te'dya kurvantyanyamaheebhri'taam .
Asamyagvyayasheelaistaih' kurvadbhih' satatam' vyayam .. 1.15..

Sanchitah' so'tiduh'khena kshayam' kosho gamishyati .
Etachchaanyachcha satatam' chintayaamaasa paarthivah' .. 1.16..

Tatra vipraashramaabhyaashe vaishyamekam' dadarsha sah' .
Sa pri'sht'astena kastvam' bho hetushchaagamane'tra kah' .. 1.17..

Sashoka iva kasmaattvam' durmanaa iva lakshyase .
Ityaakarnya vachastasya bhoopateh' pranayoditam .. 1.18..

Pratyuvaacha sa tam' vaishyah' prashrayaavanato nri'pam .. 1.19..

Vaishya uvaacha .. 1.20..

Samaadhirnaama vaishyo'hamutpanno dhaninaam' kule .. 1.21..

Putradaarairnirastashcha dhanalobhaadasaadhubhih' .
Viheenashcha dhanairdaaraih' putrairaadaaya me dhanam .. 1.22..

Vanamabhyaagato duh'khee nirastashchaaptabandhubhih' .
So'ham' na vedmi putraanaam' kushalaakushalaatmikaam .. 1.23..

Pravri'ttim' svajanaanaam' cha daaraanaam' chaatra sam'sthitah' .
Kim' nu teshaam' gri'he kshemamakshemam' kim' nu saampratam .. 1.24..

Katham' te kim' nu sadvri'ttaa durvri'ttaah' kim' nu me sutaah' .. 1.25..

Raajovaacha .. 1.26..

Yairnirasto bhavaam'llubdhaih' putradaaraadibhirdhanaih' .. 1.27..

Teshu kim' bhavatah' snehamanubadhnaati maanasam .. 1.28..

Vaishya uvaacha .. 1.29..

Evametadyathaa praaha bhavaanasmadgatam' vachah' .. 1.30..

Kim' karomi na badhnaati mama nisht'hurataam' manah' .
Yaih' santyajya pitri'sneham' dhanalubdhairniraakri'tah' .. 1.31..

Patisvajanahaardam' cha haarditeshveva me manah' .
Kimetannaabhijaanaami jaanannapi mahaamate .. 1.32..

Yatpremapravanam' chittam' viguneshvapi bandhushu .
Teshaam' kri'te me nih'shvaaso daurmanasyam' cha jaayate .. 1.33..

Karomi kim' yanna manasteshvapreetishu nisht'huram .. 1.34..

Maarkand'eya uvaacha .. 1.35..

Tatastau sahitau vipra tam' munim' samupasthitau .. 1.36..

Samaadhirnaama vaishyo'sau sa cha paarthivasattamah' .
Kri'tvaa tu tau yathaanyaayam' yathaarham' tena sam'vidam .. 1.37..

Upavisht'au kathaah' kaashchichchakraturvaishyapaarthivau .. 1.38..

Raajovaacha .. 1.39..

Bhagavam'stvaamaham' prasht'umichchhaamyekam' vadasva tat .. 1.40..

Duh'khaaya yanme manasah' svachittaayattataam' vinaa .
Mamatvam' gataraajyasya raajyaangeshvakhileshvapi .. 1.41..

Jaanato'pi yathaajnyasya kimetanmunisattama .
Ayam' cha nikri'tah' putrairdaarairbhri'tyaistathojjhitah' .. 1.42..

Svajanena cha santyaktasteshu haardee tathaapyati .
Evamesha tathaaham' cha dvaavapyatyantaduh'khitau .. 1.43..

Dri'sht'adoshe'pi vishaye mamatvaakri'sht'amaanasau .
Tatkimetanmahaabhaaga yanmoho jnyaaninorapi .. 1.44..

Mamaasya cha bhavatyeshaa vivekaandhasya mood'hataa .. 1.45..

Ri'shiruvaacha .. 1.46..

Jnyaanamasti samastasya jantorvishayagochare .. 1.47..

Vishayaashcha mahaabhaaga yaanti chaivam' pri'thakpri'thak .
Divaandhaah' praaninah' kechidraatraavandhaastathaapare .. 1.48..

Kechiddivaa tathaa raatrau praaninastulyadri'sht'ayah' .
Jnyaanino manujaah' satyam' kim' tu te na hi kevalam .. 1.49..

Yato hi jnyaaninah' sarve pashupakshimri'gaadayah' .
Jnyaanam' cha tanmanushyaanaam' yatteshaam' mri'gapakshinaam .. 1.50..

Manushyaanaam' cha yatteshaam' tulyamanyattathobhayoh' .
Jnyaane'pi sati pashyaitaan patangaanchhaavachanchushu .. 1.51..

Kanamokshaadri'taan mohaatpeed'yamaanaanapi kshudhaa .
Maanushaa manujavyaaghra saabhilaashaah' sutaan prati .. 1.52..

Lobhaat pratyupakaaraaya nanvetaan kim' na pashyasi .
Tathaapi mamataavartte mohagarte nipaatitaah' .. 1.53..

Mahaamaayaaprabhaavena sam'saarasthitikaarinaa .
Tannaatra vismayah' kaaryo yoganidraa jagatpateh' .. 1.54..

Mahaamaayaa hareshchaishaa tayaa sammohyate jagat .
Jnyaaninaamapi chetaam'si devee bhagavatee hi saa .. 1.55..

Balaadaakri'shya mohaaya mahaamaayaa prayachchhati .
Tayaa visri'jyate vishvam' jagadetachcharaacharam .. 1.56..

Saishaa prasannaa varadaa nri'naam' bhavati muktaye .
Saa vidyaa paramaa mukterhetubhootaa sanaatanee .. 1.57..

Sam'saarabandhahetushcha saiva sarveshvareshvaree .. 1.58..

Raajovaacha .. 1.59..

Bhagavan kaa hi saa devee mahaamaayeti yaam' bhavaan .. 1.60..

Braveeti kathamutpannaa saa karmaasyaashcha kim' dvija .
Yatprabhaavaa cha saa devee yatsvaroopaa yadudbhavaa .. 1.61..

Tatsarvam' shrotumichchhaami tvatto brahmavidaam' vara .. 1.62..

Ri'shiruvaacha .. 1.63..

Nityaiva saa jaganmoortistayaa sarvamidam' tatam .. 1.64..

Tathaapi tatsamutpattirbahudhaa shrooyataam' mama .
Devaanaam' kaaryasiddhyarthamaavirbhavati saa yadaa .. 1.65..

Utpanneti tadaa loke saa nityaapyabhidheeyate .
Yoganidraam' yadaa vishnurjagatyekaarnaveekri'te .. 1.66..

Aasteerya sheshamabhajat kalpaante bhagavaan prabhuh' .
Tadaa dvaavasurau ghorau vikhyaatau madhukait'abhau .. 1.67..

Vishnukarnamalodbhootau hantum' brahmaanamudyatau .
Sa naabhikamale vishnoh' sthito brahmaa prajaapatih' .. 1.68..

Dri'sht'vaa taavasurau chograu prasuptam' cha janaardanam .
Tusht'aava yoganidraam' taamekaagrahri'dayah' sthitah' .. 1.69..

Vibodhanaarthaaya harerharinetrakri'taalayaam .
Vishveshvareem' jagaddhaatreem' sthitisam'haarakaarineem .. 1.70..

Nidraam' bhagavateem' vishnoratulaam' tejasah' prabhuh' .. 1.71..

Brahmovaacha .. 1.72..

Tvam' svaahaa tvam' svadhaa tvam' hi vashat'kaarah' svaraatmikaa .. 1.73..

Sudhaa tvamakshare nitye tridhaa maatraatmikaa sthitaa .
Ardhamaatraa sthitaa nityaa yaanuchchaaryaavisheshatah' .. 1.74..

Tvameva sandhyaa saavitree tvam' devi jananee paraa .
Tvayaitaddhaaryate vishvam' tvayaitat sri'jyate jagat .. 1.75..

Tvayaitat paalyate devi tvamatsyante cha sarvadaa .
Visri'sht'au sri'sht'iroopaa tvam' sthitiroopaa cha paalane .. 1.76..

Tathaa sam'hri'tiroopaante jagato'sya jaganmaye .
Mahaavidyaa mahaamaayaa mahaamedhaa mahaasmri'tih' .. 1.77..

Mahaamohaa cha bhavatee mahaadevee maheshvaree .
Prakri'tistvam' cha sarvasya gunatrayavibhaavinee .. 1.78..

Kaalaraatrirmahaaraatrirmoharaatrishcha daarunaa .
Tvam' shreestvameeshvaree tvam' hreestvam' buddhirbodhalakshanaa .. 1.79..

Lajjaa pusht'istathaa tusht'istvam' shaantih' kshaantireva cha .
Khad'ginee shoolinee ghoraa gadinee chakrinee tathaa .. 1.80..

Shankhinee chaapinee baanabhushund'eeparighaayudhaa .
Saumyaa saumyataraasheshasaumyebhyastvatisundaree .. 1.81..

Paraaparaanaam' paramaa tvameva parameshvaree .
Yachcha kinchitkvachidvastu sadasadvaakhilaatmike .. 1.82..

Tasya sarvasya yaa shaktih' saa tvam' kim' stooyase mayaa .
Yayaa tvayaa jagatsrasht'aa jagatpaatyatti yo jagat .. 1.83..

So'pi nidraavasham' neetah' kastvaam' stotumiheshvarah' .
Vishnuh' shareeragrahanamahameeshaana eva cha .. 1.84..

Kaaritaaste yato'tastvaam' kah' stotum' shaktimaan bhavet .
Saa tvamittham' prabhaavaih' svairudaarairdevi sam'stutaa .. 1.85..

Mohayaitau duraadharshaavasurau madhukait'abhau .
Prabodham' cha jagatsvaamee neeyataamachyuto laghu .. 1.86..

Bodhashcha kriyataamasya hantumetau mahaasurau .. 1.87..

Ri'shiruvaacha .. 1.88..

Evam' stutaa tadaa devee taamasee tatra vedhasaa .. 1.89..

Vishnoh' prabodhanaarthaaya nihantum' madhukait'abhau .
Netraasyanaasikaabaahuhri'dayebhyastathorasah' .. 1.90..

Nirgamya darshane tasthau brahmano'vyaktajanmanah' .
Uttasthau cha jagannaathastayaa mukto janaardanah' .. 1.91..

Ekaarnave'hishayanaattatah' sa dadri'she cha tau .
Madhukait'abhau duraatmaanaavativeeryaparaakramau .. 1.92..

Krodharaktekshanaavattum' brahmaanam' janitodyamau .
Samutthaaya tatastaabhyaam' yuyudhe bhagavaan harih' .. 1.93..

Panchavarshasahasraani baahupraharano vibhuh' .
Taavapyatibalonmattau mahaamaayaavimohitau .. 1.94..

Uktavantau varo'smatto vriyataamiti keshavam .. 1.95..

Shreebhagavaanuvaacha .. 1.96..

Bhavetaamadya me tusht'au mama vadhyaavubhaavapi .. 1.97..

Kimanyena varenaatra etaavaddhi vri'tam' mayaa .. 1.98..

Ri'shiruvaacha .. 1.99..

Vanchitaabhyaamiti tadaa sarvamaapomayam' jagat .. 1.100..

Vilokya taabhyaam' gadito bhagavaan kamalekshanah' .
Aavaam' jahi na yatrorvee salilena pariplutaa .. 1.101..

Ri'shiruvaacha .. 1.102..

Tathetyuktvaa bhagavataa shankhachakragadaabhri'taa .
Kri'tvaa chakrena vai chhinne jaghane shirasee tayoh' .. 1.103..

Evameshaa samutpannaa brahmanaa sam'stutaa svayam .
Prabhaavamasyaa devyaastu bhooyah' shri'nu vadaami te .. 1.104..

. Aim' om .
.. Svasti shreemaarkand'eyapuraane saavarnike manvantare deveemaahaatmye
Madhukait'abhavadho naama prathamo'dhyaayah' .. 1..

Uvaacha 14, ardhashlokaah' 24, shlokaah' 66, evamaaditah' .. 104..

.. 2. Mahishaasurasainyavadho naama dviteeyo'dhyaayah' ..

Viniyogah': asya shree madhyamacharitrasya vishnurri'shih' . Shreemahaalakshmeerdevataa . Ushnik chhandah' . Shaakambharee shaktih' . Durgaa beejam . Vaayustattvam . Yajurvedah' svaroopam . Shreemahaalakshmeepreetyarthe madhyamacharitrajape viniyogah' .

. Dhyaanam .
Om akshasrakparashoo gadeshukulisham' padmam' dhanuh' kund'ikaam'
Dand'am' shaktimasim' cha charma jalajam' ghant'aam' suraabhaajanam .
Shoolam' paashasudarshane cha dadhateem' hastaih' pravaalaprabhaam'
Seve sairibhamardineemiha mahaalakshmeem' sarojasthitaam ..

Om hreem' ri'shiruvaacha .. 2.1..

Devaasuramabhoodyuddham' poornamabdashatam' puraa .
Mahishe'suraanaamadhipe devaanaam' cha purandare .. 2.2..

Tatraasurairmahaaveeryairdevasainyam' paraajitam .
Jitvaa cha sakalaan devaanindro'bhoonmahishaasurah' .. 2.3..

Tatah' paraajitaa devaah' padmayonim' prajaapatim .
Puraskri'tya gataastatra yatreshagarud'adhvajau .. 2.4..

Yathaavri'ttam' tayostadvanmahishaasurachesht'itam .
Tridashaah' kathayaamaasurdevaabhibhavavistaram .. 2.5..

Sooryendraagnyanilendoonaam' yamasya varunasya cha .
Anyeshaam' chaadhikaaraansa svayamevaadhitisht'hati .. 2.6..

Svargaanniraakri'taah' sarve tena devaganaa bhuvi .
Vicharanti yathaa martyaa mahishena duraatmanaa .. 2.7..

Etadvah' kathitam' sarvamamaraarivichesht'itam .
Sharanam' vah' prapannaah' smo vadhastasya vichintyataam .. 2.8..

Ittham' nishamya devaanaam' vachaam'si madhusoodanah' .
Chakaara kopam' shambhushcha bhrukut'eekut'ilaananau .. 2.9..

Tato'tikopapoornasya chakrino vadanaattatah' .
Nishchakraama mahattejo brahmanah' shankarasya cha .. 2.10..

Anyeshaam' chaiva devaanaam' shakraadeenaam' shareeratah' .
Nirgatam' sumahattejastachchaikyam' samagachchhata .. 2.11..

Ateeva tejasah' koot'am' jvalantamiva parvatam .
Dadri'shuste suraastatra jvaalaavyaaptadigantaram .. 2.12..

Atulam' tatra tattejah' sarvadevashareerajam .
Ekastham' tadabhoonnaaree vyaaptalokatrayam' tvishaa .. 2.13..

Yadabhoochchhaambhavam' tejastenaajaayata tanmukham .
Yaamyena chaabhavan keshaa baahavo vishnutejasaa .. 2.14..

Saumyena stanayoryugmam' madhyam' chaindrena chaabhavat .
Vaarunena cha janghoroo nitambastejasaa bhuvah' .. 2.15..

Brahmanastejasaa paadau tadangulyo'rkatejasaa .
Vasoonaam' cha karaangulyah' kauberena cha naasikaa .. 2.16..

Tasyaastu dantaah' sambhootaah' praajaapatyena tejasaa .
Nayanatritayam' jajnye tathaa paavakatejasaa .. 2.17..

Bhruvau cha sandhyayostejah' shravanaavanilasya cha .
Anyeshaam' chaiva devaanaam' sambhavastejasaam' shivaa .. 2.18..

Tatah' samastadevaanaam' tejoraashisamudbhavaam .
Taam' vilokya mudam' praapuramaraa mahishaarditaah' .
Tato devaa dadustasyai svaani svaanyaayudhaani cha .. 2.19..

Shoolam' shoolaadvinishkri'shya dadau tasyai pinaakadhri'k .
Chakram' cha dattavaan kri'shnah' samutpaat'ya svachakratah' .. 2.20..

Shankham' cha varunah' shaktim' dadau tasyai hutaashanah' .
Maaruto dattavaam'shchaapam' baanapoorne tatheshudhee .. 2.21..

Vajramindrah' samutpaat'ya kulishaadamaraadhipah' .
Dadau tasyai sahasraaksho ghant'aamairaavataadgajaat .. 2.22..

Kaaladand'aadyamo dand'am' paasham' chaambupatirdadau .
Prajaapatishchaakshamaalaam' dadau brahmaa kamand'alum .. 2.23..

Samastaromakoopeshu nijarashmeen divaakarah' .
Kaalashcha dattavaan khad'gam' tasyai charma cha nirmalam .. 2.24..

Ksheerodashchaamalam' haaramajare cha tathaambare .
Chood'aamanim' tathaa divyam' kund'ale kat'akaani cha .. 2.25..

Ardhachandram' tathaa shubhram' keyooraan sarvabaahushu .
Noopurau vimalau tadvad graiveyakamanuttamam .. 2.26..

Anguleeyakaratnaani samastaasvanguleeshu cha .
Vishvakarmaa dadau tasyai parashum' chaatinirmalam .. 2.27..

Astraanyanekaroopaani tathaabhedyam' cha dam'shanam .
Amlaanapankajaam' maalaam' shirasyurasi chaaparaam .. 2.28..

Adadajjaladhistasyai pankajam' chaatishobhanam .
Himavaan vaahanam' sim'ham' ratnaani vividhaani cha .. 2.29..

Dadaavashoonyam' surayaa paanapaatram' dhanaadhipah' .
Sheshashcha sarvanaagesho mahaamanivibhooshitam .. 2.30..

Naagahaaram' dadau tasyai dhatte yah' pri'thiveemimaam .
Anyairapi surairdevee bhooshanairaayudhaistathaa .. 2.31..

Sammaanitaa nanaadochchaih' saat't'ahaasam' muhurmuhuh' .
Tasyaa naadena ghorena kri'tsnamaapooritam' nabhah' .. 2.32..

Amaayataatimahataa pratishabdo mahaanabhoot .
Chukshubhuh' sakalaa lokaah' samudraashcha chakampire .. 2.33..

Chachaala vasudhaa cheluh' sakalaashcha maheedharaah' .
Jayeti devaashcha mudaa taamoochuh' sim'havaahineem .. 2.34..

Tusht'uvurmunayashchainaam' bhaktinamraatmamoortayah' .
Dri'sht'vaa samastam' sankshubdham' trailokyamamaraarayah' .. 2.35..

Sannaddhaakhilasainyaaste samuttasthurudaayudhaah' .
Aah' kimetaditi krodhaadaabhaashya mahishaasurah' .. 2.36..

Abhyadhaavata tam' shabdamasheshairasurairvri'tah' .
Sa dadarsha tato deveem' vyaaptalokatrayaam' tvishaa .. 2.37..

Paadaakraantyaa natabhuvam' kireet'ollikhitaambaraam .
Kshobhitaasheshapaataalaam' dhanurjyaanih'svanena taam .. 2.38..

Disho bhujasahasrena samantaadvyaapya sam'sthitaam .
Tatah' pravavri'te yuddham' tayaa devyaa suradvishaam .. 2.39..

Shastraastrairbahudhaa muktairaadeepitadigantaram .
Mahishaasurasenaaneeshchikshuraakhyo mahaasurah' .. 2.40..

Yuyudhe chaamarashchaanyaishchaturangabalaanvitah' .
Rathaanaamayutaih' shad'bhirudagraakhyo mahaasurah' .. 2.41..

Ayudhyataayutaanaam' cha sahasrena mahaahanuh' .
Panchaashadbhishcha niyutairasilomaa mahaasurah' .. 2.42..

Ayutaanaam' shataih' shad'bhirbaashkalo yuyudhe rane .
Gajavaajisahasraughairanekaih' parivaaritah' .. 2.43..

Vri'to rathaanaam' kot'yaa cha yuddhe tasminnayudhyata .
Bid'aalaakhyo'yutaanaam' cha panchaashadbhirathaayutaih' .. 2.44..

Yuyudhe sam'yuge tatra rathaanaam' parivaaritah' .
Anye cha tatraayutasho rathanaagahayairvri'taah' .. 2.45..

Yuyudhuh' sam'yuge devyaa saha tatra mahaasuraah' .
Kot'ikot'isahasraistu rathaanaam' dantinaam' tathaa .. 2.46..

Hayaanaam' cha vri'to yuddhe tatraabhoonmahishaasurah' .
Tomarairbhindipaalaishcha shaktibhirmusalaistathaa .. 2.47..

Yuyudhuh' sam'yuge devyaa khad'gaih' parashupat't'ishaih' .
Kechichcha chikshipuh' shakteeh' kechit paashaam'stathaapare .. 2.48..

Deveem' khad'gaprahaaraistu te taam' hantum' prachakramuh' .
Saapi devee tatastaani shastraanyastraani chand'ikaa .. 2.49..

Leelayaiva prachichchheda nijashastraastravarshinee .
Anaayastaananaa devee stooyamaanaa surarshibhih' .. 2.50..

Mumochaasuradeheshu shastraanyastraani cheshvaree .
So'pi kruddho dhutasat'o devyaa vaahanakesaree .. 2.51..

Chachaaraasurasainyeshu vaneshviva hutaashanah' .
Nih'shvaasaan mumuche yaam'shcha yudhyamaanaa rane'mbikaa .. 2.52..

Ta eva sadyah' sambhootaa ganaah' shatasahasrashah' .
Yuyudhuste parashubhirbhindipaalaasipat't'ishaih' .. 2.53..

Naashayanto'suraganaan deveeshaktyupabri'm'hitaah' .
Avaadayanta pat'ahaan ganaah' shankhaam'stathaapare .. 2.54..

Mri'dangaam'shcha tathaivaanye tasmin yuddhamahotsave .
Tato devee trishoolena gadayaa shaktivri'sht'ibhih' .. 2.55..

Khad'gaadibhishcha shatasho nijaghaana mahaasuraan .
Paatayaamaasa chaivaanyaan ghant'aasvanavimohitaan .. 2.56..

Asuraan bhuvi paashena baddhvaa chaanyaanakarshayat .
Kechid dvidhaakri'taasteekshnaih' khad'gapaataistathaapare .. 2.57..

Vipothitaa nipaatena gadayaa bhuvi sherate .
Vemushcha kechidrudhiram' musalena bhri'sham' hataah' .. 2.58..

Kechinnipatitaa bhoomau bhinnaah' shoolena vakshasi .
Nirantaraah' sharaughena kri'taah' kechidranaajire .. 2.59..

Shyenaanukaarinah' praanaan mumuchustridashaardanaah' .
Keshaanchid baahavashchhinnaashchhinnagreevaastathaapare .. 2.60..

Shiraam'si peturanyeshaamanye madhye vidaaritaah' .
Vichchhinnajanghaastvapare petururvyaam' mahaasuraah' .. 2.61..

Ekabaahvakshicharanaah' kechiddevyaa dvidhaakri'taah' .
Chhinne'pi chaanye shirasi patitaah' punarutthitaah' .. 2.62..

Kabandhaa yuyudhurdevyaa gri'heetaparamaayudhaah' .
Nanri'tushchaapare tatra yuddhe tooryalayaashritaah' .. 2.63..

Kabandhaashchhinnashirasah' khad'gashaktyri'sht'ipaanayah' .
Tisht'ha tisht'heti bhaashanto deveemanye mahaasuraah' .. 2.64..

Paatitai rathanaagaashvairasuraishcha vasundharaa .
Agamyaa saabhavattatra yatraabhoot sa mahaaranah' .. 2.65..

Shonitaughaa mahaanadyah' sadyastatra prasusruvuh' .
Madhye chaasurasainyasya vaaranaasuravaajinaam .. 2.66..

Kshanena tanmahaasainyamasuraanaam' tathaambikaa .
Ninye kshayam' yathaa vahnistri'nadaarumahaachayam .. 2.67..

Sa cha sim'ho mahaanaadamutsri'jan dhutakesarah' .
Shareerebhyo'maraareenaamasooniva vichinvati .. 2.68..

Devyaa ganaishcha taistatra kri'tam' yuddham' tathaasuraih' .
Yathaishaam' tutushurdevaah' pushpavri'sht'imucho divi .. 2.69..

.. Svasti shreemaarkand'eyapuraane saavarnike manvantare deveemaahaatmye
Mahishaasurasainyavadho naama dviteeyo'dhyaayah' .. 2..

Uvaacha 1, ardhashlokaah' 68, shlokaah' 69, evamaaditah' .. 173..

.. 3. Mahishaasuravadho naama tri'teeyo'dhyaayah' ..

. Dhyaanam .
Om udyadbhaanusahasrakaantimarunakshaumaam' shiromaalikaam'
Raktaaliptapayodharaam' japavat'eem' vidyaamabheetim' varam .
Hastaabjairdadhateem' trinetravilasadvaktraaravindashriyam'
Deveem' baddhahimaam'shuratnamukut'aam' vande'ravindasthitaam .
Om ri'shiruvaacha .. 3.1..

Nihanyamaanam' tatsainyamavalokya mahaasurah' .
Senaaneeshchikshurah' kopaadyayau yoddhumathaambikaam .. 3.2..

Sa deveem' sharavarshena vavarsha samare'surah' .
Yathaa merugireh' shri'ngam' toyavarshena toyadah' .. 3.3..

Tasya chhitvaa tato devee leelayaiva sharotkaraan .
Jaghaana turagaanbaanairyantaaram' chaiva vaajinaam .. 3.4..

Chichchheda cha dhanuh' sadyo dhvajam' chaatisamuchchhri'tam .
Vivyaadha chaiva gaatreshu chhinnadhanvaanamaashugaih' .. 3.5..

Sachchhinnadhanvaa viratho hataashvo hatasaarathih' .
Abhyadhaavata taam' deveem' khad'gacharmadharo'surah' .. 3.6..

Sim'hamaahatya khad'gena teekshnadhaarena moordhani .
Aajaghaana bhuje savye deveemapyativegavaan .. 3.7..

Tasyaah' khad'go bhujam' praapya paphaala nri'panandana .
Tato jagraaha shoolam' sa kopaadarunalochanah' .. 3.8..

Chikshepa cha tatastattu bhadrakaalyaam' mahaasurah' .
Jaajvalyamaanam' tejobhee ravibimbamivaambaraat .. 3.9..

Dri'sht'vaa tadaapatachchhoolam' devee shoolamamunchata .
Tena tachchhatadhaa neetam' shoolam' sa cha mahaasurah' .. 3.10..

Hate tasminmahaaveerye mahishasya chamoopatau .
Aajagaama gajaarood'hashchaamarastridashaardanah' .. 3.11..

So'pi shaktim' mumochaatha devyaastaamambikaa drutam .
Hunkaaraabhihataam' bhoomau paatayaamaasa nishprabhaam .. 3.12..

Bhagnaam' shaktim' nipatitaam' dri'sht'vaa krodhasamanvitah' .
Chikshepa chaamarah' shoolam' baanaistadapi saachchhinat .. 3.13..

Tatah' sim'hah' samutpatya gajakumbhaantare sthitah' .
Baahuyuddhena yuyudhe tenochchaistridashaarinaa .. 3.14..

Yudhyamaanau tatastau tu tasmaannaagaanmaheem' gatau .
Yuyudhaate'tisam'rabdhau prahaarairatidaarunaih' .. 3.15..

Tato vegaat khamutpatya nipatya cha mri'gaarinaa .
Karaprahaarena shirashchaamarasya pri'thak kri'tam .. 3.16..

Udagrashcha rane devyaa shilaavri'kshaadibhirhatah' .
Dantamusht'italaishchaiva karaalashcha nipaatitah' .. 3.17..

Devee kruddhaa gadaapaataishchoornayaamaasa choddhatam .
Baashkalam' bhindipaalena baanaistaamram' tathaandhakam .. 3.18..

Ugraasyamugraveeryam' cha tathaiva cha mahaahanum .
Trinetraa cha trishoolena jaghaana parameshvaree .. 3.19..

Bid'aalasyaasinaa kaayaat paatayaamaasa vai shirah' .
Durdharam' durmukham' chobhau sharairninye yamakshayam .. 3.20..

Evam' sanksheeyamaane tu svasainye mahishaasurah' .
Maahishena svaroopena traasayaamaasa taan ganaan .. 3.21..

Kaam'shchittund'aprahaarena khurakshepaistathaaparaan .
Laangoolataad'itaam'shchaanyaan shri'ngaabhyaam' cha vidaaritaan .. 3.22..

Vegena kaam'shchidaparaannaadena bhramanena cha .
Nih'shvaasapavanenaanyaanpaatayaamaasa bhootale .. 3.23..

Nipaatya pramathaaneekamabhyadhaavata so'surah' .
Sim'ham' hantum' mahaadevyaah' kopam' chakre tato'mbikaa .. 3.24..

So'pi kopaanmahaaveeryah' khurakshunnamaheetalah' .
Shri'ngaabhyaam' parvataanuchchaam'shchikshepa cha nanaada cha .. 3.25..

Vegabhramanavikshunnaa mahee tasya vyasheeryata .
Laangoolenaahatashchaabdhih' plaavayaamaasa sarvatah' .. 3.26..

Dhutashri'ngavibhinnaashcha khand'am' khand'am' yayurghanaah' .
Shvaasaanilaastaah' shatasho nipeturnabhaso'chalaah' .. 3.27..

Iti krodhasamaadhmaatamaapatantam' mahaasuram .
Dri'sht'vaa saa chand'ikaa kopam' tadvadhaaya tadaakarot .. 3.28..

Saa kshiptvaa tasya vai paasham' tam' babandha mahaasuram .
Tatyaaja maahisham' roopam' so'pi baddho mahaamri'dhe .. 3.29..

Tatah' sim'ho'bhavatsadyo yaavattasyaambikaa shirah' .
Chhinatti taavat purushah' khad'gapaaniradri'shyata .. 3.30..

Tata evaashu purusham' devee chichchheda saayakaih' .
Tam' khad'gacharmanaa saardham' tatah' so'bhoonmahaagajah' .. 3.31..

Karena cha mahaasim'ham' tam' chakarsha jagarja cha .
Karshatastu karam' devee khad'gena nirakri'ntata .. 3.32..

Tato mahaasuro bhooyo maahisham' vapuraasthitah' .
Tathaiva kshobhayaamaasa trailokyam' sacharaacharam .. 3.33..

Tatah' kruddhaa jaganmaataa chand'ikaa paanamuttamam .
Papau punah' punashchaiva jahaasaarunalochanaa .. 3.34..

Nanarda chaasurah' so'pi balaveeryamadoddhatah' .
Vishaanaabhyaam' cha chikshepa chand'ikaam' prati bhoodharaan .. 3.35..

Saa cha taanprahitaam'stena choornayantee sharotkaraih' .
Uvaacha tam' madoddhootamukharaagaakulaaksharam .. 3.36..

Devyuvaacha .. 3.37..

Garja garja kshanam' mood'ha madhu yaavatpibaamyaham .
Mayaa tvayi hate'traiva garjishyantyaashu devataah' .. 3.38..

Ri'shiruvaacha .. 3.39..

Evamuktvaa samutpatya saarood'haa tam' mahaasuram .
Paadenaakramya kant'he cha shoolenainamataad'ayat .. 3.40..

Tatah' so'pi padaakraantastayaa nijamukhaattadaa .
Ardhanishkraanta evaaseeddevyaa veeryena sam'vri'tah' .. 3.41..

Ardhanishkraanta evaasau yudhyamaano mahaasurah' .
Tayaa mahaasinaa devyaa shirashchhittvaa nipaatitah' .. 3.42..

Tato haahaakri'tam' sarvam' daityasainyam' nanaasha tat .
Praharsham' cha param' jagmuh' sakalaa devataaganaah' .. 3.43..

Tusht'uvustaam' suraa deveem' sahadivyairmaharshibhih' .
Jagurgandharvapatayo nanri'tushchaapsaroganaah' .. 3.44..

.. Svasti shreemaarkand'eyapuraane saavarnike manvantare deveemaahaatmye
Mahishaasuravadho naama tri'teeyo'dhyaayah' .. 3..

Uvaacha 3, ardhashlokaah' 41, shlokaah' 44, evamaaditah' .. 217..

.. 4. Shakraadistutirnaama chaturtho'dhyaayah' ..

. Dhyaanam .
Om kaalaabhraabhaam' kat'aakshairarikulabhayadaam' maulibaddhendurekhaam'
Shankham' chakram' kri'paanam' trishikhamapi karairudvahanteem' trinetraam .
Sim'haskandhaadhirood'haam' tribhuvanamakhilam' tejasaa poorayanteem'
Dhyaayeddurgaam' jayaakhyaam' tridashaparivri'taam' sevitaam' siddhikaamaih' ..

Om ri'shiruvaacha .. 4.1..

Shakraadayah' suraganaa nihate'tiveerye
Tasminduraatmani suraaribale cha devyaa .
Taam' tusht'uvuh' pranatinamrashirodharaam'saa
Vaagbhih' praharshapulakodgamachaarudehaah' .. 4.2..

Devyaa yayaa tatamidam' jagadaatmashaktyaa
Nih'sheshadevaganashaktisamoohamoortyaa .
Taamambikaamakhiladevamaharshipoojyaam'
Bhaktyaa nataah' sma vidadhaatu shubhaani saa nah' .. 4.3..

Yasyaah' prabhaavamatulam' bhagavaanananto
Brahmaa harashcha na hi vaktumalam' balam' cha .
Saa chand'ikaakhilajagatparipaalanaaya
Naashaaya chaashubhabhayasya matim' karotu .. 4.4..

Yaa shreeh' svayam' sukri'tinaam' bhavaneshvalakshmeeh'
Paapaatmanaam' kri'tadhiyaam' hri'dayeshu buddhih' .
Shraddhaa sataam' kulajanaprabhavasya lajjaa
Taam' tvaam' nataah' sma paripaalaya devi vishvam .. 4.5..

Kim' varnayaama tava roopamachintyametat
Kinchaativeeryamasurakshayakaari bhoori .
Kim' chaahaveshu charitaani tavaati yaani
Sarveshu devyasuradevaganaadikeshu .. 4.6..

Hetuh' samastajagataam' trigunaapi doshai-
Rna jnyaayase hariharaadibhirapyapaaraa .
Sarvaashrayaakhilamidam' jagadam'shabhoota-
Mavyaakri'taa hi paramaa prakri'tistvamaadyaa .. 4.7..

Yasyaah' samastasurataa samudeeranena
Tri'ptim' prayaati sakaleshu makheshu devi .
Svaahaasi vai pitri'ganasya cha tri'ptihetu-
Ruchchaaryase tvamata eva janaih' svadhaa cha .. 4.8..

Yaa muktiheturavichintyamahaavrataa tvam'
Abhyasyase suniyatendriyatattvasaaraih' .
Mokshaarthibhirmunibhirastasamastadoshai-
Rvidyaasi saa bhagavatee paramaa hi devi .. 4.9..

Shabdaatmikaa suvimalargyajushaam' nidhaana-
Mudgeetharamyapadapaat'havataam' cha saamnaam .
Devi trayee bhagavatee bhavabhaavanaaya
Vaartaasi sarvajagataam' paramaartihantree .. 4.10..

Medhaasi devi viditaakhilashaastrasaaraa
Durgaasi durgabhavasaagaranaurasangaa .
Shreeh' kait'abhaarihri'dayaikakri'taadhivaasaa
Gauree tvameva shashimaulikri'tapratisht'haa .. 4.11..

Eeshatsahaasamamalam' paripoornachandra-
Bimbaanukaari kanakottamakaantikaantam .
Atyadbhutam' prahri'tamaattarushaa tathaapi
Vaktram' vilokya sahasaa mahishaasurena .. 4.12..

Dri'sht'vaa tu devi kupitam' bhrukut'eekaraala-
Mudyachchhashaankasadri'shachchhavi yanna sadyah' .
Praanaan mumocha mahishastadateeva chitram'
Kairjeevyate hi kupitaantakadarshanena .. 4.13..

Devi praseeda paramaa bhavatee bhavaaya
Sadyo vinaashayasi kopavatee kulaani .
Vijnyaatametadadhunaiva yadastameta-
Nneetam' balam' suvipulam' mahishaasurasya .. 4.14..

Te sammataa janapadeshu dhanaani teshaam'
Teshaam' yashaam'si na cha seedati bandhuvargah' .
Dhanyaasta eva nibhri'taatmajabhri'tyadaaraa
Yeshaam' sadaabhyudayadaa bhavatee prasannaa .. 4.15..

Dharmyaani devi sakalaani sadaiva karmaa-
Nyatyaadri'tah' pratidinam' sukri'tee karoti .
Svargam' prayaati cha tato bhavatee prasaadaa-
Llokatraye'pi phaladaa nanu devi tena .. 4.16..

Durge smri'taa harasi bheetimasheshajantoh'
Svasthaih' smri'taa matimateeva shubhaam' dadaasi .
Daaridryaduh'khabhayahaarini kaa tvadanyaa
Sarvopakaarakaranaaya sadaardrachittaa .. 4.17..

Ebhirhatairjagadupaiti sukham' tathaite
Kurvantu naama narakaaya chiraaya paapam .
Sangraamamri'tyumadhigamya divam' prayaantu
Matveti noonamahitaanviniham'si devi .. 4.18..

Dri'sht'vaiva kim' na bhavatee prakaroti bhasma
Sarvaasuraanarishu yatprahinoshi shastram .
Lokaanprayaantu ripavo'pi hi shastrapootaa
Ittham' matirbhavati teshvahiteshusaadhvee .. 4.19..

Khad'gaprabhaanikaravisphuranaistathograih'
Shoolaagrakaantinivahena dri'sho'suraanaam .
Yannaagataa vilayamam'shumadindukhand'a-
Yogyaananam' tava vilokayataam' tadetat .. 4.20..

Durvri'ttavri'ttashamanam' tava devi sheelam'
Roopam' tathaitadavichintyamatulyamanyaih' .
Veeryam' cha hantri' hri'tadevaparaakramaanaam'
Vairishvapi prakat'itaiva dayaa tvayettham .. 4.21..

Kenopamaa bhavatu te'sya paraakramasya
Roopam' cha shatrubhayakaaryatihaari kutra .
Chitte kri'paa samaranisht'hurataa cha dri'sht'aa
Tvayyeva devi varade bhuvanatraye'pi .. 4.22..

Trailokyametadakhilam' ripunaashanena
Traatam' tvayaa samaramoordhani te'pi hatvaa .
Neetaa divam' ripuganaa bhayamapyapaastam
Asmaakamunmadasuraaribhavam' namaste .. 4.23..

Shoolena paahi no devi paahi khad'gena chaambike .
Ghant'aasvanena nah' paahi chaapajyaanih'svanena cha .. 4.24..

Praachyaam' raksha prateechyaam' cha chand'ike raksha dakshine .
Bhraamanenaatmashoolasya uttarasyaam' tatheshvari .. 4.25..

Saumyaani yaani roopaani trailokye vicharanti te .
Yaani chaatyantaghoraani tai rakshaasmaam'stathaa bhuvam .. 4.26..

Khad'gashoolagadaadeeni yaani chaastraani te'mbike .
Karapallavasangeeni tairasmaanraksha sarvatah' .. 4.27..

Ri'shiruvaacha .. 4.28..

Evam' stutaa surairdivyaih' kusumairnandanodbhavaih' .
Architaa jagataam' dhaatree tathaa gandhaanulepanaih' .. 4.29..

Bhaktyaa samastaistridashairdivyairdhoopaih' sudhoopitaa .
Praaha prasaadasumukhee samastaan pranataan suraan .. 4.30..

Devyuvaacha .. 4.31..

Vriyataam' tridashaah' sarve yadasmatto'bhivaanchhitam .. 4.32..

Devaa oochuh' .. 4.33..

Bhagavatyaa kri'tam' sarvam' na kinchidavashishyate .. 4.34..

Yadayam' nihatah' shatrurasmaakam' mahishaasurah' .
Yadi chaapi varo deyastvayaasmaakam' maheshvari .. 4.35..

Sam'smri'taa sam'smri'taa tvam' no him'sethaah' paramaapadah' .
Yashcha martyah' stavairebhistvaam' stoshyatyamalaanane .. 4.36..

Tasya vittarddhivibhavairdhanadaaraadisampadaam .
Vri'ddhaye'smatprasannaa tvam' bhavethaah' sarvadaambike .. 4.37..

Ri'shiruvaacha .. 4.38..

Iti prasaaditaa devairjagato'rthe tathaatmanah' .
Tathetyuktvaa bhadrakaalee babhoovaantarhitaa nri'pa .. 4.39..

Ityetatkathitam' bhoopa sambhootaa saa yathaa puraa .
Devee devashareerebhyo jagattrayahitaishinee .. 4.40..

Punashcha gaureedehaatsaa samudbhootaa yathaabhavat .
Vadhaaya dusht'adaityaanaam' tathaa shumbhanishumbhayoh' .. 4.41..

Rakshanaaya cha lokaanaam' devaanaamupakaarinee .
Tachchhri'nushva mayaakhyaatam' yathaavatkathayaami te .. 4.42..

. Hreem' om .
.. Svasti shreemaarkand'eyapuraane saavarnike manvantare
Deveemaahaatmye shakraadistutirnaama chaturtho'dhyaayah' .. 4..

Uvaacha 5, ardhashlokau 2, shlokaah' 35, evamaaditah' .. 259..

.. 5. Devyaa dootasam'vaado naama panchamo'dhyaayah' ..

Viniyogah': asya shree uttaracharitrasya rudra ri'shih' . Shreemahaasarasvatee devataa . Anusht'up chhandah' . Bheemaa shaktih' . Bhraamaree beejam . Sooryastattvam . Saamavedah' svaroopam . Shreemahaasarasvateepreetyarthe uttaracharitrapaat'he viniyogah' .

. Dhyaanam .
Ghant'aashoolahalaani shankhamusale chakram' dhanuh' saayakam'
Hastaabjairdadhateem' ghanaantavilasachchheetaam'shutulyaprabhaam .
Gaureedehasamudbhavaam' trijagataamaadhaarabhootaam' mahaa-
Poorvaamatra sarasvateemanubhaje shumbhaadidaityaardineem ..

Om kleem' ri'shiruvaacha .. 5.1..

Puraa shumbhanishumbhaabhyaamasuraabhyaam' shacheepateh' .
Trailokyam' yajnyabhaagaashcha hri'taa madabalaashrayaat .. 5.2..

Taaveva sooryataam' tadvadadhikaaram' tathaindavam .
Kauberamatha yaamyam' cha chakraate varunasya cha .. 5.3..

Taaveva pavanarddhim' cha chakraturvahnikarma cha .
Tato devaa vinirdhootaa bhrasht'araajyaah' paraajitaah' .. 5.4..

Hri'taadhikaaraastridashaastaabhyaam' sarve niraakri'taah' .
Mahaasuraabhyaam' taam' deveem' sam'smarantyaparaajitaam .. 5.5..

Tayaasmaakam' varo datto yathaapatsu smri'taakhilaah' .
Bhavataam' naashayishyaami tatkshanaatparamaapadah' .. 5.6..

Iti kri'tvaa matim' devaa himavantam' nageshvaram .
Jagmustatra tato deveem' vishnumaayaam' pratusht'uvuh' .. 5.7..

Devaa oochuh' .. 5.8..

Namo devyai mahaadevyai shivaayai satatam' namah' .
Namah' prakri'tyai bhadraayai niyataah' pranataah' sma taam .. 5.9..

Raudraayai namo nityaayai gauryai dhaatryai namo namah' .
Jyotsnaayai chenduroopinyai sukhaayai satatam' namah' .. 5.10..

Kalyaanyai pranataam' vri'ddhyai siddhyai kurmo namo namah' .
Nairri'tyai bhoobhri'taam' lakshmyai sharvaanyai te namo namah' .. 5.11..

Durgaayai durgapaaraayai saaraayai sarvakaarinyai .
Khyaatyai tathaiva kri'shnaayai dhoomraayai satatam' namah' .. 5.12..

Atisaumyaatiraudraayai nataastasyai namo namah' .
Namo jagatpratisht'haayai devyai kri'tyai namo namah' .. 5.13..

Yaa devee sarvabhooteshu vishnumaayeti shabditaa .
Namastasyai namastasyai namastasyai namo namah' .. 5.14-16..

Yaa devee sarvabhooteshu chetanetyabhidheeyate .
Namastasyai namastasyai namastasyai namo namah' .. 5.17-19..

Yaa devee sarvabhooteshu buddhiroopena sam'sthitaa .
Namastasyai namastasyai namastasyai namo namah' .. 5.20-22..

Yaa devee sarvabhooteshu nidraaroopena sam'sthitaa .
Namastasyai namastasyai namastasyai namo namah' .. 5.23-25..

Yaa devee sarvabhooteshu kshudhaaroopena sam'sthitaa .
Namastasyai namastasyai namastasyai namo namah' .. 5.26-28..

Yaa devee sarvabhooteshu chhaayaaroopena sam'sthitaa .
Namastasyai namastasyai namastasyai namo namah' .. 5.29-31..

Yaa devee sarvabhooteshu shaktiroopena sam'sthitaa .
Namastasyai namastasyai namastasyai namo namah' .. 5.32-34..

Yaa devee sarvabhooteshu tri'shnaaroopena sam'sthitaa .
Namastasyai namastasyai namastasyai namo namah' .. 5.35-37..

Yaa devee sarvabhooteshu kshaantiroopena sam'sthitaa .
Namastasyai namastasyai namastasyai namo namah' .. 5.38-40..

Yaa devee sarvabhooteshu jaatiroopena sam'sthitaa .
Namastasyai namastasyai namastasyai namo namah' .. 5.41-43..

Yaa devee sarvabhooteshu lajjaaroopena sam'sthitaa .
Namastasyai namastasyai namastasyai namo namah' .. 5.44-46..

Yaa devee sarvabhooteshu shaantiroopena sam'sthitaa .
Namastasyai namastasyai namastasyai namo namah' .. 5.47-49..

Yaa devee sarvabhooteshu shraddhaaroopena sam'sthitaa .
Namastasyai namastasyai namastasyai namo namah' .. 5.50-52..

Yaa devee sarvabhooteshu kaantiroopena sam'sthitaa .
Namastasyai namastasyai namastasyai namo namah' .. 5.53-55..

Yaa devee sarvabhooteshu lakshmeeroopena sam'sthitaa .
Namastasyai namastasyai namastasyai namo namah' .. 5.56-58..

Yaa devee sarvabhooteshu vri'ttiroopena sam'sthitaa .
Namastasyai namastasyai namastasyai namo namah' .. 5.59-61..

Yaa devee sarvabhooteshu smri'tiroopena sam'sthitaa .
Namastasyai namastasyai namastasyai namo namah' .. 5.62-64..

Yaa devee sarvabhooteshu dayaaroopena sam'sthitaa .
Namastasyai namastasyai namastasyai namo namah' .. 5.65-67..

Yaa devee sarvabhooteshu tusht'iroopena sam'sthitaa .
Namastasyai namastasyai namastasyai namo namah' .. 5.68-70..

Yaa devee sarvabhooteshu maatri'roopena sam'sthitaa .
Namastasyai namastasyai namastasyai namo namah' .. 5.71-73..

Yaa devee sarvabhooteshu bhraantiroopena sam'sthitaa .
Namastasyai namastasyai namastasyai namo namah' .. 5.74-76..

Indriyaanaamadhisht'haatree bhootaanaam' chaakhileshu yaa .
Bhooteshu satatam' tasyai vyaaptyai devyai namo namah' .. 5.77..

Chitiroopena yaa kri'tsnametad vyaapya sthitaa jagat .
Namastasyai namastasyai namastasyai namo namah' .. 5.78-80..

Stutaa suraih' poorvamabheesht'asam'shrayaa-
Ttathaa surendrena dineshu sevitaa .
Karotu saa nah' shubhahetureeshvaree
Shubhaani bhadraanyabhihantu chaapadah' .. 5.81..

Yaa saampratam' choddhatadaityataapitai-
Rasmaabhireeshaa cha surairnamasyate .
Yaa cha smri'taa tatkshanameva hanti nah'
Sarvaapado bhaktivinamramoortibhih' .. 5.82..

Ri'shiruvaacha .. 5.83..

Evam' stavaabhiyuktaanaam' devaanaam' tatra paarvatee .
Snaatumabhyaayayau toye jaahnavyaa nri'panandana .. 5.84..

Saabraveettaan suraan subhroorbhavadbhih' stooyate'tra kaa .
Shareerakoshatashchaasyaah' samudbhootaabraveechchhivaa .. 5.85..

Stotram' mamaitatkriyate shumbhadaityaniraakri'taih' .
Devaih' sametaih' samare nishumbhena paraajitaih' .. 5.86..

Shareerakoshaadyattasyaah' paarvatyaa nih'sri'taambikaa .
Kaushikeeti samasteshu tato lokeshu geeyate .. 5.87..

Tasyaam' vinirgataayaam' tu kri'shnaabhootsaapi paarvatee .
Kaaliketi samaakhyaataa himaachalakri'taashrayaa .. 5.88..

Tato'mbikaam' param' roopam' bibhraanaam' sumanoharam .
Dadarsha chand'o mund'ashcha bhri'tyau shumbhanishumbhayoh' .. 5.89..

Taabhyaam' shumbhaaya chaakhyaataa saateeva sumanoharaa .
Kaapyaaste stree mahaaraaja bhaasayantee himaachalam .. 5.90..

Naiva taadri'k kvachidroopam' dri'sht'am' kenachiduttamam .
Jnyaayataam' kaapyasau devee gri'hyataam' chaasureshvara .. 5.91..

Streeratnamatichaarvangee dyotayantee dishastvishaa .
Saa tu tisht'hati daityendra taam' bhavaan drasht'umarhati .. 5.92..

Yaani ratnaani manayo gajaashvaadeeni vai prabho .
Trailokye tu samastaani saampratam' bhaanti te gri'he .. 5.93..

Airaavatah' samaaneeto gajaratnam' purandaraat .
Paarijaatatarushchaayam' tathaivochchaih'shravaa hayah' .. 5.94..

Vimaanam' ham'sasam'yuktametattisht'hati te'ngane .
Ratnabhootamihaaneetam' yadaaseedvedhaso'dbhutam .. 5.95..

Nidhiresha mahaapadmah' samaaneeto dhaneshvaraat .
Kinjalkineem' dadau chaabdhirmaalaamamlaanapankajaam .. 5.96..

Chhatram' te vaarunam' gehe kaanchanasraavi tisht'hati .
Tathaayam' syandanavaro yah' puraaseetprajaapateh' .. 5.97..

Mri'tyorutkraantidaa naama shaktireesha tvayaa hri'taa .
Paashah' salilaraajasya bhraatustava parigrahe .. 5.98..

Nishumbhasyaabdhijaataashcha samastaa ratnajaatayah' .
Vahnirapi dadau tubhyamagnishauche cha vaasasee .. 5.99..

Evam' daityendra ratnaani samastaanyaahri'taani te .
Streeratnameshaa kalyaanee tvayaa kasmaanna gri'hyate .. 5.100..

Ri'shiruvaacha .. 5.101..

Nishamyeti vachah' shumbhah' sa tadaa chand'amund'ayoh' .
Preshayaamaasa sugreevam' dootam' devyaa mahaasuram .. 5.102..

Iti cheti cha vaktavyaa saa gatvaa vachanaanmama .
Yathaa chaabhyeti sampreetyaa tathaa kaaryam' tvayaa laghu .. 5.103..

Sa tatra gatvaa yatraaste shailoddeshe'tishobhane .
Taam' cha deveem' tatah' praaha shlakshnam' madhurayaa giraa .. 5.104..

Doota uvaacha .. 5.105..

Devi daityeshvarah' shumbhastrailokye parameshvarah' .
Dooto'ham' preshitastena tvatsakaashamihaagatah' .. 5.106..

Avyaahataajnyah' sarvaasu yah' sadaa devayonishu .
Nirjitaakhiladaityaarih' sa yadaaha shri'nushva tat .. 5.107..

Mama trailokyamakhilam' mama devaa vashaanugaah' .
Yajnyabhaagaanaham' sarvaanupaashnaami pri'thak pri'thak .. 5.108..

Trailokye vararatnaani mama vashyaanyasheshatah' .
Tathaiva gajaratnam' cha hri'tam' devendravaahanam .. 5.109..

Ksheerodamathanodbhootamashvaratnam' mamaamaraih' .
Uchchaih'shravasasanjnyam' tatpranipatya samarpitam .. 5.110..

Yaani chaanyaani deveshu gandharveshoorageshu cha .
Ratnabhootaani bhootaani taani mayyeva shobhane .. 5.111..

Streeratnabhootaam' tvaam' devi loke manyaamahe vayam .
Saa tvamasmaanupaagachchha yato ratnabhujo vayam .. 5.112..

Maam' vaa mamaanujam' vaapi nishumbhamuruvikramam .
Bhaja tvam' chanchalaapaangi ratnabhootaasi vai yatah' .. 5.113..

Paramaishvaryamatulam' praapsyase matparigrahaat .
Etadbuddhyaa samaalochya matparigrahataam' vraja .. 5.114..

Ri'shiruvaacha .. 5.115..

Ityuktaa saa tadaa devee gambheeraantah'smitaa jagau .
Durgaa bhagavatee bhadraa yayedam' dhaaryate jagat .. 5.116..

Devyuvaacha .. 5.117..

Satyamuktam' tvayaa naatra mithyaa kinchittvayoditam .
Trailokyaadhipatih' shumbho nishumbhashchaapi taadri'shah' .. 5.118..

Kim' tvatra yatpratijnyaatam' mithyaa tatkriyate katham .
Shrooyataamalpabuddhitvaatpratijnyaa yaa kri'taa puraa .. 5.119..

Yo maam' jayati sangraame yo me darpam' vyapohati .
Yo me pratibalo loke sa me bhartaa bhavishyati .. 5.120..

Tadaagachchhatu shumbho'tra nishumbho vaa mahaabalah' .
Maam' jitvaa kim' chirenaatra paanim' gri'hnaatu me laghu .. 5.121..

Doota uvaacha .. 5.122..

Avaliptaasi maivam' tvam' devi broohi mamaagratah' .
Trailokye kah' pumaam'stisht'hedagre shumbhanishumbhayoh' .. 5.123..

Anyeshaamapi daityaanaam' sarve devaa na vai yudhi .
Tisht'hanti sammukhe devi kim' punah' stree tvamekikaa .. 5.124..

Indraadyaah' sakalaa devaastasthuryeshaam' na sam'yuge .
Shumbhaadeenaam' katham' teshaam' stree prayaasyasi sammukham .. 5.125..

Saa tvam' gachchha mayaivoktaa paarshvam' shumbhanishumbhayoh' .
Keshaakarshananirdhootagauravaa maa gamishyasi .. 5.126..

Devyuvaacha .. 5.127..

Evametad balee shumbho nishumbhashchaapitaadri'shah' .
Kim' karomi pratijnyaa me yadanaalochitaa puraa .. 5.128..

Sa tvam' gachchha mayoktam' te yadetatsarvamaadri'tah' .
Tadaachakshvaasurendraaya sa cha yuktam' karotu yat .. 5.129..

.. Svasti shreemaarkand'eyapuraane saavarnike manvantare deveemaahaatmye
Devyaa dootasam'vaado naama panchamo'dhyaayah' .. 5..

Uvaacha 9, tripaanmantraah' 66, shlokaah' 54, evamaaditah' .. 388..

.. 6. Shumbhanishumbhasenaaneedhoomralochanavadho naama shasht'ho'dhyaayah' ..

. Dhyaanam .
Om naagaadheeshvaravisht'araam' phaniphanottam'soru ratnaavalee-
Bhaasvaddehalataam' divaakaranibhaam' netratrayodbhaasitaam .
Maalaakumbhakapaalaneerajakaraam' chandraardhachood'aam' paraam'
Sarvajnyeshvarabhairavaanganilayaam' padmaavateem' chintaye ..

Om ri'shiruvaacha .. 6.1..

Ityaakarnya vacho devyaah' sa dooto'marshapooritah' .
Samaachasht'a samaagamya daityaraajaaya vistaraat .. 6.2..

Tasya dootasya tadvaakyamaakarnyaasuraraat' tatah' .
Sakrodhah' praaha daityaanaamadhipam' dhoomralochanam .. 6.3..

He dhoomralochanaashu tvam' svasainyaparivaaritah' .
Taamaanaya balaaddusht'aam' keshaakarshanavihvalaam .. 6.4..

Tatparitraanadah' kashchidyadi vottisht'hate'parah' .
Sa hantavyo'maro vaapi yaksho gandharva eva vaa .. 6.5..

Ri'shiruvaacha .. 6.6..

Tenaajnyaptastatah' sheeghram' sa daityo dhoomralochanah' .
Vri'tah' shasht'yaa sahasraanaamasuraanaam' drutam' yayau .. 6.7..

Sa dri'sht'vaa taam' tato deveem' tuhinaachalasam'sthitaam .
Jagaadochchaih' prayaaheeti moolam' shumbhanishumbhayoh' .. 6.8..

Na chetpreetyaadya bhavatee madbhartaaramupaishyati .
Tato balaannayaamyesha keshaakarshanavihvalaam .. 6.9..

Devyuvaacha .. 6.10..

Daityeshvarena prahito balavaanbalasam'vri'tah' .
Balaannayasi maamevam' tatah' kim' te karomyaham .. 6.11..

Ri'shiruvaacha .. 6.12..

Ityuktah' so'bhyadhaavattaamasuro dhoomralochanah' .
Hunkaarenaiva tam' bhasma saa chakaaraambikaa tadaa .. 6.13..

Atha kruddham' mahaasainyamasuraanaam' tathaambikaa .

Vavarsha saayakaisteekshnaistathaa shaktiparashvadhaih' .. 6.14..

Tato dhutasat'ah' kopaatkri'tvaa naadam' subhairavam .
Papaataasurasenaayaam' sim'ho devyaah' svavaahanah' .. 6.15..

Kaam'shchitkaraprahaarena daityaanaasyena chaaparaan .
Aakraantyaa chaadharenaanyaan jaghaana sa mahaasuraan .. 6.16..

Keshaanchitpaat'ayaamaasa nakhaih' kosht'haani kesaree .
Tathaa talaprahaarena shiraam'si kri'tavaanpri'thak .. 6.17..

Vichchhinnabaahushirasah' kri'taastena tathaapare .
Papau cha rudhiram' kosht'haadanyeshaam' dhutakesarah' .. 6.18..

Kshanena tadbalam' sarvam' kshayam' neetam' mahaatmanaa .
Tena kesarinaa devyaa vaahanenaatikopinaa .. 6.19..

Shrutvaa tamasuram' devyaa nihatam' dhoomralochanam .
Balam' cha kshayitam' kri'tsnam' deveekesarinaa tatah' .. 6.20..

Chukopa daityaadhipatih' shumbhah' prasphuritaadharah' .
Aajnyaapayaamaasa cha tau chand'amund'au mahaasurau .. 6.21..

He chand'a he mund'a balairbahubhih' parivaaritau .
Tatra gachchhata gatvaa cha saa samaaneeyataam' laghu .. 6.22..

Kesheshvaakri'shya baddhvaa vaa yadi vah' sam'shayo yudhi .
Tadaasheshaayudhaih' sarvairasurairvinihanyataam .. 6.23..

Tasyaam' hataayaam' dusht'aayaam' sim'he cha vinipaatite .
Sheeghramaagamyataam' baddhvaa gri'heetvaa taamathaambikaam .. 6.24..

.. Svasti shreemaarkand'eyapuraane saavarnike manvantare deveemaahaatmye
Shumbhanishumbhasenaaneedhoomralochanavadho naama shasht'ho'dhyaayah' .. 6..

Uvaacha 4, shlokaah' 24, evamaaditah' .. 412..

.. 7. Chand'amund'avadho naama saptamo'dhyaayah' ..

. Dhyaanam .
Om dhyaayeyam' ratnapeet'he shukakalapat'hitam' shri'nvateem' shyaamalaangeem'
Nyastaikaanghrim' saroje shashishakaladharaam' vallakeem' vaadayanteem .
Kalhaaraabaddhamaalaam' niyamitavilasachcholikaam' ratnavastraam'
Maatangee shankapaatraam' madhuramadhumadaam' chitrakodbhaasibhaalaam ..

Om ri'shiruvaacha .. 7.1..

Aajnyaptaaste tato daityaashchand'amund'apurogamaah' .
Chaturangabalopetaa yayurabhyudyataayudhaah' .. 7.2..

Dadri'shuste tato deveemeeshaddhaasaam' vyavasthitaam .
Sim'hasyopari shailendrashri'nge mahati kaanchane .. 7.3..

Te dri'sht'vaa taam' samaadaatumudyamam' chakrurudyataah' .
Aakri'sht'achaapaasidharaastathaanye tatsameepagaah' .. 7.4..

Tatah' kopam' chakaarochchairambikaa taanareenprati .
Kopena chaasyaa vadanam' masheevarnamabhoottadaa .. 7.5..

Bhrukut'eekut'ilaattasyaa lalaat'aphalakaaddrutam .
Kaalee karaalavadanaa vinishkraantaasipaashinee .. 7.6..

Vichitrakhat'vaangadharaa naramaalaavibhooshanaa .
Dveepicharmapareedhaanaa shushkamaam'saatibhairavaa .. 7.7..

Ativistaaravadanaa jihvaalalanabheeshanaa .
Nimagnaaraktanayanaa naadaapooritadingmukhaa .. 7.8..

Saa vegenaabhipatitaa ghaatayantee mahaasuraan .
Sainye tatra suraareenaamabhakshayata tadbalam .. 7.9..

Paarshnigraahaankushagraahayodhaghant'aasamanvitaan .
Samaadaayaikahastena mukhe chikshepa vaaranaan .. 7.10..

Tathaiva yodham' turagai ratham' saarathinaa saha .
Nikshipya vaktre dashanaishcharvayantyatibhairavam .. 7.11..

Ekam' jagraaha kesheshu greevaayaamatha chaaparam .
Paadenaakramya chaivaanyamurasaanyamapothayat .. 7.12..

Tairmuktaani cha shastraani mahaastraani tathaasuraih' .
Mukhena jagraaha rushaa dashanairmathitaanyapi .. 7.13..

Balinaam' tadbalam' sarvamasuraanaam' duraatmanaam .
Mamardaabhakshayachchaanyaananyaam'shchaataad'ayattadaa .. 7.14..

Asinaa nihataah' kechitkechitkhat'vaangataad'itaah' .
Jagmurvinaashamasuraa dantaagraabhihataastathaa .. 7.15..

Kshanena tadbalam' sarvamasuraanaam' nipaatitam .
Dri'sht'vaa chand'o'bhidudraava taam' kaaleematibheeshanaam .. 7.16..

Sharavarshairmahaabheemairbheemaaksheem' taam' mahaasurah' .
Chhaadayaamaasa chakraishcha mund'ah' kshiptaih' sahasrashah' .. 7.17..

Taani chakraanyanekaani vishamaanaani tanmukham .
Babhuryathaarkabimbaani subahooni ghanodaram .. 7.18..

Tato jahaasaatirushaa bheemam' bhairavanaadinee .
Kaalee karaalavadanaa durdarshadashanojjvalaa .. 7.19..

Utthaaya cha mahaasim'ham' devee chand'amadhaavata .
Gri'heetvaa chaasya kesheshu shirastenaasinaachchhinat .. 7.20..

Atha mund'o'bhyadhaavattaam' dri'sht'vaa chand'am' nipaatitam .

Tamapyapaatayadbhoomau saa khad'gaabhihatam' rushaa .. 7.21..

Hatashesham' tatah' sainyam' dri'sht'vaa chand'am' nipaatitam .
Mund'am' cha sumahaaveeryam' disho bheje bhayaaturam .. 7.22..

Shirashchand'asya kaalee cha gri'heetvaa mund'ameva cha .
Praaha prachand'aat't'ahaasamishramabhyetya chand'ikaam .. 7.23..

Mayaa tavaatropahri'tau chand'amund'au mahaapashoo .
Yuddhayajnye svayam' shumbham' nishumbham' cha hanishyasi .. 7.24..

Ri'shiruvaacha .. 7.25..

Taavaaneetau tato dri'sht'vaa chand'amund'au mahaasurau .
Uvaacha kaaleem' kalyaanee lalitam' chand'ikaa vachah' .. 7.26..

Yasmaachchand'am' cha mund'am' cha gri'heetvaa tvamupaagataa .
Chaamund'eti tato loke khyaataa devee bhavishyasi .. 7.27..

.. Svasti shreemaarkand'eyapuraane saavarnike manvantare deveemaahaatmye
Chand'amund'avadho naama saptamo'dhyaayah' .. 7..

Uvaacha 2, shlokaah' 25, evamaaditah' .. 439..

.. 8. Raktabeejavadho naamaasht'amo'dhyaayah' ..

. Dhyaanam .
Om arunaam' karunaatarangitaaksheem'
Dhri'tapaashaankushabaanaachaapahastaam .
Animaadibhiraavri'taam' mayookhai-
Rahamityeva vibhaavaye bhavaaneem ..

Om ri'shiruvaacha .. 8.1..

Chand'e cha nihate daitye mund'e cha vinipaatite .
Bahuleshu cha sainyeshu kshayiteshvasureshvarah' .. 8.2..

Tatah' kopaparaadheenachetaah' shumbhah' prataapavaan .
Udyogam' sarvasainyaanaam' daityaanaamaadidesha ha .. 8.3..

Adya sarvabalairdaityaah' shad'asheetirudaayudhaah' .
Kamboonaam' chaturasheetirniryaantu svabalairvri'taah' .. 8.4..

Kot'iveeryaani panchaashadasuraanaam' kulaani vai .
Shatam' kulaani dhaumraanaam' nirgachchhantu mamaajnyayaa .. 8.5..

Kaalakaa daurhri'daa maurvaah' kaalikeyaastathaasuraah' .
Yuddhaaya sajjaa niryaantu aajnyayaa tvaritaa mama .. 8.6..

Ityaajnyaapyaasurapatih' shumbho bhairavashaasanah' .
Nirjagaama mahaasainyasahasrairbahubhirvri'tah' .. 8.7..

Aayaantam' chand'ikaa dri'sht'vaa tatsainyamatibheeshanam .
Jyaasvanaih' poorayaamaasa dharaneegaganaantaram .. 8.8..

Tatah' sim'ho mahaanaadamateeva kri'tavaannri'pa .
Ghant'aasvanena taannaadaanambikaa chopabri'm'hayat .. 8.9..

Dhanurjyaasim'haghant'aanaam' naadaapooritadingmukhaa .
Ninaadairbheeshanaih' kaalee jigye vistaaritaananaa .. 8.10..

Tam' ninaadamupashrutya daityasainyaishchaturdisham .
Devee sim'hastathaa kaalee saroshaih' parivaaritaah' .. 8.11..

Etasminnantare bhoopa vinaashaaya suradvishaam .
Bhavaayaamarasim'haanaamativeeryabalaanvitaah' .. 8.12..

Brahmeshaguhavishnoonaam' tathendrasya cha shaktayah' .
Shareerebhyo vinishkramya tadroopaishchand'ikaam' yayuh' .. 8.13..

Yasya devasya yadroopam' yathaa bhooshanavaahanam .
Tadvadeva hi tachchhaktirasuraanyoddhumaayayau .. 8.14..

Ham'sayuktavimaanaagre saakshasootrakamand'aluh' .
Aayaataa brahmanah' shaktirbrahmaaneetyabhidheeyate .. 8.15..

Maaheshvaree vri'shaarood'haa trishoolavaradhaarinee .
Mahaahivalayaa praaptaa chandrarekhaavibhooshanaa .. 8.16..

Kaumaaree shaktihastaa cha mayooravaravaahanaa .
Yoddhumabhyaayayau daityaanambikaa guharoopinee .. 8.17..

Tathaiva vaishnavee shaktirgarud'opari sam'sthitaa .
Shankhachakragadaashaarngakhad'gahastaabhyupaayayau .. 8.18..

Yajnyavaaraahamatulam' roopam' yaa bibhrato hareh' .
Shaktih' saapyaayayau tatra vaaraaheem' bibhratee tanum .. 8.19..

Naarasim'hee nri'sim'hasya bibhratee sadri'sham' vapuh' .
Praaptaa tatra sat'aakshepakshiptanakshatrasam'hatih' .. 8.20..

Vajrahastaa tathaivaindree gajaraajopari sthitaa .
Praaptaa sahasranayanaa yathaa shakrastathaiva saa .. 8.21..

Tatah' parivri'tastaabhireeshaano devashaktibhih' .
Hanyantaamasuraah' sheeghram' mama preetyaaha chand'ikaam .. 8.22..

Tato deveeshareeraattu vinishkraantaatibheeshanaa .
Chand'ikaa shaktiratyugraa shivaashataninaadinee .. 8.23..

Saa chaaha dhoomrajat'ilameeshaanamaparaajitaa .
Doota tvam' gachchha bhagavan paarshvam' shumbhanishumbhayoh' .. 8.24..

Broohi shumbham' nishumbham' cha daanavaavatigarvitau .
Ye chaanye daanavaastatra yuddhaaya samupasthitaah' .. 8.25..

Trailokyamindro labhataam' devaah' santu havirbhujah' .
Yooyam' prayaata paataalam' yadi jeevitumichchhatha .. 8.26..

Balaavalepaadatha chedbhavanto yuddhakaankshinah' .
Tadaagachchhata tri'pyantu machchhivaah' pishitena vah' .. 8.27..

Yato niyukto dautyena tayaa devyaa shivah' svayam .
Shivadooteeti loke'smim'statah' saa khyaatimaagataa .. 8.28..

Te'pi shrutvaa vacho devyaah' sharvaakhyaatam' mahaasuraah' .
Amarshaapooritaa jagmuryatra kaatyaayanee sthitaa .. 8.29..

Tatah' prathamamevaagre sharashaktyri'sht'ivri'sht'ibhih' .
Vavarshuruddhataamarshaastaam' deveemamaraarayah' .. 8.30..

Saa cha taan prahitaan baanaanchhoolashaktiparashvadhaan .
Chichchheda leelayaadhmaatadhanurmuktairmaheshubhih' .. 8.31..

Tasyaagratastathaa kaalee shoolapaatavidaaritaan .
Khat'vaangapothitaam'shchaareenkurvatee vyacharattadaa .. 8.32..

Kamand'alujalaakshepahataveeryaan hataujasah' .
Brahmaanee chaakarochchhatroonyena yena sma dhaavati .. 8.33..

Maaheshvaree trishoolena tathaa chakrena vaishnavee .
Daityaanjaghaana kaumaaree tathaa shaktyaatikopanaa .. 8.34..

Aindree kulishapaatena shatasho daityadaanavaah' .
Peturvidaaritaah' pri'thvyaam' rudhiraughapravarshinah' .. 8.35..

Tund'aprahaaravidhvastaa dam'sht'raagrakshatavakshasah' .
Vaaraahamoortyaa nyapatam'shchakrena cha vidaaritaah' .. 8.36..

Nakhairvidaaritaam'shchaanyaan bhakshayantee mahaasuraan .
Naarasim'hee chachaaraajau naadaapoornadigambaraa .. 8.37..

Chand'aat't'ahaasairasuraah' shivadootyabhidooshitaah' .
Petuh' pri'thivyaam' patitaam'staam'shchakhaadaatha saa tadaa .. 8.38..

Iti maatri'ganam' kruddham' mardayantam' mahaasuraan .
Dri'sht'vaabhyupaayairvividhairneshurdevaarisainikaah' .. 8.39..

Palaayanaparaandri'sht'vaa daityaanmaatri'ganaarditaan .
Yoddhumabhyaayayau kruddho raktabeejo mahaasurah' .. 8.40..

Raktabinduryadaa bhoomau patatyasya shareeratah' .
Samutpatati medinyaam' tatpramaano mahaasurah' .. 8.41..

Yuyudhe sa gadaapaanirindrashaktyaa mahaasurah' .
Tatashchaindree svavajrena raktabeejamataad'ayat .. 8.42..

Kulishenaahatasyaashu bahu susraava shonitam .
Samuttasthustato yodhaastadroopaastatparaakramaah' .. 8.43..

Yaavantah' patitaastasya shareeraadraktabindavah' .
Taavantah' purushaa jaataastadveeryabalavikramaah' .. 8.44..

Te chaapi yuyudhustatra purushaa raktasambhavaah' .
Samam' maatri'bhiratyugrashastrapaataatibheeshanam .. 8.45..

Punashcha vajrapaatena kshatamasya shiro yadaa .
Vavaaha raktam' purushaastato jaataah' sahasrashah' .. 8.46..

Vaishnavee samare chainam' chakrenaabhijaghaana ha .
Gadayaa taad'ayaamaasa aindree tamasureshvaram .. 8.47..

Vaishnaveechakrabhinnasya rudhirasraavasambhavaih' .
Sahasrasho jagadvyaaptam' tatpramaanairmahaasuraih' .. 8.48..

Shaktyaa jaghaana kaumaaree vaaraahee cha tathaasinaa .
Maaheshvaree trishoolena raktabeejam' mahaasuram .. 8.49..

Sa chaapi gadayaa daityah' sarvaa evaahanat pri'thak .
Maatree'h' kopasamaavisht'o raktabeejo mahaasurah' .. 8.50..

Tasyaahatasya bahudhaa shaktishoolaadibhirbhuvi .
Papaata yo vai raktaughastenaasanchhatasho'suraah' .. 8.51..

Taishchaasuraasri'ksambhootairasuraih' sakalam' jagat .
Vyaaptamaaseettato devaa bhayamaajagmuruttamam .. 8.52..

Taan vishannaan suraan dri'sht'vaa chand'ikaa praahasatvaram .
Uvaacha kaaleem' chaamund'e visteernam' vadanam' kuru .. 8.53..

Machchhastrapaatasambhootaan raktabindoon mahaasuraan .
Raktabindoh' prateechchha tvam' vaktrenaanena veginaa .. 8.54..

Bhakshayantee chara rane tadutpannaanmahaasuraan .
Evamesha kshayam' daityah' kshenarakto gamishyati .. 8.55..

Bhakshyamaanaastvayaa chograa na chotpatsyanti chaapare .
Ityuktvaa taam' tato devee shoolenaabhijaghaana tam .. 8.56..

Mukhena kaalee jagri'he raktabeejasya shonitam .
Tato'saavaajaghaanaatha gadayaa tatra chand'ikaam .. 8.57..

Na chaasyaa vedanaam' chakre gadaapaato'lpikaamapi .
Tasyaahatasya dehaattu bahu susraava shonitam .. 8.58..

Yatastatastadvaktrena chaamund'aa samprateechchhati .
Mukhe samudgataa ye'syaa raktapaataanmahaasuraah' .. 8.59..

Taam'shchakhaadaatha chaamund'aa papau tasya cha shonitam .
Devee shoolena vajrena baanairasibhirri'sht'ibhih' .. 8.60..

Jaghaana raktabeejam' tam' chaamund'aapeetashonitam .
Sa papaata maheepri'sht'he shastrasanghasamaahatah' .. 8.61..

Neeraktashcha maheepaala raktabeejo mahaasurah' .
Tataste harshamatulamavaapustridashaa nri'pa .. 8.62..

Teshaam' maatri'gano jaato nanartaasri'ngmadoddhatah' .. 8.63..

.. Svasti shreemaarkand'eyapuraane saavarnike manvantare deveemaahaatmye
Raktabeejavadho naamaasht'amo'dhyaayah' .. 8..

Uvaacha 1, ardhashlokah' 1, shlokaah' 61, evamaaditah' .. 502..

.. 9. Nishumbhavadho naama navamo'dhyaayah' ..

. Dhyaanam .
Om bandhookakaanchananibham' ruchiraakshamaalaam'
Paashaankushau cha varadaam' nijabaahudand'aih' .
Bibhraanamindushakalaabharanam' trinetra-
Mardhaambikeshamanisham' vapuraashrayaami ..

Om raajovaacha .. 9.1..

Vichitramidamaakhyaatam' bhagavan bhavataa mama .
Devyaashcharitamaahaatmyam' raktabeejavadhaashritam .. 9.2..

Bhooyashchechchhaamyaham' shrotum' raktabeeje nipaatite .
Chakaara shumbho yatkarma nishumbhashchaatikopanah' .. 9.3..

Ri'shiruvaacha .. 9.4..

Chakaara kopamatulam' raktabeeje nipaatite .
Shumbhaasuro nishumbhashcha hateshvanyeshu chaahave .. 9.5..

Hanyamaanam' mahaasainyam' vilokyaamarshamudvahan .
Abhyadhaavannishumbho'tha mukhyayaasurasenayaa .. 9.6..

Tasyaagratastathaa pri'sht'he paarshvayoshcha mahaasuraah' .
Sandasht'ausht'haput'aah' kruddhaa hantum' deveemupaayayuh' .. 9.7..

Aajagaama mahaaveeryah' shumbho'pi svabalairvri'tah' .
Nihantum' chand'ikaam' kopaatkri'tvaa yuddham' tu maatri'bhih' .. 9.8..

Tato yuddhamateevaaseeddevyaa shumbhanishumbhayoh' .
Sharavarshamateevogram' meghayoriva varshatoh' .. 9.9..

Chichchhedaastaanchharaam'staabhyaam' chand'ikaa svasharotkaraih' .
Taad'ayaamaasa chaangeshu shastraughairasureshvarau .. 9.10..

Nishumbho nishitam' khad'gam' charma chaadaaya suprabham .
Ataad'ayanmoordhni sim'ham' devyaa vaahanamuttamam .. 9.11..

Taad'ite vaahane devee kshuraprenaasimuttamam .
Nishumbhasyaashu chichchheda charma chaapyasht'achandrakam .. 9.12..

Chhinne charmani khad'ge cha shaktim' chikshepa so'surah' .
Taamapyasya dvidhaa chakre chakrenaabhimukhaagataam .. 9.13..

Kopaadhmaato nishumbho'tha shoolam' jagraaha daanavah' .
Aayaatam' musht'ipaatena devee tachchaapyachoornayat .. 9.14..

Aavidyaatha gadaam' so'pi chikshepa chand'ikaam' prati .
Saapi devyaas trishoolena bhinnaa bhasmatvamaagataa .. 9.15..

Tatah' parashuhastam' tamaayaantam' daityapungavam .
Aahatya devee baanaughairapaatayata bhootale .. 9.16..

Tasminnipatite bhoomau nishumbhe bheemavikrame .
Bhraataryateeva sankruddhah' prayayau hantumambikaam .. 9.17..

Sa rathasthastathaatyuchchairgri'heetaparamaayudhaih' .
Bhujairasht'aabhiratulairvyaapyaashesham' babhau nabhah' .. 9.18..

Tamaayaantam' samaalokya devee shankhamavaadayat .
Jyaashabdam' chaapi dhanushashchakaaraateeva duh'saham .. 9.19..

Poorayaamaasa kakubho nijaghant'aasvanena cha .
Samastadaityasainyaanaam' tejovadhavidhaayinaa .. 9.20..

Tatah' sim'ho mahaanaadaistyaajitebhamahaamadaih' .
Poorayaamaasa gaganam' gaam' tathaiva disho dasha .. 9.21..

Tatah' kaalee samutpatya gaganam' kshmaamataad'ayat .
Karaabhyaam' tanninaadena praaksvanaaste tirohitaah' .. 9.22..

At't'aat't'ahaasamashivam' shivadootee chakaara ha .
Vaih' shabdairasuraastresuh' shumbhah' kopam' param' yayau .. 9.23..

Duraatmam'stisht'ha tisht'heti vyaajahaaraambikaa yadaa .
Tadaa jayetyabhihitam' devairaakaashasam'sthitaih' .. 9.24..

Shumbhenaagatya yaa shaktirmuktaa jvaalaatibheeshanaa .
Aayaantee vahnikoot'aabhaa saa nirastaa maholkayaa .. 9.25..

Sim'hanaadena shumbhasya vyaaptam' lokatrayaantaram .
Nirghaatanih'svano ghoro jitavaanavaneepate .. 9.26..

Shumbhamuktaanchharaandevee shumbhastatprahitaanchharaan .
Chichchheda svasharairugraih' shatasho'tha sahasrashah' .. 9.27..

Tatah' saa chand'ikaa kruddhaa shoolenaabhijaghaana tam .
Sa tadaabhihato bhoomau moorchchhito nipapaata ha .. 9.28..

Tato nishumbhah' sampraapya chetanaamaattakaarmukah' .
Aajaghaana sharairdeveem' kaaleem' kesarinam' tathaa .. 9.29..

Punashcha kri'tvaa baahoonaamayutam' danujeshvarah' .
Chakraayudhena ditijashchhaadayaamaasa chand'ikaam .. 9.30..

Tato bhagavatee kruddhaa durgaa durgaartinaashinee .
Chichchheda devee chakraani svasharaih' saayakaam'shcha taan .. 9.31..

Tato nishumbho vegena gadaamaadaaya chand'ikaam .
Abhyadhaavata vai hantum' daityasainyasamaavri'tah' .. 9.32..

Tasyaapatata evaashu gadaam' chichchheda chand'ikaa .
Khad'gena shitadhaarena sa cha shoolam' samaadade .. 9.33..

Shoolahastam' samaayaantam' nishumbhamamaraardanam .
Hri'di vivyaadha shoolena vegaaviddhena chand'ikaa .. 9.34..

Bhinnasya tasya shoolena hri'dayaannih'sri'to'parah' .
Mahaabalo mahaaveeryastisht'heti purusho vadan .. 9.35..

Tasya nishkraamato devee prahasya svanavattatah' .
Shirashchichchheda khad'gena tato'saavapatadbhuvi .. 9.36..

Tatah' sim'hashchakhaadogradam'sht'raakshunnashirodharaan .
Asuraam'staam'stathaa kaalee shivadootee tathaaparaan .. 9.37..

Kaumaareeshaktinirbhinnaah' kechinneshurmahaasuraah' .
Brahmaaneemantrapootena toyenaanye niraakri'taah' .. 9.38..

Maaheshvareetrishoolena bhinnaah' petustathaapare .
Vaaraaheetund'aghaatena kechichchoorneekri'taa bhuvi .. 9.39..

Khand'am' khand'am' cha chakrena vaishnavyaa daanavaah' kri'taah' .
Vajrena chaindreehastaagravimuktena tathaapare .. 9.40..

Kechidvineshurasuraah' kechinnasht'aa mahaahavaat .
Bhakshitaashchaapare kaaleeshivadooteemri'gaadhipaih' .. 9.41..

.. Svasti shreemaarkand'eyapuraane saavarnike manvantare deveemaahaatmye
Nishumbhavadho naama navamo'dhyaayah' .. 9..

Uvaacha 2, ardhashlokaah' 39, shlokaah' 41, evamaaditah' .. 543..

.. 10. Shumbhavadho naama dashamo'dhyaayah' ..

. Dhyaanam .
Om uttaptahemaruchiraam' ravichandravahni-
Netraam' dhanushsharayutaankushapaashashoolam .
Ramyairbhujaishcha dadhateem' shivashaktiroopaam'
Kaameshvareem' hri'di bhajaami dhri'tendulekhaam ..

Om ri'shiruvaacha .. 10.1..

Nishumbham' nihatam' dri'sht'vaa bhraataram' praanasammitam .
Hanyamaanam' balam' chaiva shumbhah' kruddho'braveedvachah' .. 10.2..

Balaavalepadusht'e tvam' maa durge garvamaavaha .
Anyaasaam' balamaashritya yuddhyase chaatimaaninee .. 10.3..

Devyuvaacha .. 10.4..

Ekaivaaham' jagatyatra dviteeyaa kaa mamaaparaa .
Pashyaitaa dusht'a mayyeva vishantyo madvibhootayah' .. 10.5..

Tatah' samastaastaa devyo brahmaaneepramukhaa layam .
Tasyaa devyaastanau jagmurekaivaaseettadaambikaa .. 10.6..

Devyuvaacha .. 10.7..

Aham' vibhootyaa bahubhiriha roopairyadaasthitaa .
Tatsam'hri'tam' mayaikaiva tisht'haamyaajau sthiro bhava .. 10.8..

Ri'shiruvaacha .. 10.9..

Tatah' pravavri'te yuddham' devyaah' shumbhasya chobhayoh' .
Pashyataam' sarvadevaanaamasuraanaam' cha daarunam .. 10.10..

Sharavarshaih' shitaih' shastraistathaa chaastraih' sudaarunaih' .
Tayoryuddhamabhoodbhooyah' sarvalokabhayankaram .. 10.11..

Divyaanyastraani shatasho mumuche yaanyathaambikaa .
Babhanja taani daityendrastatprateeghaatakartri'bhih' .. 10.12..

Muktaani tena chaastraani divyaani parameshvaree .
Babhanja leelayaivograhunkaarochchaaranaadibhih' .. 10.13..

Tatah' sharashatairdeveemaachchhaadayata so'surah' .
Saapi tatkupitaa devee dhanushchichchheda cheshubhih' .. 10.14..

Chhinne dhanushi daityendrastathaa shaktimathaadade .
Chichchheda devee chakrena taamapyasya kare sthitaam .. 10.15..

Tatah' khad'gamupaadaaya shatachandram' cha bhaanumat .
Abhyadhaa vata taam' deveem' daityaanaamadhipeshvarah' .. 10.16..

Tasyaapatata evaashu khad'gam' chichchheda chand'ikaa .
Dhanurmuktaih' shitairbaanaishcharma chaarkakaraamalam .
Ashvaam'shcha paatayaamaasa ratham' saarathinaa saha .. 10.17..

Hataashvah' sa tadaa daityashchhinnadhanvaa visaarathih' .
Jagraaha mudgaram' ghoramambikaanidhanodyatah' .. 10.18..

Chichchhedaapatatastasya mudgaram' nishitaih' sharaih' .
Tathaapi so'bhyadhaavattaam' musht'imudyamya vegavaan .. 10.19..

Sa musht'im' paatayaamaasa hri'daye daityapungavah' .
Devyaastam' chaapi saa devee talenorasyataad'ayat .. 10.20..

Talaprahaaraabhihato nipapaata maheetale .
Sa daityaraajah' sahasaa punareva tathotthitah' .. 10.21..

Utpatya cha pragri'hyochchairdeveem' gaganamaasthitah' .
Tatraapi saa niraadhaaraa yuyudhe tena chand'ikaa .. 10.22..

Niyuddham' khe tadaa daityashchand'ikaa cha parasparam .
Chakratuh' prathamam' siddhamunivismayakaarakam .. 10.23..

Tato niyuddham' suchiram' kri'tvaa tenaambikaa saha .
Utpaat'ya bhraamayaamaasa chikshepa dharaneetale .. 10.24..

Sa kshipto dharaneem' praapya musht'imudyamya vegavaan .
Abhyadhaavata dusht'aatmaa chand'ikaanidhanechchhayaa .. 10.25..

Tamaayaantam' tato devee sarvadaityajaneshvaram .
Jagatyaam' paatayaamaasa bhittvaa shoolena vakshasi .. 10.26..

Sa gataasuh' papaatorvyaam' devee shoolaagravikshatah' .
Chaalayan sakalaam' pri'thveem' saabdhidveepaam' saparvataam .. 10.27..

Tatah' prasannamakhilam' hate tasmin duraatmani .
Jagatsvaasthyamateevaapa nirmalam' chaabhavannabhah' .. 10.28..

Utpaatameghaah' solkaa ye praagaasam'ste shamam' yayuh' .
Sarito maargavaahinyastathaasam'statra paatite .. 10.29..

Tato devaganaah' sarve harshanirbharamaanasaah' .
Babhoovurnihate tasmin gandharvaa lalitam' jaguh' .. 10.30..

Avaadayam'stathaivaanye nanri'tushchaapsaroganaah' .
Vavuh' punyaastathaa vaataah' suprabho'bhooddivaakarah' .. 10.31..

Jajvalushchaagnayah' shaantaah' shaantaa digjanitasvanaah' .. 10.32..

.. Svasti shreemaarkand'eyapuraane saavarnike manvantare
Deveemaahaatmye shumbhavadho naama dashamo'dhyaayah' .. 10..

.. Naaraayaneestutirnaamaikaadasho'dhyaayah' ..

. Dhyaanam .
Om baalaravidyutimindukireet'aam' tungakuchaam' nayanatrayayuktaam .
Smeramukheem' varadaankushapaashaabheetikaraam' prabhaje bhuvanesheem ..

Om ri'shiruvaacha .. 11.1..

Devyaa hate tatra mahaasurendre
Sendraah' suraa vahnipurogamaastaam .
Kaatyaayaneem' tusht'uvurisht'alaabhaad
Vikaashivaktraabjavikaashitaashaah' .. 11.2..

Devi prapannaartihare praseeda
Praseeda maatarjagato'khilasya .
Praseeda vishveshvari paahi vishvam'
Tvameeshvaree devi charaacharasya .. 11.3..

Aadhaarabhootaa jagatastvamekaa
Maheesvaroopena yatah' sthitaasi .
Apaam' svaroopasthitayaa tvayaita-
Daapyaayate kri'tsnamalanghyaveerye .. 11.4..

Tvam' vaishnaveeshaktiranantaveeryaa
Vishvasya beejam' paramaasi maayaa .
Sammohitam' devi samastametat
Tvam' vai prasannaa bhuvi muktihetuh' .. 11.5..

Vidyaah' samastaastava devi bhedaah'
Striyah' samastaah' sakalaa jagatsu .
Tvayaikayaa pooritamambayaitat
Kaa te stutih' stavyaparaaparoktih' .. 11.6..

Sarvabhootaa yadaa devee bhuktimuktipradaayinee .
Tvam' stutaa stutaye kaa vaa bhavantu paramoktayah' .. 11.7..

Sarvasya buddhiroopena janasya hri'di sam'sthite .
Svargaapavargade devi naaraayani namo'stu te .. 11.8..

Kalaakaasht'haadiroopena parinaamapradaayini .
Vishvasyoparatau shakte naaraayani namo'stu te .. 11.9..

Sarvamangalamaangalye shive sarvaarthasaadhike .
Sharanye tryambake gauri naaraayani namo'stu te .. 11.10..

Sri'sht'isthitivinaashaanaam' shaktibhoote sanaatani .
Gunaashraye gunamaye naaraayani namo'stu te .. 11.11..

Sharanaagatadeenaartaparitraanaparaayane .
Sarvasyaartihare devi naaraayani namo'stu te .. 11.12..

Ham'sayuktavimaanasthe brahmaaneeroopadhaarini .
Kaushaambhah'ksharike devi naaraayani namo'stu te .. 11.13..

Trishoolachandraahidhare mahaavri'shabhavaahini .
Maaheshvareesvaroopena naaraayani namo'stute .. 11.14..

Mayoorakukkut'avri'te mahaashaktidhare'naghe .
Kaumaareeroopasam'sthaane naaraayani namo'stu te .. 11.15..

Shankhachakragadaashaarngagri'heetaparamaayudhe .
Praseeda vaishnaveeroope naaraayani namo'stu te .. 11.16..

Gri'heetogramahaachakre dam'sht'roddhri'tavasundhare .
Varaaharoopini shive naaraayani namo'stu te .. 11.17..

Nri'sim'haroopenogrena hantum' daityaan kri'todyame .
Trailokyatraanasahite naaraayani namo'stu te .. 11.18..

Kireet'ini mahaavajre sahasranayanojjvale .
Vri'trapraanahare chaindri naaraayani namo'stu te .. 11.19..

Shivadooteesvaroopena hatadaityamahaabale .
Ghoraroope mahaaraave naaraayani namo'stu te .. 11.20..

Dam'sht'raakaraalavadane shiromaalaavibhooshane .
Chaamund'e mund'amathane naaraayani namo'stu te .. 11.21..

Lakshmi lajje mahaavidye shraddhe pusht'i svadhe dhruve .
Mahaaraatri mahaamaaye naaraayani namo'stu te .. 11.22..

Medhe sarasvati vare bhooti baabhravi taamasi .
Niyate tvam' praseedeshe naaraayani namo'stute .. 11.23..

Sarvasvaroope sarveshe sarvashaktisamanvite .
Bhayebhyastraahi no devi durge devi namo'stu te .. 11.24..

Etatte vadanam' saumyam' lochanatrayabhooshitam .
Paatu nah' sarvabhootebhyah' kaatyaayani namo'stu te .. 11.25..

Jvaalaakaraalamatyugramasheshaasurasoodanam .
Trishoolam' paatu no bheeterbhadrakaali namo'stu te .. 11.26..

Hinasti daityatejaam'si svanenaapoorya yaa jagat .
Saa ghant'aa paatu no devi paapebhyo nah' sutaaniva .. 11.27..

Asuraasri'gvasaapankacharchitaste karojjvalah' .
Shubhaaya khad'go bhavatu chand'ike tvaam' nataa vayam .. 11.28..

Rogaanasheshaanapaham'si tusht'aa
Rusht'aa tu kaamaan sakalaanabheesht'aan .
Tvaamaashritaanaam' na vipannaraanaam'
Tvaamaashritaa hyaashrayataam' prayaanti .. 11.29..

Etatkri'tam' yatkadanam' tvayaadya
Dharmadvishaam' devi mahaasuraanaam .
Roopairanekairbahudhaatmamoortim'
Kri'tvaambike tatprakaroti kaanyaa .. 11.30..

Vidyaasu shaastreshu vivekadeepe-
Shvaadyeshu vaakyeshu cha kaa tvadanyaa .
Mamatvagarte'timahaandhakaare
Vibhraamayatyetadateeva vishvam .. 11.31..

Rakshaam'si yatrogravishaashcha naagaa
Yatraarayo dasyubalaani yatra .
Daavaanalo yatra tathaabdhimadhye
Tatra sthitaa tvam' paripaasi vishvam .. 11.32..

Vishveshvari tvam' paripaasi vishvam'
Vishvaatmikaa dhaarayaseeha vishvam .
Vishveshavandyaa bhavatee bhavanti
Vishvaashrayaa ye tvayi bhaktinamraah' .. 11.33..

Devi praseeda paripaalaya no'ribheete-
Rnityam' yathaasuravadhaadadhunaiva sadyah' .
Paapaani sarvajagataam' prashamam' nayaashu
Utpaatapaakajanitaam'shcha mahopasargaan .. 11.34..

Pranataanaam' praseeda tvam' devi vishvaartihaarini .
Trailokyavaasinaameed'ye lokaanaam' varadaa bhava .. 11.35..

Devyuvaacha .. 11.36..

Varadaaham' suraganaa varam' yanmanasechchhatha .
Tam' vri'nudhvam' prayachchhaami jagataamupakaarakam .. 11.37..

Devaa oochuh' .. 11.38..

Sarvaabaadhaaprashamanam' trailokyasyaakhileshvari .
Evameva tvayaa kaaryamasmadvairivinaashanam .. 11.39..

Devyuvaacha .. 11.40..

Vaivasvate'ntare praapte asht'aavim'shatime yuge .
Shumbho nishumbhashchaivaanyaavutpatsyete mahaasurau .. 11.41..

Nandagopagri'he jaataa yashodaagarbhasambhavaa .
Tatastau naashayishyaami vindhyaachalanivaasinee .. 11.42..

Punarapyatiraudrena roopena pri'thiveetale .
Avateerya hanishyaami vaiprachittaam'shcha daanavaan .. 11.43..

Bhakshayantyaashcha taanugraan vaiprachittaan mahaasuraan .
Raktaa dantaa bhavishyanti daad'imeekusumopamaah' .. 11.44..

Tato maam' devataah' svarge martyaloke cha maanavaah' .
Stuvanto vyaaharishyanti satatam' raktadantikaam .. 11.45..

Bhooyashcha shatavaarshikyaamanaavri'sht'yaamanambhasi .
Munibhih' sam'smri'taa bhoomau sambhavishyaamyayonijaa .. 11.46..

Tatah' shatena netraanaam' nireekshishyaamyaham' muneen .
Keertayishyanti manujaah' shataaksheemiti maam' tatah' .. 11.47..

Tato'hamakhilam' lokamaatmadehasamudbhavaih' .
Bharishyaami suraah' shaakairaavri'sht'eh' praanadhaarakaih' .. 11.48..

Shaakambhareeti vikhyaatim' tadaa yaasyaamyaham' bhuvi .
Tatraiva cha vadhishyaami durgamaakhyam' mahaasuram .. 11.49..

Durgaadeveeti vikhyaatam' tanme naama bhavishyati .
Punashchaaham' yadaa bheemam' roopam' kri'tvaa himaachale .. 11.50..

Rakshaam'si bhakshayishyaami muneenaam' traanakaaranaat .
Tadaa maam' munayah' sarve stoshyantyaanamramoortayah' .. 11.51..

Bheemaadeveeti vikhyaatam' tanme naama bhavishyati .
Yadaarunaakhyastrailokye mahaabaadhaam' karishyati .. 11.52..

Tadaaham' bhraamaram' roopam' kri'tvaasankhyeyashat'padam .
Trailokyasya hitaarthaaya vadhishyaami mahaasuram .. 11.53..

Bhraamareeti cha maam' lokaastadaa stoshyanti sarvatah' .
Ittham' yadaa yadaa baadhaa daanavotthaa bhavishyati .. 11.54..

Tadaa tadaavateeryaaham' karishyaamyarisankshayam .. 11.55..

.. Svasti shreemaarkand'eyapuraane saavarnike manvantare deveemaahaatmye
Naaraayaneestutirnaamaikaadasho'dhyaayah' .. 11..

Uvaacha 4, ardhashlokah' 1, shlokaah' 50, evamaaditah' .. 630..

.. 12. Bhagavatee vaakyam' dvaadasho'dhyaayah' ..

. Dhyaanam .
Om vidyuddhaamasamaprabhaam' mri'gapatiskandhasthitaam' bheeshanaam'
Kanyaabhih' karavaal'akhet'avilasadhastaabhiraasevitaam .
Hastaishchakragadaasikhet'avishikhaam'shchaapam' gunam' tarjaneem'
Bibhraanaamanalaatmikaam' shashidharaam' durgaam' trinetraam' bhaje ..

Om devyuvaacha .. 12.1..

Ebhih' stavaishcha maam' nityam' stoshyate yah' samaahitah' .
Tasyaaham' sakalaam' baadhaam' shamayishyaamyasam'shayam .. 12.2..

Madhukait'abhanaasham' cha mahishaasuraghaatanam .
Keertayishyanti ye tadvadvadham' shumbhanishumbhayoh' .. 12.3..

Asht'amyaam' cha chaturdashyaam' navamyaam' chaikachetasah' .
Shroshyanti chaiva ye bhaktyaa mama maahaatmyamuttamam .. 12.4..

Na teshaam' dushkri'tam' kinchiddushkri'totthaa na chaapadah' .
Bhavishyati na daaridryam' na chaivesht'aviyojanam .. 12.5..

Shatrubhyo na bhayam' tasya dasyuto vaa na raajatah' .
Na shastraanalatoyaughaat kadaachit sambhavishyati .. 12.6..

Tasmaanmamaitanmaahaatmyam' pat'hitavyam' samaahitaih' .
Shrotavyam' cha sadaa bhaktyaa param' svastyayanam' mahat .. 12.7..

Upasargaanasheshaam'stu mahaamaareesamudbhavaan .
Tathaa trividhamutpaatam' maahaatmyam' shamayenmama .. 12.8..

Yatraitatpat'hyate samyangnityamaayatane mama .
Sadaa na tadvimokshyaami saannidhyam' tatra me sthitam .. 12.9..

Balipradaane poojaayaamagnikaarye mahotsave .
Sarvam' mamaitanmaahaatmyam uchchaaryam' shraavyameva cha .. 12.10..

Jaanataajaanataa vaapi balipoojaam' yathaa kri'taam .
Prateekshishyaamyaham' preetyaa vahnihomam' tathaakri'tam .. 12.11..

Sharatkaale mahaapoojaa kriyate yaa cha vaarshikee .
Tasyaam' mamaitanmaahaatmyam' shrutvaa bhaktisamanvitah' .. 12.12..

Sarvaabaadhaavinirmukto dhanadhaanyasamanvitah' .
Manushyo matprasaadena bhavishyati na sam'shayah' .. 12.13..

Shrutvaa mamaitanmaahaatmyam' tathaa chotpattayah' shubhaah' .
Paraakramam' cha yuddheshu jaayate nirbhayah' pumaan .. 12.14..

Ripavah' sankshayam' yaanti kalyaanam' chopapadyate .
Nandate cha kulam' pum'saam' maahaatmyam' mama shri'nvataam .. 12.15..

Shaantikarmani sarvatra tathaa duh'svapnadarshane .
Grahapeed'aasu chograasu maahaatmyam' shri'nuyaanmama .. 12.16..

Upasargaah' shamam' yaanti grahapeed'aashcha daarunaah' .
Duh'svapnam' cha nri'bhirdri'sht'am' susvapnamupajaayate .. 12.17..

Baalagrahaabhibhootaanaam' baalaanaam' shaantikaarakam .
Sanghaatabhede cha nri'naam' maitreekaranamuttamam .. 12.18..

Durvri'ttaanaamasheshaanaam' balahaanikaram' param .
Rakshobhootapishaachaanaam' pat'hanaadeva naashanam .. 12.19..

Sarvam' mamaitanmaahaatmyam' mama sannidhikaarakam .
Pashupushpaarghyadhoopaishcha gandhadeepaistathottamaih' .. 12.20..

Vipraanaam' bhojanairhomaih' prokshaneeyairaharnisham .
Anyaishcha vividhairbhogaih' pradaanairvatsarena yaa .. 12.21..

Preetirme kriyate saasmin sakri'duchcharite shrute .
Shrutam' harati paapaani tathaarogyam' prayachchhati .. 12.22..

Rakshaam' karoti bhootebhyo janmanaam' keertanam' mama .
Yuddheshu charitam' yanme dusht'adaityanibarhanam .. 12.23..

Tasminchhrute vairikri'tam' bhayam' pum'saam' na jaayate .
Yushmaabhih' stutayo yaashcha yaashcha brahmarshibhih' kri'taah' .. 12.24..

Brahmanaa cha kri'taastaastu prayachchhantu shubhaam' matim .
Aranye praantare vaapi daavaagniparivaaritah' .. 12.25..

Dasyubhirvaa vri'tah' shoonye gri'heeto vaapi shatrubhih' .
Sim'havyaaghraanuyaato vaa vane vaa vanahastibhih' .. 12.26..

Raajnyaa kruddhena chaajnyapto vadhyo bandhagato'pi vaa .
Aaghoornito vaa vaatena sthitah' pote mahaarnave .. 12.27..

Patatsu chaapi shastreshu sangraame bhri'shadaarune .
Sarvaabaadhaasu ghoraasu vedanaabhyardito'pi vaa .. 12.28..

Smaran mamaitachcharitam' naro muchyeta sankat'aat .
Mama prabhaavaatsim'haadyaa dasyavo vairinastathaa .. 12.29..

Dooraadeva palaayante smaratashcharitam' mama .. 12.30..

Ri'shiruvaacha .. 12.31..

Ityuktvaa saa bhagavatee chand'ikaa chand'avikramaa .. 12.32..

Pashyataam' sarvadevaanaam' tatraivaantaradheeyata .
Te'pi devaa niraatankaah' svaadhikaaraanyathaa puraa .. 12.33..

Yajnyabhaagabhujah' sarve chakrurvinihataarayah' .
Daityaashcha devyaa nihate shumbhe devaripau yudhi .. 12.34..

Jagadvidhvam'sake tasmin mahogre'tulavikrame .
Nishumbhe cha mahaaveerye sheshaah' paataalamaayayuh' .. 12.35..

Evam' bhagavatee devee saa nityaapi punah' punah' .
Sambhooya kurute bhoopa jagatah' paripaalanam .. 12.36..

Tayaitanmohyate vishvam' saiva vishvam' prasooyate .
Saa yaachitaa cha vijnyaanam' tusht'aa ri'ddhim' prayachchhati .. 12.37..

Vyaaptam' tayaitatsakalam' brahmaand'am' manujeshvara .
Mahaadevyaa mahaakaalee mahaamaareesvaroopayaa .. 12.38..

Saiva kaale mahaamaaree saiva sri'sht'irbhavatyajaa .
Sthitim' karoti bhootaanaam' saiva kaale sanaatanee .. 12.39..

Bhavakaale nri'naam' saiva lakshmeervri'ddhipradaa gri'he .
Saivaabhaave tathaalakshmeervinaashaayopajaayate .. 12.40..

Stutaa sampoojitaa pushpairgandhadhoopaadibhistathaa .
Dadaati vittam' putraam'shcha matim' dharme gatim' shubhaam .. 12.41..

.. Svasti shreemaarkand'eyapuraane saavarnike manvantare deveemaahaatmye
Bhagavatee vaakyam' dvaadasho'dhyaayah' .. 12..

Uvaacha 2, ardhashlokau 2, shlokaah' 37, evamaaditah' .. 671..

.. 13. Surathavaishyayorvarapradaanam' naama trayodasho'dhyaayah' ..

. Dhyaanam .
Om baalaarkamand'alaabhaasaam' chaturbaahum' trilochanaam .
Paashaankushavaraabheetirdhaarayanteem' shivaam' bhaje ..

Om ri'shiruvaacha .. 13.1..

Etatte kathitam' bhoopa deveemaahaatmyamuttamam .
Evam' prabhaavaa saa devee yayedam' dhaaryate jagat .. 13.2..

Vidyaa tathaiva kriyate bhagavadvishnumaayayaa .
Tayaa tvamesha vaishyashcha tathaivaanye vivekinah' .. 13.3..

Mohyante mohitaashchaiva mohameshyanti chaapare .
Taamupaihi mahaaraaja sharanam' parameshvareem .. 13.4..

Aaraadhitaa saiva nri'naam' bhogasvargaapavargadaa .. 13.5..

Maarkand'eya uvaacha .. 13.6..

Iti tasya vachah' shrutvaa surathah' sa naraadhipah' .. 13.7..

Pranipatya mahaabhaagam' tamri'shim' sam'shitavratam .
Nirvinno'timamatvena raajyaapaharanena cha .. 13.8..

Jagaama sadyastapase sa cha vaishyo mahaamune .
Sandarshanaarthamambaayaa nadeepulinamaasthitah' .. 13.9..

Sa cha vaishyastapastepe deveesooktam' param' japan .
Tau tasmin puline devyaah' kri'tvaa moortim' maheemayeem .. 13.10..

Arhanaam' chakratustasyaah' pushpadhoopaagnitarpanaih' .
Niraahaarau yataatmaanau tanmanaskau samaahitau .. 13.11..

Dadatustau balim' chaiva nijagaatraasri'gukshitam .
Evam' samaaraadhayatostribhirvarshairyataatmanoh' .. 13.12..

Paritusht'aa jagaddhaatree pratyaksham' praaha chand'ikaa .. 13.13..

Devyuvaacha .. 13.14..

Yatpraarthyate tvayaa bhoopa tvayaa cha kulanandana .
Mattastatpraapyataam' sarvam' paritusht'aa dadaamite .. 13.15..

Maarkand'eya uvaacha .. 13.16..

Tato vavre nri'po raajyamavibhram'shyanyajanmani .
Atraiva cha nijam' raajyam' hatashatrubalam' balaat .. 13.17..

So'pi vaishyastato jnyaanam' vavre nirvinnamaanasah' .
Mametyahamiti praajnyah' sangavichyutikaarakam .. 13.18..

Devyuvaacha .. 13.19..

Svalpairahobhirnri'pate svam' raajyam' praapsyate bhavaan .. 13.20..

Hatvaa ripoonaskhalitam' tava tatra bhavishyati .. 13.21..

Mri'tashcha bhooyah' sampraapya janma devaadvivasvatah' .. 13.22..

Saavarniko manurnaama bhavaanbhuvi bhavishyati .. 13.23..

Vaishyavarya tvayaa yashcha varo'smatto'bhivaanchhitah' .. 13.24..

Tam' prayachchhaami sam'siddhyai tava jnyaanam' bhavishyati .. 13.25..

Maarkand'eya uvaacha .. 13.26..

Iti dattvaa tayordevee yathaabhilashitam' varam .. 13.27..

Babhoovaantarhitaa sadyo bhaktyaa taabhyaamabhisht'utaa .
Evam' devyaa varam' labdhvaa surathah' kshatriyarshabhah' .. 13.28..

Sooryaajjanma samaasaadya saavarnirbhavitaa manuh' .. 13.29..

Evam' devyaa varam' labdhvaa surathah' kshatriyarshabhah' .
Sooryaajjanma samaasaadya saavarnirbhavitaa manuh' .. Kleem' om ..

.. Svasti shreemaarkand'eyapuraane saavarnike manvantare deveemaahaatmye
Surathavaishyayorvarapradaanam' naama trayodasho'dhyaayah' .. 13..

Uvaacha 6, ardhashlokaah' 11, shlokaah' 12, evamaaditah' .. 700..

Samastaa uvaachamantraah' 57, ardhashlokaah' 42, shlokaah' 535, avadaanaani 66 ..

.. Shreesaptashateedeveemaahaatmyam' samaaptam ..

.. Om tat sat om ..

.. Atha aparaadhakshamaapanastotram ..

Om aparaadhashatam' kri'tvaa jagadambeti chochcharet .
Yaam' gatim' samavaapnoti na taam' brahmaadayah' suraah' .. 1..

Saaparaadho'smi sharanam' praaptastvaam' jagadambike .
Idaaneemanukampyo'ham' yathechchhasi tathaa kuru .. 2..

Ajnyaanaadvismri'terbhraantyaa yannyoonamadhikam' kri'tam .
Tatsarvam' kshamyataam' devi praseeda parameshvari .. 3..

Kaameshvari jaganmaatah' sachchidaanandavigrahe .
Gri'haanaarchaamimaam' preetyaa praseeda parameshvari .. 4..

Sarvaroopamayee devee sarvam' deveemayam' jagat .
Ato'ham' vishvaroopaam' tvaam' namaami parameshvareem .. 5..

Yadaksharam' paribhrasht'am' maatraaheenancha yadbhavet .
Poornam' bhavatu tat sarvam' tvatprasaadaanmaheshvari .. 6..

Yadatra paat'he jagadambike mayaa
Visargabindvaksharaheenameeritam .
Tadastu sampoornatamam' prasaadatah'
Sankalpasiddhishcha sadaiva jaayataam .. 7..

Yanmaatraabindubindudvitayapadapadadvandvavarnaadiheenam'
Bhaktyaabhaktyaanupoorvam' prasabhakri'tivashaat vyaktamavyaktamamba .
Mohaadajnyaanato vaa pat'hitamapat'hitam' saampratam' te stave'smin
Tat sarvam' saangamaastaam' bhagavati varade tvatprasaadaat praseeda .. 8..

Praseeda bhagavatyamba praseeda bhaktavatsale .
Prasaadam' kuru me devi durge devi namo'stu te .. 9..

.. Iti aparaadhakshamaapanastotram' samaaptam ..

.. Atha deveesooktam ..

Om aham' rudrebhirvasubhishcharaamyaha-
Maadityairuta vishvadevaih' .
Aham' mitraavarunobhaa bibharmyaha-
Mindraagnee ahamashvinobhaa .. 1..

Aham' somamaahanasam' bibharmyaham'
Tvasht'aaramuta pooshanam' bhagam .
Aham' dadhaami dravinam' havishmate
Supraavye yajamaanaaya sunvate .. 2..

Aham' raasht'ree sangamanee vasoonaam'
Chikitushee prathamaa yajnyiyaanaam .
Taam' maa devaa vyadadhuh' purutraa
Bhooristhaatraam' bhooryaaveshayanteem .. 3..

Mayaa so annamatti yo vipashyati
Yah' praaniti ya eem' shri'notyuktam .
Amantavo maam' ta upakshiyanti
Shrudhi shruta shraddhivam' te vadaami .. 4..

Ahameva svayamidam' vadaami jusht'am'
Devebhiruta maanushebhih' .
Yam' kaamaye tam' tamugram' kri'nomi
Tam' brahmaanam' tamri'shim' tam' sumedhaam .. 5..

Aham' rudraaya dhanuraa tanomi
Brahmadvishe sharave hantavaa u .
Aham' janaaya samadam' kri'nomyaham'
Dyaavaapri'thivee aa vivesha .. 6..

Aham' suve pitaramasya moordhan
Mama yonirapsvantah' samudre .
Tato vi tisht'he bhuvanaanu vishvo-
Taamoom' dyaam' varshmanopa spri'shaami .. 7..

Ahameva vaata iva pra vaamyaa-
Rabhamaanaa bhuvanaani vishvaa .
Paro divaa para enaa pri'thivyai-
Taavatee mahinaa sam' babhoova .. 8..

.. Iti ri'gvedoktam' deveesooktam' samaaptam ..

.. Om tat sat om ..

Devee maahaatmyam vaa durgaasaptashatee

Recommended from this Category