দেভ়ী মাহাত্ম্যম্ ভ়া দুর্গাসপ্তশতী

দেভ়ী মাহাত্ম্যম্ ভ়া দুর্গাসপ্তশতী
॥ দেভ়ী মাহাত্ম্যম্ ॥

॥ শ্রী ॥

॥ শ্রীচণ্ডিকাধ্যানম্ ॥

ওঁ বন্ধূককুসুমাভাসাং পঞ্চমুণ্ডাধিভ়াসিনীম্ ।
স্ফুরচ্চন্দ্রকলারত্নমুকুটাং মুণ্ডমালিনীম্ ॥

ত্রিনেত্রাং রক্তভ়সনাং পীনোন্নতঘটস্তনীম্ ।
পুস্তকং চাক্ষমালাং চ ভ়রং চাভযকং ক্রমাৎ ॥

দধতীং সংস্মরেন্নিত্যমুত্তরাম্নাযমানিতাম্ ।
অথভ়া
যা চণ্ডী মধুকৈটভাদিদৈত্যদলনী যা মাহিষোন্মূলিনী
যা ধূম্রেক্ষণচণ্ডমুণ্ডমথনী যা রক্তবীজাশনী ।
শক্তিঃ শুম্ভনিশুম্ভদৈত্যদলনী যা সিদ্ধিদাত্রী পরা
সা দেভ়ী নভ়কোটিমূর্তিসহিতা মাং পাতু ভ়িশ্বেশ্বরী ॥

ওঁ নমশ্চণ্ডিকাযৈ ।
মার্কণ্ডেয উভ়াচ ।
ওঁ জয ত্বং দেভ়ি চামুণ্ডে জয ভূতাপহারিণি ।
জয সর্ভ়গতে দেভ়ি কালরাত্রি নমোঽস্তু তে ॥ ১॥

জযন্তী মঙ্গলা কালী ভদ্রকালী কপালিনী ।
দুর্গা শিভ়া ক্ষমা ধাত্রী স্বাহা স্বধা নমোঽস্তু তে ॥ ২॥

মধুকৈটভভ়িধ্বংসি ভ়িধাতৃভ়রদে নমঃ ।
রূপং দেহি জযং দেহি যশো দেহি দ্বিষো জহি ॥ ৩॥

মহিষাসুরনির্নাশি ভক্তানাং সুখদে নমঃ ।
রূপং দেহি জযং দেহি যশো দেহি দ্বিষো জহি ॥ ৪॥

ধূম্রনেত্রভ়ধে দেভ়ি ধর্মকামার্থদাযিনি ।
রূপং দেহি জযং দেহি যশো দেহি দ্বিষো জহি ॥ ৫॥

রক্তবীজভ়ধে দেভ়ি চণ্ডমুণ্ডভ়িনাশিনি ।
রূপং দেহি জযং দেহি যশো দেহি দ্বিষো জহি ॥ ৬॥

নিশুম্ভশুম্ভনির্নাশি ত্রৈলোক্যশুভদে নমঃ ।
রূপং দেহি জযং দেহি যশো দেহি দ্বিষো জহি ॥ ৭॥

ভ়ন্দিতাঙ্ঘ্রিযুগে দেভ়ি সর্ভ়সৌভাগ্যদাযিনি ।
রূপং দেহি জযং দেহি যশো দেহি দ্বিষো জহি ॥ ৮॥

অচিন্ত্যরূপচরিতে সর্ভ়শত্রুভ়িনাশিনি ।
রূপং দেহি জযং দেহি যশো দেহি দ্বিষো জহি ॥ ৯॥

নতেভ্যঃ সর্ভ়দা ভক্ত্যা চাপর্ণে দুরিতাপহে ।
রূপং দেহি জযং দেহি যশো দেহি দ্বিষো জহি ॥ ১০॥

স্তুভ়দ্ভ্যো ভক্তিপূর্ভ়ং ত্বাং চণ্ডিকে ভ়্যাধিনাশিনি ।
রূপং দেহি জযং দেহি যশো দেহি দ্বিষো জহি ॥ ১১॥

চণ্ডিকে সততং যুদ্ধে জযন্তি পাপনাশিনি ।
রূপং দেহি জযং দেহি যশো দেহি দ্বিষো জহি ॥ ১২॥

দেহি সৌভাগ্যমারোগ্যং দেহি দেভ়ি পরং সুখম্ ।
রূপং দেহি জযং দেহি যশো দেহি দ্বিষো জহি ॥ ১৩॥

ভ়িধেহি দেভ়ি কল্যাণং ভ়িধেহি ভ়িপুলাং শ্রিযম্ ।
রূপং দেহি জযং দেহি যশো দেহি দ্বিষো জহি ॥ ১৪॥

ভ়িধেহি দ্বিষতাং নাশং ভ়িধেহি বলমুচ্চকৈঃ ।
রূপং দেহি জযং দেহি যশো দেহি দ্বিষো জহি ॥ ১৫॥

সুরাসুরশিরোরত্ননিঘৃষ্টচরণেঽম্বিকে ।
রূপং দেহি জযং দেহি যশো দেহি দ্বিষো জহি ॥ ১৬॥

ভ়িদ্যাভ়ন্তং যশস্বন্তং লক্ষ্মীভ়ন্তঞ্চ মাং কুরু ।
রূপং দেহি জযং দেহি যশো দেহি দ্বিষো জহি ॥ ১৭॥

দেভ়ি প্রচণ্ডদোর্দণ্ডদৈত্যদর্পনিষূদিনি ।
রূপং দেহি জযং দেহি যশো দেহি দ্বিষো জহি ॥ ১৮॥

প্রচণ্ডদৈত্যদর্পঘ্নে চণ্ডিকে প্রণতায মে ।
রূপং দেহি জযং দেহি যশো দেহি দ্বিষো জহি ॥ ১৯॥

চতুর্ভুজে চতুর্ভ়ক্ত্রসংস্তুতে পরমেশ্বরি ।
রূপং দেহি জযং দেহি যশো দেহি দ্বিষো জহি ॥ ২০॥

কৃষ্ণেন সংস্তুতে দেভ়ি শশ্বদ্ভক্ত্যা সদাম্বিকে ।
রূপং দেহি জযং দেহি যশো দেহি দ্বিষো জহি ॥ ২১॥

হিমাচলসুতানাথসংস্তুতে পরমেশ্বরি ।
রূপং দেহি জযং দেহি যশো দেহি দ্বিষো জহি ॥ ২২॥

ইন্দ্রাণীপতিসদ্ভাভ়পূজিতে পরমেশ্বরি ।
রূপং দেহি জযং দেহি যশো দেহি দ্বিষো জহি ॥ ২৩॥

দেভ়ি ভক্তজনোদ্দামদত্তানন্দোদযেঽম্বিকে ।
রূপং দেহি জযং দেহি যশো দেহি দ্বিষো জহি ॥ ২৪॥

ভার্যাং মনোরমাং দেহি মনোভ়ৃত্তানুসারিণীম্ ।
রূপং দেহি জযং দেহি যশো দেহি দ্বিষো জহি ॥ ২৫॥

তারিণি দুর্গসংসারসাগরস্যাচলোদ্ভভ়ে ।
রূপং দেহি জযং দেহি যশো দেহি দ্বিষো জহি ॥ ২৬॥

ইদং স্তোত্রং পঠিত্বা তু মহাস্তোত্রং পঠেন্নরঃ ।
সপ্তশতীং সমারাধ্য ভ়রমাপ্নোতি দুর্লভম্ ॥ ২৭॥

ওঁ নমশ্চণ্ডিকাযৈ ।
মার্কণ্ডেয উভ়াচ ।
ওঁ ভ়িশুদ্ধজ্ঞানদেহায ত্রিভ়েদীদিভ়্যচক্ষুষে ।
শ্রেযঃপ্রাপ্তিনিমিত্তায নমঃ সোমার্ধধারিণে ॥ ১॥

সর্ভ়মেতদ্বিজানীযান্মন্ত্রাণামপি কীলকম্ ।
সোঽপি ক্ষেমমভ়াপ্নোতি সততং জপ্যতৎপরঃ ॥ ২॥

সিদ্ধ্যন্ত্যুচ্চাটনাদীনি কর্মাণি সকলান্যপি ।
এতেন স্তুভ়তাং দেভ়ীং স্তোত্রভ়ৃন্দেন ভক্তিতঃ ॥ ৩॥

ন মন্ত্রো নৌষধং তস্য ন কিঞ্চিদপি ভ়িদ্যতে ।
ভ়িনা জপ্যেন সিদ্ধ্যেত্তু সর্ভ়মুচ্চাটনাদিকম্ ॥ ৪॥

সমগ্রাণ্যপি সেৎস্যন্তি লোকশঙ্কামিমাং হরঃ ।
কৃত্বা নিমন্ত্রযামাস সর্ভ়মেভ়মিদং শুভম্ ॥ ৫॥

স্তোত্রং ভ়ৈ চণ্ডিকাযাস্তু তচ্চ গুহ্যং চকার সঃ ।
সমাপ্নোতি স পুণ্যেন তাং যথাভ়ন্নিমন্ত্রণাম্ ॥ ৬॥

সোঽপি ক্ষেমমভ়াপ্নোতি সর্ভ়মেভ় ন সংশযঃ ।
কৃষ্ণাযাং ভ়া চতুর্দশ্যামষ্টম্যাং ভ়া সমাহিতঃ ॥ ৭॥

দদাতি প্রতিগৃহ্ণাতি নান্যথৈষা প্রসীদতি ।
ইত্থং রূপেণ কীলেন মহাদেভ়েন কীলিতম্ ॥ ৮॥

যো নিষ্কীলাং ভ়িধাযৈনাং চণ্ডীং জপতি নিত্যশঃ ।
স সিদ্ধঃ স গণঃ সোঽথ গন্ধর্ভ়ো জাযতে ধ্রুভ়ম্ ॥ ৯॥

ন চৈভ়াপাটভ়ং তস্য ভযং ক্বাপি ন জাযতে ।
নাপমৃত্যুভ়শং যাতি মৃতে চ মোক্ষমাপ্নুযাৎ ॥ ১০॥

জ্ঞাত্বা প্রারভ্য কুর্ভ়ীত হ্যকুর্ভ়াণো ভ়িনশ্যতি ।
ততো জ্ঞাত্বৈভ় সম্পূর্ণমিদং প্রারভ্যতে বুধৈঃ ॥ ১১॥

সৌভাগ্যাদি চ যৎকিঞ্চিদ্ দৃশ্যতে ললনাজনে ।
তৎসর্ভ়ং তৎপ্রসাদেন তেন জপ্যমিদং শুভম্ ॥ ১২॥

শনৈস্তু জপ্যমানেঽস্মিন্ স্তোত্রে সম্পত্তিরুচ্চকৈঃ ।
ভভ়ত্যেভ় সমগ্রাপি ততঃ প্রারভ্যমেভ় তৎ ॥ ১৩॥

ঐশ্বর্যং তৎপ্রসাদেন সৌভাগ্যারোগ্যমেভ় চ ।
শত্রুহানিঃ পরো মোক্ষঃ স্তূযতে সা ন কিং জনৈঃ ॥ ১৪॥

চণ্ডিকাং হৃদযেনাপি যঃ স্মরেৎ সততং নরঃ ।
হৃদ্যং কামমভ়াপ্নোতি হৃদি দেভ়ী সদা ভ়সেৎ ॥ ১৫॥

অগ্রতোঽমুং মহাদেভ়কৃতং কীলকভ়ারণম্ ।
নিষ্কীলঞ্চ তথা কৃত্বা পঠিতভ়্যং সমাহিতৈঃ ॥ ১৬॥

ওঁ নমশ্চণ্ডিকাযৈ ।
মার্কণ্ডেয উভ়াচ ।
ওঁ যদ্গুহ্যং পরমং লোকে সর্ভ়রক্ষাকরং নৃণাম্ ।
যন্ন কস্যচিদাখ্যাতং তন্মে ব্রূহি পিতামহ ॥ ১॥

ব্রহ্মোভ়াচ ।
অস্তি গুহ্যতমং ভ়িপ্র সর্ভ়ভূতোপকারকম্ ।
দেভ়্যাস্তু কভ়চং পুণ্যং তচ্ছৃণুষ্ব মহামুনে ॥ ২॥

প্রথমং শৈলপুত্রীতি দ্বিতীযং ব্রহ্মচারিণী ।
তৃতীযং চন্দ্রঘণ্টেতি কূষ্মাণ্ডেতি চতুর্থকম্ ॥ ৩॥

পঞ্চমং স্কন্দমাতেতি ষষ্ঠং কাত্যাযনী তথা ।
সপ্তমং কালরাত্রিশ্চ মহাগৌরীতি চাষ্টমম্ ॥ ৪॥

নভ়মং সিদ্ধিদাত্রী চ নভ়দুর্গাঃ প্রকীর্তিতাঃ ।
উক্তান্যেতানি নামানি ব্রহ্মণৈভ় মহাত্মনা ॥ ৫॥

অগ্নিনা দহ্যমানাস্তু শত্রুমধ্যগতা রণে ।
ভ়িষমে দুর্গমে চৈভ় ভযার্তাঃ শরণং গতাঃ ॥ ৬।
ন তেষাং জাযতে কিঞ্চিদশুভং রণসঙ্কটে ।
আপদং ন চ পশ্যন্তি শোকদুঃখভযঙ্করীম্ ॥ ৭॥

যৈস্তু ভক্ত্যা স্মৃতা নিত্যং তেষাং ভ়ৃদ্ধিঃ প্রজাযতে ।
যে ত্বাং স্মরন্তি দেভ়েশি রক্ষসি তান্ন সংশযঃ ॥ ৮॥

প্রেতসংস্থা তু চামুণ্ডা ভ়ারাহী মহিষাসনা ।
ঐন্দ্রী গজসমারূঢা ভ়ৈষ্ণভ়ী গরুডাসনা ॥ ৯॥

নারসিংহী মহাভ়ীর্যা শিভ়দূতী মহাবলা ।
মাহেশ্বরী ভ়ৃষারূঢা কৌমারী শিখিভ়াহনা ॥ ১০॥

লক্ষ্মীঃ পদ্মাসনা দেভ়ী পদ্মহস্তা হরিপ্রিযা ।
শ্বেতরূপধরা দেভ়ী ঈশ্বরী ভ়ৃষভ়াহনা ॥ ১১॥

ব্রাহ্মী হংসসমারূঢা সর্ভ়াভরণভূষিতা ।
ইত্যেতা মাতরঃ সর্ভ়াঃ সর্ভ়যোগসমন্বিতাঃ ॥ ১২॥

নানাভরণশোভাঢ্যা নানারত্নোপশোভিতাঃ ।
শ্রৈষ্ঠৈশ্চ মৌক্তিকৈঃ সর্ভ়া দিভ়্যহারপ্রলম্বিভিঃ ॥ ১৩॥

ইন্দ্রনীলৈর্মহানীলৈঃ পদ্মরাগৈঃ সুশোভনৈঃ ।
দৃশ্যন্তে রথমারূঢা দেভ়্যঃ ক্রোধসমাকুলাঃ ॥ ১৪॥

শঙ্খং চক্রং গদাং শক্তিং হলং চ মুসলাযুধম্ ।
খেটকং তোমরং চৈভ় পরশুং পাশমেভ় চ ॥ ১৫॥

কুন্তাযুধং ত্রিশূলং চ শার্ঙ্গমাযুধমুত্তমম্ ।
দৈত্যানাং দেহনাশায ভক্তানামভযায চ ॥ ১৬॥

ধারযন্ত্যাযুধানীত্থং দেভ়ানাং চ হিতায ভ়ৈ ।
নমস্তেঽস্তু মহারৌদ্রে মহাঘোরপরাক্রমে ॥ ১৭॥

মহাবলে মহোৎসাহে মহাভযভ়িনাশিনি ।
ত্রাহি মাং দেভ়ি দুষ্প্রেক্ষ্যে শত্রূণাং ভযভ়র্ধিনি ॥ ১৮॥

প্রাচ্যাং রক্ষতু মামৈন্দ্রী আগ্নেয্যামগ্নিদেভ়তা ।
দক্ষিণেঽভ়তু ভ়ারাহী নৈরৃত্যাং খড্গধারিণী ॥ ১৯॥

প্রতীচ্যাং ভ়ারুণী রক্ষেদ্বাযভ়্যাং মৃগভ়াহিনী ।
উদীচ্যাং পাতু কৌবেরী ঈশান্যাং শূলধারিণী ॥ ২০॥

ঊর্ধ্বং ব্রহ্মাণী মে রক্ষেদধস্তাদ্বৈষ্ণভ়ী তথা ।
এভ়ং দশ দিশো রক্ষেচ্চামুণ্ডা শভ়ভ়াহনা ॥ ২১॥

জযা মামগ্রতঃ পাতু ভ়িজযা পাতু পৃষ্ঠতঃ ।
অজিতা ভ়ামপার্শ্বে তু দক্ষিণে চাপরাজিতা ॥ ২২॥

শিখাং মে দ্যোতিনী রক্ষেদুমা মূর্ধ্নি ভ়্যভ়স্থিতা ।
মালাধরী ললাটে চ ভ্রুভ়ৌ রক্ষেদ্যশস্বিনী ॥ ২৩॥

নেত্রযোশ্চিত্রনেত্রা চ যমঘণ্টা তু পার্শ্বকে ।
ত্রিনেত্রা চ ত্রিশূলেন ভ্রুভ়োর্মধ্যে চ চণ্ডিকা ॥ ২৪॥

শঙ্খিনী চক্ষুষোর্মধ্যে শ্রোত্রযোর্দ্বারভ়াসিনী ।
কপোলৌ কালিকা রক্ষেৎ কর্ণমূলে তু শঙ্করী ॥ ২৫॥

নাসিকাযাং সুগন্ধা চ উত্তরোষ্ঠে চ চর্চিকা ।
অধরে চামৃতাবালা জিহ্বাযাং চ সরস্বতী ॥ ২৬॥

দন্তান্ রক্ষতু কৌমারী কণ্ঠদেশে তু চণ্ডিকা ।
ঘণ্টিকাং চিত্রঘণ্টা চ মহামাযা চ তালুকে ॥ ২৭॥

কামাক্ষী চিবুকং রক্ষেদ্বাচং মে সর্ভ়মঙ্গলা ।
গ্রীভ়াযাং ভদ্রকালী চ পৃষ্ঠভ়ংশে ধনুর্ধরী ॥ ২৮॥

নীলগ্রীভ়া বহিঃ কণ্ঠে নলিকাং নলকূবরী ।
স্কন্ধযোঃ খড্গিনী রক্ষেদ্ বাহূ মে ভ়জ্রধারিণী ॥ ২৯॥

হস্তযোর্দণ্ডিনী রক্ষেদম্বিকা চাঙ্গুলীষু চ ।
নখাঞ্ছূলেশ্বরী রক্ষেৎ কুক্ষৌ রক্ষেন্নরেশ্বরী ॥ ৩০॥

স্তনৌ রক্ষেন্মহাদেভ়ী মনঃশোকভ়িনাশিনী ।
হৃদযে ললিতা দেভ়ী উদরে শূলধারিণী ॥ ৩১॥

নাভৌ চ কামিনী রক্ষেদ্ গুহ্যং গুহ্যেশ্বরী তথা ।
মেঢ্রং রক্ষতু দুর্গন্ধা পাযুং মে গুহ্যভ়াহিনী ॥ ৩২॥

কট্যাং ভগভ়তী রক্ষেদূরূ মে মেঘভ়াহনা ।
জঙ্ঘে মহাবলা রক্ষেৎ জানূ মাধভ়নাযিকা ॥ ৩৩॥

গুল্ফযোর্নারসিংহী চ পাদপৃষ্ঠে তু কৌশিকী ।
পাদাঙ্গুলীঃ শ্রীধরী চ তলং পাতালভ়াসিনী ॥ ৩৪॥

নখান্ দংষ্ট্রকরালী চ কেশাংশ্চৈভ়োর্ধ্বকেশিনী ।
রোমকূপেষু কৌমারী ত্বচং যোগীশ্বরী তথা ॥ ৩৫॥

রক্তমজ্জাভ়সামাংসান্যস্থিমেদাংসি পার্ভ়তী ।
অন্ত্রাণি কালরাত্রিশ্চ পিত্তং চ মুকুটেশ্বরী ॥ ৩৬॥

পদ্মাভ়তী পদ্মকোশে কফে চূডামণিস্তথা ।
জ্বালামুখী নখজ্বালামভেদ্যা সর্ভ়সন্ধিষু ॥ ৩৭॥

শুক্রং ব্রহ্মাণী মে রক্ষেচ্ছাযাং ছত্রেশ্বরী তথা ।
অহঙ্কারং মনো বুদ্ধিং রক্ষেন্মে ধর্মধারিণী ॥ ৩৮॥

প্রাণাপানৌ তথা ভ়্যানমুদানং চ সমানকম্ ।
ভ়জ্রহস্তা চ মে রক্ষেৎ প্রাণান্ কল্যাণশোভনা ॥ ৩৯॥

রসে রূপে চ গন্ধে চ শব্দে স্পর্শে চ যোগিনী ।
সত্ত্বং রজস্তমশ্চৈভ় রক্ষেন্নারাযণী সদা ॥ ৪০॥

আযূ রক্ষতু ভ়ারাহী ধর্মং রক্ষতু পার্ভ়তী ।
যশঃ কীর্তিং চ লক্ষ্মীং চ সদা রক্ষতু ভ়ৈষ্ণভ়ী ॥ ৪১॥

গোত্রমিন্দ্রাণী মে রক্ষেৎ পশূন্ রক্ষেচ্চ চণ্ডিকা ।
পুত্রান্ রক্ষেন্মহালক্ষ্মীর্ভার্যাং রক্ষতু ভৈরভ়ী ॥ ৪২॥

ধনেশ্বরী ধনং রক্ষেৎ কৌমারী কন্যকাং তথা ।
পন্থানং সুপথা রক্ষেন্মার্গং ক্ষেমঙ্করী তথা ॥ ৪৩॥

রাজদ্বারে মহালক্ষ্মীর্ভ়িজযা সতত স্থিতা ।
রক্ষাহীনং তু যৎ স্থানং ভ়র্জিতং কভ়চেন তু ॥ ৪৪॥

তৎসর্ভ়ং রক্ষ মে দেভ়ি জযন্তী পাপনাশিনী ।
সর্ভ়রক্ষাকরং পুণ্যং কভ়চং সর্ভ়দা জপেৎ ॥ ৪৫॥

ইদং রহস্যং ভ়িপ্রর্ষে ভক্ত্যা তভ় মযোদিতম্ ।
পাদমেকং ন গচ্ছেৎ তু যদীচ্ছেচ্ছুভমাত্মনঃ ॥ ৪৬॥

কভ়চেনাভ়ৃতো নিত্যং যত্র যত্রৈভ় গচ্ছতি ।
তত্র তত্রার্থলাভশ্ব ভ়িজযঃ সার্ভ়কালিকঃ ॥ ৪৭॥

যং যং চিন্তযতে কামং তং তং প্রাপ্নোতি নিশ্চিতম্ ।
পরমৈশ্বর্যমতুলং প্রাপ্স্যতে ভূতলে পুমান্ ॥ ৪৮॥

নির্ভযো জাযতে মর্ত্যঃ সঙ্গ্রামেষ্বপরাজিতঃ ।
ত্রৈলোক্যে তু ভভ়েৎপূজ্যঃ কভ়চেনাভ়ৃতঃ পুমান্ ॥ ৪৯॥

ইদং তু দেভ়্যাঃ কভ়চং দেভ়ানামপি দুর্লভম্ ।
যঃ পঠেৎপ্রযতো নিত্যং ত্রিসন্ধ্যং শ্রদ্ধযান্বিতঃ ॥ ৫০॥

দৈভ়ীকলা ভভ়েত্তস্য ত্রৈলোক্যে চাপরাজিতঃ ।
জীভ়েদ্বর্ষশতং সাগ্রমপমৃত্যুভ়িভ়র্জিতঃ ॥ ৫১॥

নশ্যন্তি ভ়্যাধযঃ সর্ভ়ে লূতাভ়িস্ফোটকাদযঃ ।
স্থাভ়রং জঙ্গমং চৈভ় কৃত্রিমং চৈভ় যদ্বিষম্ ॥ ৫২॥

অভিচারাণি সর্ভ়াণি মন্ত্রযন্ত্রাণি ভূতলে ।
ভূচরাঃ খেচরাশ্চৈভ় কুলজাশ্চৌপদেশিকাঃ ॥ ৫৩॥

সহজা কুলজা মালা ডাকিনী শাকিনী তথা ।
অন্তরিক্ষচরা ঘোরা ডাকিন্যশ্চ মহারভ়াঃ ॥ ৫৪॥

গ্রহভূতপিশাচাশ্চ যক্ষগন্ধর্ভ়রাক্ষসাঃ ।
ব্রহ্মরাক্ষসভ়েতালাঃ কূষ্মাণ্ডা ভৈরভ়াদযঃ ॥ ৫৫॥

নশ্যন্তি দর্শনাত্তস্য কভ়চেনাভ়ৃতো হি যঃ ।
মানোন্নতির্ভভ়েদ্রাজ্ঞস্তেজোভ়ৃদ্ধিঃ পরা ভভ়েৎ ॥ ৫৬॥

যশোভ়ৃদ্ধির্ভভ়েৎ পুংসাং কীর্তিভ়ৃদ্ধিশ্চ জাযতে ।
তস্মাৎ জপেৎ সদা ভক্তঃ কভ়চং কামদং মুনে ॥ ৫৭॥

জপেৎ সপ্তশতীং চণ্ডীং কৃত্বা তু কভ়চং পুরা ।
নির্ভ়িঘ্নেন ভভ়েৎ সিদ্ধিশ্চণ্ডীজপসমুদ্ভভ়া ॥ ৫৮॥

যাভ়দ্ভূমণ্ডলং ধত্তে সশৈলভ়নকাননম্ ।
তাভ়ত্তিষ্ঠতি মেদিন্যাং সন্ততিঃ পুত্রপৌত্রিকী ॥ ৫৯॥

দেহান্তে পরমং স্থানং সুরৈরপি সুদুর্লভম্ ।
প্রাপ্নোতি পুরুষো নিত্যং মহামাযাপ্রসাদতঃ ॥ ৬০॥

তত্র গচ্ছতি গত্বাসৌ পুনশ্চাগমনং নহি ।
লভতে পরমং স্থানং শিভ়েন সমতাং ভ়্রজেৎ ॥ ৬১॥

দেভ়ীকভ়চং সমাপ্তম্ ॥

॥ দেভ়ী মাহাত্ম্যম্ ॥

%
॥ শ্রীদুর্গাযৈ নমঃ ॥

॥ ১. মধুকৈটভভ়ধো নাম প্রথমোঽধ্যাযঃ ॥

। ধ্যানম্ ।
ওঁ খড্গং চক্রগদেষুচাপপরিঘাঞ্ছূলং ভুশুণ্ডীং শিরঃ
শঙ্খং সন্দধতীং করৈস্ত্রিনযনাং সর্ভ়াঙ্গভূষাভ়ৃতাম্ ।
নীলাশ্মদ্যুতিমাস্যপাদদশকাং সেভ়ে মহাকালিকাং
যামস্তৌৎস্বপিতে হরৌ কমলজো হন্তুং মধুং কৈটভম্ ॥

ওঁ নমশ্চণ্ডিকাযৈ ॥

ওঁ ঐং মার্কণ্ডেয উভ়াচ ॥ ১.১॥

সাভ়র্ণিঃ সূর্যতনযো যো মনুঃ কথ্যতেঽষ্টমঃ ।
নিশাময তদুৎপত্তিং ভ়িস্তরাদ্গদতো মম ॥ ১.২॥

মহামাযানুভাভ়েন যথা মন্বন্তরাধিপঃ ।
স বভূভ় মহাভাগঃ সাভ়র্ণিস্তনযো রভ়েঃ ॥ ১.৩॥

স্বারোচিষেঽন্তরে পূর্ভ়ং চৈত্রভ়ংশসমুদ্ভভ়ঃ ।
সুরথো নাম রাজাভূৎসমস্তে ক্ষিতিমণ্ডলে ॥ ১.৪॥

তস্য পালযতঃ সম্যক্ প্রজাঃ পুত্রানিভ়ৌরসান্ ।
বভূভ়ুঃ শত্রভ়ো ভূপাঃ কোলাভ়িধ্বংসিনস্তদা ॥ ১.৫॥

তস্য তৈরভভ়দ্ যুদ্ধমতিপ্রবলদণ্ডিনঃ ।
ন্যূনৈরপি স তৈর্যুদ্ধে কোলাভ়িধ্বংসিভির্জিতঃ ॥ ১.৬॥

ততঃ স্বপুরমাযাতো নিজদেশাধিপোঽভভ়ৎ ।
আক্রান্তঃ স মহাভাগস্তৈস্তদা প্রবলারিভিঃ ॥ ১.৭॥

অমাত্যৈর্বলিভির্দুষ্টৈর্দুর্বলস্য দুরাত্মভিঃ ।
কোশো বলং চাপহৃতং তত্রাপি স্বপুরে ততঃ ॥ ১.৮॥

ততো মৃগযাভ়্যাজেন হৃতস্বাম্যঃ স ভূপতিঃ ।
একাকী হযমারুহ্য জগাম গহনং ভ়নম্ ॥ ১.৯॥

স তত্রাশ্রমমদ্রাক্ষীদ্দ্বিজভ়র্যস্য মেধসঃ ।
প্রশান্তশ্বাপদাকীর্ণং মুনিশিষ্যোপশোভিতম্ ॥ ১.১০॥

তস্থৌ কঞ্চিৎস কালং চ মুনিনা তেন সৎকৃতঃ ।
ইতশ্চেতশ্চ ভ়িচরংস্তস্মিন্ মুনিভ়রাশ্রমে ॥ ১.১১॥

সোঽচিন্তযত্তদা তত্র মমত্বাকৃষ্টমানসঃ ।
মৎপূর্ভ়ৈঃ পালিতং পূর্ভ়ং মযা হীনং পুরং হি তৎ ॥ ১.১২॥

মদ্ভৃত্যৈস্তৈরসদ্বৃত্তৈর্ধর্মতঃ পাল্যতে ন ভ়া ।
ন জানে স প্রধানো মে শূরো হস্তী সদামদঃ ॥ ১.১৩॥

মম ভ়ৈরিভ়শং যাতঃ কান্ ভোগানুপলপ্স্যতে ।
যে মমানুগতা নিত্যং প্রসাদধনভোজনৈঃ ॥ ১.১৪॥

অনুভ়ৃত্তিং ধ্রুভ়ং তেঽদ্য কুর্ভ়ন্ত্যন্যমহীভৃতাম্ ।
অসম্যগ্ব্যযশীলৈস্তৈঃ কুর্ভ়দ্ভিঃ সততং ভ়্যযম্ ॥ ১.১৫॥

সঞ্চিতঃ সোঽতিদুঃখেন ক্ষযং কোশো গমিষ্যতি ।
এতচ্চান্যচ্চ সততং চিন্তযামাস পার্থিভ়ঃ ॥ ১.১৬॥

তত্র ভ়িপ্রাশ্রমাভ্যাশে ভ়ৈশ্যমেকং দদর্শ সঃ ।
স পৃষ্টস্তেন কস্ত্বং ভো হেতুশ্চাগমনেঽত্র কঃ ॥ ১.১৭॥

সশোক ইভ় কস্মাত্ত্বং দুর্মনা ইভ় লক্ষ্যসে ।
ইত্যাকর্ণ্য ভ়চস্তস্য ভূপতেঃ প্রণযোদিতম্ ॥ ১.১৮॥

প্রত্যুভ়াচ স তং ভ়ৈশ্যঃ প্রশ্রযাভ়নতো নৃপম্ ॥ ১.১৯॥

ভ়ৈশ্য উভ়াচ ॥ ১.২০॥

সমাধির্নাম ভ়ৈশ্যোঽহমুৎপন্নো ধনিনাং কুলে ॥ ১.২১॥

পুত্রদারৈর্নিরস্তশ্চ ধনলোভাদসাধুভিঃ ।
ভ়িহীনশ্চ ধনৈর্দারৈঃ পুত্রৈরাদায মে ধনম্ ॥ ১.২২॥

ভ়নমভ্যাগতো দুঃখী নিরস্তশ্চাপ্তবন্ধুভিঃ ।
সোঽহং ন ভ়েদ্মি পুত্রাণাং কুশলাকুশলাত্মিকাম্ ॥ ১.২৩॥

প্রভ়ৃত্তিং স্বজনানাং চ দারাণাং চাত্র সংস্থিতঃ ।
কিং নু তেষাং গৃহে ক্ষেমমক্ষেমং কিং নু সাম্প্রতম্ ॥ ১.২৪॥

কথং তে কিং নু সদ্বৃত্তা দুর্ভ়ৃত্তাঃ কিং নু মে সুতাঃ ॥ ১.২৫॥

রাজোভ়াচ ॥ ১.২৬॥

যৈর্নিরস্তো ভভ়াঁল্লুব্ধৈঃ পুত্রদারাদিভির্ধনৈঃ ॥ ১.২৭॥

তেষু কিং ভভ়তঃ স্নেহমনুবধ্নাতি মানসম্ ॥ ১.২৮॥

ভ়ৈশ্য উভ়াচ ॥ ১.২৯॥

এভ়মেতদ্যথা প্রাহ ভভ়ানস্মদ্গতং ভ়চঃ ॥ ১.৩০॥

কিং করোমি ন বধ্নাতি মম নিষ্ঠুরতাং মনঃ ।
যৈঃ সন্ত্যজ্য পিতৃস্নেহং ধনলুব্ধৈর্নিরাকৃতঃ ॥ ১.৩১॥

পতিস্বজনহার্দং চ হার্দিতেষ্বেভ় মে মনঃ ।
কিমেতন্নাভিজানামি জানন্নপি মহামতে ॥ ১.৩২॥

যৎপ্রেমপ্রভ়ণং চিত্তং ভ়িগুণেষ্বপি বন্ধুষু ।
তেষাং কৃতে মে নিঃশ্বাসো দৌর্মনস্যং চ জাযতে ॥ ১.৩৩॥

করোমি কিং যন্ন মনস্তেষ্বপ্রীতিষু নিষ্ঠুরম্ ॥ ১.৩৪॥

মার্কণ্ডেয উভ়াচ ॥ ১.৩৫॥

ততস্তৌ সহিতৌ ভ়িপ্র তং মুনিং সমুপস্থিতৌ ॥ ১.৩৬॥

সমাধির্নাম ভ়ৈশ্যোঽসৌ স চ পার্থিভ়সত্তমঃ ।
কৃত্বা তু তৌ যথান্যাযং যথার্হং তেন সংভ়িদম্ ॥ ১.৩৭॥

উপভ়িষ্টৌ কথাঃ কাশ্চিচ্চক্রতুর্ভ়ৈশ্যপার্থিভ়ৌ ॥ ১.৩৮॥

রাজোভ়াচ ॥ ১.৩৯॥

ভগভ়ংস্ত্বামহং প্রষ্টুমিচ্ছাম্যেকং ভ়দস্ব তৎ ॥ ১.৪০॥

দুঃখায যন্মে মনসঃ স্বচিত্তাযত্ততাং ভ়িনা ।
মমত্বং গতরাজ্যস্য রাজ্যাঙ্গেষ্বখিলেষ্বপি ॥ ১.৪১॥

জানতোঽপি যথাজ্ঞস্য কিমেতন্মুনিসত্তম ।
অযং চ নিকৃতঃ পুত্রৈর্দারৈর্ভৃত্যৈস্তথোজ্ঝিতঃ ॥ ১.৪২॥

স্বজনেন চ সন্ত্যক্তস্তেষু হার্দী তথাপ্যতি ।
এভ়মেষ তথাহং চ দ্বাভ়প্যত্যন্তদুঃখিতৌ ॥ ১.৪৩॥

দৃষ্টদোষেঽপি ভ়িষযে মমত্বাকৃষ্টমানসৌ ।
তৎকিমেতন্মহাভাগ যন্মোহো জ্ঞানিনোরপি ॥ ১.৪৪॥

মমাস্য চ ভভ়ত্যেষা ভ়িভ়েকান্ধস্য মূঢতা ॥ ১.৪৫॥

ঋষিরুভ়াচ ॥ ১.৪৬॥

জ্ঞানমস্তি সমস্তস্য জন্তোর্ভ়িষযগোচরে ॥ ১.৪৭॥

ভ়িষযাশ্চ মহাভাগ যান্তি চৈভ়ং পৃথক্পৃথক্ ।
দিভ়ান্ধাঃ প্রাণিনঃ কেচিদ্রাত্রাভ়ন্ধাস্তথাপরে ॥ ১.৪৮॥

কেচিদ্দিভ়া তথা রাত্রৌ প্রাণিনস্তুল্যদৃষ্টযঃ ।
জ্ঞানিনো মনুজাঃ সত্যং কিং তু তে ন হি কেভ়লম্ ॥ ১.৪৯॥

যতো হি জ্ঞানিনঃ সর্ভ়ে পশুপক্ষিমৃগাদযঃ ।
জ্ঞানং চ তন্মনুষ্যাণাং যত্তেষাং মৃগপক্ষিণাম্ ॥ ১.৫০॥

মনুষ্যাণাং চ যত্তেষাং তুল্যমন্যত্তথোভযোঃ ।
জ্ঞানেঽপি সতি পশ্যৈতান্ পতঙ্গাঞ্ছাভ়চঞ্চুষু ॥ ১.৫১॥

কণমোক্ষাদৃতান্ মোহাৎপীড্যমানানপি ক্ষুধা ।
মানুষা মনুজভ়্যাঘ্র সাভিলাষাঃ সুতান্ প্রতি ॥ ১.৫২॥

লোভাৎ প্রত্যুপকারায নন্বেতান্ কিং ন পশ্যসি ।
তথাপি মমতাভ়র্ত্তে মোহগর্তে নিপাতিতাঃ ॥ ১.৫৩॥

মহামাযাপ্রভাভ়েণ সংসারস্থিতিকারিণা ।
তন্নাত্র ভ়িস্মযঃ কার্যো যোগনিদ্রা জগৎপতেঃ ॥ ১.৫৪॥

মহামাযা হরেশ্চৈষা তযা সম্মোহ্যতে জগৎ ।
জ্ঞানিনামপি চেতাংসি দেভ়ী ভগভ়তী হি সা ॥ ১.৫৫॥

বলাদাকৃষ্য মোহায মহামাযা প্রযচ্ছতি ।
তযা ভ়িসৃজ্যতে ভ়িশ্বং জগদেতচ্চরাচরম্ ॥ ১.৫৬॥

সৈষা প্রসন্না ভ়রদা নৃণাং ভভ়তি মুক্তযে ।
সা ভ়িদ্যা পরমা মুক্তের্হেতুভূতা সনাতনী ॥ ১.৫৭॥

সংসারবন্ধহেতুশ্চ সৈভ় সর্ভ়েশ্বরেশ্বরী ॥ ১.৫৮॥

রাজোভ়াচ ॥ ১.৫৯॥

ভগভ়ন্ কা হি সা দেভ়ী মহামাযেতি যাং ভভ়ান্ ॥ ১.৬০॥

ব্রভ়ীতি কথমুৎপন্না সা কর্মাস্যাশ্চ কিং দ্বিজ ।
যৎপ্রভাভ়া চ সা দেভ়ী যৎস্বরূপা যদুদ্ভভ়া ॥ ১.৬১॥

তৎসর্ভ়ং শ্রোতুমিচ্ছামি ত্বত্তো ব্রহ্মভ়িদাং ভ়র ॥ ১.৬২॥

ঋষিরুভ়াচ ॥ ১.৬৩॥

নিত্যৈভ় সা জগন্মূর্তিস্তযা সর্ভ়মিদং ততম্ ॥ ১.৬৪॥

তথাপি তৎসমুৎপত্তির্বহুধা শ্রূযতাং মম ।
দেভ়ানাং কার্যসিদ্ধ্যর্থমাভ়ির্ভভ়তি সা যদা ॥ ১.৬৫॥

উৎপন্নেতি তদা লোকে সা নিত্যাপ্যভিধীযতে ।
যোগনিদ্রাং যদা ভ়িষ্ণুর্জগত্যেকার্ণভ়ীকৃতে ॥ ১.৬৬॥

আস্তীর্য শেষমভজৎ কল্পান্তে ভগভ়ান্ প্রভুঃ ।
তদা দ্বাভ়সুরৌ ঘোরৌ ভ়িখ্যাতৌ মধুকৈটভৌ ॥ ১.৬৭॥

ভ়িষ্ণুকর্ণমলোদ্ভূতৌ হন্তুং ব্রহ্মাণমুদ্যতৌ ।
স নাভিকমলে ভ়িষ্ণোঃ স্থিতো ব্রহ্মা প্রজাপতিঃ ॥ ১.৬৮॥

দৃষ্ট্বা তাভ়সুরৌ চোগ্রৌ প্রসুপ্তং চ জনার্দনম্ ।
তুষ্টাভ় যোগনিদ্রাং তামেকাগ্রহৃদযঃ স্থিতঃ ॥ ১.৬৯॥

ভ়িবোধনার্থায হরের্হরিনেত্রকৃতালযাম্ ।
ভ়িশ্বেশ্বরীং জগদ্ধাত্রীং স্থিতিসংহারকারিণীম্ ॥ ১.৭০॥

নিদ্রাং ভগভ়তীং ভ়িষ্ণোরতুলাং তেজসঃ প্রভুঃ ॥ ১.৭১॥

ব্রহ্মোভ়াচ ॥ ১.৭২॥

ত্বং স্বাহা ত্বং স্বধা ত্বং হি ভ়ষট্কারঃ স্বরাত্মিকা ॥ ১.৭৩॥

সুধা ত্বমক্ষরে নিত্যে ত্রিধা মাত্রাত্মিকা স্থিতা ।
অর্ধমাত্রা স্থিতা নিত্যা যানুচ্চার্যাভ়িশেষতঃ ॥ ১.৭৪॥

ত্বমেভ় সন্ধ্যা সাভ়িত্রী ত্বং দেভ়ি জননী পরা ।
ত্বযৈতদ্ধার্যতে ভ়িশ্বং ত্বযৈতৎ সৃজ্যতে জগৎ ॥ ১.৭৫॥

ত্বযৈতৎ পাল্যতে দেভ়ি ত্বমৎস্যন্তে চ সর্ভ়দা ।
ভ়িসৃষ্টৌ সৃষ্টিরূপা ত্বং স্থিতিরূপা চ পালনে ॥ ১.৭৬॥

তথা সংহৃতিরূপান্তে জগতোঽস্য জগন্মযে ।
মহাভ়িদ্যা মহামাযা মহামেধা মহাস্মৃতিঃ ॥ ১.৭৭॥

মহামোহা চ ভভ়তী মহাদেভ়ী মহেশ্বরী ।
প্রকৃতিস্ত্বং চ সর্ভ়স্য গুণত্রযভ়িভাভ়িনী ॥ ১.৭৮॥

কালরাত্রির্মহারাত্রির্মোহরাত্রিশ্চ দারুণা ।
ত্বং শ্রীস্ত্বমীশ্বরী ত্বং হ্রীস্ত্বং বুদ্ধির্বোধলক্ষণা ॥ ১.৭৯॥

লজ্জা পুষ্টিস্তথা তুষ্টিস্ত্বং শান্তিঃ ক্ষান্তিরেভ় চ ।
খড্গিনী শূলিনী ঘোরা গদিনী চক্রিণী তথা ॥ ১.৮০॥

শঙ্খিনী চাপিনী বাণভুশুণ্ডীপরিঘাযুধা ।
সৌম্যা সৌম্যতরাশেষসৌম্যেভ্যস্ত্বতিসুন্দরী ॥ ১.৮১॥

পরাপরাণাং পরমা ত্বমেভ় পরমেশ্বরী ।
যচ্চ কিঞ্চিৎক্বচিদ্বস্তু সদসদ্বাখিলাত্মিকে ॥ ১.৮২॥

তস্য সর্ভ়স্য যা শক্তিঃ সা ত্বং কিং স্তূযসে মযা ।
যযা ত্বযা জগৎস্রষ্টা জগৎপাত্যত্তি যো জগৎ ॥ ১.৮৩॥

সোঽপি নিদ্রাভ়শং নীতঃ কস্ত্বাং স্তোতুমিহেশ্বরঃ ।
ভ়িষ্ণুঃ শরীরগ্রহণমহমীশান এভ় চ ॥ ১.৮৪॥

কারিতাস্তে যতোঽতস্ত্বাং কঃ স্তোতুং শক্তিমান্ ভভ়েৎ ।
সা ত্বমিত্থং প্রভাভ়ৈঃ স্বৈরুদারৈর্দেভ়ি সংস্তুতা ॥ ১.৮৫॥

মোহযৈতৌ দুরাধর্ষাভ়সুরৌ মধুকৈটভৌ ।
প্রবোধং চ জগৎস্বামী নীযতামচ্যুতো লঘু ॥ ১.৮৬॥

বোধশ্চ ক্রিযতামস্য হন্তুমেতৌ মহাসুরৌ ॥ ১.৮৭॥

ঋষিরুভ়াচ ॥ ১.৮৮॥

এভ়ং স্তুতা তদা দেভ়ী তামসী তত্র ভ়েধসা ॥ ১.৮৯॥

ভ়িষ্ণোঃ প্রবোধনার্থায নিহন্তুং মধুকৈটভৌ ।
নেত্রাস্যনাসিকাবাহুহৃদযেভ্যস্তথোরসঃ ॥ ১.৯০॥

নির্গম্য দর্শনে তস্থৌ ব্রহ্মণোঽভ়্যক্তজন্মনঃ ।
উত্তস্থৌ চ জগন্নাথস্তযা মুক্তো জনার্দনঃ ॥ ১.৯১॥

একার্ণভ়েঽহিশযনাত্ততঃ স দদৃশে চ তৌ ।
মধুকৈটভৌ দুরাত্মানাভ়তিভ়ীর্যপরাক্রমৌ ॥ ১.৯২॥

ক্রোধরক্তেক্ষণাভ়ত্তুং ব্রহ্মাণং জনিতোদ্যমৌ ।
সমুত্থায ততস্তাভ্যাং যুযুধে ভগভ়ান্ হরিঃ ॥ ১.৯৩॥

পঞ্চভ়র্ষসহস্রাণি বাহুপ্রহরণো ভ়িভুঃ ।
তাভ়প্যতিবলোন্মত্তৌ মহামাযাভ়িমোহিতৌ ॥ ১.৯৪॥

উক্তভ়ন্তৌ ভ়রোঽস্মত্তো ভ়্রিযতামিতি কেশভ়ম্ ॥ ১.৯৫॥

শ্রীভগভ়ানুভ়াচ ॥ ১.৯৬॥

ভভ়েতামদ্য মে তুষ্টৌ মম ভ়ধ্যাভ়ুভাভ়পি ॥ ১.৯৭॥

কিমন্যেন ভ়রেণাত্র এতাভ়দ্ধি ভ়ৃতং মযা ॥ ১.৯৮॥

ঋষিরুভ়াচ ॥ ১.৯৯॥

ভ়ঞ্চিতাভ্যামিতি তদা সর্ভ়মাপোমযং জগৎ ॥ ১.১০০॥

ভ়িলোক্য তাভ্যাং গদিতো ভগভ়ান্ কমলেক্ষণঃ ।
আভ়াং জহি ন যত্রোর্ভ়ী সলিলেন পরিপ্লুতা ॥ ১.১০১॥

ঋষিরুভ়াচ ॥ ১.১০২॥

তথেত্যুক্ত্বা ভগভ়তা শঙ্খচক্রগদাভৃতা ।
কৃত্বা চক্রেণ ভ়ৈ ছিন্নে জঘনে শিরসী তযোঃ ॥ ১.১০৩॥

এভ়মেষা সমুৎপন্না ব্রহ্মণা সংস্তুতা স্বযম্ ।
প্রভাভ়মস্যা দেভ়্যাস্তু ভূযঃ শৃণু ভ়দামি তে ॥ ১.১০৪॥

। ঐং ওঁ ।
॥ স্বস্তি শ্রীমার্কণ্ডেযপুরাণে সাভ়র্ণিকে মন্বন্তরে দেভ়ীমাহাত্ম্যে
মধুকৈটভভ়ধো নাম প্রথমোঽধ্যাযঃ ॥ ১॥

উভ়াচ ১৪, অর্ধশ্লোকাঃ ২৪, শ্লোকাঃ ৬৬, এভ়মাদিতঃ ॥ ১০৪॥

॥ ২. মহিষাসুরসৈন্যভ়ধো নাম দ্বিতীযোঽধ্যাযঃ ॥

। ধ্যানম্ ।
ওঁ অক্ষস্রক্পরশূ গদেষুকুলিশং পদ্মং ধনুঃ কুণ্ডিকাং
দণ্ডং শক্তিমসিং চ চর্ম জলজং ঘণ্টাং সুরাভাজনম্ ।
শূলং পাশসুদর্শনে চ দধতীং হস্তৈঃ প্রভ়ালপ্রভাং
সেভ়ে সৈরিভমর্দিনীমিহ মহালক্ষ্মীং সরোজস্থিতাম্ ॥

ওঁ হ্রীং ঋষিরুভ়াচ ॥ ২.১॥

দেভ়াসুরমভূদ্যুদ্ধং পূর্ণমব্দশতং পুরা ।
মহিষেঽসুরাণামধিপে দেভ়ানাং চ পুরন্দরে ॥ ২.২॥

তত্রাসুরৈর্মহাভ়ীর্যৈর্দেভ়সৈন্যং পরাজিতম্ ।
জিত্বা চ সকলান্ দেভ়ানিন্দ্রোঽভূন্মহিষাসুরঃ ॥ ২.৩॥

ততঃ পরাজিতা দেভ়াঃ পদ্মযোনিং প্রজাপতিম্ ।
পুরস্কৃত্য গতাস্তত্র যত্রেশগরুডধ্বজৌ ॥ ২.৪॥

যথাভ়ৃত্তং তযোস্তদ্বন্মহিষাসুরচেষ্টিতম্ ।
ত্রিদশাঃ কথযামাসুর্দেভ়াভিভভ়ভ়িস্তরম্ ॥ ২.৫॥

সূর্যেন্দ্রাগ্ন্যনিলেন্দূনাং যমস্য ভ়রুণস্য চ ।
অন্যেষাং চাধিকারান্স স্বযমেভ়াধিতিষ্ঠতি ॥ ২.৬॥

স্বর্গান্নিরাকৃতাঃ সর্ভ়ে তেন দেভ়গণা ভুভ়ি ।
ভ়িচরন্তি যথা মর্ত্যা মহিষেণ দুরাত্মনা ॥ ২.৭॥

এতদ্বঃ কথিতং সর্ভ়মমরারিভ়িচেষ্টিতম্ ।
শরণং ভ়ঃ প্রপন্নাঃ স্মো ভ়ধস্তস্য ভ়িচিন্ত্যতাম্ ॥ ২.৮॥

ইত্থং নিশম্য দেভ়ানাং ভ়চাংসি মধুসূদনঃ ।
চকার কোপং শম্ভুশ্চ ভ্রুকুটীকুটিলাননৌ ॥ ২.৯॥

ততোঽতিকোপপূর্ণস্য চক্রিণো ভ়দনাত্ততঃ ।
নিশ্চক্রাম মহত্তেজো ব্রহ্মণঃ শঙ্করস্য চ ॥ ২.১০॥

অন্যেষাং চৈভ় দেভ়ানাং শক্রাদীনাং শরীরতঃ ।
নির্গতং সুমহত্তেজস্তচ্চৈক্যং সমগচ্ছত ॥ ২.১১॥

অতীভ় তেজসঃ কূটং জ্বলন্তমিভ় পর্ভ়তম্ ।
দদৃশুস্তে সুরাস্তত্র জ্বালাভ়্যাপ্তদিগন্তরম্ ॥ ২.১২॥

অতুলং তত্র তত্তেজঃ সর্ভ়দেভ়শরীরজম্ ।
একস্থং তদভূন্নারী ভ়্যাপ্তলোকত্রযং ত্বিষা ॥ ২.১৩॥

যদভূচ্ছাম্ভভ়ং তেজস্তেনাজাযত তন্মুখম্ ।
যাম্যেন চাভভ়ন্ কেশা বাহভ়ো ভ়িষ্ণুতেজসা ॥ ২.১৪॥

সৌম্যেন স্তনযোর্যুগ্মং মধ্যং চৈন্দ্রেণ চাভভ়ৎ ।
ভ়ারুণেন চ জঙ্ঘোরূ নিতম্বস্তেজসা ভুভ়ঃ ॥ ২.১৫॥

ব্রহ্মণস্তেজসা পাদৌ তদঙ্গুল্যোঽর্কতেজসা ।
ভ়সূনাং চ করাঙ্গুল্যঃ কৌবেরেণ চ নাসিকা ॥ ২.১৬॥

তস্যাস্তু দন্তাঃ সম্ভূতাঃ প্রাজাপত্যেন তেজসা ।
নযনত্রিতযং জজ্ঞে তথা পাভ়কতেজসা ॥ ২.১৭॥

ভ্রুভ়ৌ চ সন্ধ্যযোস্তেজঃ শ্রভ়ণাভ়নিলস্য চ ।
অন্যেষাং চৈভ় দেভ়ানাং সম্ভভ়স্তেজসাং শিভ়া ॥ ২.১৮॥

ততঃ সমস্তদেভ়ানাং তেজোরাশিসমুদ্ভভ়াম্ ।
তাং ভ়িলোক্য মুদং প্রাপুরমরা মহিষার্দিতাঃ ।
ততো দেভ়া দদুস্তস্যৈ স্বানি স্বান্যাযুধানি চ ॥ ২.১৯॥

শূলং শূলাদ্বিনিষ্কৃষ্য দদৌ তস্যৈ পিনাকধৃক্ ।
চক্রং চ দত্তভ়ান্ কৃষ্ণঃ সমুৎপাট্য স্বচক্রতঃ ॥ ২.২০॥

শঙ্খং চ ভ়রুণঃ শক্তিং দদৌ তস্যৈ হুতাশনঃ ।
মারুতো দত্তভ়াংশ্চাপং বাণপূর্ণে তথেষুধী ॥ ২.২১॥

ভ়জ্রমিন্দ্রঃ সমুৎপাট্য কুলিশাদমরাধিপঃ ।
দদৌ তস্যৈ সহস্রাক্ষো ঘণ্টামৈরাভ়তাদ্গজাৎ ॥ ২.২২॥

কালদণ্ডাদ্যমো দণ্ডং পাশং চাম্বুপতির্দদৌ ।
প্রজাপতিশ্চাক্ষমালাং দদৌ ব্রহ্মা কমণ্ডলুম্ ॥ ২.২৩॥

সমস্তরোমকূপেষু নিজরশ্মীন্ দিভ়াকরঃ ।
কালশ্চ দত্তভ়ান্ খড্গং তস্যৈ চর্ম চ নির্মলম্ ॥ ২.২৪॥

ক্ষীরোদশ্চামলং হারমজরে চ তথাম্বরে ।
চূডামণিং তথা দিভ়্যং কুণ্ডলে কটকানি চ ॥ ২.২৫॥

অর্ধচন্দ্রং তথা শুভ্রং কেযূরান্ সর্ভ়বাহুষু ।
নূপুরৌ ভ়িমলৌ তদ্বদ্ গ্রৈভ়েযকমনুত্তমম্ ॥ ২.২৬॥

অঙ্গুলীযকরত্নানি সমস্তাস্বঙ্গুলীষু চ ।
ভ়িশ্বকর্মা দদৌ তস্যৈ পরশুং চাতিনির্মলম্ ॥ ২.২৭॥

অস্ত্রাণ্যনেকরূপাণি তথাভেদ্যং চ দংশনম্ ।
অম্লানপঙ্কজাং মালাং শিরস্যুরসি চাপরাম্ ॥ ২.২৮॥

অদদজ্জলধিস্তস্যৈ পঙ্কজং চাতিশোভনম্ ।
হিমভ়ান্ ভ়াহনং সিংহং রত্নানি ভ়িভ়িধানি চ ॥ ২.২৯॥

দদাভ়শূন্যং সুরযা পানপাত্রং ধনাধিপঃ ।
শেষশ্চ সর্ভ়নাগেশো মহামণিভ়িভূষিতম্ ॥ ২.৩০॥

নাগহারং দদৌ তস্যৈ ধত্তে যঃ পৃথিভ়ীমিমাম্ ।
অন্যৈরপি সুরৈর্দেভ়ী ভূষণৈরাযুধৈস্তথা ॥ ২.৩১॥

সম্মানিতা ননাদোচ্চৈঃ সাট্টহাসং মুহুর্মুহুঃ ।
তস্যা নাদেন ঘোরেণ কৃৎস্নমাপূরিতং নভঃ ॥ ২.৩২॥

অমাযতাতিমহতা প্রতিশব্দো মহানভূৎ ।
চুক্ষুভুঃ সকলা লোকাঃ সমুদ্রাশ্চ চকম্পিরে ॥ ২.৩৩॥

চচাল ভ়সুধা চেলুঃ সকলাশ্চ মহীধরাঃ ।
জযেতি দেভ়াশ্চ মুদা তামূচুঃ সিংহভ়াহিনীম্ ॥ ২.৩৪॥

তুষ্টুভ়ুর্মুনযশ্চৈনাং ভক্তিনম্রাত্মমূর্তযঃ ।
দৃষ্ট্বা সমস্তং সঙ্ক্ষুব্ধং ত্রৈলোক্যমমরারযঃ ॥ ২.৩৫॥

সন্নদ্ধাখিলসৈন্যাস্তে সমুত্তস্থুরুদাযুধাঃ ।
আঃ কিমেতদিতি ক্রোধাদাভাষ্য মহিষাসুরঃ ॥ ২.৩৬॥

অভ্যধাভ়ত তং শব্দমশেষৈরসুরৈর্ভ়ৃতঃ ।
স দদর্শ ততো দেভ়ীং ভ়্যাপ্তলোকত্রযাং ত্বিষা ॥ ২.৩৭॥

পাদাক্রান্ত্যা নতভুভ়ং কিরীটোল্লিখিতাম্বরাম্ ।
ক্ষোভিতাশেষপাতালাং ধনুর্জ্যানিঃস্বনেন তাম্ ॥ ২.৩৮॥

দিশো ভুজসহস্রেণ সমন্তাদ্ব্যাপ্য সংস্থিতাম্ ।
ততঃ প্রভ়ভ়ৃতে যুদ্ধং তযা দেভ়্যা সুরদ্বিষাম্ ॥ ২.৩৯॥

শস্ত্রাস্ত্রৈর্বহুধা মুক্তৈরাদীপিতদিগন্তরম্ ।
মহিষাসুরসেনানীশ্চিক্ষুরাখ্যো মহাসুরঃ ॥ ২.৪০॥

যুযুধে চামরশ্চান্যৈশ্চতুরঙ্গবলান্বিতঃ ।
রথানামযুতৈঃ ষড্ভিরুদগ্রাখ্যো মহাসুরঃ ॥ ২.৪১॥

অযুধ্যতাযুতানাং চ সহস্রেণ মহাহনুঃ ।
পঞ্চাশদ্ভিশ্চ নিযুতৈরসিলোমা মহাসুরঃ ॥ ২.৪২॥

অযুতানাং শতৈঃ ষড্ভির্বাষ্কলো যুযুধে রণে ।
গজভ়াজিসহস্রৌঘৈরনেকৈঃ পরিভ়ারিতঃ ॥ ২.৪৩॥

ভ়ৃতো রথানাং কোট্যা চ যুদ্ধে তস্মিন্নযুধ্যত ।
বিডালাখ্যোঽযুতানাং চ পঞ্চাশদ্ভিরথাযুতৈঃ ॥ ২.৪৪॥

যুযুধে সংযুগে তত্র রথানাং পরিভ়ারিতঃ ।
অন্যে চ তত্রাযুতশো রথনাগহযৈর্ভ়ৃতাঃ ॥ ২.৪৫॥

যুযুধুঃ সংযুগে দেভ়্যা সহ তত্র মহাসুরাঃ ।
কোটিকোটিসহস্রৈস্তু রথানাং দন্তিনাং তথা ॥ ২.৪৬॥

হযানাং চ ভ়ৃতো যুদ্ধে তত্রাভূন্মহিষাসুরঃ ।
তোমরৈর্ভিন্দিপালৈশ্চ শক্তিভির্মুসলৈস্তথা ॥ ২.৪৭॥

যুযুধুঃ সংযুগে দেভ়্যা খড্গৈঃ পরশুপট্টিশৈঃ ।
কেচিচ্চ চিক্ষিপুঃ শক্তীঃ কেচিৎ পাশাংস্তথাপরে ॥ ২.৪৮॥

দেভ়ীং খড্গপ্রহারৈস্তু তে তাং হন্তুং প্রচক্রমুঃ ।
সাপি দেভ়ী ততস্তানি শস্ত্রাণ্যস্ত্রাণি চণ্ডিকা ॥ ২.৪৯॥

লীলযৈভ় প্রচিচ্ছেদ নিজশস্ত্রাস্ত্রভ়র্ষিণী ।
অনাযস্তাননা দেভ়ী স্তূযমানা সুরর্ষিভিঃ ॥ ২.৫০॥

মুমোচাসুরদেহেষু শস্ত্রাণ্যস্ত্রাণি চেশ্বরী ।
সোঽপি ক্রুদ্ধো ধুতসটো দেভ়্যা ভ়াহনকেসরী ॥ ২.৫১॥

চচারাসুরসৈন্যেষু ভ়নেষ্বিভ় হুতাশনঃ ।
নিঃশ্বাসান্ মুমুচে যাংশ্চ যুধ্যমানা রণেঽম্বিকা ॥ ২.৫২॥

ত এভ় সদ্যঃ সম্ভূতা গণাঃ শতসহস্রশঃ ।
যুযুধুস্তে পরশুভির্ভিন্দিপালাসিপট্টিশৈঃ ॥ ২.৫৩॥

নাশযন্তোঽসুরগণান্ দেভ়ীশক্ত্যুপবৃংহিতাঃ ।
অভ়াদযন্ত পটহান্ গণাঃ শঙ্খাংস্তথাপরে ॥ ২.৫৪॥

মৃদঙ্গাংশ্চ তথৈভ়ান্যে তস্মিন্ যুদ্ধমহোৎসভ়ে ।
ততো দেভ়ী ত্রিশূলেন গদযা শক্তিভ়ৃষ্টিভিঃ ॥ ২.৫৫॥

খড্গাদিভিশ্চ শতশো নিজঘান মহাসুরান্ ।
পাতযামাস চৈভ়ান্যান্ ঘণ্টাস্বনভ়িমোহিতান্ ॥ ২.৫৬॥

অসুরান্ ভুভ়ি পাশেন বদ্ধ্বা চান্যানকর্ষযৎ ।
কেচিদ্ দ্বিধাকৃতাস্তীক্ষ্ণৈঃ খড্গপাতৈস্তথাপরে ॥ ২.৫৭॥

ভ়িপোথিতা নিপাতেন গদযা ভুভ়ি শেরতে ।
ভ়েমুশ্চ কেচিদ্রুধিরং মুসলেন ভৃশং হতাঃ ॥ ২.৫৮॥

কেচিন্নিপতিতা ভূমৌ ভিন্নাঃ শূলেন ভ়ক্ষসি ।
নিরন্তরাঃ শরৌঘেণ কৃতাঃ কেচিদ্রণাজিরে ॥ ২.৫৯॥

শ্যেনানুকারিণঃ প্রাণান্ মুমুচুস্ত্রিদশার্দনাঃ ।
কেষাঞ্চিদ্ বাহভ়শ্ছিন্নাশ্ছিন্নগ্রীভ়াস্তথাপরে ॥ ২.৬০॥

শিরাংসি পেতুরন্যেষামন্যে মধ্যে ভ়িদারিতাঃ ।
ভ়িচ্ছিন্নজঙ্ঘাস্ত্বপরে পেতুরুর্ভ়্যাং মহাসুরাঃ ॥ ২.৬১॥

একবাহ্বক্ষিচরণাঃ কেচিদ্দেভ়্যা দ্বিধাকৃতাঃ ।
ছিন্নেঽপি চান্যে শিরসি পতিতাঃ পুনরুত্থিতাঃ ॥ ২.৬২॥

কবন্ধা যুযুধুর্দেভ়্যা গৃহীতপরমাযুধাঃ ।
ননৃতুশ্চাপরে তত্র যুদ্ধে তূর্যলযাশ্রিতাঃ ॥ ২.৬৩॥

কবন্ধাশ্ছিন্নশিরসঃ খড্গশক্ত্যৃষ্টিপাণযঃ ।
তিষ্ঠ তিষ্ঠেতি ভাষন্তো দেভ়ীমন্যে মহাসুরাঃ ॥ ২.৬৪॥

পাতিতৈ রথনাগাশ্বৈরসুরৈশ্চ ভ়সুন্ধরা ।
অগম্যা সাভভ়ত্তত্র যত্রাভূৎ স মহারণঃ ॥ ২.৬৫॥

শোণিতৌঘা মহানদ্যঃ সদ্যস্তত্র প্রসুস্রুভ়ুঃ ।
মধ্যে চাসুরসৈন্যস্য ভ়ারণাসুরভ়াজিনাম্ ॥ ২.৬৬॥

ক্ষণেন তন্মহাসৈন্যমসুরাণাং তথাম্বিকা ।
নিন্যে ক্ষযং যথা ভ়হ্নিস্তৃণদারুমহাচযম্ ॥ ২.৬৭॥

স চ সিংহো মহানাদমুৎসৃজন্ ধুতকেসরঃ ।
শরীরেভ্যোঽমরারীণামসূনিভ় ভ়িচিন্বতি ॥ ২.৬৮॥

দেভ়্যা গণৈশ্চ তৈস্তত্র কৃতং যুদ্ধং তথাসুরৈঃ ।
যথৈষাং তুতুষুর্দেভ়াঃ পুষ্পভ়ৃষ্টিমুচো দিভ়ি ॥ ২.৬৯॥

॥ স্বস্তি শ্রীমার্কণ্ডেযপুরাণে সাভ়র্ণিকে মন্বন্তরে দেভ়ীমাহাত্ম্যে
মহিষাসুরসৈন্যভ়ধো নাম দ্বিতীযোঽধ্যাযঃ ॥ ২॥

উভ়াচ ১, অর্ধশ্লোকাঃ ৬৮, শ্লোকাঃ ৬৯, এভ়মাদিতঃ ॥ ১৭৩॥

॥ ৩. মহিষাসুরভ়ধো নাম তৃতীযোঽধ্যাযঃ ॥

। ধ্যানম্ ।
ওঁ উদ্যদ্ভানুসহস্রকান্তিমরুণক্ষৌমাং শিরোমালিকাং
রক্তালিপ্তপযোধরাং জপভ়টীং ভ়িদ্যামভীতিং ভ়রম্ ।
হস্তাব্জৈর্দধতীং ত্রিনেত্রভ়িলসদ্বক্ত্রারভ়িন্দশ্রিযং
দেভ়ীং বদ্ধহিমাংশুরত্নমুকুটাং ভ়ন্দেঽরভ়িন্দস্থিতাম্ ।
ওঁ ঋষিরুভ়াচ ॥ ৩.১॥

নিহন্যমানং তৎসৈন্যমভ়লোক্য মহাসুরঃ ।
সেনানীশ্চিক্ষুরঃ কোপাদ্যযৌ যোদ্ধুমথাম্বিকাম্ ॥ ৩.২॥

স দেভ়ীং শরভ়র্ষেণ ভ়ভ়র্ষ সমরেঽসুরঃ ।
যথা মেরুগিরেঃ শৃঙ্গং তোযভ়র্ষেণ তোযদঃ ॥ ৩.৩॥

তস্য ছিত্বা ততো দেভ়ী লীলযৈভ় শরোৎকরান্ ।
জঘান তুরগান্‌বাণৈর্যন্তারং চৈভ় ভ়াজিনাম্ ॥ ৩.৪॥

চিচ্ছেদ চ ধনুঃ সদ্যো ধ্বজং চাতিসমুচ্ছৃতম্ ।
ভ়িভ়্যাধ চৈভ় গাত্রেষু ছিন্নধন্বানমাশুগৈঃ ॥ ৩.৫॥

সচ্ছিন্নধন্বা ভ়িরথো হতাশ্বো হতসারথিঃ ।
অভ্যধাভ়ত তাং দেভ়ীং খড্গচর্মধরোঽসুরঃ ॥ ৩.৬॥

সিংহমাহত্য খড্গেন তীক্ষ্ণধারেণ মূর্ধনি ।
আজঘান ভুজে সভ়্যে দেভ়ীমপ্যতিভ়েগভ়ান্ ॥ ৩.৭॥

তস্যাঃ খড্গো ভুজং প্রাপ্য পফাল নৃপনন্দন ।
ততো জগ্রাহ শূলং স কোপাদরুণলোচনঃ ॥ ৩.৮॥

চিক্ষেপ চ ততস্তত্তু ভদ্রকাল্যাং মহাসুরঃ ।
জাজ্বল্যমানং তেজোভী রভ়িবিম্বমিভ়াম্বরাৎ ॥ ৩.৯॥

দৃষ্ট্বা তদাপতচ্ছূলং দেভ়ী শূলমমুঞ্চত ।
তেন তচ্ছতধা নীতং শূলং স চ মহাসুরঃ ॥ ৩.১০॥

হতে তস্মিন্মহাভ়ীর্যে মহিষস্য চমূপতৌ ।
আজগাম গজারূঢশ্চামরস্ত্রিদশার্দনঃ ॥ ৩.১১॥

সোঽপি শক্তিং মুমোচাথ দেভ়্যাস্তামম্বিকা দ্রুতম্ ।
হুঙ্কারাভিহতাং ভূমৌ পাতযামাস নিষ্প্রভাম্ ॥ ৩.১২॥

ভগ্নাং শক্তিং নিপতিতাং দৃষ্ট্বা ক্রোধসমন্বিতঃ ।
চিক্ষেপ চামরঃ শূলং বাণৈস্তদপি সাচ্ছিনৎ ॥ ৩.১৩॥

ততঃ সিংহঃ সমুৎপত্য গজকুম্ভান্তরে স্থিতঃ ।
বাহুযুদ্ধেন যুযুধে তেনোচ্চৈস্ত্রিদশারিণা ॥ ৩.১৪॥

যুধ্যমানৌ ততস্তৌ তু তস্মান্নাগান্মহীং গতৌ ।
যুযুধাতেঽতিসংরব্ধৌ প্রহারৈরতিদারুণৈঃ ॥ ৩.১৫॥

ততো ভ়েগাৎ খমুৎপত্য নিপত্য চ মৃগারিণা ।
করপ্রহারেণ শিরশ্চামরস্য পৃথক্ কৃতম্ ॥ ৩.১৬॥

উদগ্রশ্চ রণে দেভ়্যা শিলাভ়ৃক্ষাদিভির্হতঃ ।
দন্তমুষ্টিতলৈশ্চৈভ় করালশ্চ নিপাতিতঃ ॥ ৩.১৭॥

দেভ়ী ক্রুদ্ধা গদাপাতৈশ্চূর্ণযামাস চোদ্ধতম্ ।
বাষ্কলং ভিন্দিপালেন বাণৈস্তাম্রং তথান্ধকম্ ॥ ৩.১৮॥

উগ্রাস্যমুগ্রভ়ীর্যং চ তথৈভ় চ মহাহনুম্ ।
ত্রিনেত্রা চ ত্রিশূলেন জঘান পরমেশ্বরী ॥ ৩.১৯॥

বিডালস্যাসিনা কাযাৎ পাতযামাস ভ়ৈ শিরঃ ।
দুর্ধরং দুর্মুখং চোভৌ শরৈর্নিন্যে যমক্ষযম্ ॥ ৩.২০॥

এভ়ং সঙ্ক্ষীযমাণে তু স্বসৈন্যে মহিষাসুরঃ ।
মাহিষেণ স্বরূপেণ ত্রাসযামাস তান্ গণান্ ॥ ৩.২১॥

কাংশ্চিত্তুণ্ডপ্রহারেণ খুরক্ষেপৈস্তথাপরান্ ।
লাঙ্গূলতাডিতাংশ্চান্যান্ শৃঙ্গাভ্যাং চ ভ়িদারিতান্ ॥ ৩.২২॥

ভ়েগেন কাংশ্চিদপরান্নাদেন ভ্রমণেন চ ।
নিঃশ্বাসপভ়নেনান্যান্পাতযামাস ভূতলে ॥ ৩.২৩॥

নিপাত্য প্রমথানীকমভ্যধাভ়ত সোঽসুরঃ ।
সিংহং হন্তুং মহাদেভ়্যাঃ কোপং চক্রে ততোঽম্বিকা ॥ ৩.২৪॥

সোঽপি কোপান্মহাভ়ীর্যঃ খুরক্ষুণ্ণমহীতলঃ ।
শৃঙ্গাভ্যাং পর্ভ়তানুচ্চাংশ্চিক্ষেপ চ ননাদ চ ॥ ৩.২৫॥

ভ়েগভ্রমণভ়িক্ষুণ্ণা মহী তস্য ভ়্যশীর্যত ।
লাঙ্গূলেনাহতশ্চাব্ধিঃ প্লাভ়যামাস সর্ভ়তঃ ॥ ৩.২৬॥

ধুতশৃঙ্গভ়িভিন্নাশ্চ খণ্ডং খণ্ডং যযুর্ঘনাঃ ।
শ্বাসানিলাস্তাঃ শতশো নিপেতুর্নভসোঽচলাঃ ॥ ৩.২৭॥

ইতি ক্রোধসমাধ্মাতমাপতন্তং মহাসুরম্ ।
দৃষ্ট্বা সা চণ্ডিকা কোপং তদ্বধায তদাকরোৎ ॥ ৩.২৮॥

সা ক্ষিপ্ত্বা তস্য ভ়ৈ পাশং তং ববন্ধ মহাসুরম্ ।
তত্যাজ মাহিষং রূপং সোঽপি বদ্ধো মহামৃধে ॥ ৩.২৯॥

ততঃ সিংহোঽভভ়ৎসদ্যো যাভ়ত্তস্যাম্বিকা শিরঃ ।
ছিনত্তি তাভ়ৎ পুরুষঃ খড্গপাণিরদৃশ্যত ॥ ৩.৩০॥

তত এভ়াশু পুরুষং দেভ়ী চিচ্ছেদ সাযকৈঃ ।
তং খড্গচর্মণা সার্ধং ততঃ সোঽভূন্মহাগজঃ ॥ ৩.৩১॥

করেণ চ মহাসিংহং তং চকর্ষ জগর্জ চ ।
কর্ষতস্তু করং দেভ়ী খড্গেন নিরকৃন্তত ॥ ৩.৩২॥

ততো মহাসুরো ভূযো মাহিষং ভ়পুরাস্থিতঃ ।
তথৈভ় ক্ষোভযামাস ত্রৈলোক্যং সচরাচরম্ ॥ ৩.৩৩॥

ততঃ ক্রুদ্ধা জগন্মাতা চণ্ডিকা পানমুত্তমম্ ।
পপৌ পুনঃ পুনশ্চৈভ় জহাসারুণলোচনা ॥ ৩.৩৪॥

ননর্দ চাসুরঃ সোঽপি বলভ়ীর্যমদোদ্ধতঃ ।
ভ়িষাণাভ্যাং চ চিক্ষেপ চণ্ডিকাং প্রতি ভূধরান্ ॥ ৩.৩৫॥

সা চ তান্প্রহিতাংস্তেন চূর্ণযন্তী শরোৎকরৈঃ ।
উভ়াচ তং মদোদ্ধূতমুখরাগাকুলাক্ষরম্ ॥ ৩.৩৬॥

দেভ়্যুভ়াচ ॥ ৩.৩৭॥

গর্জ গর্জ ক্ষণং মূঢ মধু যাভ়ৎপিবাম্যহম্ ।
মযা ত্বযি হতেঽত্রৈভ় গর্জিষ্যন্ত্যাশু দেভ়তাঃ ॥ ৩.৩৮॥

ঋষিরুভ়াচ ॥ ৩.৩৯॥

এভ়মুক্ত্বা সমুৎপত্য সারূঢা তং মহাসুরম্ ।
পাদেনাক্রম্য কণ্ঠে চ শূলেনৈনমতাডযৎ ॥ ৩.৪০॥

ততঃ সোঽপি পদাক্রান্তস্তযা নিজমুখাত্তদা ।
অর্ধনিষ্ক্রান্ত এভ়াসীদ্দেভ়্যা ভ়ীর্যেণ সংভ়ৃতঃ ॥ ৩.৪১॥

অর্ধনিষ্ক্রান্ত এভ়াসৌ যুধ্যমানো মহাসুরঃ ।
তযা মহাসিনা দেভ়্যা শিরশ্ছিত্ত্বা নিপাতিতঃ ॥ ৩.৪২॥

ততো হাহাকৃতং সর্ভ়ং দৈত্যসৈন্যং ননাশ তৎ ।
প্রহর্ষং চ পরং জগ্মুঃ সকলা দেভ়তাগণাঃ ॥ ৩.৪৩॥

তুষ্টুভ়ুস্তাং সুরা দেভ়ীং সহদিভ়্যৈর্মহর্ষিভিঃ ।
জগুর্গন্ধর্ভ়পতযো ননৃতুশ্চাপ্সরোগণাঃ ॥ ৩.৪৪॥

॥ স্বস্তি শ্রীমার্কণ্ডেযপুরাণে সাভ়র্ণিকে মন্বন্তরে দেভ়ীমাহাত্ম্যে
মহিষাসুরভ়ধো নাম তৃতীযোঽধ্যাযঃ ॥ ৩॥

উভ়াচ ৩, অর্ধশ্লোকাঃ ৪১, শ্লোকাঃ ৪৪, এভ়মাদিতঃ ॥ ২১৭॥

॥ ৪. শক্রাদিস্তুতির্নাম চতুর্থোঽধ্যাযঃ ॥

। ধ্যানম্ ।
ওঁ কালাভ্রাভাং কটাক্ষৈররিকুলভযদাং মৌলিবদ্ধেন্দুরেখাং
শঙ্খং চক্রং কৃপাণং ত্রিশিখমপি করৈরুদ্বহন্তীং ত্রিনেত্রাম্ ।
সিংহস্কন্ধাধিরূঢাং ত্রিভুভ়নমখিলং তেজসা পূরযন্তীং
ধ্যাযেদ্দুর্গাং জযাখ্যাং ত্রিদশপরিভ়ৃতাং সেভ়িতাং সিদ্ধিকামৈঃ ॥

ওঁ ঋষিরুভ়াচ ॥ ৪.১॥

শক্রাদযঃ সুরগণা নিহতেঽতিভ়ীর্যে
তস্মিন্দুরাত্মনি সুরারিবলে চ দেভ়্যা ।
তাং তুষ্টুভ়ুঃ প্রণতিনম্রশিরোধরাংসা
ভ়াগ্ভিঃ প্রহর্ষপুলকোদ্গমচারুদেহাঃ ॥ ৪.২॥

দেভ়্যা যযা ততমিদং জগদাত্মশক্ত্যা
নিঃশেষদেভ়গণশক্তিসমূহমূর্ত্যা ।
তামম্বিকামখিলদেভ়মহর্ষিপূজ্যাং
ভক্ত্যা নতাঃ স্ম ভ়িদধাতু শুভানি সা নঃ ॥ ৪.৩॥

যস্যাঃ প্রভাভ়মতুলং ভগভ়াননন্তো
ব্রহ্মা হরশ্চ ন হি ভ়ক্তুমলং বলং চ ।
সা চণ্ডিকাখিলজগৎপরিপালনায
নাশায চাশুভভযস্য মতিং করোতু ॥ ৪.৪॥

যা শ্রীঃ স্বযং সুকৃতিনাং ভভ়নেষ্বলক্ষ্মীঃ
পাপাত্মনাং কৃতধিযাং হৃদযেষু বুদ্ধিঃ ।
শ্রদ্ধা সতাং কুলজনপ্রভভ়স্য লজ্জা
তাং ত্বাং নতাঃ স্ম পরিপালয দেভ়ি ভ়িশ্বম্ ॥ ৪.৫॥

কিং ভ়র্ণযাম তভ় রূপমচিন্ত্যমেতৎ
কিঞ্চাতিভ়ীর্যমসুরক্ষযকারি ভূরি ।
কিং চাহভ়েষু চরিতানি তভ়াতি যানি
সর্ভ়েষু দেভ়্যসুরদেভ়গণাদিকেষু ॥ ৪.৬॥

হেতুঃ সমস্তজগতাং ত্রিগুণাপি দোষৈ-
র্ন জ্ঞাযসে হরিহরাদিভিরপ্যপারা ।
সর্ভ়াশ্রযাখিলমিদং জগদংশভূত-
মভ়্যাকৃতা হি পরমা প্রকৃতিস্ত্বমাদ্যা ॥ ৪.৭॥

যস্যাঃ সমস্তসুরতা সমুদীরণেন
তৃপ্তিং প্রযাতি সকলেষু মখেষু দেভ়ি ।
স্বাহাসি ভ়ৈ পিতৃগণস্য চ তৃপ্তিহেতু-
রুচ্চার্যসে ত্বমত এভ় জনৈঃ স্বধা চ ॥ ৪.৮॥

যা মুক্তিহেতুরভ়িচিন্ত্যমহাভ়্রতা ত্বং
অভ্যস্যসে সুনিযতেন্দ্রিযতত্ত্বসারৈঃ ।
মোক্ষার্থিভির্মুনিভিরস্তসমস্তদোষৈ-
র্ভ়িদ্যাসি সা ভগভ়তী পরমা হি দেভ়ি ॥ ৪.৯॥

শব্দাত্মিকা সুভ়িমলর্গ্যজুষাং নিধান-
মুদ্গীথরম্যপদপাঠভ়তাং চ সাম্নাম্ ।
দেভ়ি ত্রযী ভগভ়তী ভভ়ভাভ়নায
ভ়ার্তাসি সর্ভ়জগতাং পরমার্তিহন্ত্রী ॥ ৪.১০॥

মেধাসি দেভ়ি ভ়িদিতাখিলশাস্ত্রসারা
দুর্গাসি দুর্গভভ়সাগরনৌরসঙ্গা ।
শ্রীঃ কৈটভারিহৃদযৈককৃতাধিভ়াসা
গৌরী ত্বমেভ় শশিমৌলিকৃতপ্রতিষ্ঠা ॥ ৪.১১॥

ঈষৎসহাসমমলং পরিপূর্ণচন্দ্র-
বিম্বানুকারি কনকোত্তমকান্তিকান্তম্ ।
অত্যদ্ভুতং প্রহৃতমাত্তরুষা তথাপি
ভ়ক্ত্রং ভ়িলোক্য সহসা মহিষাসুরেণ ॥ ৪.১২॥

দৃষ্ট্বা তু দেভ়ি কুপিতং ভ্রুকুটীকরাল-
মুদ্যচ্ছশাঙ্কসদৃশচ্ছভ়ি যন্ন সদ্যঃ ।
প্রাণান্ মুমোচ মহিষস্তদতীভ় চিত্রং
কৈর্জীভ়্যতে হি কুপিতান্তকদর্শনেন ॥ ৪.১৩॥

দেভ়ি প্রসীদ পরমা ভভ়তী ভভ়ায
সদ্যো ভ়িনাশযসি কোপভ়তী কুলানি ।
ভ়িজ্ঞাতমেতদধুনৈভ় যদস্তমেত-
ন্নীতং বলং সুভ়িপুলং মহিষাসুরস্য ॥ ৪.১৪॥

তে সম্মতা জনপদেষু ধনানি তেষাং
তেষাং যশাংসি ন চ সীদতি বন্ধুভ়র্গঃ ।
ধন্যাস্ত এভ় নিভৃতাত্মজভৃত্যদারা
যেষাং সদাভ্যুদযদা ভভ়তী প্রসন্না ॥ ৪.১৫॥

ধর্ম্যাণি দেভ়ি সকলানি সদৈভ় কর্মা-
ণ্যত্যাদৃতঃ প্রতিদিনং সুকৃতী করোতি ।
স্বর্গং প্রযাতি চ ততো ভভ়তী প্রসাদা-
ল্লোকত্রযেঽপি ফলদা ননু দেভ়ি তেন ॥ ৪.১৬॥

দুর্গে স্মৃতা হরসি ভীতিমশেষজন্তোঃ
স্বস্থৈঃ স্মৃতা মতিমতীভ় শুভাং দদাসি ।
দারিদ্র্যদুঃখভযহারিণি কা ত্বদন্যা
সর্ভ়োপকারকরণায সদার্দ্রচিত্তা ॥ ৪.১৭॥

এভির্হতৈর্জগদুপৈতি সুখং তথৈতে
কুর্ভ়ন্তু নাম নরকায চিরায পাপম্ ।
সঙ্গ্রামমৃত্যুমধিগম্য দিভ়ং প্রযান্তু
মত্বেতি নূনমহিতান্বিনিহংসি দেভ়ি ॥ ৪.১৮॥

দৃষ্ট্বৈভ় কিং ন ভভ়তী প্রকরোতি ভস্ম
সর্ভ়াসুরানরিষু যৎপ্রহিণোষি শস্ত্রম্ ।
লোকান্প্রযান্তু রিপভ়োঽপি হি শস্ত্রপূতা
ইত্থং মতির্ভভ়তি তেষ্বহিতেষুসাধ্বী ॥ ৪.১৯॥

খড্গপ্রভানিকরভ়িস্ফুরণৈস্তথোগ্রৈঃ
শূলাগ্রকান্তিনিভ়হেন দৃশোঽসুরাণাম্ ।
যন্নাগতা ভ়িলযমংশুমদিন্দুখণ্ড-
যোগ্যাননং তভ় ভ়িলোকযতাং তদেতৎ ॥ ৪.২০॥

দুর্ভ়ৃত্তভ়ৃত্তশমনং তভ় দেভ়ি শীলং
রূপং তথৈতদভ়িচিন্ত্যমতুল্যমন্যৈঃ ।
ভ়ীর্যং চ হন্তৃ হৃতদেভ়পরাক্রমাণাং
ভ়ৈরিষ্বপি প্রকটিতৈভ় দযা ত্বযেত্থম্ ॥ ৪.২১॥

কেনোপমা ভভ়তু তেঽস্য পরাক্রমস্য
রূপং চ শত্রুভযকার্যতিহারি কুত্র ।
চিত্তে কৃপা সমরনিষ্ঠুরতা চ দৃষ্টা
ত্বয্যেভ় দেভ়ি ভ়রদে ভুভ়নত্রযেঽপি ॥ ৪.২২॥

ত্রৈলোক্যমেতদখিলং রিপুনাশনেন
ত্রাতং ত্বযা সমরমূর্ধনি তেঽপি হত্বা ।
নীতা দিভ়ং রিপুগণা ভযমপ্যপাস্তম্
অস্মাকমুন্মদসুরারিভভ়ং নমস্তে ॥ ৪.২৩॥

শূলেন পাহি নো দেভ়ি পাহি খড্গেন চাম্বিকে ।
ঘণ্টাস্বনেন নঃ পাহি চাপজ্যানিঃস্বনেন চ ॥ ৪.২৪॥

প্রাচ্যাং রক্ষ প্রতীচ্যাং চ চণ্ডিকে রক্ষ দক্ষিণে ।
ভ্রামণেনাত্মশূলস্য উত্তরস্যাং তথেশ্বরি ॥ ৪.২৫॥

সৌম্যানি যানি রূপাণি ত্রৈলোক্যে ভ়িচরন্তি তে ।
যানি চাত্যন্তঘোরাণি তৈ রক্ষাস্মাংস্তথা ভুভ়ম্ ॥ ৪.২৬॥

খড্গশূলগদাদীনি যানি চাস্ত্রানি তেঽম্বিকে ।
করপল্লভ়সঙ্গীনি তৈরস্মান্রক্ষ সর্ভ়তঃ ॥ ৪.২৭॥

ঋষিরুভ়াচ ॥ ৪.২৮॥

এভ়ং স্তুতা সুরৈর্দিভ়্যৈঃ কুসুমৈর্নন্দনোদ্ভভ়ৈঃ ।
অর্চিতা জগতাং ধাত্রী তথা গন্ধানুলেপনৈঃ ॥ ৪.২৯॥

ভক্ত্যা সমস্তৈস্ত্রিদশৈর্দিভ়্যৈর্ধূপৈঃ সুধূপিতা ।
প্রাহ প্রসাদসুমুখী সমস্তান্ প্রণতান্ সুরান্ ॥ ৪.৩০॥

দেভ়্যুভ়াচ ॥ ৪.৩১॥

ভ়্রিযতাং ত্রিদশাঃ সর্ভ়ে যদস্মত্তোঽভিভ়াঞ্ছিতম্ ॥ ৪.৩২॥

দেভ়া ঊচুঃ ॥ ৪.৩৩॥

ভগভ়ত্যা কৃতং সর্ভ়ং ন কিঞ্চিদভ়শিষ্যতে ॥ ৪.৩৪॥

যদযং নিহতঃ শত্রুরস্মাকং মহিষাসুরঃ ।
যদি চাপি ভ়রো দেযস্ত্বযাস্মাকং মহেশ্বরি ॥ ৪.৩৫॥

সংস্মৃতা সংস্মৃতা ত্বং নো হিংসেথাঃ পরমাপদঃ ।
যশ্চ মর্ত্যঃ স্তভ়ৈরেভিস্ত্বাং স্তোষ্যত্যমলাননে ॥ ৪.৩৬॥

তস্য ভ়িত্তর্দ্ধিভ়িভভ়ৈর্ধনদারাদিসম্পদাম্ ।
ভ়ৃদ্ধযেঽস্মৎপ্রসন্না ত্বং ভভ়েথাঃ সর্ভ়দাম্বিকে ॥ ৪.৩৭॥

ঋষিরুভ়াচ ॥ ৪.৩৮॥

ইতি প্রসাদিতা দেভ়ৈর্জগতোঽর্থে তথাত্মনঃ ।
তথেত্যুক্ত্বা ভদ্রকালী বভূভ়ান্তর্হিতা নৃপ ॥ ৪.৩৯॥

ইত্যেতৎকথিতং ভূপ সম্ভূতা সা যথা পুরা ।
দেভ়ী দেভ়শরীরেভ্যো জগত্ত্রযহিতৈষিণী ॥ ৪.৪০॥

পুনশ্চ গৌরীদেহাৎসা সমুদ্ভূতা যথাভভ়ৎ ।
ভ়ধায দুষ্টদৈত্যানাং তথা শুম্ভনিশুম্ভযোঃ ॥ ৪.৪১॥

রক্ষণায চ লোকানাং দেভ়ানামুপকারিণী ।
তচ্ছৃণুষ্ব মযাখ্যাতং যথাভ়ৎকথযামি তে ॥ ৪.৪২॥

। হ্রীং ওঁ ।
॥ স্বস্তি শ্রীমার্কণ্ডেযপুরাণে সাভ়র্ণিকে মন্বন্তরে
দেভ়ীমাহাত্ম্যে শক্রাদিস্তুতির্নাম চতুর্থোঽধ্যাযঃ ॥ ৪॥

উভ়াচ ৫, অর্ধশ্লোকৌ ২, শ্লোকাঃ ৩৫, এভ়মাদিতঃ ॥ ২৫৯॥

॥ ৫. দেভ়্যা দূতসংভ়াদো নাম পঞ্চমোঽধ্যাযঃ ॥

। ধ্যানম্ ।
ঘণ্টাশূলহলানি শঙ্খমুসলে চক্রং ধনুঃ সাযকং
হস্তাব্জৈর্দধতীং ঘনান্তভ়িলসচ্ছীতাংশুতুল্যপ্রভাম্ ।
গৌরীদেহসমুদ্ভভ়াং ত্রিজগতামাধারভূতাং মহা-
পূর্ভ়ামত্র সরস্বতীমনুভজে শুম্ভাদিদৈত্যার্দিনীম্ ॥

ওঁ ক্লীং ঋষিরুভ়াচ ॥ ৫.১॥

পুরা শুম্ভনিশুম্ভাভ্যামসুরাভ্যাং শচীপতেঃ ।
ত্রৈলোক্যং যজ্ঞভাগাশ্চ হৃতা মদবলাশ্রযাৎ ॥ ৫.২॥

তাভ়েভ় সূর্যতাং তদ্বদধিকারং তথৈন্দভ়ম্ ।
কৌবেরমথ যাম্যং চ চক্রাতে ভ়রুণস্য চ ॥ ৫.৩॥

তাভ়েভ় পভ়নর্দ্ধিং চ চক্রতুর্ভ়হ্নিকর্ম চ ।
ততো দেভ়া ভ়িনির্ধূতা ভ্রষ্টরাজ্যাঃ পরাজিতাঃ ॥ ৫.৪॥

হৃতাধিকারাস্ত্রিদশাস্তাভ্যাং সর্ভ়ে নিরাকৃতাঃ ।
মহাসুরাভ্যাং তাং দেভ়ীং সংস্মরন্ত্যপরাজিতাম্ ॥ ৫.৫॥

তযাস্মাকং ভ়রো দত্তো যথাপৎসু স্মৃতাখিলাঃ ।
ভভ়তাং নাশযিষ্যামি তৎক্ষণাৎপরমাপদঃ ॥ ৫.৬॥

ইতি কৃত্বা মতিং দেভ়া হিমভ়ন্তং নগেশ্বরম্ ।
জগ্মুস্তত্র ততো দেভ়ীং ভ়িষ্ণুমাযাং প্রতুষ্টুভ়ুঃ ॥ ৫.৭॥

দেভ়া ঊচুঃ ॥ ৫.৮॥

নমো দেভ়্যৈ মহাদেভ়্যৈ শিভ়াযৈ সততং নমঃ ।
নমঃ প্রকৃত্যৈ ভদ্রাযৈ নিযতাঃ প্রণতাঃ স্ম তাম্ ॥ ৫.৯॥

রৌদ্রাযৈ নমো নিত্যাযৈ গৌর্যৈ ধাত্র্যৈ নমো নমঃ ।
জ্যোৎস্নাযৈ চেন্দুরূপিণ্যৈ সুখাযৈ সততং নমঃ ॥ ৫.১০॥

কল্যাণ্যৈ প্রণতাং ভ়ৃদ্ধ্যৈ সিদ্ধ্যৈ কুর্মো নমো নমঃ ।
নৈরৃত্যৈ ভূভৃতাং লক্ষ্ম্যৈ শর্ভ়াণ্যৈ তে নমো নমঃ ॥ ৫.১১॥

দুর্গাযৈ দুর্গপারাযৈ সারাযৈ সর্ভ়কারিণ্যৈ ।
খ্যাত্যৈ তথৈভ় কৃষ্ণাযৈ ধূম্রাযৈ সততং নমঃ ॥ ৫.১২॥

অতিসৌম্যাতিরৌদ্রাযৈ নতাস্তস্যৈ নমো নমঃ ।
নমো জগৎপ্রতিষ্ঠাযৈ দেভ়্যৈ কৃত্যৈ নমো নমঃ ॥ ৫.১৩॥

যা দেভ়ী সর্ভ়ভূতেষু ভ়িষ্ণুমাযেতি শব্দিতা ।
নমস্তস্যৈ নমস্তস্যৈ নমস্তস্যৈ নমো নমঃ ॥ ৫.১৪-১৬॥

যা দেভ়ী সর্ভ়ভূতেষু চেতনেত্যভিধীযতে ।
নমস্তস্যৈ নমস্তস্যৈ নমস্তস্যৈ নমো নমঃ ॥ ৫.১৭-১৯॥

যা দেভ়ী সর্ভ়ভূতেষু বুদ্ধিরূপেণ সংস্থিতা ।
নমস্তস্যৈ নমস্তস্যৈ নমস্তস্যৈ নমো নমঃ ॥ ৫.২০-২২॥

যা দেভ়ী সর্ভ়ভূতেষু নিদ্রারূপেণ সংস্থিতা ।
নমস্তস্যৈ নমস্তস্যৈ নমস্তস্যৈ নমো নমঃ ॥ ৫.২৩-২৫॥

যা দেভ়ী সর্ভ়ভূতেষু ক্ষুধারূপেণ সংস্থিতা ।
নমস্তস্যৈ নমস্তস্যৈ নমস্তস্যৈ নমো নমঃ ॥ ৫.২৬-২৮॥

যা দেভ়ী সর্ভ়ভূতেষু ছাযারূপেণ সংস্থিতা ।
নমস্তস্যৈ নমস্তস্যৈ নমস্তস্যৈ নমো নমঃ ॥ ৫.২৯-৩১॥

যা দেভ়ী সর্ভ়ভূতেষু শক্তিরূপেণ সংস্থিতা ।
নমস্তস্যৈ নমস্তস্যৈ নমস্তস্যৈ নমো নমঃ ॥ ৫.৩২-৩৪॥

যা দেভ়ী সর্ভ়ভূতেষু তৃষ্ণারূপেণ সংস্থিতা ।
নমস্তস্যৈ নমস্তস্যৈ নমস্তস্যৈ নমো নমঃ ॥ ৫.৩৫-৩৭॥

যা দেভ়ী সর্ভ়ভূতেষু ক্ষান্তিরূপেণ সংস্থিতা ।
নমস্তস্যৈ নমস্তস্যৈ নমস্তস্যৈ নমো নমঃ ॥ ৫.৩৮-৪০॥

যা দেভ়ী সর্ভ়ভূতেষু জাতিরূপেণ সংস্থিতা ।
নমস্তস্যৈ নমস্তস্যৈ নমস্তস্যৈ নমো নমঃ ॥ ৫.৪১-৪৩॥

যা দেভ়ী সর্ভ়ভূতেষু লজ্জারূপেণ সংস্থিতা ।
নমস্তস্যৈ নমস্তস্যৈ নমস্তস্যৈ নমো নমঃ ॥ ৫.৪৪-৪৬॥

যা দেভ়ী সর্ভ়ভূতেষু শান্তিরূপেণ সংস্থিতা ।
নমস্তস্যৈ নমস্তস্যৈ নমস্তস্যৈ নমো নমঃ ॥ ৫.৪৭-৪৯॥

যা দেভ়ী সর্ভ়ভূতেষু শ্রদ্ধারূপেণ সংস্থিতা ।
নমস্তস্যৈ নমস্তস্যৈ নমস্তস্যৈ নমো নমঃ ॥ ৫.৫০-৫২॥

যা দেভ়ী সর্ভ়ভূতেষু কান্তিরূপেণ সংস্থিতা ।
নমস্তস্যৈ নমস্তস্যৈ নমস্তস্যৈ নমো নমঃ ॥ ৫.৫৩-৫৫॥

যা দেভ়ী সর্ভ়ভূতেষু লক্ষ্মীরূপেণ সংস্থিতা ।
নমস্তস্যৈ নমস্তস্যৈ নমস্তস্যৈ নমো নমঃ ॥ ৫.৫৬-৫৮॥

যা দেভ়ী সর্ভ়ভূতেষু ভ়ৃত্তিরূপেণ সংস্থিতা ।
নমস্তস্যৈ নমস্তস্যৈ নমস্তস্যৈ নমো নমঃ ॥ ৫.৫৯-৬১॥

যা দেভ়ী সর্ভ়ভূতেষু স্মৃতিরূপেণ সংস্থিতা ।
নমস্তস্যৈ নমস্তস্যৈ নমস্তস্যৈ নমো নমঃ ॥ ৫.৬২-৬৪॥

যা দেভ়ী সর্ভ়ভূতেষু দযারূপেণ সংস্থিতা ।
নমস্তস্যৈ নমস্তস্যৈ নমস্তস্যৈ নমো নমঃ ॥ ৫.৬৫-৬৭॥

যা দেভ়ী সর্ভ়ভূতেষু তুষ্টিরূপেণ সংস্থিতা ।
নমস্তস্যৈ নমস্তস্যৈ নমস্তস্যৈ নমো নমঃ ॥ ৫.৬৮-৭০॥

যা দেভ়ী সর্ভ়ভূতেষু মাতৃরূপেণ সংস্থিতা ।
নমস্তস্যৈ নমস্তস্যৈ নমস্তস্যৈ নমো নমঃ ॥ ৫.৭১-৭৩॥

যা দেভ়ী সর্ভ়ভূতেষু ভ্রান্তিরূপেণ সংস্থিতা ।
নমস্তস্যৈ নমস্তস্যৈ নমস্তস্যৈ নমো নমঃ ॥ ৫.৭৪-৭৬॥

ইন্দ্রিযাণামধিষ্ঠাত্রী ভূতানাং চাখিলেষু যা ।
ভূতেষু সততং তস্যৈ ভ়্যাপ্ত্যৈ দেভ়্যৈ নমো নমঃ ॥ ৫.৭৭॥

চিতিরূপেণ যা কৃৎস্নমেতদ্ ভ়্যাপ্য স্থিতা জগৎ ।
নমস্তস্যৈ নমস্তস্যৈ নমস্তস্যৈ নমো নমঃ ॥ ৫.৭৮-৮০॥

স্তুতা সুরৈঃ পূর্ভ়মভীষ্টসংশ্রযা-
ত্তথা সুরেন্দ্রেণ দিনেষু সেভ়িতা ।
করোতু সা নঃ শুভহেতুরীশ্বরী
শুভানি ভদ্রাণ্যভিহন্তু চাপদঃ ॥ ৫.৮১॥

যা সাম্প্রতং চোদ্ধতদৈত্যতাপিতৈ-
রস্মাভিরীশা চ সুরৈর্নমস্যতে ।
যা চ স্মৃতা তৎক্ষণমেভ় হন্তি নঃ
সর্ভ়াপদো ভক্তিভ়িনম্রমূর্তিভিঃ ॥ ৫.৮২॥

ঋষিরুভ়াচ ॥ ৫.৮৩॥

এভ়ং স্তভ়াভিযুক্তানাং দেভ়ানাং তত্র পার্ভ়তী ।
স্নাতুমভ্যাযযৌ তোযে জাহ্নভ়্যা নৃপনন্দন ॥ ৫.৮৪॥

সাব্রভ়ীত্তান্ সুরান্ সুভ্রূর্ভভ়দ্ভিঃ স্তূযতেঽত্র কা ।
শরীরকোশতশ্চাস্যাঃ সমুদ্ভূতাব্রভ়ীচ্ছিভ়া ॥ ৫.৮৫॥

স্তোত্রং মমৈতৎক্রিযতে শুম্ভদৈত্যনিরাকৃতৈঃ ।
দেভ়ৈঃ সমেতৈঃ সমরে নিশুম্ভেন পরাজিতৈঃ ॥ ৫.৮৬॥

শরীরকোশাদ্যত্তস্যাঃ পার্ভ়ত্যা নিঃসৃতাম্বিকা ।
কৌশিকীতি সমস্তেষু ততো লোকেষু গীযতে ॥ ৫.৮৭॥

তস্যাং ভ়িনির্গতাযাং তু কৃষ্ণাভূৎসাপি পার্ভ়তী ।
কালিকেতি সমাখ্যাতা হিমাচলকৃতাশ্রযা ॥ ৫.৮৮॥

ততোঽম্বিকাং পরং রূপং বিভ্রাণাং সুমনোহরম্ ।
দদর্শ চণ্ডো মুণ্ডশ্চ ভৃত্যৌ শুম্ভনিশুম্ভযোঃ ॥ ৫.৮৯॥

তাভ্যাং শুম্ভায চাখ্যাতা সাতীভ় সুমনোহরা ।
কাপ্যাস্তে স্ত্রী মহারাজ ভাসযন্তী হিমাচলম্ ॥ ৫.৯০॥

নৈভ় তাদৃক্ ক্বচিদ্রূপং দৃষ্টং কেনচিদুত্তমম্ ।
জ্ঞাযতাং কাপ্যসৌ দেভ়ী গৃহ্যতাং চাসুরেশ্বর ॥ ৫.৯১॥

স্ত্রীরত্নমতিচার্ভ়ঙ্গী দ্যোতযন্তী দিশস্ত্বিষা ।
সা তু তিষ্ঠতি দৈত্যেন্দ্র তাং ভভ়ান্ দ্রষ্টুমর্হতি ॥ ৫.৯২॥

যানি রত্নানি মণযো গজাশ্বাদীনি ভ়ৈ প্রভো ।
ত্রৈলোক্যে তু সমস্তানি সাম্প্রতং ভান্তি তে গৃহে ॥ ৫.৯৩॥

ঐরাভ়তঃ সমানীতো গজরত্নং পুরন্দরাৎ ।
পারিজাততরুশ্চাযং তথৈভ়োচ্চৈঃশ্রভ়া হযঃ ॥ ৫.৯৪॥

ভ়িমানং হংসসংযুক্তমেতত্তিষ্ঠতি তেঽঙ্গণে ।
রত্নভূতমিহানীতং যদাসীদ্বেধসোঽদ্ভুতম্ ॥ ৫.৯৫॥

নিধিরেষ মহাপদ্মঃ সমানীতো ধনেশ্বরাৎ ।
কিঞ্জল্কিনীং দদৌ চাব্ধির্মালামম্লানপঙ্কজাম্ ॥ ৫.৯৬॥

ছত্রং তে ভ়ারুণং গেহে কাঞ্চনস্রাভ়ি তিষ্ঠতি ।
তথাযং স্যন্দনভ়রো যঃ পুরাসীৎপ্রজাপতেঃ ॥ ৫.৯৭॥

মৃত্যোরুৎক্রান্তিদা নাম শক্তিরীশ ত্বযা হৃতা ।
পাশঃ সলিলরাজস্য ভ্রাতুস্তভ় পরিগ্রহে ॥ ৫.৯৮॥

নিশুম্ভস্যাব্ধিজাতাশ্চ সমস্তা রত্নজাতযঃ ।
ভ়হ্নিরপি দদৌ তুভ্যমগ্নিশৌচে চ ভ়াসসী ॥ ৫.৯৯॥

এভ়ং দৈত্যেন্দ্র রত্নানি সমস্তান্যাহৃতানি তে ।
স্ত্রীরত্নমেষা কল্যাণী ত্বযা কস্মান্ন গৃহ্যতে ॥ ৫.১০০॥

ঋষিরুভ়াচ ॥ ৫.১০১॥

নিশম্যেতি ভ়চঃ শুম্ভঃ স তদা চণ্ডমুণ্ডযোঃ ।
প্রেষযামাস সুগ্রীভ়ং দূতং দেভ়্যা মহাসুরম্ ॥ ৫.১০২॥

ইতি চেতি চ ভ়ক্তভ়্যা সা গত্বা ভ়চনান্মম ।
যথা চাভ্যেতি সম্প্রীত্যা তথা কার্যং ত্বযা লঘু ॥ ৫.১০৩॥

স তত্র গত্বা যত্রাস্তে শৈলোদ্দেশেঽতিশোভনে ।
তাং চ দেভ়ীং ততঃ প্রাহ শ্লক্ষ্ণং মধুরযা গিরা ॥ ৫.১০৪॥

দূত উভ়াচ ॥ ৫.১০৫॥

দেভ়ি দৈত্যেশ্বরঃ শুম্ভস্ত্রৈলোক্যে পরমেশ্বরঃ ।
দূতোঽহং প্রেষিতস্তেন ত্বৎসকাশমিহাগতঃ ॥ ৫.১০৬॥

অভ়্যাহতাজ্ঞঃ সর্ভ়াসু যঃ সদা দেভ়যোনিষু ।
নির্জিতাখিলদৈত্যারিঃ স যদাহ শৃণুষ্ব তৎ ॥ ৫.১০৭॥

মম ত্রৈলোক্যমখিলং মম দেভ়া ভ়শানুগাঃ ।
যজ্ঞভাগানহং সর্ভ়ানুপাশ্নামি পৃথক্ পৃথক্ ॥ ৫.১০৮॥

ত্রৈলোক্যে ভ়ররত্নানি মম ভ়শ্যান্যশেষতঃ ।
তথৈভ় গজরত্নং চ হৃতং দেভ়েন্দ্রভ়াহনম্ ॥ ৫.১০৯॥

ক্ষীরোদমথনোদ্ভূতমশ্বরত্নং মমামরৈঃ ।
উচ্চৈঃশ্রভ়সসংজ্ঞং তৎপ্রণিপত্য সমর্পিতম্ ॥ ৫.১১০॥

যানি চান্যানি দেভ়েষু গন্ধর্ভ়েষূরগেষু চ ।
রত্নভূতানি ভূতানি তানি ময্যেভ় শোভনে ॥ ৫.১১১॥

স্ত্রীরত্নভূতাং ত্বাং দেভ়ি লোকে মন্যামহে ভ়যম্ ।
সা ত্বমস্মানুপাগচ্ছ যতো রত্নভুজো ভ়যম্ ॥ ৫.১১২॥

মাং ভ়া মমানুজং ভ়াপি নিশুম্ভমুরুভ়িক্রমম্ ।
ভজ ত্বং চঞ্চলাপাঙ্গি রত্নভূতাসি ভ়ৈ যতঃ ॥ ৫.১১৩॥

পরমৈশ্বর্যমতুলং প্রাপ্স্যসে মৎপরিগ্রহাৎ ।
এতদ্‌বুদ্ধ্যা সমালোচ্য মৎপরিগ্রহতাং ভ়্রজ ॥ ৫.১১৪॥

ঋষিরুভ়াচ ॥ ৫.১১৫॥

ইত্যুক্তা সা তদা দেভ়ী গম্ভীরান্তঃস্মিতা জগৌ ।
দুর্গা ভগভ়তী ভদ্রা যযেদং ধার্যতে জগৎ ॥ ৫.১১৬॥

দেভ়্যুভ়াচ ॥ ৫.১১৭॥

সত্যমুক্তং ত্বযা নাত্র মিথ্যা কিঞ্চিত্ত্বযোদিতম্ ।
ত্রৈলোক্যাধিপতিঃ শুম্ভো নিশুম্ভশ্চাপি তাদৃশঃ ॥ ৫.১১৮॥

কিং ত্বত্র যৎপ্রতিজ্ঞাতং মিথ্যা তৎক্রিযতে কথম্ ।
শ্রূযতামল্পবুদ্ধিত্বাৎপ্রতিজ্ঞা যা কৃতা পুরা ॥ ৫.১১৯॥

যো মাং জযতি সঙ্গ্রামে যো মে দর্পং ভ়্যপোহতি ।
যো মে প্রতিবলো লোকে স মে ভর্তা ভভ়িষ্যতি ॥ ৫.১২০॥

তদাগচ্ছতু শুম্ভোঽত্র নিশুম্ভো ভ়া মহাবলঃ ।
মাং জিত্বা কিং চিরেণাত্র পাণিং গৃহ্ণাতু মে লঘু ॥ ৫.১২১॥

দূত উভ়াচ ॥ ৫.১২২॥

অভ়লিপ্তাসি মৈভ়ং ত্বং দেভ়ি ব্রূহি মমাগ্রতঃ ।
ত্রৈলোক্যে কঃ পুমাংস্তিষ্ঠেদগ্রে শুম্ভনিশুম্ভযোঃ ॥ ৫.১২৩॥

অন্যেষামপি দৈত্যানাং সর্ভ়ে দেভ়া ন ভ়ৈ যুধি ।
তিষ্ঠন্তি সম্মুখে দেভ়ি কিং পুনঃ স্ত্রী ত্বমেকিকা ॥ ৫.১২৪॥

ইন্দ্রাদ্যাঃ সকলা দেভ়াস্তস্থুর্যেষাং ন সংযুগে ।
শুম্ভাদীনাং কথং তেষাং স্ত্রী প্রযাস্যসি সম্মুখম্ ॥ ৫.১২৫॥

সা ত্বং গচ্ছ মযৈভ়োক্তা পার্শ্বং শুম্ভনিশুম্ভযোঃ ।
কেশাকর্ষণনির্ধূতগৌরভ়া মা গমিষ্যসি ॥ ৫.১২৬॥

দেভ়্যুভ়াচ ॥ ৫.১২৭॥

এভ়মেতদ্ বলী শুম্ভো নিশুম্ভশ্চাপিতাদৃশঃ ।
কিং করোমি প্রতিজ্ঞা মে যদনালোচিতা পুরা ॥ ৫.১২৮॥

স ত্বং গচ্ছ মযোক্তং তে যদেতৎসর্ভ়মাদৃতঃ ।
তদাচক্ষ্বাসুরেন্দ্রায স চ যুক্তং করোতু যৎ ॥ ৫.১২৯॥

॥ স্বস্তি শ্রীমার্কণ্ডেযপুরাণে সাভ়র্ণিকে মন্বন্তরে দেভ়ীমাহাত্ম্যে
দেভ়্যা দূতসংভ়াদো নাম পঞ্চমোঽধ্যাযঃ ॥ ৫॥

উভ়াচ ৯, ত্রিপান্মন্ত্রাঃ ৬৬, শ্লোকাঃ ৫৪, এভ়মাদিতঃ ॥ ৩৮৮॥

॥ ৬. শুম্ভনিশুম্ভসেনানীধূম্রলোচনভ়ধো নাম ষষ্ঠোঽধ্যাযঃ ॥

। ধ্যানম্ ।
ওঁ নাগাধীশ্বরভ়িষ্টরাং ফণিফণোত্তংসোরু রত্নাভ়লী-
ভাস্বদ্দেহলতাং দিভ়াকরনিভাং নেত্রত্রযোদ্ভাসিতাম্ ।
মালাকুম্ভকপালনীরজকরাং চন্দ্রার্ধচূডাং পরাং
সর্ভ়জ্ঞেশ্বরভৈরভ়াঙ্গনিলযাং পদ্মাভ়তীং চিন্তযে ॥

ওঁ ঋষিরুভ়াচ ॥ ৬.১॥

ইত্যাকর্ণ্য ভ়চো দেভ়্যাঃ স দূতোঽমর্ষপূরিতঃ ।
সমাচষ্ট সমাগম্য দৈত্যরাজায ভ়িস্তরাৎ ॥ ৬.২॥

তস্য দূতস্য তদ্বাক্যমাকর্ণ্যাসুররাট্ ততঃ ।
সক্রোধঃ প্রাহ দৈত্যানামধিপং ধূম্রলোচনম্ ॥ ৬.৩॥

হে ধূম্রলোচনাশু ত্বং স্বসৈন্যপরিভ়ারিতঃ ।
তামানয বলাদ্দুষ্টাং কেশাকর্ষণভ়িহ্বলাম্ ॥ ৬.৪॥

তৎপরিত্রাণদঃ কশ্চিদ্যদি ভ়োত্তিষ্ঠতেঽপরঃ ।
স হন্তভ়্যোঽমরো ভ়াপি যক্ষো গন্ধর্ভ় এভ় ভ়া ॥ ৬.৫॥

ঋষিরুভ়াচ ॥ ৬.৬॥

তেনাজ্ঞপ্তস্ততঃ শীঘ্রং স দৈত্যো ধূম্রলোচনঃ ।
ভ়ৃতঃ ষষ্ট্যা সহস্রাণামসুরাণাং দ্রুতং যযৌ ॥ ৬.৭॥

স দৃষ্ট্বা তাং ততো দেভ়ীং তুহিনাচলসংস্থিতাম্ ।
জগাদোচ্চৈঃ প্রযাহীতি মূলং শুম্ভনিশুম্ভযোঃ ॥ ৬.৮॥

ন চেৎপ্রীত্যাদ্য ভভ়তী মদ্ভর্তারমুপৈষ্যতি ।
ততো বলান্নযাম্যেষ কেশাকর্ষণভ়িহ্বলাম্ ॥ ৬.৯॥

দেভ়্যুভ়াচ ॥ ৬.১০॥

দৈত্যেশ্বরেণ প্রহিতো বলভ়ান্‌বলসংভ়ৃতঃ ।
বলান্নযসি মামেভ়ং ততঃ কিং তে করোম্যহম্ ॥ ৬.১১॥

ঋষিরুভ়াচ ॥ ৬.১২॥

ইত্যুক্তঃ সোঽভ্যধাভ়ত্তামসুরো ধূম্রলোচনঃ ।
হুঙ্কারেণৈভ় তং ভস্ম সা চকারাম্বিকা তদা ॥ ৬.১৩॥

ভ়ভ়র্ষ সাযকৈস্তীক্ষ্ণৈস্তথা শক্তিপরশ্বধৈঃ ॥ ৬.১৪॥

ততো ধুতসটঃ কোপাৎকৃত্বা নাদং সুভৈরভ়ম্ ।
পপাতাসুরসেনাযাং সিংহো দেভ়্যাঃ স্বভ়াহনঃ ॥ ৬.১৫॥

কাংশ্চিৎকরপ্রহারেণ দৈত্যানাস্যেন চাপরান্ ।
আক্রান্ত্যা চাধরেণান্যান্ জঘান স মহাসুরান্ ॥ ৬.১৬॥

কেষাঞ্চিৎপাটযামাস নখৈঃ কোষ্ঠানি কেসরী ।
তথা তলপ্রহারেণ শিরাংসি কৃতভ়ান্পৃথক্ ॥ ৬.১৭॥

ভ়িচ্ছিন্নবাহুশিরসঃ কৃতাস্তেন তথাপরে ।
পপৌ চ রুধিরং কোষ্ঠাদন্যেষাং ধুতকেসরঃ ॥ ৬.১৮॥

ক্ষণেন তদ্‌বলং সর্ভ়ং ক্ষযং নীতং মহাত্মনা ।
তেন কেসরিণা দেভ়্যা ভ়াহনেনাতিকোপিনা ॥ ৬.১৯॥

শ্রুত্বা তমসুরং দেভ়্যা নিহতং ধূম্রলোচনম্ ।
বলং চ ক্ষযিতং কৃৎস্নং দেভ়ীকেসরিণা ততঃ ॥ ৬.২০॥

চুকোপ দৈত্যাধিপতিঃ শুম্ভঃ প্রস্ফুরিতাধরঃ ।
আজ্ঞাপযামাস চ তৌ চণ্ডমুণ্ডৌ মহাসুরৌ ॥ ৬.২১॥

হে চণ্ড হে মুণ্ড বলৈর্বহুভিঃ পরিভ়ারিতৌ ।
তত্র গচ্ছত গত্বা চ সা সমানীযতাং লঘু ॥ ৬.২২॥

কেশেষ্বাকৃষ্য বদ্ধ্বা ভ়া যদি ভ়ঃ সংশযো যুধি ।
তদাশেষাযুধৈঃ সর্ভ়ৈরসুরৈর্ভ়িনিহন্যতাম্ ॥ ৬.২৩॥

তস্যাং হতাযাং দুষ্টাযাং সিংহে চ ভ়িনিপাতিতে ।
শীঘ্রমাগম্যতাং বদ্ধ্বা গৃহীত্বা তামথাম্বিকাম্ ॥ ৬.২৪॥

॥ স্বস্তি শ্রীমার্কণ্ডেযপুরাণে সাভ়র্ণিকে মন্বন্তরে দেভ়ীমাহাত্ম্যে
শুম্ভনিশুম্ভসেনানীধূম্রলোচনভ়ধো নাম ষষ্ঠোঽধ্যাযঃ ॥ ৬॥

উভ়াচ ৪, শ্লোকাঃ ২৪, এভ়মাদিতঃ ॥ ৪১২॥

॥ ৭. চণ্ডমুণ্ডভ়ধো নাম সপ্তমোঽধ্যাযঃ ॥

। ধ্যানম্ ।
ওঁ ধ্যাযেযং রত্নপীঠে শুককলপঠিতং শৃণ্বতীং শ্যামলাঙ্গীং
ন্যস্তৈকাংঘ্রিং সরোজে শশিশকলধরাং ভ়ল্লকীং ভ়াদযন্তীম্ ।
কল্হারাবদ্ধমালাং নিযমিতভ়িলসচ্চোলিকাং রত্নভ়স্ত্রাং
মাতঙ্গী শঙ্কপাত্রাং মধুরমধুমদাং চিত্রকোদ্ভাসিভালাম্ ॥

ওঁ ঋষিরুভ়াচ ॥ ৭.১॥

আজ্ঞপ্তাস্তে ততো দৈত্যাশ্চণ্ডমুণ্ডপুরোগমাঃ ।
চতুরঙ্গবলোপেতা যযুরভ্যুদ্যতাযুধাঃ ॥ ৭.২॥

দদৃশুস্তে ততো দেভ়ীমীষদ্ধাসাং ভ়্যভ়স্থিতাম্ ।
সিংহস্যোপরি শৈলেন্দ্রশৃঙ্গে মহতি কাঞ্চনে ॥ ৭.৩॥

তে দৃষ্ট্বা তাং সমাদাতুমুদ্যমং চক্রুরুদ্যতাঃ ।
আকৃষ্টচাপাসিধরাস্তথান্যে তৎসমীপগাঃ ॥ ৭.৪॥

ততঃ কোপং চকারোচ্চৈরম্বিকা তানরীন্প্রতি ।
কোপেন চাস্যা ভ়দনং মষীভ়র্ণমভূত্তদা ॥ ৭.৫॥

ভ্রুকুটীকুটিলাত্তস্যা ললাটফলকাদ্দ্রুতম্ ।
কালী করালভ়দনা ভ়িনিষ্ক্রান্তাসিপাশিনী ॥ ৭.৬॥

ভ়িচিত্রখট্বাঙ্গধরা নরমালাভ়িভূষণা ।
দ্বীপিচর্মপরীধানা শুষ্কমাংসাতিভৈরভ়া ॥ ৭.৭॥

অতিভ়িস্তারভ়দনা জিহ্বাললনভীষণা ।
নিমগ্নারক্তনযনা নাদাপূরিতদিঙ্মুখা ॥ ৭.৮॥

সা ভ়েগেনাভিপতিতা ঘাতযন্তী মহাসুরান্ ।
সৈন্যে তত্র সুরারীণামভক্ষযত তদ্‌বলম্ ॥ ৭.৯॥

পার্ষ্ণিগ্রাহাঙ্কুশগ্রাহযোধঘণ্টাসমন্বিতান্ ।
সমাদাযৈকহস্তেন মুখে চিক্ষেপ ভ়ারণান্ ॥ ৭.১০॥

তথৈভ় যোধং তুরগৈ রথং সারথিনা সহ ।
নিক্ষিপ্য ভ়ক্ত্রে দশনৈশ্চর্ভ়যন্ত্যতিভৈরভ়ম্ ॥ ৭.১১॥

একং জগ্রাহ কেশেষু গ্রীভ়াযামথ চাপরম্ ।
পাদেনাক্রম্য চৈভ়ান্যমুরসান্যমপোথযৎ ॥ ৭.১২॥

তৈর্মুক্তানি চ শস্ত্রাণি মহাস্ত্রাণি তথাসুরৈঃ ।
মুখেন জগ্রাহ রুষা দশনৈর্মথিতান্যপি ॥ ৭.১৩॥

বলিনাং তদ্‌বলং সর্ভ়মসুরাণাং দুরাত্মনাম্ ।
মমর্দাভক্ষযচ্চান্যানন্যাংশ্চাতাডযত্তদা ॥ ৭.১৪॥

অসিনা নিহতাঃ কেচিৎকেচিৎখট্বাঙ্গতাডিতাঃ ।
জগ্মুর্ভ়িনাশমসুরা দন্তাগ্রাভিহতাস্তথা ॥ ৭.১৫॥

ক্ষণেন তদ্‌বলং সর্ভ়মসুরাণাং নিপাতিতম্ ।
দৃষ্ট্বা চণ্ডোঽভিদুদ্রাভ় তাং কালীমতিভীষণাম্ ॥ ৭.১৬॥

শরভ়র্ষৈর্মহাভীমৈর্ভীমাক্ষীং তাং মহাসুরঃ ।
ছাদযামাস চক্রৈশ্চ মুণ্ডঃ ক্ষিপ্তৈঃ সহস্রশঃ ॥ ৭.১৭॥

তানি চক্রাণ্যনেকানি ভ়িশমানানি তন্মুখম্ ।
বভুর্যথার্কবিম্বানি সুবহূনি ঘনোদরম্ ॥ ৭.১৮॥

ততো জহাসাতিরুষা ভীমং ভৈরভ়নাদিনী ।
কালী করালভ়দনা দুর্দর্শদশনোজ্জ্বলা ॥ ৭.১৯॥

উত্থায চ মহাসিংহং দেভ়ী চণ্ডমধাভ়ত ।
গৃহীত্বা চাস্য কেশেষু শিরস্তেনাসিনাচ্ছিনৎ ॥ ৭.২০॥

তমপ্যপাতযদ্ভূমৌ সা খড্গাভিহতং রুষা ॥ ৭.২১॥

হতশেষং ততঃ সৈন্যং দৃষ্ট্বা চণ্ডং নিপাতিতম্ ।
মুণ্ডং চ সুমহাভ়ীর্যং দিশো ভেজে ভযাতুরম্ ॥ ৭.২২॥

শিরশ্চণ্ডস্য কালী চ গৃহীত্বা মুণ্ডমেভ় চ ।
প্রাহ প্রচণ্ডাট্টহাসমিশ্রমভ্যেত্য চণ্ডিকাম্ ॥ ৭.২৩॥

মযা তভ়াত্রোপহৃতৌ চণ্ডমুণ্ডৌ মহাপশূ ।
যুদ্ধযজ্ঞে স্বযং শুম্ভং নিশুম্ভং চ হনিষ্যসি ॥ ৭.২৪॥

ঋষিরুভ়াচ ॥ ৭.২৫॥

তাভ়ানীতৌ ততো দৃষ্ট্বা চণ্ডমুণ্ডৌ মহাসুরৌ ।
উভ়াচ কালীং কল্যাণী ললিতং চণ্ডিকা ভ়চঃ ॥ ৭.২৬॥

যস্মাচ্চণ্ডং চ মুণ্ডং চ গৃহীত্বা ত্বমুপাগতা ।
চামুণ্ডেতি ততো লোকে খ্যাতা দেভ়ী ভভ়িষ্যসি ॥ ৭.২৭॥

॥ স্বস্তি শ্রীমার্কণ্ডেযপুরাণে সাভ়র্ণিকে মন্বন্তরে দেভ়ীমাহাত্ম্যে
চণ্ডমুণ্ডভ়ধো নাম সপ্তমোঽধ্যাযঃ ॥ ৭॥

উভ়াচ ২, শ্লোকাঃ ২৫, এভ়মাদিতঃ ॥ ৪৩৯॥

॥ ৮. রক্তবীজভ়ধো নামাষ্টমোঽধ্যাযঃ ॥

। ধ্যানম্ ।
ওঁ অরুণাং করুণাতরঙ্গিতাক্ষীং
ধৃতপাশাঙ্কুশবাণাচাপহস্তাম্ ।
অণিমাদিভিরাভ়ৃতাং মযূখৈ-
রহমিত্যেভ় ভ়িভাভ়যে ভভ়ানীম্ ॥

ওঁ ঋষিরুভ়াচ ॥ ৮.১॥

চণ্ডে চ নিহতে দৈত্যে মুণ্ডে চ ভ়িনিপাতিতে ।
বহুলেষু চ সৈন্যেষু ক্ষযিতেষ্বসুরেশ্বরঃ ॥ ৮.২॥

ততঃ কোপপরাধীনচেতাঃ শুম্ভঃ প্রতাপভ়ান্ ।
উদ্যোগং সর্ভ়সৈন্যানাং দৈত্যানামাদিদেশ হ ॥ ৮.৩॥

অদ্য সর্ভ়বলৈর্দৈত্যাঃ ষডশীতিরুদাযুধাঃ ।
কম্বূনাং চতুরশীতির্নির্যান্তু স্ববলৈর্ভ়ৃতাঃ ॥ ৮.৪॥

কোটিভ়ীর্যাণি পঞ্চাশদসুরাণাং কুলানি ভ়ৈ ।
শতং কুলানি ধৌম্রাণাং নির্গচ্ছন্তু মমাজ্ঞযা ॥ ৮.৫॥

কালকা দৌর্হৃদা মৌর্ভ়াঃ কালিকেযাস্তথাসুরাঃ ।
যুদ্ধায সজ্জা নির্যান্তু আজ্ঞযা ত্বরিতা মম ॥ ৮.৬॥

ইত্যাজ্ঞাপ্যাসুরপতিঃ শুম্ভো ভৈরভ়শাসনঃ ।
নির্জগাম মহাসৈন্যসহস্রৈর্বহুভির্ভ়ৃতঃ ॥ ৮.৭॥

আযান্তং চণ্ডিকা দৃষ্ট্বা তৎসৈন্যমতিভীষণম্ ।
জ্যাস্বনৈঃ পূরযামাস ধরণীগগনান্তরম্ ॥ ৮.৮॥

ততঃ সিংহো মহানাদমতীভ় কৃতভ়ান্নৃপ ।
ঘণ্টাস্বনেন তান্নাদানম্বিকা চোপবৃংহযৎ ॥ ৮.৯॥

ধনুর্জ্যাসিংহঘণ্টানাং নাদাপূরিতদিঙ্মুখা ।
নিনাদৈর্ভীষণৈঃ কালী জিগ্যে ভ়িস্তারিতাননা ॥ ৮.১০॥

তং নিনাদমুপশ্রুত্য দৈত্যসৈন্যৈশ্চতুর্দিশম্ ।
দেভ়ী সিংহস্তথা কালী সরোষৈঃ পরিভ়ারিতাঃ ॥ ৮.১১॥

এতস্মিন্নন্তরে ভূপ ভ়িনাশায সুরদ্বিষাম্ ।
ভভ়াযামরসিংহানামতিভ়ীর্যবলান্বিতাঃ ॥ ৮.১২॥

ব্রহ্মেশগুহভ়িষ্ণূনাং তথেন্দ্রস্য চ শক্তযঃ ।
শরীরেভ্যো ভ়িনিষ্ক্রম্য তদ্রূপৈশ্চণ্ডিকাং যযুঃ ॥ ৮.১৩॥

যস্য দেভ়স্য যদ্রূপং যথা ভূষণভ়াহনম্ ।
তদ্বদেভ় হি তচ্ছক্তিরসুরান্যোদ্ধুমাযযৌ ॥ ৮.১৪॥

হংসযুক্তভ়িমানাগ্রে সাক্ষসূত্রকমণ্ডলুঃ ।
আযাতা ব্রহ্মণঃ শক্তির্ব্রহ্মাণীত্যভিধীযতে ॥ ৮.১৫॥

মাহেশ্বরী ভ়ৃষারূঢা ত্রিশূলভ়রধারিণী ।
মহাহিভ়লযা প্রাপ্তা চন্দ্ররেখাভ়িভূষণা ॥ ৮.১৬॥

কৌমারী শক্তিহস্তা চ মযূরভ়রভ়াহনা ।
যোদ্ধুমভ্যাযযৌ দৈত্যানম্বিকা গুহরূপিণী ॥ ৮.১৭॥

তথৈভ় ভ়ৈষ্ণভ়ী শক্তির্গরুডোপরি সংস্থিতা ।
শঙ্খচক্রগদাশার্ঙ্গখড্গহস্তাভ্যুপাযযৌ ॥ ৮.১৮॥

যজ্ঞভ়ারাহমতুলং রূপং যা বিভ্রতো হরেঃ ।
শক্তিঃ সাপ্যাযযৌ তত্র ভ়ারাহীং বিভ্রতী তনুম্ ॥ ৮.১৯॥

নারসিংহী নৃসিংহস্য বিভ্রতী সদৃশং ভ়পুঃ ।
প্রাপ্তা তত্র সটাক্ষেপক্ষিপ্তনক্ষত্রসংহতিঃ ॥ ৮.২০॥

ভ়জ্রহস্তা তথৈভ়ৈন্দ্রী গজরাজোপরি স্থিতা ।
প্রাপ্তা সহস্রনযনা যথা শক্রস্তথৈভ় সা ॥ ৮.২১॥

ততঃ পরিভ়ৃতস্তাভিরীশানো দেভ়শক্তিভিঃ ।
হন্যন্তামসুরাঃ শীঘ্রং মম প্রীত্যাহ চণ্ডিকাম্ ॥ ৮.২২॥

ততো দেভ়ীশরীরাত্তু ভ়িনিষ্ক্রান্তাতিভীষণা ।
চণ্ডিকা শক্তিরত্যুগ্রা শিভ়াশতনিনাদিনী ॥ ৮.২৩॥

সা চাহ ধূম্রজটিলমীশানমপরাজিতা ।
দূত ত্বং গচ্ছ ভগভ়ন্ পার্শ্বং শুম্ভনিশুম্ভযোঃ ॥ ৮.২৪॥

ব্রূহি শুম্ভং নিশুম্ভং চ দানভ়াভ়তিগর্ভ়িতৌ ।
যে চান্যে দানভ়াস্তত্র যুদ্ধায সমুপস্থিতাঃ ॥ ৮.২৫॥

ত্রৈলোক্যমিন্দ্রো লভতাং দেভ়াঃ সন্তু হভ়ির্ভুজঃ ।
যূযং প্রযাত পাতালং যদি জীভ়িতুমিচ্ছথ ॥ ৮.২৬॥

বলাভ়লেপাদথ চেদ্ভভ়ন্তো যুদ্ধকাঙ্ক্ষিণঃ ।
তদাগচ্ছত তৃপ্যন্তু মচ্ছিভ়াঃ পিশিতেন ভ়ঃ ॥ ৮.২৭॥

যতো নিযুক্তো দৌত্যেন তযা দেভ়্যা শিভ়ঃ স্বযম্ ।
শিভ়দূতীতি লোকেঽস্মিংস্ততঃ সা খ্যাতিমাগতা ॥ ৮.২৮॥

তেঽপি শ্রুত্বা ভ়চো দেভ়্যাঃ শর্ভ়াখ্যাতং মহাসুরাঃ ।
অমর্ষাপূরিতা জগ্মুর্যত্র কাত্যাযনী স্থিতা ॥ ৮.২৯॥

ততঃ প্রথমমেভ়াগ্রে শরশক্ত্যৃষ্টিভ়ৃষ্টিভিঃ ।
ভ়ভ়র্ষুরুদ্ধতামর্ষাস্তাং দেভ়ীমমরারযঃ ॥ ৮.৩০॥

সা চ তান্ প্রহিতান্ বাণাঞ্ছূলশক্তিপরশ্বধান্ ।
চিচ্ছেদ লীলযাধ্মাতধনুর্মুক্তৈর্মহেষুভিঃ ॥ ৮.৩১॥

তস্যাগ্রতস্তথা কালী শূলপাতভ়িদারিতান্ ।
খট্বাঙ্গপোথিতাংশ্চারীন্কুর্ভ়তী ভ়্যচরত্তদা ॥ ৮.৩২॥

কমণ্ডলুজলাক্ষেপহতভ়ীর্যান্ হতৌজসঃ ।
ব্রহ্মাণী চাকরোচ্ছত্রূন্যেন যেন স্ম ধাভ়তি ॥ ৮.৩৩॥

মাহেশ্বরী ত্রিশূলেন তথা চক্রেণ ভ়ৈষ্ণভ়ী ।
দৈত্যাঞ্জঘান কৌমারী তথা শক্ত্যাতিকোপনা ॥ ৮.৩৪॥

ঐন্দ্রী কুলিশপাতেন শতশো দৈত্যদানভ়াঃ ।
পেতুর্ভ়িদারিতাঃ পৃথ্ব্যাং রুধিরৌঘপ্রভ়র্ষিণঃ ॥ ৮.৩৫॥

তুণ্ডপ্রহারভ়িধ্বস্তা দংষ্ট্রাগ্রক্ষতভ়ক্ষসঃ ।
ভ়ারাহমূর্ত্যা ন্যপতংশ্চক্রেণ চ ভ়িদারিতাঃ ॥ ৮.৩৬॥

নখৈর্ভ়িদারিতাংশ্চান্যান্ ভক্ষযন্তী মহাসুরান্ ।
নারসিংহী চচারাজৌ নাদাপূর্ণদিগম্বরা ॥ ৮.৩৭॥

চণ্ডাট্টহাসৈরসুরাঃ শিভ়দূত্যভিদূষিতাঃ ।
পেতুঃ পৃথিভ়্যাং পতিতাংস্তাংশ্চখাদাথ সা তদা ॥ ৮.৩৮॥

ইতি মাতৃগণং ক্রুদ্ধং মর্দযন্তং মহাসুরান্ ।
দৃষ্ট্বাভ্যুপাযৈর্ভ়িভ়িধৈর্নেশুর্দেভ়ারিসৈনিকাঃ ॥ ৮.৩৯॥

পলাযনপরান্দৃষ্ট্বা দৈত্যান্মাতৃগণার্দিতান্ ।
যোদ্ধুমভ্যাযযৌ ক্রুদ্ধো রক্তবীজো মহাসুরঃ ॥ ৮.৪০॥

রক্তবিন্দুর্যদা ভূমৌ পতত্যস্য শরীরতঃ ।
সমুৎপততি মেদিন্যাং তৎপ্রমাণো মহাসুরঃ ॥ ৮.৪১॥

যুযুধে স গদাপাণিরিন্দ্রশক্ত্যা মহাসুরঃ ।
ততশ্চৈন্দ্রী স্বভ়জ্রেণ রক্তবীজমতাডযৎ ॥ ৮.৪২॥

কুলিশেনাহতস্যাশু বহু সুস্রাভ় শোণিতম্ ।
সমুত্তস্থুস্ততো যোধাস্তদ্রূপাস্তৎপরাক্রমাঃ ॥ ৮.৪৩॥

যাভ়ন্তঃ পতিতাস্তস্য শরীরাদ্রক্তবিন্দভ়ঃ ।
তাভ়ন্তঃ পুরুষা জাতাস্তদ্বীর্যবলভ়িক্রমাঃ ॥ ৮.৪৪॥

তে চাপি যুযুধুস্তত্র পুরুষা রক্তসম্ভভ়াঃ ।
সমং মাতৃভিরত্যুগ্রশস্ত্রপাতাতিভীষণম্ ॥ ৮.৪৫॥

পুনশ্চ ভ়জ্রপাতেন ক্ষতমস্য শিরো যদা ।
ভ়ভ়াহ রক্তং পুরুষাস্ততো জাতাঃ সহস্রশঃ ॥ ৮.৪৬॥

ভ়ৈষ্ণভ়ী সমরে চৈনং চক্রেণাভিজঘান হ ।
গদযা তাডযামাস ঐন্দ্রী তমসুরেশ্বরম্ ॥ ৮.৪৭॥

ভ়ৈষ্ণভ়ীচক্রভিন্নস্য রুধিরস্রাভ়সম্ভভ়ৈঃ ।
সহস্রশো জগদ্ব্যাপ্তং তৎপ্রমাণৈর্মহাসুরৈঃ ॥ ৮.৪৮॥

শক্ত্যা জঘান কৌমারী ভ়ারাহী চ তথাসিনা ।
মাহেশ্বরী ত্রিশূলেন রক্তবীজং মহাসুরম্ ॥ ৮.৪৯॥

স চাপি গদযা দৈত্যঃ সর্ভ়া এভ়াহনৎ পৃথক্ ।
মাতৄঃ কোপসমাভ়িষ্টো রক্তবীজো মহাসুরঃ ॥ ৮.৫০॥

তস্যাহতস্য বহুধা শক্তিশূলাদিভির্ভুভ়ি ।
পপাত যো ভ়ৈ রক্তৌঘস্তেনাসঞ্ছতশোঽসুরাঃ ॥ ৮.৫১॥

তৈশ্চাসুরাসৃক্সম্ভূতৈরসুরৈঃ সকলং জগৎ ।
ভ়্যাপ্তমাসীত্ততো দেভ়া ভযমাজগ্মুরুত্তমম্ ॥ ৮.৫২॥

তান্ ভ়িষণ্ণান্ সুরান্ দৃষ্ট্বা চণ্ডিকা প্রাহসত্বরম্ ।
উভ়াচ কালীং চামুণ্ডে ভ়িস্তীর্ণং ভ়দনং কুরু ॥ ৮.৫৩॥

মচ্ছস্ত্রপাতসম্ভূতান্ রক্তবিন্দূন্ মহাসুরান্ ।
রক্তবিন্দোঃ প্রতীচ্ছ ত্বং ভ়ক্ত্রেণানেন ভ়েগিনা ॥ ৮.৫৪॥

ভক্ষযন্তী চর রণে তদুৎপন্নান্মহাসুরান্ ।
এভ়মেষ ক্ষযং দৈত্যঃ ক্ষেণরক্তো গমিষ্যতি ॥ ৮.৫৫॥

ভক্ষ্যমাণাস্ত্বযা চোগ্রা ন চোৎপৎস্যন্তি চাপরে ।
ইত্যুক্ত্বা তাং ততো দেভ়ী শূলেনাভিজঘান তম্ ॥ ৮.৫৬॥

মুখেন কালী জগৃহে রক্তবীজস্য শোণিতম্ ।
ততোঽসাভ়াজঘানাথ গদযা তত্র চণ্ডিকাম্ ॥ ৮.৫৭॥

ন চাস্যা ভ়েদনাং চক্রে গদাপাতোঽল্পিকামপি ।
তস্যাহতস্য দেহাত্তু বহু সুস্রাভ় শোণিতম্ ॥ ৮.৫৮॥

যতস্ততস্তদ্বক্ত্রেণ চামুণ্ডা সম্প্রতীচ্ছতি ।
মুখে সমুদ্গতা যেঽস্যা রক্তপাতান্মহাসুরাঃ ॥ ৮.৫৯॥

তাংশ্চখাদাথ চামুণ্ডা পপৌ তস্য চ শোণিতম্ ।
দেভ়ী শূলেন ভ়জ্রেণ বাণৈরসিভিরৃষ্টিভিঃ ॥ ৮.৬০॥

জঘান রক্তবীজং তং চামুণ্ডাপীতশোণিতম্ ।
স পপাত মহীপৃষ্ঠে শস্ত্রসঙ্ঘসমাহতঃ ॥ ৮.৬১॥

নীরক্তশ্চ মহীপাল রক্তবীজো মহাসুরঃ ।
ততস্তে হর্ষমতুলমভ়াপুস্ত্রিদশা নৃপ ॥ ৮.৬২॥

তেষাং মাতৃগণো জাতো ননর্তাসৃঙ্মদোদ্ধতঃ ॥ ৮.৬৩॥

॥ স্বস্তি শ্রীমার্কণ্ডেযপুরাণে সাভ়র্ণিকে মন্বন্তরে দেভ়ীমাহাত্ম্যে
রক্তবীজভ়ধো নামাষ্টমোঽধ্যাযঃ ॥ ৮॥

উভ়াচ ১, অর্ধশ্লোকঃ ১, শ্লোকাঃ ৬১, এভ়মাদিতঃ ॥ ৫০২॥

॥ ৯. নিশুম্ভভ়ধো নাম নভ়মোঽধ্যাযঃ ॥

। ধ্যানম্ ।
ওঁ বন্ধূককাঞ্চননিভং রুচিরাক্ষমালাং
পাশাঙ্কুশৌ চ ভ়রদাং নিজবাহুদণ্ডৈঃ ।
বিভ্রাণমিন্দুশকলাভরণং ত্রিনেত্র-
মর্ধাংবিকেশমনিশং ভ়পুরাশ্রযামি ॥

ওঁ রাজোভ়াচ ॥ ৯.১॥

ভ়িচিত্রমিদমাখ্যাতং ভগভ়ন্ ভভ়তা মম ।
দেভ়্যাশ্চরিতমাহাত্ম্যং রক্তবীজভ়ধাশ্রিতম্ ॥ ৯.২॥

ভূযশ্চেচ্ছাম্যহং শ্রোতুং রক্তবীজে নিপাতিতে ।
চকার শুম্ভো যৎকর্ম নিশুম্ভশ্চাতিকোপনঃ ॥ ৯.৩॥

ঋষিরুভ়াচ ॥ ৯.৪॥

চকার কোপমতুলং রক্তবীজে নিপাতিতে ।
শুম্ভাসুরো নিশুম্ভশ্চ হতেষ্বন্যেষু চাহভ়ে ॥ ৯.৫॥

হন্যমানং মহাসৈন্যং ভ়িলোক্যামর্ষমুদ্বহন্ ।
অভ্যধাভ়ন্নিশুম্ভোঽথ মুখ্যযাসুরসেনযা ॥ ৯.৬॥

তস্যাগ্রতস্তথা পৃষ্ঠে পার্শ্বযোশ্চ মহাসুরাঃ ।
সন্দষ্টৌষ্ঠপুটাঃ ক্রুদ্ধা হন্তুং দেভ়ীমুপাযযুঃ ॥ ৯.৭॥

আজগাম মহাভ়ীর্যঃ শুম্ভোঽপি স্ববলৈর্ভ়ৃতঃ ।
নিহন্তুং চণ্ডিকাং কোপাৎকৃত্বা যুদ্ধং তু মাতৃভিঃ ॥ ৯.৮॥

ততো যুদ্ধমতীভ়াসীদ্দেভ়্যা শুম্ভনিশুম্ভযোঃ ।
শরভ়র্ষমতীভ়োগ্রং মেঘযোরিভ় ভ়র্ষতোঃ ॥ ৯.৯॥

চিচ্ছেদাস্তাঞ্ছরাংস্তাভ্যাং চণ্ডিকা স্বশরোৎকরৈঃ ।
তাডযামাস চাঙ্গেষু শস্ত্রৌঘৈরসুরেশ্বরৌ ॥ ৯.১০॥

নিশুম্ভো নিশিতং খড্গং চর্ম চাদায সুপ্রভম্ ।
অতাডযন্মূর্ধ্নি সিংহং দেভ়্যা ভ়াহনমুত্তমম্ ॥ ৯.১১॥

তাডিতে ভ়াহনে দেভ়ী ক্ষুরপ্রেণাসিমুত্তমম্ ।
নিশুম্ভস্যাশু চিচ্ছেদ চর্ম চাপ্যষ্টচন্দ্রকম্ ॥ ৯.১২॥

ছিন্নে চর্মণি খড্গে চ শক্তিং চিক্ষেপ সোঽসুরঃ ।
তামপ্যস্য দ্বিধা চক্রে চক্রেণাভিমুখাগতাম্ ॥ ৯.১৩॥

কোপাধ্মাতো নিশুম্ভোঽথ শূলং জগ্রাহ দানভ়ঃ ।
আযাতং মুষ্টিপাতেন দেভ়ী তচ্চাপ্যচূর্ণযৎ ॥ ৯.১৪॥

আভ়িদ্যাথ গদাং সোঽপি চিক্ষেপ চণ্ডিকাং প্রতি ।
সাপি দেভ়্যাস্ ত্রিশূলেন ভিন্না ভস্মত্বমাগতা ॥ ৯.১৫॥

ততঃ পরশুহস্তং তমাযান্তং দৈত্যপুঙ্গভ়ম্ ।
আহত্য দেভ়ী বাণৌঘৈরপাতযত ভূতলে ॥ ৯.১৬॥

তস্মিন্নিপতিতে ভূমৌ নিশুম্ভে ভীমভ়িক্রমে ।
ভ্রাতর্যতীভ় সঙ্ক্রুদ্ধঃ প্রযযৌ হন্তুমম্বিকাম্ ॥ ৯.১৭॥

স রথস্থস্তথাত্যুচ্চৈর্গৃহীতপরমাযুধৈঃ ।
ভুজৈরষ্টাভিরতুলৈর্ভ়্যাপ্যাশেষং বভৌ নভঃ ॥ ৯.১৮॥

তমাযান্তং সমালোক্য দেভ়ী শঙ্খমভ়াদযৎ ।
জ্যাশব্দং চাপি ধনুষশ্চকারাতীভ় দুঃসহম্ ॥ ৯.১৯॥

পূরযামাস ককুভো নিজঘণ্টাস্বনেন চ ।
সমস্তদৈত্যসৈন্যানাং তেজোভ়ধভ়িধাযিনা ॥ ৯.২০॥

ততঃ সিংহো মহানাদৈস্ত্যাজিতেভমহামদৈঃ ।
পূরযামাস গগনং গাং তথৈভ় দিশো দশ ॥ ৯.২১॥

ততঃ কালী সমুৎপত্য গগনং ক্ষ্মামতাডযৎ ।
করাভ্যাং তন্নিনাদেন প্রাক্স্বনাস্তে তিরোহিতাঃ ॥ ৯.২২॥

অট্টাট্টহাসমশিভ়ং শিভ়দূতী চকার হ ।
ভ়ৈঃ শব্দৈরসুরাস্ত্রেসুঃ শুম্ভঃ কোপং পরং যযৌ ॥ ৯.২৩॥

দুরাত্মংস্তিষ্ঠ তিষ্ঠেতি ভ়্যাজহারাম্বিকা যদা ।
তদা জযেত্যভিহিতং দেভ়ৈরাকাশসংস্থিতৈঃ ॥ ৯.২৪॥

শুম্ভেনাগত্য যা শক্তির্মুক্তা জ্বালাতিভীষণা ।
আযান্তী ভ়হ্নিকূটাভা সা নিরস্তা মহোল্কযা ॥ ৯.২৫॥

সিংহনাদেন শুম্ভস্য ভ়্যাপ্তং লোকত্রযান্তরম্ ।
নির্ঘাতনিঃস্বনো ঘোরো জিতভ়ানভ়নীপতে ॥ ৯.২৬॥

শুম্ভমুক্তাঞ্ছরান্দেভ়ী শুম্ভস্তৎপ্রহিতাঞ্ছরান্ ।
চিচ্ছেদ স্বশরৈরুগ্রৈঃ শতশোঽথ সহস্রশঃ ॥ ৯.২৭॥

ততঃ সা চণ্ডিকা ক্রুদ্ধা শূলেনাভিজঘান তম্ ।
স তদাভিহতো ভূমৌ মূর্চ্ছিতো নিপপাত হ ॥ ৯.২৮॥

ততো নিশুম্ভঃ সম্প্রাপ্য চেতনামাত্তকার্মুকঃ ।
আজঘান শরৈর্দেভ়ীং কালীং কেসরিণং তথা ॥ ৯.২৯॥

পুনশ্চ কৃত্বা বাহূনামযুতং দনুজেশ্বরঃ ।
চক্রাযুধেন দিতিজশ্ছাদযামাস চণ্ডিকাম্ ॥ ৯.৩০॥

ততো ভগভ়তী ক্রুদ্ধা দুর্গা দুর্গার্তিনাশিনী ।
চিচ্ছেদ দেভ়ী চক্রাণি স্বশরৈঃ সাযকাংশ্চ তান্ ॥ ৯.৩১॥

ততো নিশুম্ভো ভ়েগেন গদামাদায চণ্ডিকাম্ ।
অভ্যধাভ়ত ভ়ৈ হন্তুং দৈত্যসৈন্যসমাভ়ৃতঃ ॥ ৯.৩২॥

তস্যাপতত এভ়াশু গদাং চিচ্ছেদ চণ্ডিকা ।
খড্গেন শিতধারেণ স চ শূলং সমাদদে ॥ ৯.৩৩॥

শূলহস্তং সমাযান্তং নিশুম্ভমমরার্দনম্ ।
হৃদি ভ়িভ়্যাধ শূলেন ভ়েগাভ়িদ্ধেন চণ্ডিকা ॥ ৯.৩৪॥

ভিন্নস্য তস্য শূলেন হৃদযান্নিঃসৃতোঽপরঃ ।
মহাবলো মহাভ়ীর্যস্তিষ্ঠেতি পুরুষো ভ়দন্ ॥ ৯.৩৫॥

তস্য নিষ্ক্রামতো দেভ়ী প্রহস্য স্বনভ়ত্ততঃ ।
শিরশ্চিচ্ছেদ খড্গেন ততোঽসাভ়পতদ্ভুভ়ি ॥ ৯.৩৬॥

ততঃ সিংহশ্চখাদোগ্রদংষ্ট্রাক্ষুণ্ণশিরোধরান্ ।
অসুরাংস্তাংস্তথা কালী শিভ়দূতী তথাপরান্ ॥ ৯.৩৭॥

কৌমারীশক্তিনির্ভিন্নাঃ কেচিন্নেশুর্মহাসুরাঃ ।
ব্রহ্মাণীমন্ত্রপূতেন তোযেনান্যে নিরাকৃতাঃ ॥ ৯.৩৮॥

মাহেশ্বরীত্রিশূলেন ভিন্নাঃ পেতুস্তথাপরে ।
ভ়ারাহীতুণ্ডঘাতেন কেচিচ্চূর্ণীকৃতা ভুভ়ি ॥ ৯.৩৯॥

খণ্ডং খণ্ডং চ চক্রেণ ভ়ৈষ্ণভ়্যা দানভ়াঃ কৃতাঃ ।
ভ়জ্রেণ চৈন্দ্রীহস্তাগ্রভ়িমুক্তেন তথাপরে ॥ ৯.৪০॥

কেচিদ্বিনেশুরসুরাঃ কেচিন্নষ্টা মহাহভ়াৎ ।
ভক্ষিতাশ্চাপরে কালীশিভ়দূতীমৃগাধিপৈঃ ॥ ৯.৪১॥

॥ স্বস্তি শ্রীমার্কণ্ডেযপুরাণে সাভ়র্ণিকে মন্বন্তরে দেভ়ীমাহাত্ম্যে
নিশুম্ভভ়ধো নাম নভ়মোঽধ্যাযঃ ॥ ৯॥

উভ়াচ ২, অর্ধশ্লোকাঃ ৩৯, শ্লোকাঃ ৪১, এভ়মাদিতঃ ॥ ৫৪৩॥

॥ ১০. শুম্ভভ়ধো নাম দশমোঽধ্যাযঃ ॥

। ধ্যানম্ ।
ওঁ উত্তপ্তহেমরুচিরাং রভ়িচন্দ্রভ়হ্নি-
নেত্রাং ধনুশ্শরযুতাঙ্কুশপাশশূলম্ ।
রম্যৈর্ভুজৈশ্চ দধতীং শিভ়শক্তিরূপাং
কামেশ্বরীং হৃদি ভজামি ধৃতেন্দুলেখাম্ ॥

ওঁ ঋষিরুভ়াচ ॥ ১০.১॥

নিশুম্ভং নিহতং দৃষ্ট্বা ভ্রাতরং প্রাণসম্মিতম্ ।
হন্যমানং বলং চৈভ় শুম্ভঃ ক্রুদ্ধোঽব্রভ়ীদ্বচঃ ॥ ১০.২॥

বলাভ়লেপদুষ্টে ত্বং মা দুর্গে গর্ভ়মাভ়হ ।
অন্যাসাং বলমাশ্রিত্য যুদ্ধ্যসে চাতিমানিনী ॥ ১০.৩॥

দেভ়্যুভ়াচ ॥ ১০.৪॥

একৈভ়াহং জগত্যত্র দ্বিতীযা কা মমাপরা ।
পশ্যৈতা দুষ্ট ময্যেভ় ভ়িশন্ত্যো মদ্বিভূতযঃ ॥ ১০.৫॥

ততঃ সমস্তাস্তা দেভ়্যো ব্রহ্মাণীপ্রমুখা লযম্ ।
তস্যা দেভ়্যাস্তনৌ জগ্মুরেকৈভ়াসীত্তদাম্বিকা ॥ ১০.৬॥

দেভ়্যুভ়াচ ॥ ১০.৭॥

অহং ভ়িভূত্যা বহুভিরিহ রূপৈর্যদাস্থিতা ।
তৎসংহৃতং মযৈকৈভ় তিষ্ঠাম্যাজৌ স্থিরো ভভ় ॥ ১০.৮॥

ঋষিরুভ়াচ ॥ ১০.৯॥

ততঃ প্রভ়ভ়ৃতে যুদ্ধং দেভ়্যাঃ শুম্ভস্য চোভযোঃ ।
পশ্যতাং সর্ভ়দেভ়ানামসুরাণাং চ দারুণম্ ॥ ১০.১০॥

শরভ়র্ষৈঃ শিতৈঃ শস্ত্রৈস্তথা চাস্ত্রৈঃ সুদারুণৈঃ ।
তযোর্যুদ্ধমভূদ্ভূযঃ সর্ভ়লোকভযঙ্করম্ ॥ ১০.১১॥

দিভ়্যান্যস্ত্রাণি শতশো মুমুচে যান্যথাম্বিকা ।
বভঞ্জ তানি দৈত্যেন্দ্রস্তৎপ্রতীঘাতকর্তৃভিঃ ॥ ১০.১২॥

মুক্তানি তেন চাস্ত্রাণি দিভ়্যানি পরমেশ্বরী ।
বভঞ্জ লীলযৈভ়োগ্রহুঙ্কারোচ্চারণাদিভিঃ ॥ ১০.১৩॥

ততঃ শরশতৈর্দেভ়ীমাচ্ছাদযত সোঽসুরঃ ।
সাপি তৎকুপিতা দেভ়ী ধনুশ্চিচ্ছেদ চেষুভিঃ ॥ ১০.১৪॥

ছিন্নে ধনুষি দৈত্যেন্দ্রস্তথা শক্তিমথাদদে ।
চিচ্ছেদ দেভ়ী চক্রেণ তামপ্যস্য করে স্থিতাম্ ॥ ১০.১৫॥

ততঃ খড্গমুপাদায শতচন্দ্রং চ ভানুমৎ ।
অভ্যধা ভ়ত তাং দেভ়ীং দৈত্যানামধিপেশ্বরঃ ॥ ১০.১৬॥

তস্যাপতত এভ়াশু খড্গং চিচ্ছেদ চণ্ডিকা ।
ধনুর্মুক্তৈঃ শিতৈর্বাণৈশ্চর্ম চার্ককরামলম্ ।
অশ্বাংশ্চ পাতযামাস রথং সারথিনা সহ ॥ ১০.১৭॥

হতাশ্বঃ স তদা দৈত্যশ্ছিন্নধন্বা ভ়িসারথিঃ ।
জগ্রাহ মুদ্গরং ঘোরমম্বিকানিধনোদ্যতঃ ॥ ১০.১৮॥

চিচ্ছেদাপততস্তস্য মুদ্গরং নিশিতৈঃ শরৈঃ ।
তথাপি সোঽভ্যধাভ়ত্তাং মুষ্টিমুদ্যম্য ভ়েগভ়ান্ ॥ ১০.১৯॥

স মুষ্টিং পাতযামাস হৃদযে দৈত্যপুঙ্গভ়ঃ ।
দেভ়্যাস্তং চাপি সা দেভ়ী তলেনোরস্যতাডযৎ ॥ ১০.২০॥

তলপ্রহারাভিহতো নিপপাত মহীতলে ।
স দৈত্যরাজঃ সহসা পুনরেভ় তথোত্থিতঃ ॥ ১০.২১॥

উৎপত্য চ প্রগৃহ্যোচ্চৈর্দেভ়ীং গগনমাস্থিতঃ ।
তত্রাপি সা নিরাধারা যুযুধে তেন চণ্ডিকা ॥ ১০.২২॥

নিযুদ্ধং খে তদা দৈত্যশ্চণ্ডিকা চ পরস্পরম্ ।
চক্রতুঃ প্রথমং সিদ্ধমুনিভ়িস্মযকারকম্ ॥ ১০.২৩॥

ততো নিযুদ্ধং সুচিরং কৃত্বা তেনাম্বিকা সহ ।
উৎপাট্য ভ্রামযামাস চিক্ষেপ ধরণীতলে ॥ ১০.২৪॥

স ক্ষিপ্তো ধরণীং প্রাপ্য মুষ্টিমুদ্যম্য ভ়েগভ়ান্ ।
অভ্যধাভ়ত দুষ্টাত্মা চণ্ডিকানিধনেচ্ছযা ॥ ১০.২৫॥

তমাযান্তং ততো দেভ়ী সর্ভ়দৈত্যজনেশ্বরম্ ।
জগত্যাং পাতযামাস ভিত্ত্বা শূলেন ভ়ক্ষসি ॥ ১০.২৬॥

স গতাসুঃ পপাতোর্ভ়্যাং দেভ়ী শূলাগ্রভ়িক্ষতঃ ।
চালযন্ সকলাং পৃথ্বীং সাব্ধিদ্বীপাং সপর্ভ়তাম্ ॥ ১০.২৭॥

ততঃ প্রসন্নমখিলং হতে তস্মিন্ দুরাত্মনি ।
জগৎস্বাস্থ্যমতীভ়াপ নির্মলং চাভভ়ন্নভঃ ॥ ১০.২৮॥

উৎপাতমেঘাঃ সোল্কা যে প্রাগাসংস্তে শমং যযুঃ ।
সরিতো মার্গভ়াহিন্যস্তথাসংস্তত্র পাতিতে ॥ ১০.২৯॥

ততো দেভ়গণাঃ সর্ভ়ে হর্ষনির্ভরমানসাঃ ।
বভূভ়ুর্নিহতে তস্মিন্ গন্ধর্ভ়া ললিতং জগুঃ ॥ ১০.৩০॥

অভ়াদযংস্তথৈভ়ান্যে ননৃতুশ্চাপ্সরোগণাঃ ।
ভ়ভ়ুঃ পুণ্যাস্তথা ভ়াতাঃ সুপ্রভোঽভূদ্দিভ়াকরঃ ॥ ১০.৩১॥

জজ্বলুশ্চাগ্নযঃ শান্তাঃ শান্তা দিগ্জনিতস্বনাঃ ॥ ১০.৩২॥

॥ স্বস্তি শ্রীমার্কণ্ডেযপুরাণে সাভ়র্ণিকে মন্বন্তরে
দেভ়ীমাহাত্ম্যে শুম্ভভ়ধো নাম দশমোঽধ্যাযঃ ॥ ১০॥

॥ নারাযণীস্তুতির্নামৈকাদশোঽধ্যাযঃ ॥

। ধ্যানম্ ।
ওঁ বালরভ়িদ্যুতিমিন্দুকিরীটাং তুঙ্গকুচাং নযনত্রযযুক্তাম্ ।
স্মেরমুখীং ভ়রদাঙ্কুশপাশাভীতিকরাং প্রভজে ভুভ়নেশীম্ ॥

ওঁ ঋষিরুভ়াচ ॥ ১১.১॥

দেভ়্যা হতে তত্র মহাসুরেন্দ্রে
সেন্দ্রাঃ সুরা ভ়হ্নিপুরোগমাস্তাম্ ।
কাত্যাযনীং তুষ্টুভ়ুরিষ্টলাভাদ্
ভ়িকাশিভ়ক্ত্রাব্জভ়িকাশিতাশাঃ ॥ ১১.২॥

দেভ়ি প্রপন্নার্তিহরে প্রসীদ
প্রসীদ মাতর্জগতোঽখিলস্য ।
প্রসীদ ভ়িশ্বেশ্বরি পাহি ভ়িশ্বং
ত্বমীশ্বরী দেভ়ি চরাচরস্য ॥ ১১.৩॥

আধারভূতা জগতস্ত্বমেকা
মহীস্বরূপেণ যতঃ স্থিতাসি ।
অপাং স্বরূপস্থিতযা ত্বযৈত-
দাপ্যাযতে কৃৎস্নমলঙ্ঘ্যভ়ীর্যে ॥ ১১.৪॥

ত্বং ভ়ৈষ্ণভ়ীশক্তিরনন্তভ়ীর্যা
ভ়িশ্বস্য বীজং পরমাসি মাযা ।
সম্মোহিতং দেভ়ি সমস্তমেতৎ
ত্বং ভ়ৈ প্রসন্না ভুভ়ি মুক্তিহেতুঃ ॥ ১১.৫॥

ভ়িদ্যাঃ সমস্তাস্তভ় দেভ়ি ভেদাঃ
স্ত্রিযঃ সমস্তাঃ সকলা জগৎসু ।
ত্বযৈকযা পূরিতমম্বযৈতৎ
কা তে স্তুতিঃ স্তভ়্যপরাপরোক্তিঃ ॥ ১১.৬॥

সর্ভ়ভূতা যদা দেভ়ী ভুক্তিমুক্তিপ্রদাযিনী ।
ত্বং স্তুতা স্তুতযে কা ভ়া ভভ়ন্তু পরমোক্তযঃ ॥ ১১.৭॥

সর্ভ়স্য বুদ্ধিরূপেণ জনস্য হৃদি সংস্থিতে ।
স্বর্গাপভ়র্গদে দেভ়ি নারাযণি নমোঽস্তু তে ॥ ১১.৮॥

কলাকাষ্ঠাদিরূপেণ পরিণামপ্রদাযিনি ।
ভ়িশ্বস্যোপরতৌ শক্তে নারাযণি নমোঽস্তু তে ॥ ১১.৯॥

সর্ভ়মঙ্গলমাঙ্গল্যে শিভ়ে সর্ভ়ার্থসাধিকে ।
শরণ্যে ত্র্যম্বকে গৌরি নারাযণি নমোঽস্তু তে ॥ ১১.১০॥

সৃষ্টিস্থিতিভ়িনাশানাং শক্তিভূতে সনাতনি ।
গুণাশ্রযে গুণমযে নারাযণি নমোঽস্তু তে ॥ ১১.১১॥

শরণাগতদীনার্তপরিত্রাণপরাযণে ।
সর্ভ়স্যার্তিহরে দেভ়ি নারাযণি নমোঽস্তু তে ॥ ১১.১২॥

হংসযুক্তভ়িমানস্থে ব্রহ্মাণীরূপধারিণি ।
কৌশাম্ভঃক্ষরিকে দেভ়ি নারাযণি নমোঽস্তু তে ॥ ১১.১৩॥

ত্রিশূলচন্দ্রাহিধরে মহাভ়ৃষভভ়াহিনি ।
মাহেশ্বরীস্বরূপেণ নারাযণি নমোঽস্তুতে ॥ ১১.১৪॥

মযূরকুক্কুটভ়ৃতে মহাশক্তিধরেঽনঘে ।
কৌমারীরূপসংস্থানে নারাযণি নমোঽস্তু তে ॥ ১১.১৫॥

শঙ্খচক্রগদাশার্ঙ্গগৃহীতপরমাযুধে ।
প্রসীদ ভ়ৈষ্ণভ়ীরূপে নারাযণি নমোঽস্তু তে ॥ ১১.১৬॥

গৃহীতোগ্রমহাচক্রে দংষ্ট্রোদ্ধৃতভ়সুন্ধরে ।
ভ়রাহরূপিণি শিভ়ে নারাযণি নমোঽস্তু তে ॥ ১১.১৭॥

নৃসিংহরূপেণোগ্রেণ হন্তুং দৈত্যান্ কৃতোদ্যমে ।
ত্রৈলোক্যত্রাণসহিতে নারাযণি নমোঽস্তু তে ॥ ১১.১৮॥

কিরীটিনি মহাভ়জ্রে সহস্রনযনোজ্জ্বলে ।
ভ়ৃত্রপ্রাণহরে চৈন্দ্রি নারাযণি নমোঽস্তু তে ॥ ১১.১৯॥

শিভ়দূতীস্বরূপেণ হতদৈত্যমহাবলে ।
ঘোররূপে মহারাভ়ে নারাযণি নমোঽস্তু তে ॥ ১১.২০॥

দংষ্ট্রাকরালভ়দনে শিরোমালাভ়িভূষণে ।
চামুণ্ডে মুণ্ডমথনে নারাযণি নমোঽস্তু তে ॥ ১১.২১॥

লক্ষ্মি লজ্জে মহাভ়িদ্যে শ্রদ্ধে পুষ্টি স্বধে ধ্রুভ়ে ।
মহারাত্রি মহামাযে নারাযণি নমোঽস্তু তে ॥ ১১.২২॥

মেধে সরস্বতি ভ়রে ভূতি বাভ্রভ়ি তামসি ।
নিযতে ত্বং প্রসীদেশে নারাযণি নমোঽস্তুতে ॥ ১১.২৩॥

সর্ভ়স্বরূপে সর্ভ়েশে সর্ভ়শক্তিসমন্বিতে ।
ভযেভ্যস্ত্রাহি নো দেভ়ি দুর্গে দেভ়ি নমোঽস্তু তে ॥ ১১.২৪॥

এতত্তে ভ়দনং সৌম্যং লোচনত্রযভূষিতম্ ।
পাতু নঃ সর্ভ়ভূতেভ্যঃ কাত্যাযনি নমোঽস্তু তে ॥ ১১.২৫॥

জ্বালাকরালমত্যুগ্রমশেষাসুরসূদনম্ ।
ত্রিশূলং পাতু নো ভীতের্ভদ্রকালি নমোঽস্তু তে ॥ ১১.২৬॥

হিনস্তি দৈত্যতেজাংসি স্বনেনাপূর্য যা জগৎ ।
সা ঘণ্টা পাতু নো দেভ়ি পাপেভ্যো নঃ সুতানিভ় ॥ ১১.২৭॥

অসুরাসৃগ্বসাপঙ্কচর্চিতস্তে করোজ্জ্বলঃ ।
শুভায খড্গো ভভ়তু চণ্ডিকে ত্বাং নতা ভ়যম্ ॥ ১১.২৮॥

রোগানশেষানপহংসি তুষ্টা
রুষ্টা তু কামান্ সকলানভীষ্টান্ ।
ত্বামাশ্রিতানাং ন ভ়িপন্নরাণাং
ত্বামাশ্রিতা হ্যাশ্রযতাং প্রযান্তি ॥ ১১.২৯॥

এতৎকৃতং যৎকদনং ত্বযাদ্য
ধর্মদ্বিষাং দেভ়ি মহাসুরাণাম্ ।
রূপৈরনেকৈর্বহুধাত্মমূর্তিং
কৃত্বাম্বিকে তৎপ্রকরোতি কান্যা ॥ ১১.৩০॥

ভ়িদ্যাসু শাস্ত্রেষু ভ়িভ়েকদীপে-
ষ্বাদ্যেষু ভ়াক্যেষু চ কা ত্বদন্যা ।
মমত্বগর্তেঽতিমহান্ধকারে
ভ়িভ্রামযত্যেতদতীভ় ভ়িশ্বম্ ॥ ১১.৩১॥

রক্ষাংসি যত্রোগ্রভ়িষাশ্চ নাগা
যত্রারযো দস্যুবলানি যত্র ।
দাভ়ানলো যত্র তথাব্ধিমধ্যে
তত্র স্থিতা ত্বং পরিপাসি ভ়িশ্বম্ ॥ ১১.৩২॥

ভ়িশ্বেশ্বরি ত্বং পরিপাসি ভ়িশ্বং
ভ়িশ্বাত্মিকা ধারযসীহ ভ়িশ্বম্ ।
ভ়িশ্বেশভ়ন্দ্যা ভভ়তী ভভ়ন্তি
ভ়িশ্বাশ্রযা যে ত্বযি ভক্তিনম্রাঃ ॥ ১১.৩৩॥

দেভ়ি প্রসীদ পরিপালয নোঽরিভীতে-
র্নিত্যং যথাসুরভ়ধাদধুনৈভ় সদ্যঃ ।
পাপানি সর্ভ়জগতাং প্রশমং নযাশু
উৎপাতপাকজনিতাংশ্চ মহোপসর্গান্ ॥ ১১.৩৪॥

প্রণতানাং প্রসীদ ত্বং দেভ়ি ভ়িশ্বার্তিহারিণি ।
ত্রৈলোক্যভ়াসিনামীড্যে লোকানাং ভ়রদা ভভ় ॥ ১১.৩৫॥

দেভ়্যুভ়াচ ॥ ১১.৩৬॥

ভ়রদাহং সুরগণা ভ়রং যন্মনসেচ্ছথ ।
তং ভ়ৃণুধ্বং প্রযচ্ছামি জগতামুপকারকম্ ॥ ১১.৩৭॥

দেভ়া ঊচুঃ ॥ ১১.৩৮॥

সর্ভ়াবাধাপ্রশমনং ত্রৈলোক্যস্যাখিলেশ্বরি ।
এভ়মেভ় ত্বযা কার্যমস্মদ্বৈরিভ়িনাশনম্ ॥ ১১.৩৯॥

দেভ়্যুভ়াচ ॥ ১১.৪০॥

ভ়ৈভ়স্বতেঽন্তরে প্রাপ্তে অষ্টাভ়িংশতিমে যুগে ।
শুম্ভো নিশুম্ভশ্চৈভ়ান্যাভ়ুৎপৎস্যেতে মহাসুরৌ ॥ ১১.৪১॥

নন্দগোপগৃহে জাতা যশোদাগর্ভসম্ভভ়া ।
ততস্তৌ নাশযিষ্যামি ভ়িন্ধ্যাচলনিভ়াসিনী ॥ ১১.৪২॥

পুনরপ্যতিরৌদ্রেণ রূপেণ পৃথিভ়ীতলে ।
অভ়তীর্য হনিষ্যামি ভ়ৈপ্রচিত্তাংশ্চ দানভ়ান্ ॥ ১১.৪৩॥

ভক্ষযন্ত্যাশ্চ তানুগ্রান্ ভ়ৈপ্রচিত্তান্ মহাসুরান্ ।
রক্তা দন্তা ভভ়িষ্যন্তি দাডিমীকুসুমোপমাঃ ॥ ১১.৪৪॥

ততো মাং দেভ়তাঃ স্বর্গে মর্ত্যলোকে চ মানভ়াঃ ।
স্তুভ়ন্তো ভ়্যাহরিষ্যন্তি সততং রক্তদন্তিকাম্ ॥ ১১.৪৫॥

ভূযশ্চ শতভ়ার্ষিক্যামনাভ়ৃষ্ট্যামনম্ভসি ।
মুনিভিঃ সংস্মৃতা ভূমৌ সম্ভভ়িষ্যাম্যযোনিজা ॥ ১১.৪৬॥

ততঃ শতেন নেত্রাণাং নিরীক্ষিষ্যাম্যহং মুনীন্ ।
কীর্তযিষ্যন্তি মনুজাঃ শতাক্ষীমিতি মাং ততঃ ॥ ১১.৪৭॥

ততোঽহমখিলং লোকমাত্মদেহসমুদ্ভভ়ৈঃ ।
ভরিষ্যামি সুরাঃ শাকৈরাভ়ৃষ্টেঃ প্রাণধারকৈঃ ॥ ১১.৪৮॥

শাকম্ভরীতি ভ়িখ্যাতিং তদা যাস্যাম্যহং ভুভ়ি ।
তত্রৈভ় চ ভ়ধিষ্যামি দুর্গমাখ্যং মহাসুরম্ ॥ ১১.৪৯॥

দুর্গাদেভ়ীতি ভ়িখ্যাতং তন্মে নাম ভভ়িষ্যতি ।
পুনশ্চাহং যদা ভীমং রূপং কৃত্বা হিমাচলে ॥ ১১.৫০॥

রক্ষাংসি ভক্ষযিষ্যামি মুনীনাং ত্রাণকারণাৎ ।
তদা মাং মুনযঃ সর্ভ়ে স্তোষ্যন্ত্যানম্রমূর্তযঃ ॥ ১১.৫১॥

ভীমাদেভ়ীতি ভ়িখ্যাতং তন্মে নাম ভভ়িষ্যতি ।
যদারুণাখ্যস্ত্রৈলোক্যে মহাবাধাং করিষ্যতি ॥ ১১.৫২॥

তদাহং ভ্রামরং রূপং কৃত্বাসঙ্খ্যেযষট্পদম্ ।
ত্রৈলোক্যস্য হিতার্থায ভ়ধিষ্যামি মহাসুরম্ ॥ ১১.৫৩॥

ভ্রামরীতি চ মাং লোকাস্তদা স্তোষ্যন্তি সর্ভ়তঃ ।
ইত্থং যদা যদা বাধা দানভ়োত্থা ভভ়িষ্যতি ॥ ১১.৫৪॥

তদা তদাভ়তীর্যাহং করিষ্যাম্যরিসঙ্ক্ষযম্ ॥ ১১.৫৫॥

॥ স্বস্তি শ্রীমার্কণ্ডেযপুরাণে সাভ়র্ণিকে মন্বন্তরে দেভ়ীমাহাত্ম্যে
নারাযণীস্তুতির্নামৈকাদশোঽধ্যাযঃ ॥ ১১॥

উভ়াচ ৪, অর্ধশ্লোকঃ ১, শ্লোকাঃ ৫০, এভ়মাদিতঃ ॥ ৬৩০॥

॥ ১২. ভগভ়তী ভ়াক্যং দ্বাদশোঽধ্যাযঃ ॥

। ধ্যানম্ ।
ওঁ ভ়িদ্যুদ্ধামসমপ্রভাং মৃগপতিস্কন্ধস্থিতাং ভীষণাং
কন্যাভিঃ করভ়াল়খেটভ়িলসধস্তাভিরাসেভ়িতাম্ ।
হস্তৈশ্চক্রগদাসিখেটভ়িশিখাংশ্চাপং গুণং তর্জনীং
বিভ্রাণামনলাত্মিকাং শশিধরাং দুর্গাং ত্রিনেত্রাং ভজে ॥

ওঁ দেভ়্যুভ়াচ ॥ ১২.১॥

এভিঃ স্তভ়ৈশ্চ মাং নিত্যং স্তোষ্যতে যঃ সমাহিতঃ ।
তস্যাহং সকলাং বাধাং শমযিষ্যাম্যসংশযম্ ॥ ১২.২॥

মধুকৈটভনাশং চ মহিষাসুরঘাতনম্ ।
কীর্তযিষ্যন্তি যে তদ্বদ্বধং শুম্ভনিশুম্ভযোঃ ॥ ১২.৩॥

অষ্টম্যাং চ চতুর্দশ্যাং নভ়ম্যাং চৈকচেতসঃ ।
শ্রোষ্যন্তি চৈভ় যে ভক্ত্যা মম মাহাত্ম্যমুত্তমম্ ॥ ১২.৪॥

ন তেষাং দুষ্কৃতং কিঞ্চিদ্দুষ্কৃতোত্থা ন চাপদঃ ।
ভভ়িষ্যতি ন দারিদ্র্যং ন চৈভ়েষ্টভ়িযোজনম্ ॥ ১২.৫॥

শত্রুভ্যো ন ভযং তস্য দস্যুতো ভ়া ন রাজতঃ ।
ন শস্ত্রানলতোযৌঘাৎ কদাচিৎ সম্ভভ়িষ্যতি ॥ ১২.৬॥

তস্মান্মমৈতন্মাহাত্ম্যং পঠিতভ়্যং সমাহিতৈঃ ।
শ্রোতভ়্যং চ সদা ভক্ত্যা পরং স্বস্ত্যযনং মহৎ ॥ ১২.৭॥

উপসর্গানশেষাংস্তু মহামারীসমুদ্ভভ়ান্ ।
তথা ত্রিভ়িধমুৎপাতং মাহাত্ম্যং শমযেন্মম ॥ ১২.৮॥

যত্রৈতৎপঠ্যতে সম্যঙ্নিত্যমাযতনে মম ।
সদা ন তদ্বিমোক্ষ্যামি সান্নিধ্যং তত্র মে স্থিতম্ ॥ ১২.৯॥

বলিপ্রদানে পূজাযামগ্নিকার্যে মহোৎসভ়ে ।
সর্ভ়ং মমৈতন্মাহাত্ম্যম্ উচ্চার্যং শ্রাভ়্যমেভ় চ ॥ ১২.১০॥

জানতাজানতা ভ়াপি বলিপূজাং যথা কৃতাম্ ।
প্রতীক্ষিষ্যাম্যহং প্রীত্যা ভ়হ্নিহোমং তথাকৃতম্ ॥ ১২.১১॥

শরৎকালে মহাপূজা ক্রিযতে যা চ ভ়ার্ষিকী ।
তস্যাং মমৈতন্মাহাত্ম্যং শ্রুত্বা ভক্তিসমন্বিতঃ ॥ ১২.১২॥

সর্ভ়াবাধাভ়িনির্মুক্তো ধনধান্যসমন্বিতঃ ।
মনুষ্যো মৎপ্রসাদেন ভভ়িষ্যতি ন সংশযঃ ॥ ১২.১৩॥

শ্রুত্বা মমৈতন্মাহাত্ম্যং তথা চোৎপত্তযঃ শুভাঃ ।
পরাক্রমং চ যুদ্ধেষু জাযতে নির্ভযঃ পুমান্ ॥ ১২.১৪॥

রিপভ়ঃ সঙ্ক্ষযং যান্তি কল্যাণং চোপপদ্যতে ।
নন্দতে চ কুলং পুংসাং মাহাত্ম্যং মম শৃণ্বতাম্ ॥ ১২.১৫॥

শান্তিকর্মণি সর্ভ়ত্র তথা দুঃস্বপ্নদর্শনে ।
গ্রহপীডাসু চোগ্রাসু মাহাত্ম্যং শৃণুযান্মম ॥ ১২.১৬॥

উপসর্গাঃ শমং যান্তি গ্রহপীডাশ্চ দারুণাঃ ।
দুঃস্বপ্নং চ নৃভির্দৃষ্টং সুস্বপ্নমুপজাযতে ॥ ১২.১৭॥

বালগ্রহাভিভূতানাং বালানাং শান্তিকারকম্ ।
সঙ্ঘাতভেদে চ নৃণাং মৈত্রীকরণমুত্তমম্ ॥ ১২.১৮॥

দুর্ভ়ৃত্তানামশেষাণাং বলহানিকরং পরম্ ।
রক্ষোভূতপিশাচানাং পঠনাদেভ় নাশনম্ ॥ ১২.১৯॥

সর্ভ়ং মমৈতন্মাহাত্ম্যং মম সন্নিধিকারকম্ ।
পশুপুষ্পার্ঘ্যধূপৈশ্চ গন্ধদীপৈস্তথোত্তমৈঃ ॥ ১২.২০॥

ভ়িপ্রাণাং ভোজনৈর্হোমৈঃ প্রোক্ষণীযৈরহর্নিশম্ ।
অন্যৈশ্চ ভ়িভ়িধৈর্ভোগৈঃ প্রদানৈর্ভ়ৎসরেণ যা ॥ ১২.২১॥

প্রীতির্মে ক্রিযতে সাস্মিন্ সকৃদুচ্চরিতে শ্রুতে ।
শ্রুতং হরতি পাপানি তথারোগ্যং প্রযচ্ছতি ॥ ১২.২২॥

রক্ষাং করোতি ভূতেভ্যো জন্মনাং কীর্তনং মম ।
যুদ্ধেষু চরিতং যন্মে দুষ্টদৈত্যনিবর্হণম্ ॥ ১২.২৩॥

তস্মিঞ্ছ্রুতে ভ়ৈরিকৃতং ভযং পুংসাং ন জাযতে ।
যুষ্মাভিঃ স্তুতযো যাশ্চ যাশ্চ ব্রহ্মর্ষিভিঃ কৃতাঃ ॥ ১২.২৪॥

ব্রহ্মণা চ কৃতাস্তাস্তু প্রযচ্ছন্তু শুভাং মতিম্ ।
অরণ্যে প্রান্তরে ভ়াপি দাভ়াগ্নিপরিভ়ারিতঃ ॥ ১২.২৫॥

দস্যুভির্ভ়া ভ়ৃতঃ শূন্যে গৃহীতো ভ়াপি শত্রুভিঃ ।
সিংহভ়্যাঘ্রানুযাতো ভ়া ভ়নে ভ়া ভ়নহস্তিভিঃ ॥ ১২.২৬॥

রাজ্ঞা ক্রুদ্ধেন চাজ্ঞপ্তো ভ়ধ্যো বন্ধগতোঽপি ভ়া ।
আঘূর্ণিতো ভ়া ভ়াতেন স্থিতঃ পোতে মহার্ণভ়ে ॥ ১২.২৭॥

পতৎসু চাপি শস্ত্রেষু সঙ্গ্রামে ভৃশদারুণে ।
সর্ভ়াবাধাসু ঘোরাসু ভ়েদনাভ্যর্দিতোঽপি ভ়া ॥ ১২.২৮॥

স্মরন্ মমৈতচ্চরিতং নরো মুচ্যেত সঙ্কটাৎ ।
মম প্রভাভ়াৎসিংহাদ্যা দস্যভ়ো ভ়ৈরিণস্তথা ॥ ১২.২৯॥

দূরাদেভ় পলাযন্তে স্মরতশ্চরিতং মম ॥ ১২.৩০॥

ঋষিরুভ়াচ ॥ ১২.৩১॥

ইত্যুক্ত্বা সা ভগভ়তী চণ্ডিকা চণ্ডভ়িক্রমা ॥ ১২.৩২॥

পশ্যতাং সর্ভ়দেভ়ানাং তত্রৈভ়ান্তরধীযত ।
তেঽপি দেভ়া নিরাতঙ্কাঃ স্বাধিকারান্যথা পুরা ॥ ১২.৩৩॥

যজ্ঞভাগভুজঃ সর্ভ়ে চক্রুর্ভ়িনিহতারযঃ ।
দৈত্যাশ্চ দেভ়্যা নিহতে শুম্ভে দেভ়রিপৌ যুধি ॥ ১২.৩৪॥

জগদ্বিধ্বংসকে তস্মিন্ মহোগ্রেঽতুলভ়িক্রমে ।
নিশুম্ভে চ মহাভ়ীর্যে শেষাঃ পাতালমাযযুঃ ॥ ১২.৩৫॥

এভ়ং ভগভ়তী দেভ়ী সা নিত্যাপি পুনঃ পুনঃ ।
সম্ভূয কুরুতে ভূপ জগতঃ পরিপালনম্ ॥ ১২.৩৬॥

তযৈতন্মোহ্যতে ভ়িশ্বং সৈভ় ভ়িশ্বং প্রসূযতে ।
সা যাচিতা চ ভ়িজ্ঞানং তুষ্টা ঋদ্ধিং প্রযচ্ছতি ॥ ১২.৩৭॥

ভ়্যাপ্তং তযৈতৎসকলং ব্রহ্মাণ্ডং মনুজেশ্বর ।
মহাদেভ়্যা মহাকালী মহামারীস্বরূপযা ॥ ১২.৩৮॥

সৈভ় কালে মহামারী সৈভ় সৃষ্টির্ভভ়ত্যজা ।
স্থিতিং করোতি ভূতানাং সৈভ় কালে সনাতনী ॥ ১২.৩৯॥

ভভ়কালে নৃণাং সৈভ় লক্ষ্মীর্ভ়ৃদ্ধিপ্রদা গৃহে ।
সৈভ়াভাভ়ে তথালক্ষ্মীর্ভ়িনাশাযোপজাযতে ॥ ১২.৪০॥

স্তুতা সম্পূজিতা পুষ্পৈর্গন্ধধূপাদিভিস্তথা ।
দদাতি ভ়িত্তং পুত্রাংশ্চ মতিং ধর্মে গতিং শুভাম্ ॥ ১২.৪১॥

॥ স্বস্তি শ্রীমার্কণ্ডেযপুরাণে সাভ়র্ণিকে মন্বন্তরে দেভ়ীমাহাত্ম্যে
ভগভ়তী ভ়াক্যং দ্বাদশোঽধ্যাযঃ ॥ ১২॥

উভ়াচ ২, অর্ধশ্লোকৌ ২, শ্লোকাঃ ৩৭, এভ়মাদিতঃ ॥ ৬৭১॥

॥ ১৩. সুরথভ়ৈশ্যযোর্ভ়রপ্রদানং নাম ত্রযোদশোঽধ্যাযঃ ॥

। ধ্যানম্ ।
ওঁ বালার্কমণ্ডলাভাসাং চতুর্বাহুং ত্রিলোচনাম্ ।
পাশাঙ্কুশভ়রাভীতির্ধারযন্তীং শিভ়াং ভজে ॥

ওঁ ঋষিরুভ়াচ ॥ ১৩.১॥

এতত্তে কথিতং ভূপ দেভ়ীমাহাত্ম্যমুত্তমম্ ।
এভ়ং প্রভাভ়া সা দেভ়ী যযেদং ধার্যতে জগৎ ॥ ১৩.২॥

ভ়িদ্যা তথৈভ় ক্রিযতে ভগভ়দ্বিষ্ণুমাযযা ।
তযা ত্বমেষ ভ়ৈশ্যশ্চ তথৈভ়ান্যে ভ়িভ়েকিনঃ ॥ ১৩.৩॥

মোহ্যন্তে মোহিতাশ্চৈভ় মোহমেষ্যন্তি চাপরে ।
তামুপৈহি মহারাজ শরণং পরমেশ্বরীম্ ॥ ১৩.৪॥

আরাধিতা সৈভ় নৃণাং ভোগস্বর্গাপভ়র্গদা ॥ ১৩.৫॥

মার্কণ্ডেয উভ়াচ ॥ ১৩.৬॥

ইতি তস্য ভ়চঃ শ্রুত্বা সুরথঃ স নরাধিপঃ ॥ ১৩.৭॥

প্রণিপত্য মহাভাগং তমৃষিং সংশিতভ়্রতম্ ।
নির্ভ়িণ্ণোঽতিমমত্বেন রাজ্যাপহরণেন চ ॥ ১৩.৮॥

জগাম সদ্যস্তপসে স চ ভ়ৈশ্যো মহামুনে ।
সন্দর্শনার্থমম্বাযা নদীপুলিনমাস্থিতঃ ॥ ১৩.৯॥

স চ ভ়ৈশ্যস্তপস্তেপে দেভ়ীসূক্তং পরং জপন্ ।
তৌ তস্মিন্ পুলিনে দেভ়্যাঃ কৃত্বা মূর্তিং মহীমযীম্ ॥ ১৩.১০॥

অর্হণাং চক্রতুস্তস্যাঃ পুষ্পধূপাগ্নিতর্পণৈঃ ।
নিরাহারৌ যতাত্মানৌ তন্মনস্কৌ সমাহিতৌ ॥ ১৩.১১॥

দদতুস্তৌ বলিং চৈভ় নিজগাত্রাসৃগুক্ষিতম্ ।
এভ়ং সমারাধযতোস্ত্রিভির্ভ়র্ষৈর্যতাত্মনোঃ ॥ ১৩.১২॥

পরিতুষ্টা জগদ্ধাত্রী প্রত্যক্ষং প্রাহ চণ্ডিকা ॥ ১৩.১৩॥

দেভ়্যুভ়াচ ॥ ১৩.১৪॥

যৎপ্রার্থ্যতে ত্বযা ভূপ ত্বযা চ কুলনন্দন ।
মত্তস্তৎপ্রাপ্যতাং সর্ভ়ং পরিতুষ্টা দদামিতে ॥ ১৩.১৫॥

মার্কণ্ডেয উভ়াচ ॥ ১৩.১৬॥

ততো ভ়ভ়্রে নৃপো রাজ্যমভ়িভ্রংশ্যন্যজন্মনি ।
অত্রৈভ় চ নিজং রাজ্যং হতশত্রুবলং বলাৎ ॥ ১৩.১৭॥

সোঽপি ভ়ৈশ্যস্ততো জ্ঞানং ভ়ভ়্রে নির্ভ়িণ্ণমানসঃ ।
মমেত্যহমিতি প্রাজ্ঞঃ সঙ্গভ়িচ্যুতিকারকম্ ॥ ১৩.১৮॥

দেভ়্যুভ়াচ ॥ ১৩.১৯॥

স্বল্পৈরহোভির্নৃপতে স্বং রাজ্যং প্রাপ্স্যতে ভভ়ান্ ॥ ১৩.২০॥

হত্বা রিপূনস্খলিতং তভ় তত্র ভভ়িষ্যতি ॥ ১৩.২১॥

মৃতশ্চ ভূযঃ সম্প্রাপ্য জন্ম দেভ়াদ্বিভ়স্বতঃ ॥ ১৩.২২॥

সাভ়র্ণিকো মনুর্নাম ভভ়ান্ভুভ়ি ভভ়িষ্যতি ॥ ১৩.২৩॥

ভ়ৈশ্যভ়র্য ত্বযা যশ্চ ভ়রোঽস্মত্তোঽভিভ়াঞ্ছিতঃ ॥ ১৩.২৪॥

তং প্রযচ্ছামি সংসিদ্ধ্যৈ তভ় জ্ঞানং ভভ়িষ্যতি ॥ ১৩.২৫॥

মার্কণ্ডেয উভ়াচ ॥ ১৩.২৬॥

ইতি দত্ত্বা তযোর্দেভ়ী যথাভিলষিতং ভ়রম্ ॥ ১৩.২৭॥

বভূভ়ান্তর্হিতা সদ্যো ভক্ত্যা তাভ্যামভিষ্টুতা ।
এভ়ং দেভ়্যা ভ়রং লব্ধ্বা সুরথঃ ক্ষত্রিযর্ষভঃ ॥ ১৩.২৮॥

সূর্যাজ্জন্ম সমাসাদ্য সাভ়র্ণির্ভভ়িতা মনুঃ ॥ ১৩.২৯॥

এভ়ং দেভ়্যা ভ়রং লব্ধ্বা সুরথঃ ক্ষত্রিযর্ষভঃ ।
সূর্যাজ্জন্ম সমাসাদ্য সাভ়র্ণির্ভভ়িতা মনুঃ ॥ ক্লীং ওঁ ॥

॥ স্বস্তি শ্রীমার্কণ্ডেযপুরাণে সাভ়র্ণিকে মন্বন্তরে দেভ়ীমাহাত্ম্যে
সুরথভ়ৈশ্যযোর্ভ়রপ্রদানং নাম ত্রযোদশোঽধ্যাযঃ ॥ ১৩॥

উভ়াচ ৬, অর্ধশ্লোকাঃ ১১, শ্লোকাঃ ১২, এভ়মাদিতঃ ॥ ৭০০॥

সমস্তা উভ়াচমন্ত্রাঃ ৫৭, অর্ধশ্লোকাঃ ৪২, শ্লোকাঃ ৫৩৫, অভ়দানানি ৬৬ ॥

॥ শ্রীসপ্তশতীদেভ়ীমাহাত্ম্যং সমাপ্তম্ ॥

॥ ওঁ তৎ সৎ ওঁ ॥

ওঁ অপরাধশতং কৃত্বা জগদম্বেতি চোচ্চরেৎ ।
যাং গতিং সমভ়াপ্নোতি ন তাং ব্রহ্মাদযঃ সুরাঃ ॥ ১॥

সাপরাধোঽস্মি শরণং প্রাপ্তস্ত্বাং জগদম্বিকে ।
ইদানীমনুকম্প্যোঽহং যথেচ্ছসি তথা কুরু ॥ ২॥

অজ্ঞানাদ্বিস্মৃতের্ভ্রান্ত্যা যন্ন্যূনমধিকং কৃতম্ ।
তৎসর্ভ়ং ক্ষম্যতাং দেভ়ি প্রসীদ পরমেশ্বরি ॥ ৩॥

কামেশ্বরি জগন্মাতঃ সচ্চিদানন্দভ়িগ্রহে ।
গৃহাণার্চামিমাং প্রীত্যা প্রসীদ পরমেশ্বরি ॥ ৪॥

সর্ভ়রূপমযী দেভ়ী সর্ভ়ং দেভ়ীমযং জগৎ ।
অতোঽহং ভ়িশ্বরূপাং ত্বাং নমামি পরমেশ্বরীম্ ॥ ৫॥

যদক্ষরং পরিভ্রষ্টং মাত্রাহীনঞ্চ যদ্ভভ়েৎ ।
পূর্ণং ভভ়তু তৎ সর্ভ়ং ত্বৎপ্রসাদান্মহেশ্বরি ॥ ৬॥

যদত্র পাঠে জগদম্বিকে মযা
ভ়িসর্গবিন্দ্বক্ষরহীনমীরিতম্ ।
তদস্তু সম্পূর্ণতমং প্রসাদতঃ
সঙ্কল্পসিদ্ধিশ্চ সদৈভ় জাযতাম্ ॥ ৭॥

যন্মাত্রাবিন্দুবিন্দুদ্বিতযপদপদদ্বন্দ্বভ়র্ণাদিহীনং
ভক্ত্যাভক্ত্যানুপূর্ভ়ং প্রসভকৃতিভ়শাৎ ভ়্যক্তমভ়্যক্তমম্ব ।
মোহাদজ্ঞানতো ভ়া পঠিতমপঠিতং সাম্প্রতং তে স্তভ়েঽস্মিন্
তৎ সর্ভ়ং সাঙ্গমাস্তাং ভগভ়তি ভ়রদে ত্বৎপ্রসাদাৎ প্রসীদ ॥ ৮॥

প্রসীদ ভগভ়ত্যম্ব প্রসীদ ভক্তভ়ৎসলে ।
প্রসাদং কুরু মে দেভ়ি দুর্গে দেভ়ি নমোঽস্তু তে ॥ ৯॥

ওঁ অহং রুদ্রেভির্ভ়সুভিশ্চরাম্যহ-
মাদিত্যৈরুত ভ়িশ্বদেভ়ৈঃ ।
অহং মিত্রাভ়রুণোভা বিভর্ম্যহ-
মিন্দ্রাগ্নী অহমশ্বিনোভা ॥ ১॥

অহং সোমমাহনসং বিভর্ম্যহং
ত্বষ্টারমুত পূষণং ভগম্ ।
অহং দধামি দ্রভ়িণং হভ়িষ্মতে
সুপ্রাভ়্যে যজমানায সুন্বতে ॥ ২॥

অহং রাষ্ট্রী সঙ্গমনী ভ়সূনাং
চিকিতুষী প্রথমা যজ্ঞিযানাম্ ।
তাং মা দেভ়া ভ়্যদধুঃ পুরুত্রা
ভূরিস্থাত্রাং ভূর্যাভ়েশযন্তীম্ ॥ ৩॥

মযা সো অন্নমত্তি যো ভ়িপশ্যতি
যঃ প্রাণিতি য ঈং শৃণোত্যুক্তম্ ।
অমন্তভ়ো মাং ত উপক্ষিযন্তি
শ্রুধি শ্রুত শ্রদ্ধিভ়ং তে ভ়দামি ॥ ৪॥

অহমেভ় স্বযমিদং ভ়দামি জুষ্টং
দেভ়েভিরুত মানুষেভিঃ ।
যং কামযে তং তমুগ্রং কৃণোমি
তং ব্রহ্মাণং তমৃষিং তং সুমেধাম্ ॥ ৫॥

অহং রুদ্রায ধনুরা তনোমি
ব্রহ্মদ্বিষে শরভ়ে হন্তভ়া উ ।
অহং জনায সমদং কৃণোম্যহং
দ্যাভ়াপৃথিভ়ী আ ভ়িভ়েশ ॥ ৬॥

অহং সুভ়ে পিতরমস্য মূর্ধন্
মম যোনিরপ্স্বন্তঃ সমুদ্রে ।
ততো ভ়ি তিষ্ঠে ভুভ়নানু ভ়িশ্বো-
তামূং দ্যাং ভ়র্ষ্মণোপ স্পৃশামি ॥ ৭॥

অহমেভ় ভ়াত ইভ় প্র ভ়াম্যা-
রভমাণা ভুভ়নানি ভ়িশ্বা ।
পরো দিভ়া পর এনা পৃথিভ়্যৈ-
তাভ়তী মহিনা সং বভূভ় ॥ ৮॥

॥ ওঁ তৎ সৎ ওঁ ॥