Devarshibhih' proktaa dhoomravarnastutih'

Dhoomravarna-ganeshastutih' devarshibhih' proktaa
Shiva uvaacha -
Shaantiroopadharam' poornam' gaaneshaahankri'tisthitam .
Aham' dri'sht'vaa suraa vipraa vismitaa abhavan dvijaah' . 1
Tataste dhoomravarnam' vai pupoojurbhaktisam'yutaah' .
Punah' pranamya tam' sarve toosht'uvuh' karasamput'aah' .. 2..

Devarshaya oochuh'
Ajaayaatha sarvaadipoojyaaya nityam' niraalambaneti svaroopaaya d'hund'he ! .
Sadaa'vyaktaroopaaya sarvaantagaaya namo dhoomravarnaaya sarveshvaraaya .. 3..

Sadaa mohaheenaaya mohapradaaya janebhyah' prabho! Mohahantre nijaanaam .
Mahaanandatraividhyabhaavaih' paresha! Namo dhoomravarnaaya sarveshvaraaya .. 4..

Namah' sidvibuddhipradaatre ganesha! Pure vaasakaarin! Svasam'vedyanaamni .
Anaathaaya naathaaya sarveshvaraanaam' namo dhoomravarnaaya sarveshvaraaya .. 5..

Sadaa svechchhayaa khelakaaraaya tubhyam' sagaunaaya nairgunyabhaavaaya brahman! .
Mahaa''khudhvajaayaa'tha herambakaaya namo dhoomravarnaaya sarveshvaraaya .. 6..

Gajaakaaratund'aaya lambodaraaya trinetraaya shoorpashrutikshobhakaarin! .
Madaasaktayogeendra! Bhri'ngaatmakaanaam' namo dhoomravarnaaya sarveshvaraaya .. 7..

Chaturbaahave chaikadantaaya tubhyam' vichitrairanarghaistu sambhooshitaaya .
Alankaarakairdevadevesha! Paatre namo dhoomravarnaaya sarveshvaraaya .. 8..

Tvayaa sri'sht'amaadyam' samam' sarvabhaavayutam' mohadam' maayinaam' nandanaadvai .
Tadaakaararoopena tatsthaaya bhoomne namo dhoomravarnaaya sarveshvaraaya .. 9..

Tvayaa preritenaatha tenaa'pi sri'sht'am' sadaatmasvaroopam' param' jeevanam' yat .
Abhedaatmakam' tatra sam'sthaaya tubhyam' namo dhoomravarnaaya sarveshvaraaya .. 10..

Tatstena sri'sht'am' sadaa bhedakaanaam' nijam' daivatam' brahmabhaavena tatstham .
Tadaakaararoopena tatsthaaya brahman! Namo dhoomravarnaaya sarveshvaraaya .. 11..

Asadbhaavayuktena sri'sht'am' videham' param' brahma saankhyaatmakam' moolabeejam .
Tvayaa preritenaatra vaasapradaayinnamo dhoomravarnaaya sarveshvaraaya .. 12..

Svatotthaanaroopam' videhena sri'sht'am' tvadeeyaprabodhena vighneshvaraaya .
Tadaakaararoopaaya tatrasthakaaya namo dhoomravarnaaya sarveshvaraaya .. 13..

Tatastena te sattayaa sri'sht'amaadyam'
Sadaikasvaroopam' param' so'hamevam .
Tathaa tvam' cha tatraiva sam'sthah' paraatman!
Namo dhoomravarnaaya sarveshvaraaya .. 14..

Tvayaa preritenaatha tenaiva sri'sht'am' chaturnaam' pramoolam' mahadbinduroopam .
Sadaa saahajenaiva yogena tatstho namo dhoomravarnaaya sarveshvaraaya .. 15..

Tato naadaroopam' samam' yatsushuptam' param' sookshmaroopam' tatah' sthoolabhaavam .
Sadaa saahajenaiva yogena tatstho namo dhoomravarnaaya sarveshvaraaya .. 16..

Namo vishvaroopaaya sarvaakaraaya hyanantaananaadyaih' suchihnaaya tubhyam .
Charaih' sthaavarairbhogabhogin! Namaste namo dhoomravarnaaya sarveshvaraaya .. 17..

Charaayaa'tha te sthaavaraayaiva tubhyam' namo sri'sht'ikartre supaatre haraaya .
Prakaashaaya sooryaaya deveemayaaya namo dhoomravarnaaya sarveshvaraaya .. 18..

Namo devapakshaaya saadhyaaya tubhyam' naraayaa'tha devedra! Devaatmakaaya .
Digeeshaaya vri'kshaadibeejaatmakaaya namo dhoomravarnaaya sarveshvaraaya .. 19..

Namah' sarparoopaaya daityaatmakaaya samudraadinaanaaprabhedasthamoorte! .
Anantaih' svaroopaih' sadaa kreed'asi tvam' namo dhoomravarnaaya sarveshvaraaya .. 20..

Tathaa'pi tvamevam' tadaakaaraheenah' sadaa saahajenaiva yogena yogin! .
Svasattaatmakaayaiva tubhyam' namaste namo dhoomravarnaaya sarveshvaraaya .. 21..

Ato vedavaadaa visheshena dhoomraa bhavanti hyaho varnitum' te svaroopam .
Budhaih' kathyase dhoomravarnastatastvam' namo dhoomravarnaaya sarveshvaraaya .. 22..

Sushaantim' gataa vedayogeendramukhyaastvayi brahmanaathe sadaa dhoomravarnam .
Vayam' kim' stuveemo'lpabodhaa namaste namo dhoomravarnaaya sarveshvaraaya .. 23..

Dhoomravarna uvaacha -
Stotram' bhavatkri'tam' me tu bhavishyati susiddhidam .
Brahmabhooyakaram' vipraa bhavishyati na sam'shayah' .. 26..

Putrapautrakalatraadi saukhadam' dhanadhaanyadam .
Aayuraarogyakaishvaryadaayakam' prabhavishyati .. 27..

Pat'hate shri'nvate devaa naanaabhaavaprapoorakam .
Dharmaarthakaamamokshaanaam' daayakam' bhajataamidam .. 28..

Maaranochchaat'anaadeeni hyekavim'shatipaat'hatah' .
Ekavim'shatibhirnityam' divasaih' prabhavanti hi .. 29..

Parakri'tyaadikam' sarvam' naashameti na sam'shayah' .
Anena stotramukhyena stuvatah' sarvadaa dvijaah' .. 30..

Yam' yam' chintayet kaamam' tam' tam' daasyaami sarvadaa .
Stuto'nena mahaadevaah' stotrena tusht'imaagatah' .. 31..

Iti devarshibhih'proktaa dhoomravarnastutih' samaaptaa . 8.8