ಚಣ್ಡಿಕಾಷ್ಟಕಮ್

ಚಣ್ಡಿಕಾಷ್ಟಕಮ್
ಸಹಸ್ರಚನ್ದ್ರನಿತ್ದಕಾತಿಕಾನ್ತ-ಚನ್ದ್ರಿಕಾಚಯೈ-
ದಿಶೋಽಭಿಪೂರಯದ್ ವಿದೂರಯದ್ ದುರಾಗ್ರಹಂ ಕಲೇಃ .
ಕೃತಾಮಲಾಽವಲಾಕಲೇವರಂ ವರಂ ಭಜಾಮಹೇ
ಮಹೇಶಮಾನಸಾಶ್ರಯನ್ವಹೋ ಮಹೋ ಮಹೋದಯಮ್ .. ೧..

ವಿಶಾಲ-ಶೈಲಕನ್ದರಾನ್ತರಾಲ-ವಾಸಶಾಲಿನೀಂ
ತ್ರಿಲೋಕಪಾಲಿನೀಂ ಕಪಾಲಿನೀ ಮನೋರಮಾಮಿಮಾಮ್ .
ಉಮಾಮುಪಾಸಿತಾಂ ಸುರೈರೂಪಾಸ್ಮಹೇ ಮಹೇಶ್ವರೀಂ
ಪರಾಂ ಗಣೇಶ್ವರಪ್ರಸೂ ನಗೇಶ್ವರಸ್ಯ ನನ್ದಿನೀಮ್ .. ೨..

ಅಯೇ ಮಹೇಶಿ! ತೇ ಮಹೇನ್ದ್ರಮುಖ್ಯನಿರ್ಜರಾಃ ಸಮೇ
ಸಮಾನಯನ್ತಿ ಮೂರ್ದ್ಧರಾಗತ ಪರಾಗಮಂಘ್ರಿಜಮ್ .
ಮಹಾವಿರಾಗಿಶಂಕರಾಽನುರಾಗಿಣೀಂ ನುರಾಗಿಣೀ
ಸ್ಮರಾಮಿ ಚೇತಸಾಽತಸೀಮುಮಾಮವಾಸಸಂ ನುತಾಮ್ .. ೩..

ಭಜೇಽಮರಾಂಗನಾಕರೋಚ್ಛಲತ್ಸುಚಾಮ ರೋಚ್ಚಲನ್
ನಿಚೋಲ-ಲೋಲಕುನ್ತಲಾಂ ಸ್ವಲೋಕ-ಶೋಕ-ನಾಶಿನೀಮ್ .
ಅದಭ್ರ-ಸಮ್ಭೃತಾತಿಸಮ್ಭ್ರಮ-ಪ್ರಭೂತ-ವಿಭ್ರಮ-
ಪ್ರವೃತ-ತಾಣ್ಡವ-ಪ್ರಕಾಣ್ಡ-ಪಣ್ಡಿತೀಕೃತೇಶ್ವರಾಮ್ .. ೪..

ಅಪೀಹ ಪಾಮರಂ ವಿಧಾಯ ಚಾಮರಂ ತಥಾಽಮರಂ
ನುಪಾಮರಂ ಪರೇಶಿದೃಗ್-ವಿಭಾವಿತಾ-ವಿತತ್ರಿಕೇ .
ಪ್ರವರ್ತತೇ ಪ್ರತೋಷ-ರೋಷ-ಖೇಲನ ತವ ಸ್ವದೋಷ-
ಮೋಷಹೇತವೇ ಸಮೃದ್ಧಿಮೇಲನಂ ಪದನ್ನುಮಃ .. ೫..

ಭಭೂವ್-ಭಭವ್-ಭಭವ್-ಭಭಾಭಿತೋ-ವಿಭಾಸಿ ಭಾಸ್ವರ-
ಪ್ರಭಾಭರ-ಪ್ರಭಾಸಿತಾಗ-ಗಹ್ವರಾಧಿಭಾಸಿನೀಮ್ .
ಮಿಲತ್ತರ-ಜ್ವಲತ್ತರೋದ್ವಲತ್ತರ-ಕ್ಷಪಾಕರ
ಪ್ರಮೂತ-ಭಾಭರ-ಪ್ರಭಾಸಿ-ಭಾಲಪಟ್ಟಿಕಾಂ ಭಜೇ .. ೬..

ಕಪೋತಕಮ್ಬು-ಕಾಮ್ಯಕಣ್ಠ-ಕಣ್ಠಯಕಂಕಣಾಂಗದಾ-
ದಿಕಾನ್ತ-ಕಾಶ್ಚಿಕಾಶ್ಚಿತಾಂ ಕಪಾಲಿಕಾಮಿನೀಮಹಮ್ .
ವರಾಂಘ್ರಿನೂಪುರಧ್ವನಿ-ಪ್ರವೃತ್ತಿಸಮ್ಭವದ್ ವಿಶೇಷ-
ಕಾವ್ಯಕಲ್ಪಕೌಶಲಾಂ ಕಪಾಲಕುಣ್ಡಲಾಂ ಭಜೇ .. ೭..

ಭವಾಭಯ-ಪ್ರಭಾವಿತದ್ಭವೋತ್ತರಪ್ರಭಾವಿ ಭವ್ಯ
ಭೂಮಿಭೂತಿಭಾವನ ಪ್ರಭೂತಿಭಾವುಕಂ ಭವೇ .
ಭವಾನಿ ನೇತಿ ತೇ ಭವಾನಿ! ಪಾದಪಂಕಜಂ ಭಜೇ
ಭವನ್ತಿ ತತ್ರ ಶತ್ರುವೋ ನ ಯತ್ರ ತದ್ವಿಭಾವನಮ್ .. ೮..

ದುರ್ಗಾಗ್ರತೋಽತಿಗರಿಮಪ್ರಭವಾಂ ಭವಾನ್ಯಾ
ಭವ್ಯಾಮಿಮಾಂ ಸ್ತುತಿಮುಮಾಪತಿನಾ ಪ್ರಣೀತಾಮ್ .
ಯಃ ಶ್ರಾವಯೇತ್ ಸಪುರೂಹೂತಪುರಾಧಿಪತ್ಯ
ಭಾಗ್ಯಂ ಲಭೇತ ರಿಪವಶ್ಚ ತೃಣಾನಿ ತಸ್ಯ .. ೯..

ರಾಮಾಷ್ಟಾಂಕ ಶಶಾಂಕೇಽಬ್ದೇಽಷ್ಟಮ್ಯಾಂ ಶುಕ್ಲಾಶ್ವಿನೇ ಗುರೌ .
ಶಾಕ್ತಶ್ರೀಜಗದಾನನ್ದಶರ್ಮಣ್ಯುಪಹೃತಾ ಸ್ತುತಿಃ .. ೧೦..