Atha shod'asho'dhyaayah'
Shreebhagavaanuvaacha
Abhayam' sattvasam'shuddhirjnyaanayogavyavasthitih'.
Daanam' damashcha yajnyashcha svaadhyaayastapa aarjavam..1..
Ahim'saa satyamakrodhastyaagah' shaantirapaishunam.
Dayaa bhooteshvaloluptvam' maardavam' hreerachaapalam..2..
Tejah' kshamaa dhri'tih' shauchamadroho naatimaanitaa.
Bhavanti sampadam' daiveemabhijaatasya bhaarata..3..
Dambho darpo'bhimaanashcha krodhah' paarushyameva cha.
Ajnyaanam' chaabhijaatasya paartha sampadamaasureem..4..
Daivee sampadvimokshaaya nibandhaaya''suree mataa.
Maa shuchah' sampadam' daiveemabhijaato'si paand'ava..5..
Dvau bhootasargau loke'smin daiva aasura eva cha.
Daivo vistarashah' prokta aasuram' paartha me shri'nu..6..
Pravri'ttim' cha nivri'ttim' cha janaa na viduraasuraah'.
Na shaucham' naapi cha''chaaro na satyam' teshu vidyate..7..
Asatyamapratisht'ham' te jagadaahuraneeshvaram.
Aparasparasambhootam' kimanyat kaamahaitukam..8..
Etaam' dri'sht'imavasht'abhya nasht'aatmaano'lpabuddhayah'.
Prabhavantyugrakarmaanah' kshayaaya jagato'hitaah'..9..
Kaamamaashritya dushpooram' dambhamaanamadaanvitaah'.
Mohaadgri'heetvaa'sadgraahaan pravartante'shuchivrataah'..10..
Chintaamaparimeyaam' cha pralayaantaamupaashritaah'.
Kaamopabhogaparamaa etaavaditi nishchitaah'..11..
Aashaapaashashatairbaddhaah' kaamakrodhaparaayanaah'.
Eehante kaamabhogaartham anyaayenaarthasanchayaan..12..
Idamadya mayaa labdhamimam' praapsye manoratham.
Idamasteedamapi me bhavishyati punardhanam..13..
Asau mayaa hatah' shatrurhanishye chaaparaanapi.
Eeshvaro'hamaham' bhogee siddho'ham' balavaan sukhee..14..
Aad'hyo'bhijanavaanasmi ko'nyosti sadri'sho mayaa.
Yakshye daasyaami modishya ityajnyaanavimohitaah'..15..
Anekachittavibhraantaa mohajaalasamaavri'taah'.
Prasaktaah' kaamabhogeshu patanti narake'shuchau..16..
Aatmasambhaavitaah' stabdhaa dhanamaanamadaanvitaah'.
Yajante naamayajnyaiste dambhenaavidhipoorvakam..17..
Ahankaaram' balam' darpam' kaamam' krodham' cha sam'shritaah'.
Maamaatmaparadeheshu pradvishanto'bhyasooyakaah'..18..
Taanaham' dvishatah' krooraan sam'saareshu naraadhamaan.
Kshipaamyajasramashubhaan aasureeshveva yonishu..19..
Aasureem' yonimaapannaa mood'haa janmani janmani.
Maamapraapyaiva kaunteya tato yaantyadhamaam' gatim..20..
Trividham' narakasyedam' dvaaram' naashanamaatmanah'.
Kaamah' krodhastathaa lobhastasmaadetattrayam' tyajet..21..
Etairvimuktah' kaunteya tamodvaaraistribhirnarah'.
Aacharatyaatmanah' shreyastato yaati paraam' gatim..22..
Yah' shaastravidhimutsri'jya vartate kaamakaaratah'.
Na sa siddhimavaapnoti na sukham' na paraam' gatim..23..
Tasmaachchhaastram' pramaanam' te kaaryaakaaryavyavasthitau.
Jnyaatvaa shaastravidhaanoktam' karma kartumihaarhasi..24..
.. Om' tatsaditi shreemadbhagavadgeetaasoopanishatsu brahmavidyaayaam' yogashaastre shreekri'shnaarjunasam'vaade daivaasurasampadvibhaagayogo naama shod'asho'dhyaayah' ..