ಸ್ವಸ್ತಿವಾಚನಮ್

ಶ್ರೀ ಗಣೇಶಾಯ ನಮಃ ..

ಆ ನೋ᳚ ಭ॒ದ್ರಾಃ ಕ್ರತ॑ವೋ ಯನ್ತು ವಿ॒ಶ್ವತೋಽದ॑ಬ್ಧಾಸೋ॒ ಅಪ॑ರೀತಾಸ ಉ॒ದ್ಭಿದಃ॑ .
ದೇ॒ವಾ ನೋ॒ ಯಥಾ॒ ಸದ॒ಮಿದ್ ವೃ॒ಧೇ ಅಸ॒ನ್ನಪ್ರಾ᳚ಯುವೋ ರಕ್ಷಿ॒ತಾರೋ᳚ ದಿ॒ವೇದಿ॑ವೇ ..

ದೇ॒ವಾನಾಂ᳚ ಭ॒ದ್ರಾ ಸು॑ಮ॒ತಿರೃ॑ಜೂಯ॒ತಾಂ ದೇ॒ವಾನಾಂ᳚ ರಾ॒ತಿರ॒ಭಿ ನೋ॒ ನಿ ವ॑ರ್ತತಾಮ್ .
ದೇ॒ವಾನಾಂ᳚ ಸ॒ಖ್ಯಮುಪ॑ ಸೇದಿಮಾ ವ॒ಯಂ ದೇ॒ವಾ ನ॒ ಆಯುಃ॒ ಪ್ರತಿ॑ರನ್ತು ಜೀ॒ವಸೇ॑ ..

ತಾನ್ಪೂರ್ವ॑ಯಾ ನಿ॒ವಿದಾ᳚ ಹೂಮಹೇ ವ॒ಯಂ ಭಗಂ᳚ ಮಿ॒ತ್ರಮದಿ॑ತಿಂ॒ ದಕ್ಷ॑ಮ॒ಸ್ರಿಧ᳚ಮ್ .
ಅ॒ರ್ಯ॒ಮಣಂ॒ ವರು॑ಣಂ॒ ಸೋಮ॑ಮ॒ಶ್ವಿನಾ॒ ಸರ॑ಸ್ವತೀ ನಃ ಸು॒ಭಗಾ॒ ಮಯ॑ಸ್ಕರತ್ ..

ತನ್ನೋ॒ ವಾತೋ᳚ ಮಯೋ॒ಭುವಾ᳚ತು ಭೇಷ॒ಜಂ ತನ್ಮಾ॒ತಾ ಪೃ॑ಥಿ॒ವೀ ತತ್ಪಿ॒ತಾ ದ್ಯೌಃ .
ತದ್ ಗ್ರಾವಾ᳚ಣಃ ಸೋಮ॒ಸುತೋ᳚ ಮಯೋ॒ಭುವ॒ಸ್ತದ॑ಶ್ವಿನಾ ಶೃಣುತಂ ಧಿಷ್ಣ್ಯಾ ಯು॒ವಮ್ ..

ತಮೀಶಾ᳚ನಂ॒ ಜಗ॑ತಸ್ತ॒ಸ್ಥುಷ॒ಸ್ಪತಿಂ᳚ ಧಿಯಂಜಿ॒ನ್ವಮವ॑ಸೇ ಹೂಮಹೇ ವ॒ಯಮ್ .
ಪೂ॒ಷಾ ನೋ॒ ಯಥಾ॒ ವೇದ॑ಸಾ॒ಮಸ॑ದ್ವೃ॒ಧೇ ರ॑ಕ್ಷಿ॒ತಾ ಪಾ॒ಯುರದ॑ಬ್ಧಃ ಸ್ವ॒ಸ್ತಯೇ᳚ ..

ಸ್ವ॒ಸ್ತಿ ನ॒ ಇನ್ದ್ರೋ᳚ ವೃ॒ದ್ಧಶ್ರ॑ವಾಃ ಸ್ವ॒ಸ್ತಿ ನಃ॑ ಪೂ॒ಷಾ ವಿ॒ಶ್ವವೇ᳚ದಾಃ .
ಸ್ವ॒ಸ್ತಿ ನ॒ಸ್ತಾರ್ಕ್ಷ್ಯೋ॒ ಅರಿ॑ಷ್ಟನೇಮಿಃ ಸ್ವ॒ಸ್ತಿ ನೋ॒ ಬೃಹ॒ಸ್ಪತಿ॑ರ್ದಧಾತು ..

ಪೃಷ॑ದಶ್ವಾ ಮ॒ರುತಃ॒ ಪೃಶ್ನಿ॑ಮಾತರಃ ಶುಭಂ॒ಯಾವಾ᳚ನೋ ವಿ॒ದಥೇ᳚ಷು॒ ಜಗ್ಮ॑ಯಃ .
ಅ॒ಗ್ನಿ॒ಜಿ॒ಹ್ವಾ ಮನ॑ವಃ॒ ಸೂರ॑ಚಕ್ಷಸೋ॒ ವಿಶ್ವೇ᳚ ನೋ ದೇ॒ವಾ ಅವ॒ಸಾ ಗ॑ಮನ್ನಿ॒ಹ ..

ಭ॒ದ್ರಂ ಕರ್ಣೇ᳚ಭಿಃ ಶೃಣುಯಾಮ ದೇವಾ ಭ॒ದ್ರಂ ಪ॑ಶ್ಯೇಮಾ॒ಕ್ಷಭಿ॑ರ್ಯಜತ್ರಾಃ .
ಸ್ಥಿ॒ರೈರಙ್ಗೈ᳚ಸ್ತುಷ್ಟು॒ವಾಂಸ॑ಸ್ತ॒ನೂಭಿ॒ರ್ವ್ಯ॑ಶೇಮ ದೇ॒ವಹಿ॑ತಂ॒ ಯದಾಯುಃ॑ ..

ಶ॒ತಮಿನ್ನು ಶ॒ರದೋ॒ ಅನ್ತಿ॑ ದೇವಾ॒ ಯತ್ರಾ᳚ ನಶ್ಚ॒ಕ್ರಾ ಜ॒ರಸಂ᳚ ತ॒ನೂನಾ᳚ಮ್ .
ಪು॒ತ್ರಾಸೋ॒ ಯತ್ರ॑ ಪಿ॒ತರೋ॒ ಭವ᳚ನ್ತಿ॒ ಮಾ ನೋ᳚ ಮ॒ಧ್ಯಾ ರೀ᳚ರಿಷ॒ತಾಯು॒ರ್ಗನ್ತೋಃ᳚ ..

ಅದಿ॑ತಿ॒ರ್ದ್ಯೌರದಿ॑ತಿರ॒ನ್ತರಿ॑ಕ್ಷ॒ಮದಿ॑ತಿರ್ಮಾ॒ತಾ ಸ ಪಿ॒ತಾ ಸ ಪು॒ತ್ರಃ .
ವಿಶ್ವೇ᳚ ದೇ॒ವಾ ಅದಿ॑ತಿಃ॒ ಪಞ್ಚ॒ ಜನಾ॒ ಅದಿ॑ತಿರ್ಜಾ॒ತಮದಿ॑ತಿ॒ರ್ಜನಿ॑ತ್ವಮ್ .. (ಶುಕ್ಲ ಯಜುರ್ವೇದ ೨೫ . ೧೪-೨೩)

ದ್ಯೌಃ ಶಾನ್ತಿ॑ರ॒ನ್ತರಿ॑ಕ್ಷ॒ꣳ ಶಾನ್ತಿಃ॑ ಪೃಥಿ॒ವೀ ಶಾನ್ತಿ॒ರಾಪಃ॒ ಶಾನ್ತಿ॒ರೋಷ॑ಧಯಃ॒ ಶಾನ್ತಿಃ॑ .
ವನ॒ಸ್ಪತ॑ಯಃ॒ ಶಾನ್ತಿ॒ರ್ವಿಶ್ವೇ᳚ದೇ॒ವಾಃ ಶಾನ್ತಿ॒ರ್ಬ್ರಹ್ಮ॒ ಶಾನ್ತಿಃ॒ ಸರ್ವ॒ꣳ ಶಾನ್ತಿಃ॒ ಶಾನ್ತಿ॑ರೇ॒ವ ಶಾನ್ತಿಃ॒ ಸಾ ಮಾ॒ ಶಾನ್ತಿ॑ರೇಧಿ .. (ಶುಕ್ಲ ಯಜುರ್ವೇದ ೩೬ . ೧೭)
ಯತೋ᳚ಯತಃ ಸ॒ಮೀಹ॑ಸೇ॒ ತತೋ᳚ ನೋ॒ಽಭ॑ಯಙ್ಕುರು .
ಶನ್ನಃ॑ ಕುರುಪ್ರ॒ಜಾಭ್ಯೋಽಭ॑ಯನ್ನಃ ಪ॒ಶುಭ್ಯಃ॑ .. ಸುಶಾನ್ತಿರ್ಭವತು .. (ಶುಕ್ಲ ಯಜುರ್ವೇದ ೩೬ . ೨೨)
ಗಣಾನಾಂ᳚ ತ್ವಾ ಗ॒ಣಪ॑ತಿꣳ ಹವಾಮಹೇ ಪ್ರಿ॒ಯಾಣಾಂ᳚ ತ್ವಾ ಪ್ರಿ॒ಯಪ॑ತಿꣳ ಹವಾಮಹೇ ನಿಧಿ॒ನಾನ್ತವಾ᳚ನಿಧಿ॒ಪತಿ॑ꣳ ಹವಾಮಹೇ ವಸೋಮಮ .
ಆಹಮ॑ಜಾನಿಗರ್ಭ॒ಧಮಾತ್ವಮ॑ಜಾಸಿಗರ್ಭ॒ಧಮ್ ..

ಅಮ್ಬೇ॒ಽಮ್ಬಿ॒ಕೇಽಮ್ಬಾ᳚ಲಿಕೇ॒ನಮಾ᳚ನಯತಿ॒ಕಶ್ಚ॒ನ .
ಸಸ॑ಸ್ತ್ಯಶ್ವ॒ಕಃ ಸುಭ॑ದ್ರಿಕಾಙ್ಕಾಮ್ಪೀಲವಾ॒ಸಿನೀ᳚ಮ್ ..