Sanaatana deva

.. Visheshamantrapushpaanjali : ..

stotra-d5532d48

Composer: Paaramparika Reads: 3

Select Script / Language: देवनागरी (संस्कृत) English (Roman) தமிழ் తెలుగు ಕನ್ನಡ ગુજરાતી বাংলা

हरि: ॐ अग्निमीले पुरोहितं यज्ञस्य देवमृत्विजं होतारं रत्नधातमम् ॥ ( ऋग्वेद )

हरि: ॐ इषे त्वोर्जे त्वा वायव स्थोपायव स्थ देवो वः सविता प्रार्पयतु श्रेष्ठतमाय कर्मणे । आप्यायध्वम् अध्न्या इन्द्राय भागं प्रजावतीरनमीवा अयक्ष्माः मा व स्तेन ईशत माघशम्̇ सः । सो ध्रुवा अस्मिन् गोपतौ स्यात बह्वीः यजमानस्य पशून् पाहि ।। ( यजुर्वेद )

हरि: ॐ अग्न आयाहि वीतये गृह्णानो हव्यदातये, निहोता सत्सि वर्हिषि । (सामवेद)

हरि: ॐ शन्नो देवीरभिष्टये आपो भवन्तु पीतये शंयोर भिस्श्रवन्तु नः। (अथर्ववेद)

ओमित्यग्रे व्याहरेत्, नम इति पश्चात्, नारायणायेत्युपरिष्टात्, ॐ इत्येकाक्षरं, नम इति द्वे अक्षरे, नारायणायेति पञ्चाक्षराणि, एतद्वै नारायणस्याष्टाक्षरं पदं, यो ह वै नारायणस्याष्टाक्षरं पदमध्येति, अनपब्रुव: सर्वमायुरेति, विन्दते प्राजापत्यं रायस्पोष गोपत्यं ततोऽमृतत्वमश्नुते इति, य एवं वेद, इत्युपनिषत् ।(सा.वे. शिरसि नारायणोपनिषत् )

अथात: समयाचारिकान् धर्मान् व्याख्यास्यामः । धर्मज्ञसमयः । प्रमाणं वेदाश्च । चत्वारो वर्णा: ब्राह्मण-क्षत्रीय-वैश्य-शूद्रास्तेषां पूर्व: पूर्वो जन्मत: श्रेयान् (धर्मसूत्र)

अथ कर्माण्याचाराद्यानि गृह्यन्ते । उदगयनपूर्वपक्षाहपुण्याहेषु कार्याणि यज्ञोपवीतिना प्रदक्षिणम् । (गृहसूत्रम्)

अथातो धर्मजिज्ञासा । अथातो ब्रह्मजिज्ञासा।('जै.व्या.' सूत्र पू.उ. मीमांसा)

नमस्तस्मै वराहाय लीलयोद्धरते महीम् ।

खुरमध्यगतो यस्य मेरु: कनकणायते ॥( वराहपुराण )

इच्छामो हि महाबाहुं रघुवीरं महाबलम् ।

गजेन महतायान्तं रामं छत्रावृताननम् ॥२॥

तं दृष्ट्वा शत्रुहन्तारं महर्षीणां सुखावहम् ।

बभूव हृष्टा वैदेही भर्तारं परिषस्वजे ॥(वा . रामायण )

तमद्भुतं बालकमम्बुजेक्षणं चतुर्भुजं शङ्खगदाधुदायुधम् ।

श्रीवत्सलक्ष्मं गलशोभि-कौस्तुभं पीताम्बरं सान्द्रपयोदसौभगम्

महार्हवैडुर्यकिरीटकुण्डलत्विषा परिष्वक्तसहस्रकुन्तलम् ।

उद्दामकांच्यंगदकङ्कणादिभिर्विरोचमानं वसुदेव ऐक्षत ॥५॥

तासामाविरभूच्छौरि: स्मयमानमुखम्बुजः।

जमाल पीताम्बरधरः स्रग्वी साक्षान्मन्मथमन्मथ: ॥

(श्रीमद्भागवत)

एष नारायण: श्रीमान् क्षीरार्णवनिकेतनः ।

नागपर्यंकमुत्सृज्य ह्यागतो मथुरां पुरीम् ॥७॥

अहो वीर्यमहो शौर्यमहो बाहुपराक्रमम् ।

नारसिंहं परं दैवमहो बलमहो बलम् ॥८॥

वैकुण्ठे तु परे लोके श्रिया सार्द्ध जगत्पति: ।

आस्ते विष्णुरचिन्त्यात्मा भक्तैर्भागवतै: सह ॥९॥

मायावी परमानन्दं त्यक्त्वा वैकुण्ठमुत्तमम् ।

स्वामिपुष्करिणीतीरे रमया सह मोदते ॥१०॥

मुक्तिदश्च मुमुक्षूणां सर्वेषां सर्वकामदः ।

क्रीडार्थं लोकरक्षार्थं वसाम्यत्र श्रिया सह ॥११॥

वेङ्कटाद्रिसमं स्थानं ब्रह्माण्डे नास्ति किंचन ।

वेङ्कटेशसमो देवो न भूतो न भविष्यति ।१२॥

(वेङ्कटेश माहात्म्य)

वपापरिमलोल्लासवासिताधरपल्लवम्

मुखं वरदराजस्य मुग्धस्मितमुपास्महे ॥१॥

(श्रीहस्तिगिरि माहात्म्य)

फाल्गुने मासि पूर्णायामुत्तरद्धेन्दुवासरे।

गोविन्दराजो भगवान् प्रादुरासीन्महामुनिः ॥१४॥

कदा पुनः शंखरथाङ्गकल्पक -

ध्वजारविन्दाङ्कुशवज्रलाञ्छनम् ।

त्रिविक्रम ! त्वच्चरणाम्बुजद्वयं मदीयमूर्धानमलङ्करिष्यति ॥१५॥ (स्तोत्ररत्नम् )

कस्तूरी कलितोर्ध्वपुण्ड्रतिलकं कर्णान्तलोलेक्षणं

मुग्धस्मेरमनोहराधरदलं मुक्ताकिरीटोज्ज्वलम् ।

पश्यन्मानसपश्यतोहररुचिं पर्यायपङ्केरुहं

श्रीरङ्गाधिपते: कदा नु वदनं सेवेय भूयोऽप्यहम् ॥१६॥

(श्रीरङ्गनाथ स्तोत्रम्)

अखिलभुवनजन्मस्थेमभङ्गादिलीले

विनतविविधभूतवातरक्षैकदीक्षे।

श्रुतिशिरसि विदीप्ते ब्रह्मणि श्रीनिवासे,

भवतु मम परस्मिन् शेमुषी भक्तिरूपा ॥१७॥

पाराशर्यवचस्स धामपनिषदुग्धाब्धिमध्योद्धृतां

संसाराग्निविदीपनव्यपगतप्राणात्मसञ्जीवनीम् ।

पूर्वाचार्यसुरक्षिता बहुमतिव्याघातदूरस्थितां

आनीतान्तु निजाक्षरैस्सुमनसो भौमा: पिवन्त्वन्वहम् ॥१८॥ (श्रीभाष्य)

पितेव त्वत्प्रेयान् जननि परिपूर्णागसि जने

हितस्रोतोवृत्त्या भवति च कदाचित् कलुषधीः ।

किमेतन्निर्दोषः क इह जगतीति त्वमुचितै:

उपायैर्विस्मार्य स्वजनयसि माता तदसि नः ॥१९॥

(श्रीगुणरत्नकोश:)

जयति सकलविद्यावाहिनीजन्मशैल:

जनिपथपरिवृत्तिश्रान्तविश्रान्तिशाखी ।

निखिलकुमतिमायाशर्वरीवालसूर्य:

निगमजलधिवेलापूर्णचन्द्रो यतीन्द्रः ॥२०॥

(य. सप्तति)

नम: प्रणवशोभितं नवकषायखण्डाम्बरं

त्रिदण्डपरिमण्डितं त्रिविधतत्त्वनिर्वाहकम् ।

दयांचितदृगंचलं दलितवादिवाग्वैभवं

शमादिगुणसागरं शरणमेमि रामानुजम् ॥२१॥

(मुक्तकम्)

गृहाप उपवीतिनमूर्ध्वपुण्ड्रवन्तं

त्रिजगत्पुण्यफलं त्रिदण्डहस्तम् ।

शरणागतसार्थवाहमीडे शिखया

शेखरिणं पतिं यतीनाम् ॥२२॥

सुशङ्खचक्रलाञ्छनस्सदूर्ध्वपुण्ड्रमण्डित -

सुकण्ठलग्नसत्तुलस्यनर्घपद्यमालिका।

सितान्तरीसोत्तरीय यज्ञसूत्रशोभितो

ममाविरस्तुमानसेगुरूस्तु वेङ्कटेश्वरः ॥२३॥

नमज्जनस्य चित्त भित्ति भक्ति-चित्र-तूलिका

भवाहिवीर्यभञ्जने नरेन्द्रमन्त्रयन्त्रणा।

प्रपन्नलोककैरवप्रसन्नचारुचन्द्रिका

शठारिहस्तमुद्रिका हठात् धुनातु व तम: ॥२४॥

(वकुलाभरणाष्टक )

भरताय परं नमोऽस्तु तस्मै

प्रथमोदाहरणाय भक्तिभाजाम् ।

यदपज्ञमशेषत: पृथिव्यां प्रथितो

राघवपादुकाप्रभाव: ॥२५॥

(पादुकासहस्रम्)

नाहं विप्रो न च नरपतिर्नैव वैश्या न शूद्रो

नो वा वर्णी न च गृहपतिर्नो वनस्थो यतिर्वा ।

किन्तु प्रोद्यन्निखिलपरमानन्दपूर्णामृताब्धे

लक्ष्मीभर्तुःपदकमलयोर्दासदासानुदासः ॥२६॥

श्रीनगर्यां महापूर्यां ताम्रपर्युत्तरेतटे ।

श्रीतिंत्रिणीमूलधाम्ने शठकोपाय मङ्गलम् ॥२७॥

(मङ्गलाष्टकम्)

सुगन्धवल्ली शतपत्रजाती सुवर्णचम्पावकुलोद्भवानि ।

गृहाण देवेश मयार्पितानि प्रभो ! हरे ! श्रीतुलसीदलानि ॥

॥ इति विशेष मन्त्रपुष्पाञ्जलि : ॥