.. ಶ್ರೀವರವರಮುನಿಪ್ರಪತ್ತಿಃ ..

लोकार्यदेशिकदयागुणपात्रभूत श्रीशैलनाथगुरुपादसरोजसंगात् । प्राप्तात्मसद्गुणशमादिविशिष्टरम्य जामातृयोगिचरणौ शरणं प्रपद्ये॥ १॥

श्रीलक्ष्मणार्यमुनिपादसरोजयुग्मं श्रीमाधवांघ्रिवरलाभनिमित्तमासीत्। यस्येहतादृगभिमानविदीशरम्य जामातृयोगिचरणौ शरणं प्रपद्ये ॥ २॥

भट्टार्ययोगिप्रतिवादिभयंकरार्य- वानाद्रि संयमिमुखाश्रितपादपदम। यस्तादृगार्य्यवरसादरपूज्यरम्य जामातृयोगिचरणौ शरणं प्रपद्ये ॥ ३॥

श्रीरंगदिव्यपुरमंगलनित्यवास - संजातहर्षगुणसंपदयागमेन। संत्यक्तविष्णुपद सूरिजनादिरम्य जामातृयोगिचरणौ शरणं प्रपद्ये ॥ ४॥

शेषोथ वा गरुडसैन्यधुरीणको वा श्रीनाथयोगियतिनाथकयामुनो वा। इत्यायसंततिविचिंतितरुप रम्य जामातृयोगिचरणौ शरणं प्रपद्ये ॥ ५॥

यः श्रीशठारिनिगमांतनिगूढभाव- मत्यादरेण निजशिष्यवरैः समेतः। व्याख्याति तादृगमितापि न सूक्तिरम्य जामातृयोगिचरणौशरणं प्रपद्ये ॥ ६ ॥

प्रातर्विकस्तऋजुपंकजतुल्यशोभौ श्रीपादयुग्मजकिंजलकेन युक्तौ। प्रत्यर्थिचित्तपरितापहरौ तु रम्य जामातृयोगिचरणौ शरणं प्रपद्ये ॥ ७॥

पूर्वंशठारिगुरुदिव्य पुरे वसंतौ पश्चात्प्रकृष्टगुणरंगकृताधिवासौ। आत्मीयसंचरणपूतभुवौ तु रम्य जामातृयोगिचरणौ शरणं प्रपद्ये ॥ ८॥

जन्मान्तरोपचितपुण्यचयै कलाभौ सन्मंगलातिशयनित्यनिदानभूतौ । सत्पुंगवादरितसंगवरौ तु रम्य जामातृयोगिचरणौ शरणं प्रपद्ये॥ ६॥

यन्निष्ठपावनपयः कणवातलेश- मनिष्ठपापशततूल इवाग्निकल्प। तौ पुष्टशिष्टजनचित्तकृतौ तु रम्य जामातृयोगिचरणौ शरणं प्रपद्ये॥ १०॥

॥ इति श्रीवरवरमुनिप्रपत्तिः  ॥