श्रीगणेशाष्टकम्
गिरिस्वामिकन्यावराङ्गे वसन्तं
सुरस्वामिनं केलिरूपं हसन्तम् ।
लघुस्थूलविघ्नं विनिनन्तमाओं
सदानन्दरूपं गणेशं भजेऽहम् ॥ १॥
अजं तुन्दिलं व्योमधर्मोपमेयं
भृशं दन्तपाणिं सुजातैकदन्तम् ।
गले हास्तिकं नागयज्ञोपवीतं
सदानन्दरूपं गणेशं भजेऽहम् ॥ २॥
विभुं निर्मलं शर्वपुत्रं सुरेशं (गौरिपुत्रं)
शिवं शूलिवत्रा गणेशानमीशम् ।
कणत्किङ्किणीनालपादौ वहन्तं
सदानन्दरूपं गणेशं भजेऽहम् ॥ ३॥
दौर्वेष्टितं विघ्नविध्वंसुवर्गैः
सुरैर्मण्डितैर्यज्ञयज्ञोत्तमाङ्गम् ।
गुणातीतमव्यक्तमेकं तुरीयं
सदानन्दरूपं गणेशं भजेऽहम ॥ ४॥
नरं सिन्धुरं पञ्चवक्त्रं विचित्रं
वयोयोगिनं भोगनाथं महेशम् ।
करं कारिणं कामिनं नागरूपं
सदानन्दरूपं गणेशं भजेऽहम् ॥ ५॥
मुदा हायनं लोककर्तारमाद्यं (लोकस्रष्टारमाद्यं)
लसत्केतुना बद्धहस्तैकपोतम् ।
सदोमालिनं देवलोकैकपूतं
सदानन्दरूपं गणेशं भजेऽहम् ॥ ६॥
जगत्कारणं तर्कवेदान्तवेद्यं
मुदा योगगम्यं विशुद्धाट्टहासम् ।
शरण्यं वरेण्यं विशुद्धं तमाचं
सदानन्दरूपं गणेशं भजेऽहम् ॥ ७॥
प्रियासिद्धिभाजे धिया वामभागे
लसन्माद्विकावामदेवं त्रिणेत्रम् ।
अमोघं सुरेशं महेशानमीशं
सदानन्दरूपं गणेशं भजेऽहम् ॥ ८॥
॥ इति श्रीगणेशाष्टकं सम्पूर्णम् ॥