Sanaatana deva

.. Shreekri'shnajanmastutih' ..

stotra-9a6fee33

Composer: Paaramparika Reads: 2

Select Script / Language: देवनागरी (संस्कृत) English (Roman) தமிழ் తెలుగు ಕನ್ನಡ ગુજરાતી বাংলা

रूपं यत्तत्प्राहुरव्यक्तमाद्यं

ब्रह्मज्योतिर्निर्गुणं निर्विकारम् ।

सत्तामात्रं निर्विशेषं निरीहं

स त्वं साक्षाद्विष्णुरध्यात्मदीपः ॥ १॥

नष्टे लोके द्विपरार्धावसाने

महाभूतेष्वादिभूतं गतेषु ।

व्यक्तेऽव्यक्तं कालवेगेन याते

भवानेकः शिष्यते शेषसंज्ञः ॥ २॥

योऽयं कालस्तस्य तेऽव्यक्तबन्धो-

श्चेष्टामाहुश्चेष्टते येन विश्वम् ।

निमेषादिर्वत्सरान्तो महीयां

स्तं त्वीशानं क्षेमधाम प्रपद्ये ॥ ३॥

मर्त्यो मृत्युव्यालभीतः पलायन् -

सर्वांल्लोकान्निर्वृतिं नाध्यगच्छत् ।

त्वत्पादाब्जं पाप्य यदृच्छयाद्य

स्वस्थः शेते मृत्युरस्मादपैति ॥ ४॥

॥ इति श्रीमद्भागवते दशमस्कन्धे तृतीयाध्यायान्तर्गता देवकीकृता स्तुतिः समाप्ता ॥