epustakalaya.com

Sanaatana deva

Aachaaryavaibhavam

stotra-774c7568

Composer: Paaramparika Reads: 9

Select Script / Language: देवनागरी (संस्कृत)

आचार्यवैभवम्

परं ब्रह्मैवाज्ञं भ्रमपरिगतं संसरति तत्

परोपाध्यालीढं विवशमशुभस्यास्पदमिति । |

श्रुतिन्यायापेतं जगति विततं मोहनमिदं

तमो येनापास्तं स हि विजयते यामुनमुनिः ॥ १ ॥

यत्पदाम्भोरुहध्यानविध्वस्ताशेषकल्मषः ।

वस्तुतामुपयातोऽहं यामुनेयं नमामि तम् ॥ २ ॥

तस्मै रामानुजार्याय नमः परमयोगिने ।

यः श्रुतिस्मृतिसूत्राणामन्तर्ज्वरमशीशमत् ॥३॥

श्रीरङ्गगलमहोत्सववर्धनाय

वेदान्तपान्थपरमार्थसमर्थनाय

कैङ्कर्यलक्षणविलक्षणमोक्षलक्ष्म्यै

रामानुजो विजयते यतिराजराजः ॥४ ॥

श्रीमान् वेङ्कटनाथार्यकवितार्किककेसरी ।

वेदान्ताचार्यवर्यो मे सन्निधत्तां सदा हृदि ॥ ५ ॥

कवितार्किक सिंहाय कल्याणगुणशालिने ।

श्रीमते वेङ्कटेशाय वेदान्तगुरवे नमः ॥६॥

आचार्यवैभवम्