॥ शारदाभुजङ्गप्रयाताष्टकम् ॥

॥ शारदाभुजङ्गप्रयाताष्टकम् ॥

सुवक्षोजकुम्भां सुधापूर्णकुम्भाम् प्रसादावलम्बां प्रपुण्यावलम्बाम्। सदास्येन्दुबिम्बां सदानोष्ठबिम्बाम् भजे शारदाम्बामजस्रं मदम्बाम्॥१॥

कटाक्षे दयार्द्रो करे ज्ञानमुद्राम् कलाभिर्विनिद्रां कलापैः सुभद्राम्। पुरस्त्रीं विनिद्रां पुरस्तुङ्गभद्राम् भजे शारदाम्बामजस्रं मदम्बाम्॥२॥

ललामाङ्कफालां लसद्गानलोलाम् स्वभक्तैकपालां यशःश्रीकपोलाम्। करे त्वक्षमालां कनत्प्रत्नलोलाम् भजे शारदाम्बामजस्रं मदम्बाम्॥३॥

सुसीमन्तवेणीं दृशा निर्जितैणीम् रमत्कीरवाणीं नमद्वज्रपाणीम्। सुधामन्थरास्यां मुदा चिन्त्यवेणीम् भजे शारदाम्बामजस्रं मदम्बाम्॥४॥

सुशान्तां सुदेहां दृगन्ते कचान्ताम् लसत्सल्लताङ्गीमनन्तामचिन्त्याम्। स्मरेत्तापसैः सङ्गपूर्वस्थितां ताम् भजे शारदाम्बामजस्रं मदम्बाम्॥५॥

कुरङ्गे तुरङ्गे मृगेन्द्रे खगेन्द्रे मराले मदेभे महोक्षेऽधिरूढाम्। महत्यां नवम्यां सदा सामरूपाम् भजे शारदाम्बामजस्रं मदम्बाम्॥६॥

ज्वलत्कान्तिवह्निं जगन्मोहनाङ्गीम् भजे मानसाम्भोजसुभ्रान्तभृङ्गीम्। निजस्तोत्रसङ्गीतनृत्यप्रभाङ्गीम् भजे शारदाम्बामजस्रं मदम्बाम्॥७॥

भवाम्भोजनेत्राजसम्पूज्यमानाम् लसन्मन्दहासप्रभावक्त्रचिह्नाम्। चलच्चञ्चलाचारुताटङ्ककर्णो - भजे शारदाम्बामजस्रं मदम्बाम्॥८॥

॥ इति श्रीमच्छङ्कराचार्यविरचितं शारदाभुजङ्गप्रयाताष्टकं सम्पूर्णम् ॥