epustakalaya.com

Sanaatana deva

Mangalageetam

stotra-624522f7

Composer: Paaramparika Reads: 10

Select Script / Language: देवनागरी (संस्कृत)

मंगलगीतम्

श्रितकमला-मुखमण्डल धृतकुण्डल ए ।

कलित-ललित-वनमाला जय जय देव हरे ।।

दिनमणि-मण्डल-मण्डन भवखण्डन ए ।

मुनिजनमानस-हंस जय जय देव हरे ।।

कालिय-विषधर-गञ्जन जनरञ्जन ए ।

यदुकुल नलिन दिनेश जय जय देव हरे ।।

मधुमुर-नरकविनाशन गरुडासन ए ।

सुरकुल-केलिनिदान जय जय देव हरे ।।

अमल-कमल-दललोचन भवमोचन ए ।

त्रिभुवन-भुवननिधान जय जय देव हरे ।।

जनक-सुताकृतभूषण जितदूषण ए ।

समर-शमित-दशकण्ठ जय जय देव हरे ।।

अभिनव-जलधर सुन्दर धृतमन्दर ए ।

श्रीमुख-चन्द्रचकोर जय जय देव हरे ।।

तव चरणं प्रणता वयम् इति भावय ए ।

कुरु कुशलं प्रणतेषु जय जय देव हरे ।।

श्रीजयदेव-कवेरिदं कुरुते मुदम् ए ।

मङ्गलमुज्ज्वल-गीतं जय जय देव हरे ।।

इति श्रीजयदेव कवि विरचितम् मंगलगीतम्