Sanaatana deva

.. Anekavishayamuktashlokaah' ..

stotra-4be019db

Composer: Paaramparika Reads: 9

Select Script / Language: देवनागरी (संस्कृत)

॥ अनेकविषयमुक्तश्लोकाः ॥

यस्य प्रसादकलया बधिरः शृणोति

पंगुः प्रधावति जवेन च वक्ति मूकः ।

अंधः प्रपश्यति सुतं लभते च वंध्या

तं देवमेव वरदं शरणं गतोऽस्मि ।।१ ।।

आशैलादद्रिकन्याचरणकिसलय न्यासधन्योपकण्ठात्

आरक्षोनीतसीतामुखकमल समुल्लासहेतोश्च सेतोः।

आचप्राच्यप्रतीच्य क्षितिधरयुगला च्चन्द्रसूर्यावतंसात्

मीमांसाशास्त्रयुग्म श्रमविमलमना मृग्यतां मादृशोऽन्यः ।।२ ।।

न वयं कवयस्तु केवलं न वयं केवलतन्त्रपारगाः।

अपि तु प्रतिवादिवारण प्रकटाटोपविपाटनक्षमाः।। ३।।

वन्दे गोविन्दतातौ मुनिमथ मनवै लक्ष्मणार्यं महान्तं

ध्यायेयं यामुनार्यं मम हृदि तनवैराममेवाभियायाम्।

पद्माक्षं प्रेक्षिषीय प्रथममपि मुनि नाथ मीडे शठारि

स्तौमि प्रेक्षेय लक्ष्मी शरण मशरण: श्रीधरं संश्रयेयम् ।। ४।।

त्वं मेऽहं मे कुतस्तत् तदपि कुत इदं वेदमूलप्रमाणात्

एत च्चानादिसिद्धादनुभवविभवात् सोऽपि साक्रोश एव ।

क्वाक्रोशः कस्य गीतादिषु मम विदितः कोऽत्र साक्षी सुधीः स्यात्

हन्त! त्वत्पक्षपाती स इति नृकलहे मृग्यमध्यस्थवत्त्वम् ।। ५।।

अविद्यातो देवे परिबृढतया वा विदितया स्वभक्तेः

भूम्ना वा जगति गतिमन्यामविदुषाम् ।

गतिर्गम्यश्चासौ हरि रिति जितन्ताह्वयमनो:

रहस्यं व्याजहे स खलु भगवान् शौनकमुनिः ।।६ ।।

पुरा सूत्रै या॑सः श्रुतिशतशिशेऽर्थं ग्रथितवान्

विववे तं श्राव्यं वकुलधरतामेत्य स पुनः ।

उभावेतौ ग्रंथौ घटयितु मलं युक्तिभि-

रसौ पुनर्जज्ञे रामावरज इति स ब्रह्ममुकुरः।।७ ।।

अर्वांचो यत्पदसरसिजद्वंद्व माश्रित्य पूर्वे

मूर्जा यस्यान्वय मुपगता देशिका मुक्ति मापुः ।

सोऽयं रामानुजमुनि रपि स्वीयमुक्तिं करस्थां

यत्संबन्धा दमनुत कथं वर्ण्यते कूरनाथः ।।८ ।।

श्रीमद्वारवरं महद्धि बलिपीठाग्नं फणीन्द्रह्रदं

गोपीनां रमणं वराहवपुषं श्रीभट्टनाथं मुनिम् ।

श्रीमंतं शठवैरिणं कलिरिपुं श्रीभक्तिसारं मुनि

पूर्ण लक्ष्मणयोगिनं मुनिवरा नाद्या नथ द्वारपौ ।। ९ ।।

श्रीमन्मज्जनमण्डपं सरसिजां हेतीशभोगीश्वरी

रामं नीलमणिं महानसवर तायं नृसिंहं प्रभुम् ।

सेनान्यं करिभूधरं तदुपरि श्रीपुण्यकोट्यां हरिं

तन्मध्ये वरदं रमासहचरं वंदे तदीयैर्वृतम् ।।१० ।।

काषायशोभि कमनीयशिखानिवेशम्

दण्डत्रयोज्ज्वलकरं विमलोपवीतम्।

उद्यद्दिनेशनिभमुल्लसदूर्ध्वपुण्ड्रं

रूपं तवास्तु यतिराज! दृशो ममाग्रे ।।११ ।।

एतानि तानि भुवनत्रयपावनानि

संसाररोग शकलीकरणौषधानि ।

जिह्वातले मम लिखानि यथा शिलायां

रामानुजेति चतुराण्यमृताक्षराणि ।।१२ ।।

नमः प्रणवशोभितं नवकषायखण्डाम्बरं

त्रिदण्डपरिमण्डितं त्रिविधतत्त्वनिर्वाहकम्।

दयाञ्चितदृगञ्चलं दलितवादि वाग्वैभवं

शमादिगुणसागरं शरणमेमि रामानुजम् ।। १३ ।।

न चेद् रामानुजेत्येषा चतुरा चतुरक्षरी।

कामवस्थां प्रपद्यन्ते जन्तवो हन्त! मादृशः।।

पुण्याम्भोजविकासाय पापध्वान्तक्षयाय च

श्रीमानाविरभूद्भूमौ रामानुजदिवाकरः।।१४ ।।

तृणीकृतविरिञ्चादिनिरङ्कुशविभूतयः।

रामानुजपदाम्भोजसमाश्रयणशालिनः।।

सत्यं सत्यं पुनस्सत्यं यतिराजो जगद्गुरुः।

स एव सर्वलोकानामुद्धर्ता नास्ति संशयः।।१५ ।।

देवाधीशनृसिंहपाण्डवमहादूतप्रवालप्रभान्

श्रीवैकुण्ठपतिं त्रिविक्रमहरिं नीरेशमेघेश्वरौ ।

नीलव्योमविभुं महोरगहरिं ज्योत्स्नेन्दुवक्त्रं हरिं

चोरेशं कृतचिन्तभक्तहृदयावासं मुकुन्दाह्वयम् ।। १६ ।।

कामावासपतिं नृकेसरिवरं दीपप्रकाशप्रभुं

श्रीयुक्ताष्टभुजास्पदेशमनघं श्रीमद्यथोक्तक्रियम् ।

इत्यष्टादशदिव्यमंगलवपुर्देवान् सरोयोगिना

साकं निस्तुलकाञ्च्यभिख्यनगरीनाथान् नमामस्सदा।।१७ ।।

॥ इति अनेकविषयमुक्तश्लोकाः ॥