மஹாதே³வ
ஶ்ரீஶிவ மஹிம்ந꞉ ஸ்தோத்ரம்
श्रीशिव महिम्नः स्तोत्रम्
ஶ்ரீஶிவ மஹிம்ந꞉ ஸ்தோத்ரம்
மஹிம்ந꞉ பாரம் தே பரமவிது₃ஷோ யத்₃யஸத்₃ருஶீ
ஸ்துதிர்ப்₃ரஹ்மாதீ₃நாமபி தத₃வஸந்நாஸ்த்வயி கி₃ர꞉ .
அதா₂(அ)வாச்ய꞉ ஸர்வ꞉ ஸ்வமதிபரிணாமாவதி₄ க்₃ருணந்
மமாப்யேஷ ஸ்தோத்ரே ஹர நிரபவாத₃꞉ பரிகர꞉ .. 1 ..
அதீத꞉ பந்தா₂நம் தவ ச மஹிமா வாங்மநஸயோ-
-ரதத்₃வ்யாவ்ருத்த்யா யம் சகிதமபி₄த₄த்தே ஶ்ருதிரபி .
ஸ கஸ்ய ஸ்தோதவ்ய꞉ கதிவித₄கு₃ண꞉ கஸ்ய விஷய꞉
பதே₃ த்வர்வாசீநே பததி ந மந꞉ கஸ்ய ந வச꞉ .. 2 ..
மது₄ஸ்பீ₂தா வாச꞉ பரமமம்ருதம் நிர்மிதவத-
-ஸ்தவ ப்₃ரஹ்மந் கிம் வாக₃பி ஸுரகு₃ரோர்விஸ்மயபத₃ம் .
மம த்வேதாம் வாணீம் கு₃ணகத₂நபுண்யேந ப₄வத꞉
புநாமீத்யர்தே₂(அ)ஸ்மிந் புரமத₂ந பு₃த்₃தி₄ர்வ்யவஸிதா .. 3 ..
தவைஶ்வர்யம் யத்தஜ்ஜக₃து₃த₃யரக்ஷாப்ரலயக்ருத்
த்ரயீவஸ்துவ்யஸ்தம் திஸ்ருஷு கு₃ணபி₄ந்நாஸு தநுஷு .
அப₄வ்யாநாமஸ்மிந் வரத₃ ரமணீயாமரமணீம்
விஹந்தும் வ்யாக்ரோஶீம் வித₃த₄த இஹைகே ஜட₃தி₄ய꞉ .. 4 ..
கிமீஹ꞉ கிம் காய꞉ ஸ க₂லு கிமுபாயஸ்த்ரிபு₄வநம்
கிமாதா₄ரோ தா₄தா ஸ்ருஜதி கிமுபாதா₃ந இதி ச .
அதர்க்யைஶ்வர்யே த்வய்யநவஸரது₃꞉ஸ்தோ₂ ஹததி₄ய꞉
குதர்கோ(அ)யம் காம்ஶ்சிந்முக₂ரயதி மோஹாய ஜக₃த꞉ .. 5 ..
அஜந்மாநோ லோகா꞉ கிமவயவவந்தோ(அ)பி ஜக₃தா-
-மதி₄ஷ்டா₂தாரம் கிம் ப₄வவிதி₄ரநாத்₃ருத்ய ப₄வதி .
அநீஶோ வா குர்யாத்₃பு₄வநஜநநே க꞉ பரிகரோ
யதோ மந்தா₃ஸ்த்வாம் ப்ரத்யமரவர ஸம்ஶேரத இமே .. 6 ..
த்ரயீ ஸாங்க்₂யம் யோக₃꞉ பஶுபதிமதம் வைஷ்ணவமிதி
ப்ரபி₄ந்நே ப்ரஸ்தா₂நே பரமித₃மத₃꞉ பத்₂யமிதி ச .
ருசீநாம் வைசித்ர்யாத்₃ருஜுகுடில நாநாபத₂ஜுஷாம்
ந்ருணாமேகோ க₃ம்யஸ்த்வமஸி பயஸாமர்ணவ இவ .. 7 ..
மஹோக்ஷ꞉ க₂ட்வாங்க₃ம் பரஶுரஜிநம் ப₄ஸ்ம ப₂ணிந꞉
கபாலம் சேதீயத்தவ வரத₃ தந்த்ரோபகரணம் .
ஸுராஸ்தாம் தாம்ருத்₃தி₄ம் த₃த₄தி து ப₄வத்₃ப்₄ரூப்ரணிஹிதாம்
ந ஹி ஸ்வாத்மாராமம் விஷயம்ருக₃த்ருஷ்ணா ப்₄ரமயதி .. 8 ..
த்₄ருவம் கஶ்சித் ஸர்வம் ஸகலமபரஸ்த்வத்₄ருவமித₃ம்
பரோ த்₄ரௌவ்யாத்₄ரௌவ்யே ஜக₃தி க₃த₃தி வ்யஸ்தவிஷயே .
ஸமஸ்தே(அ)ப்யேதஸ்மிந் புரமத₂ந தைர்விஸ்மித இவ
ஸ்துவஞ்ஜிஹ்ரேமி த்வாம் ந க₂லு நநு த்₄ருஷ்டா முக₂ரதா .. 9 ..
தவைஶ்வர்யம் யத்நாத்₃யது₃பரி விரிஞ்சிர்ஹரிரத₄꞉
பரிச்சே₂த்தும் யாதாவநலமநலஸ்கந்த₄வபுஷ꞉ .
ததோ ப₄க்திஶ்ரத்₃தா₄ப₄ரகு₃ருக்₃ருணத்₃ப்₄யாம் கி₃ரிஶ யத்
ஸ்வயம் தஸ்தே₂ தாப்₄யாம் தவ கிமநுவ்ருத்திர்ந ப₂லதி .. 10 ..
அயத்நாதா₃பாத்₃ய த்ரிபு₄வநமவைரவ்யதிகரம்
த₃ஶாஸ்யோ யத்₃பா₃ஹூநப்₄ருத ரணகண்டூ₃பரவஶாந் .
ஶிர꞉பத்₃மஶ்ரேணீரசிதசரணாம்போ₄ருஹப₃லே꞉
ஸ்தி₂ராயாஸ்த்வத்₃ப₄க்தேஸ்த்ரிபுரஹர விஸ்பூ₂ர்ஜிதமித₃ம் .. 11 ..
அமுஷ்ய த்வத்ஸேவாஸமதி₄க₃தஸாரம் பு₄ஜவநம்
ப₃லாத் கைலாஸே(அ)பி த்வத₃தி₄வஸதௌ விக்ரமயத꞉ .
அலப்₄யா பாதாலே(அ)ப்யலஸசலிதாங்கு₃ஷ்ட₂ஶிரஸி
ப்ரதிஷ்டா₂ த்வய்யாஸீத்₃த்₄ருவமுபசிதோ முஹ்யதி க₂ல꞉ .. 12 ..
யத்₃ருத்₃தி₄ம் ஸுத்ராம்ணோ வரத₃ பரமோச்சைரபி ஸதீ-
-மத₄ஶ்சக்ரே பா₃ண꞉ பரிஜநவிதே₄யத்ரிபு₄வந꞉ .
ந தச்சித்ரம் தஸ்மிந் வரிவஸிதரி த்வச்சரணயோ-
-ர்ந கஸ்யாப்யுந்நத்யை ப₄வதி ஶிரஸஸ்த்வய்யவநதி꞉ .. 13 ..
அகாண்ட₃ப்₃ரஹ்மாண்ட₃க்ஷயசகிததே₃வாஸுரக்ருபா-
-விதே₄யஸ்யாஸீத்₃யஸ்த்ரிநயநவிஷம் ஸம்ஹ்ருதவத꞉ .
ஸ கல்மாஷ꞉ கண்டே₂ தவ ந குருதே ந ஶ்ரியமஹோ
விகாரோ(அ)பி ஶ்லாக்₄யோ பு₄வநப₄யப₄ங்க₃வ்யஸநிந꞉ .. 14 ..
அஸித்₃தா₄ர்தா₂ நைவ க்வசித₃பி ஸதே₃வாஸுரநரே
நிவர்தந்தே நித்யம் ஜக₃தி ஜயிநோ யஸ்ய விஶிகா₂꞉ .
ஸ பஶ்யந்நீஶ த்வாமிதரஸுரஸாதா₄ரணமபூ₄த்
ஸ்மர꞉ ஸ்மர்தவ்யாத்மா ந ஹி வஶிஷு பத்₂ய꞉ பரிப₄வ꞉ .. 15 ..
மஹீ பாதா₃கா₄தாத்₃வ்ரஜதி ஸஹஸா ஸம்ஶயபத₃ம்
பத₃ம் விஷ்ணோர்ப்₄ராம்யத்₃பு₄ஜபரிக₄ருக்₃ணக்₃ரஹக₃ணம் .
முஹுர்த்₃யௌர்தௌ₃ஸ்த்₂யம் யாத்யநிப்₄ருதஜடாதாடி₃ததடா
ஜக₃த்₃ரக்ஷாயை த்வம் நடஸி நநு வாமைவ விபு₄தா .. 16 ..
வியத்₃வ்யாபீ தாராக₃ணகு₃ணிதபே₂நோத்₃க₃மருசி꞉
ப்ரவாஹோ வாராம் ய꞉ ப்ருஷதலகு₄த்₃ருஷ்ட꞉ ஶிரஸி தே .
ஜக₃த்₃த்₃வீபாகாரம் ஜலதி₄வலயம் தேந க்ருதமி-
-த்யநேநைவோந்நேயம் த்₄ருதமஹிம தி₃வ்யம் தவ வபு꞉ .. 17 ..
ரத₂꞉ க்ஷோணீ யந்தா ஶதத்₄ருதிரகே₃ந்த்₃ரோ த₄நுரதோ₂
ரதா₂ங்கே₃ சந்த்₃ரார்கௌ ரத₂சரணபாணி꞉ ஶர இதி .
தி₃த₄க்ஷோஸ்தே கோ(அ)யம் த்ரிபுரத்ருணமாட₃ம்ப₃ரவிதி₄-
-ர்விதே₄யை꞉ க்ரீட₃ந்த்யோ ந க₂லு பரதந்த்ரா꞉ ப்ரபு₄தி₄ய꞉ .. 18 ..
ஹரிஸ்தே ஸாஹஸ்ரம் கமலப₃லிமாதா₄ய பத₃யோ-
-ர்யதே₃கோநே தஸ்மிந் நிஜமுத₃ஹரந்நேத்ரகமலம் .
க₃தோ ப₄க்த்யுத்₃ரேக꞉ பரிணதிமஸௌ சக்ரவபுஷா
த்ரயாணாம் ரக்ஷாயை த்ரிபுரஹர ஜாக₃ர்தி ஜக₃தாம் .. 19 ..
க்ரதௌ ஸுப்தே ஜாக்₃ரத்த்வமஸி ப₂லயோகே₃ க்ரதுமதாம்
க்வ கர்ம ப்ரத்₄வஸ்தம் ப₂லதி புருஷாராத₄நம்ருதே .
அதஸ்த்வாம் ஸம்ப்ரேக்ஷ்ய க்ரதுஷு ப₂லதா₃நப்ரதிபு₄வம்
ஶ்ருதௌ ஶ்ரத்₃தா₄ம் ப₃த்₃த்₄வா த்₃ருட₄பரிகர꞉ கர்மஸு ஜந꞉ .. 20 ..
க்ரியாத₃க்ஷோ த₃க்ஷ꞉ க்ரதுபதிரதீ₄ஶஸ்தநுப்₄ருதா-
-ம்ருஷீணாமார்த்விஜ்யம் ஶரணத₃ ஸத₃ஸ்யா꞉ ஸுரக₃ணா꞉ .
க்ரதுப்₄ரேஷஸ்த்வத்த꞉ க்ரதுப₂லவிதா₄நவ்யஸநிநோ
த்₄ருவம் கர்து꞉ ஶ்ரத்₃தா₄விது₄ரமபி₄சாராய ஹி மகா₂꞉ .. 21 ..
ப்ரஜாநாத₂ம் நாத₂ ப்ரஸப₄மபி₄கம் ஸ்வாம் து₃ஹிதரம்
க₃தம் ரோஹித்₃பூ₄தாம் ரிரமயிஷும்ருஷ்யஸ்ய வபுஷா .
த₄நுஷ்பாணேர்யாதம் தி₃வமபி ஸபத்ராக்ருதமமும்
த்ரஸந்தம் தே(அ)த்₃யாபி த்யஜதி ந ம்ருக₃வ்யாத₄ரப₄ஸ꞉ .. 22 ..
ஸ்வலாவண்யாஶம்ஸாத்₄ருதத₄நுஷமஹ்நாய த்ருணவத்
புர꞉ ப்லுஷ்டம் த்₃ருஷ்ட்வா புரமத₂ந புஷ்பாயுத₄மபி .
யதி₃ ஸ்த்ரைணம் தே₃வீ யமநிரத தே₃ஹார்த₄க₄டநா-
-த₃வைதி த்வாமத்₃தா₄ ப₃த வரத₃ முக்₃தா₄ யுவதய꞉ .. 23 ..
ஶ்மஶாநேஷ்வாக்ரீடா₃ ஸ்மரஹர பிஶாசா꞉ ஸஹசரா-
-ஶ்சிதாப₄ஸ்மாலேப꞉ ஸ்ரக₃பி ந்ருகரோடீபரிகர꞉ .
அமங்க₃ல்யம் ஶீலம் தவ ப₄வது நாமைவமகி₂லம்
ததா₂பி ஸ்மர்த்ரூணாம் வரத₃ பரமம் மங்க₃லமஸி .. 24 ..
மந꞉ ப்ரத்யக்சித்தே ஸவித₄மவதா₄யாத்தமருத꞉
ப்ரஹ்ருஷ்யத்₃ரோமாண꞉ ப்ரமத₃ஸலிலோத்ஸங்கி₃தத்₃ருஶ꞉ .
யதா₃லோக்யாஹ்லாத₃ம் ஹ்ரத₃ இவ நிமஜ்யாம்ருதமயே
த₃த₄த்யந்தஸ்தத்த்வம் கிமபி யமிநஸ்தத் கில ப₄வாந் .. 25 ..
த்வமர்கஸ்த்வம் ஸோமஸ்த்வமஸி பவநஸ்த்வம் ஹுதவஹ-
-ஸ்த்வமாபஸ்த்வம் வ்யோம த்வமு த₄ரணிராத்மா த்வமிதி ச .
பரிச்சி₂ந்நாமேவம் த்வயி பரிணதா பி₃ப்₄ரதி கி₃ரம்
ந வித்₃மஸ்தத்தத்த்வம் வயமிஹ து யத்த்வம் ந ப₄வஸி .. 26 ..
த்ரயீம் திஸ்ரோ வ்ருத்தீஸ்த்ரிபு₄வநமதோ₂ த்ரீநபி ஸுரா-
-நகாராத்₃யைர்வர்ணைஸ்த்ரிபி₄ரபி₄த₃த₄த் தீர்ணவிக்ருதி .
துரீயம் தே தா₄ம த்₄வநிபி₄ரவருந்தா₄நமணுபி₄꞉
ஸமஸ்தம் வ்யஸ்தம் த்வாம் ஶரணத₃ க்₃ருணாத்யோமிதி பத₃ம் .. 27 ..
ப₄வ꞉ ஶர்வோ ருத்₃ர꞉ பஶுபதிரதோ₂க்₃ர꞉ ஸஹமஹாம்-
-ஸ்ததா₂ பீ₄மேஶாநாவிதி யத₃பி₄தா₄நாஷ்டகமித₃ம் .
அமுஷ்மிந் ப்ரத்யேகம் ப்ரவிசரதி தே₃வ ஶ்ருதிரபி
ப்ரியாயாஸ்மை தா₄ம்நே ப்ரவிஹிதநமஸ்யோ(அ)ஸ்மி ப₄வதே .. 28 ..
நமோ நேதி₃ஷ்டா₂ய ப்ரியத₃வ த₃விஷ்டா₂ய ச நமோ
நம꞉ க்ஷோதி₃ஷ்டா₂ய ஸ்மரஹர மஹிஷ்டா₂ய ச நம꞉ .
நமோ வர்ஷிஷ்டா₂ய த்ரிநயந யவிஷ்டா₂ய ச நமோ
நம꞉ ஸர்வஸ்மை தே ததி₃த₃மிதி ஶர்வாய ச நம꞉ .. 29 ..
ப₃ஹுலரஜஸே விஶ்வோத்பத்தௌ ப₄வாய நமோ நம꞉
ப்ரப₃லதமஸே தத்ஸம்ஹாரே ஹராய நமோ நம꞉ .
ஜநஸுக₂க்ருதே ஸத்த்வோத்₃ரிக்தௌ ம்ருடா₃ய நமோ நம꞉
ப்ரமஹஸி பதே₃ நிஸ்த்ரைகு₃ண்யே ஶிவாய நமோ நம꞉ .. 30 ..
க்ருஶபரிணதி சேத꞉ க்லேஶவஶ்யம் க்வ சேத₃ம்
க்வ ச தவ கு₃ணஸீமோல்லங்கி₄நீ ஶஶ்வத்₃ருத்₃தி₄꞉ .
இதி சகிதமமந்தீ₃க்ருத்ய மாம் ப₄க்திராதா₄-
-த்₃வரத₃ சரணயோஸ்தே வாக்யபுஷ்போபஹாரம் .. 31 ..
அஸிதகி₃ரிஸமம் ஸ்யாத்கஜ்ஜலம் ஸிந்து₄பாத்ரே
ஸுரதருவரஶாகா₂ லேக₂நீ பத்ரமுர்வீ .
லிக₂தி யதி₃ க்₃ருஹீத்வா ஶாரதா₃ ஸர்வகாலம்
தத₃பி தவ கு₃ணாநாமீஶ பாரம் ந யாதி .. 32 ..
அஸுரஸுரமுநீந்த்₃ரைரர்சிதஸ்யேந்து₃மௌலே-
-ர்க்₃ரதி₂தகு₃ணமஹிம்நோ நிர்கு₃ணஸ்யேஶ்வரஸ்ய .
ஸகலக₃ணவரிஷ்ட₂꞉ புஷ்பத₃ந்தாபி₄தா₄ந꞉
ருசிரமலகு₄வ்ருத்தை꞉ ஸ்தோத்ரமேதச்சகார .. 33 ..
அஹரஹரநவத்₃யம் தூ₄ர்ஜடே꞉ ஸ்தோத்ரமேதத்
பட₂தி பரமப₄க்த்யா ஶுத்₃த₄சித்த꞉ புமாந் ய꞉ .
ஸ ப₄வதி ஶிவலோகே ருத்₃ரதுல்யஸ்ததா₂த்ர
ப்ரசுரதரத₄நாயு꞉ புத்ரவாந் கீர்திமாம்ஶ்ச .. 34 ..
மஹேஶாந்நாபரோ தே₃வோ மஹிம்நோ நாபரா ஸ்துதி꞉ .
அகோ₄ராந்நாபரோ மந்த்ரோ நாஸ்தி தத்த்வம் கு₃ரோ꞉ பரம் .. 35 ..
தீ₃க்ஷா தா₃நம் தபஸ்தீர்த₂ம் ஜ்ஞாநம் யாகா₃தி₃கா꞉ க்ரியா꞉ .
மஹிம்ந꞉ ஸ்தவ பாட₂ஸ்ய கலாம் நார்ஹந்தி ஷோட₃ஶீம் .. 36 ..
குஸுமத₃ஶநநாமா ஸர்வக₃ந்த₄ர்வராஜ꞉
ஶிஶுஶஶித₄ரமௌலேர்தே₃வதே₃வஸ்ய தா₃ஸ꞉ .
ஸ க₂லு நிஜமஹிம்நோ ப்₄ரஷ்ட ஏவாஸ்ய ரோஷாத்
ஸ்தவநமித₃மகார்ஷீத்₃தி₃வ்யதி₃வ்யம் மஹிம்ந꞉ .. 37 ..
ஸுரவரமுநிபூஜ்யம் ஸ்வர்க₃மோக்ஷைகஹேதும்
பட₂தி யதி₃ மநுஷ்ய꞉ ப்ராஞ்ஜலிர்நாந்யசேதா꞉ .
வ்ரஜதி ஶிவஸமீபம் கிந்நரை꞉ ஸ்தூயமாந꞉
ஸ்தவநமித₃மமோக₄ம் புஷ்பத₃ந்தப்ரணீதம் .. 38 ..
ஆஸமாப்தமித₃ம் ஸ்தோத்ரம் புண்யம் க₃ந்த₄ர்வபா₄ஷிதம் .
அநௌபம்யம் மநோஹாரி ஶிவமீஶ்வரவர்ணநம் .. 39 ..
இத்யேஷா வாங்மயீ பூஜா ஶ்ரீமச்ச₂ங்கரபாத₃யோ꞉ .
அர்பிதா தேந தே₃வேஶ꞉ ப்ரீயதாம் மே ஸதா₃ஶிவ꞉ .. 40 ..
தவ தத்த்வம் ந ஜாநாமி கீத்₃ருஶோ(அ)ஸி மஹேஶ்வர .
யாத்₃ருஶோ(அ)ஸி மஹாதே₃வ தாத்₃ருஶாய நமோ நம꞉ .. 41 ..
ஏககாலம் த்₃விகாலம் வா த்ரிகாலம் ய꞉ படே₂ந்நர꞉ .
ஸர்வபாபவிநிர்முக்த꞉ ஶிவலோகே மஹீயதே .. 42 ..
ஶ்ரீபுஷ்பத₃ந்தமுக₂பங்கஜநிர்க₃தேந
ஸ்தோத்ரேண கில்பி₃ஷஹரேண ஹரப்ரியேண .
கண்ட₂ஸ்தி₂தேந படி₂தேந ஸமாஹிதேந
ஸுப்ரீணிதோ ப₄வதி பூ₄தபதிர்மஹேஶ꞉ .. 43 ..
.. இதி ஶ்ரீபுஷ்பத₃ந்த விரசிதம் ஶ்ரீஶிவ மஹிம்ந꞉ ஸ்தோத்ரம் ..