.. ಶ್ರೀರಾಮ ಅಷ್ಟೋತ್ತರಶತನಾಮಸ್ತೋತ್ರಮ್ ..

.. ಶ್ರೀರಾಮ ಅಷ್ಟೋತ್ತರಶತನಾಮಸ್ತೋತ್ರಮ್ ..ಧ್ಯಾನಮ್
ಶ್ರೀರಾಘವಂ ದಶರಥಾತ್ಮಜಮಪ್ರಮೇಯಂ ಸೀತಾಪತಿಂ ರಘುಕುಲಾನ್ವಯರತ್ನದೀಪಮ್.
ಆಜಾನುಬಾಹುಮರವಿನ್ದದಲಾಯತಾಕ್ಷಂ ರಾಮಂ ನಿಶಾಚರವಿನಾಶಕರಂ ನಮಾಮಿ..

ಶ್ರೀರಾಮೋ ರಾಮಭದ್ರಶ್ಚ ರಾಮಚನ್ದ್ರಶ್ಚ ಶಾಶ್ವತಃ.
ರಾಜೀವಲೋಚನಃ ಶ್ರೀಮಾನ್ ರಾಜೇನ್ದ್ರೋ ರಘುಪುಙ್ಗವಃ..೧..

ಜಾನಕೀವಲ್ಲಭೋ ಜೈತ್ರೋ ಜಿತಾಮಿತ್ರೋ ಜನಾರ್ದನಃ.
ವಿಶ್ವಾಮಿತ್ರಪ್ರಿಯೋ ದಾನ್ತಃ ಶರಣತ್ರಾಣತತ್ಪರಃ..೨..

ವಾಲಿಪ್ರಮಥನೋ ವಾಗ್ಮೀ ಸತ್ಯವಾಕ್ ಸತ್ಯವಿಕ್ರಮಃ.
ಸತ್ಯವ್ರತೋ ವ್ರತಧರಃ ಸದಾ ಹನುಮದಾಶ್ರಿತಃ..೩..

ಕೌಸಲೇಯಃ ಖರಧ್ವಂಸೀ ವಿರಾಧವಧಪಣ್ಡಿತಃ.
ವಿಭೀಷಣಪರಿತ್ರಾತಾ ಹರಕೋದಣ್ಡಖಣ್ಡನಃ..೪..

ಸಪ್ತತಾಲಪ್ರಭೇತ್ತಾ ಚ ದಶಗ್ರೀವಶಿರೋಹರಃ.
ಜಾಮದಗ್ನ್ಯಮಹಾದರ್ಪದಲನಸ್ತಾಟಕಾನ್ತಕಃ..೫..

ವೇದಾನ್ತಸಾರೋ ವೇದಾತ್ಮಾ ಭವರೋಗಸ್ಯ ಭೇಷಜಮ್.
ದೂಷಣತ್ರಿಶಿರೋಹನ್ತಾ ತ್ರಿಮೂರ್ತಿಸ್ತ್ರಿಗುಣಾತ್ಮಕಃ..೬..

ತ್ರಿವಿಕ್ರಮಸ್ತ್ರಿಲೋಕಾತ್ಮಾ ಪುಣ್ಯಚಾರಿತ್ರಕೀರ್ತನಃ.
ತ್ರಿಲೋಕರಕ್ಷಕೋ ಧನ್ವೀ ದಣ್ಡಕಾರಣ್ಯಕರ್ತನಃ..೭..

ಅಹಲ್ಯಾಶಾಪಶಮನಃ ಪಿತೃಭಕ್ತೋ ವರಪ್ರದಃ.
ಜಿತೇನ್ದ್ರಿಯೋ ಜಿತಕ್ರೋಧೋ ಜಿತಾಮಿತ್ರೋ ಜಗದ್ಗುರುಃ..೮..

ಋಕ್ಷವಾನರಸಙ್ಘಾತೀ ಚಿತ್ರಕೂಟಸಮಾಶ್ರಯಃ.
ಜಯನ್ತತ್ರಾಣವರದಃ ಸುಮಿತ್ರಾಪುತ್ರಸೇವಿತಃ..೯..

ಸರ್ವದೇವಾದಿದೇವಶ್ಚ ಮೃತವಾನರಜೀವನಃ.
ಮಾಯಾಮಾರೀಚಹನ್ತಾ ಚ ಮಹಾದೇವೋ ಮಹಾಭುಜಃ..೧೦..

ಸರ್ವದೇವಸ್ತುತಃ ಸೌಮ್ಯೋ ಬ್ರಹ್ಮಣ್ಯೋ ಮುನಿಸಂಸ್ತುತಃ.
ಮಹಾಯೋಗೋ ಮಹೋದಾರಃ ಸುಗ್ರೀವೇಪ್ಸಿತರಾಜ್ಯದಃ..೧೧..

ಸರ್ವಪುಣ್ಯಾಧಿಕಫಲಃ ಸ್ಮೃತಸರ್ವಾಘನಾಶನಃ.
ಅನಾದಿರಾದಿಪುರುಷೋ ಮಹಾಪೂರುಷ ಏವ ಚ..೧೨..

ಪುಣ್ಯೋದಯೋ ದಯಾಸಾರಃ ಪುರಾಣಪುರುಷೋತ್ತಮಃ.
ಸ್ಮಿತವಕ್ತ್ರೋ ಮಿತಭಾಷೀ ಪೂರ್ವಭಾಷೀ ಚ ರಾಘವಃ..೧೩..

ಅನನ್ತಗುಣಗಮ್ಭೀರೋ ಧೀರೋದಾತ್ತಗುಣೋತ್ತಮಃ.
ಮಾಯಾಮಾನುಷಚಾರಿತ್ರೋ ಮಹಾದೇವಾದಿಪೂಜಿತಃ..೧೪..

ಸೇತುಕೃಜ್ಜಿತವಾರೀಶಃ ಸರ್ವತೀರ್ಥಮಯೋ ಹರಿಃ.
ಶ್ಯಾಮಾಙ್ಗಃ ಸುನ್ದರಃ ಶೂರಃ ಪೀತವಾಸಾ ಧನುರ್ಧರಃ..೧೫..

ಸರ್ವಯಜ್ಞಾಧಿಪೋ ಯಜ್ವಾ ಜರಾಮರಣವರ್ಜಿತಃ.
ಶಿವಲಿಙ್ಗಪ್ರತಿಷ್ಠಾತಾ ಸರ್ವಾಪಗುಣವರ್ಜಿತಃ..೧೬..

ಪರಮಾತ್ಮಾ ಪರಂ ಬ್ರಹ್ಮ ಸಚ್ಚಿದಾನನ್ದವಿಗ್ರಹಃ.
ಪರಞ್ಜ್ಯೋತಿಃ ಪರನ್ಧಾಮ ಪರಾಕಾಶಃ ಪರಾತ್ಪರಃ..೧೭..

ಪರೇಶಃ ಪಾರಗಃ ಪಾರಃ ಸರ್ವದೇವಾತ್ಮಕಃ ಪರಃ..೧೮..