ಶ್ರೀಬಟುಕಭೈರವಾಷ್ಟಕಸ್ತೋತ್ರಮ್

ಶ್ರೀಬಟುಕಭೈರವಾಷ್ಟಕಸ್ತೋತ್ರಮ್ ಅಥವಾ ಮಹಾಭೈರವಾಷ್ಟಕಮ್

ಶ್ರೀಉಮಾಮಹೇಶ್ವರಾಭ್ಯಾಂ ನಮಃ .
ಶ್ರೀಗುರವೇ ನಮಃ .
ಶ್ರೀಭೈರವಾಯ ನಮಃ .

ಕಂ ಅಙ್ಗುಷ್ಠಾಭ್ಯಾಂ ನಮಃ . ಹಂ ತರ್ಜನೀಭ್ಯಾಂ ಸ್ವಾಹಾ .
ಖಂ ಮಧ್ಯಮಾಭ್ಯಾಂ ವಷಟ್ . ಸಂ ಅನಾಮಿಕಾಭ್ಯಾಂ ಹುಮ್ .
ಗಂ ಕನಿಷ್ಠಿಕಾಭ್ಯಾಂ ವೌಷಟ್ . ಕ್ಷಂ ಕರತಲಕರಪೃಷ್ಠಾಭ್ಯಾಂ ಫಟ್ ..

ಕಂ ಹೃದಯಾಯ ನಮಃ . ಹಂ ಶಿರಸೇ ಸ್ವಾಹಾ .
ಖಂ ಶಿಖಾಯೈ ವಷಟ್ . ಸಂ ಕವಚಾಯ ಹುಮ್ .
ಗಂ ನೇತ್ರತ್ರಯಾಯ ವೌಷಟ್ . ಕ್ಷಂ ಅಸ್ತ್ರಾಯ ಫಟ್ ..

ಅಥಾಙ್ಗ ನ್ಯಾಸಃ .
ಕ್ಷಂ ನಮಃ ಹೃದಿ . ಕಂ ನಮಃ ನಾಸಿಕಯೋಃ .
ಹಂ ನಮಃ ಲಲಾಟೇ . ಖಂ ನಮಃ ಮುಖೇ .
ಸಂ ನಮಃ ಜಿಹ್ವಾಯಾಮ್ . ರಂ ನಮಃ ಕಣ್ಠೇ .
ಮಂ ನಮಃ ಸ್ತನಯೋಃ . ನಮಃ ನಮಃ ಸರ್ವಾಙ್ಗೇಷು .
ಆಜ್ಞಾ .
ತೀಕ್ಷ್ಣದಂಷ್ಟ್ರ ಮಹಾಕಾಯ ಕಲ್ಪಾನ್ತ ದಹನೋಪಮ .
ಭೈರವಾಯ ನಮಸ್ತುಭ್ಯಂ ಅನುಜ್ಞಾಂ ದಾತುಮರ್ಹಸಿ .. ೧..

ಕರಕಲಿತಕಪಾಲಃ ಕುಣ್ಡಲೀದಣ್ಡಪಾಣಿ
ಸ್ತರುಣತಿಮಿರನೀಲೋವ್ಯಾಲಯಜ್ಞೋಪವೀತೀ .
ಕ್ರತುಸಮಯಸಪರ್ಯಾ ವಿಘ್ನವಿಚ್ಛೇದಹೇತು-
ರ್ಜಯತಿಬಟುಕನಾಥಃ ಸಿದ್ಧಿದಃ ಸಾಧಕಾನಾಮ್ .. ೨..

ಇತಿ ಧ್ಯಾನಮ್ .
ಪೂರ್ವೇ ಆಸಿತಾಙ್ಗಭೈರವಾಯ ನಮಃ ಪೂರ್ವದಿಶಿ ಮಾಂ ರಕ್ಷ ರಕ್ಷ
ಕಾಲಕಣ್ಟಕಾನ್ ಭಕ್ಷ ಭಕ್ಷ ಆವಾಹಯಾಮ್ಯಹಮತ್ರತಿಷ್ಠ ತಿಷ್ಠ ಹುಂ ಫಟ್ ಸ್ವಾಹಾ .
ಆಗ್ನೇಯೇ ರುರುಭೈರವಾಯ ನಮಃ ಆಗ್ನೇಯೇ ಮಾಂ ರಕ್ಷ ರಕ್ಷ
ಕಾಲಕಣ್ಟಕಾನ್ ಭಕ್ಷ ಭಕ್ಷ ಆವಾಹಯಾಮ್ಯಹಮತ್ರತಿಷ್ಠ ತಿಷ್ಠ ಹುಂ ಫಟ್ ಸ್ವಾಹಾ .
ದಕ್ಷಿಣೇ ಚಣ್ಡಭೈರವಾಯ ನಮಃ ದಕ್ಷಿಣೇ ಮಾಂ ರಕ್ಷ ರಕ್ಷ
ಕಾಲಕಣ್ಟಕಾನ್ ಭಕ್ಷ ಭಕ್ಷ ಆವಾಹಯಾಮ್ಯಹಮತ್ರತಿಷ್ಠ ತಿಷ್ಠ ಹುಂ ಫಟ್ ಸ್ವಾಹಾ .
ನೈರೃತ್ಯೇ ಕ್ರೋಧಭೈರವಾಯ ನಮಃ ನೈರೃತ್ಯಾಂ ಮಾಂ ರಕ್ಷ ರಕ್ಷ
ಕಾಲಕಣ್ಟಕಾನ್ ಭಕ್ಷ ಭಕ್ಷ ಆವಾಹಯಾಮ್ಯಹಮತ್ರತಿಷ್ಠ ತಿಷ್ಠ ಹುಂ ಫಟ್ ಸ್ವಾಹಾ .
ಪ್ರತೀಚ್ಯಾಂ ಉನ್ಮತ್ತಭೈರವಾಯ ನಮಃ ಪ್ರತಿಚ್ಯಾಂ ಮಾಂ ರಕ್ಷ ರಕ್ಷ
ಕಾಲಕಣ್ಟಕಾನ್ ಭಕ್ಷ ಭಕ್ಷ ಆವಾಹಯಾಮ್ಯಹಮತ್ರತಿಷ್ಠ ತಿಷ್ಠ ಹುಂ ಫಟ್ ಸ್ವಾಹಾ .
ವಾಯವ್ಯೇ ಕಪಾಲಭೈರವಾಯ ನಮಃ ವಾಯವ್ಯೇ ಮಾಂ ರಕ್ಷ ರಕ್ಷ
ಕಾಲಕಣ್ಟಕಾನ್ ಭಕ್ಷ ಭಕ್ಷ ಆವಾಹಯಾಮ್ಯಹಮತ್ರತಿಷ್ಠ ತಿಷ್ಠ ಹುಂ ಫಟ್ ಸ್ವಾಹಾ .
ಉದೀಚ್ಯಾಂ ಭೀಷಣಭೈರವಾಯ ನಮಃ ಉದಿಚ್ಯಾಂ ಮಾಂ ರಕ್ಷ ರಕ್ಷ
ಕಾಲಕಣ್ಟಕಾನ್ ಭಕ್ಷ ಭಕ್ಷ ಆವಾಹಯಾಮ್ಯಹಮತ್ರತಿಷ್ಠ ತಿಷ್ಠ ಹುಂ ಫಟ್ ಸ್ವಾಹಾ .
ಈಶಾನ್ಯಾಂ ಸಂಹಾರಭೈರವಾಯ ನಮಃ ಈಶಾನೇ ಮಾಂ ರಕ್ಷ ರಕ್ಷ
ಕಾಲಕಣ್ಟಕಾನ್ ಭಕ್ಷ ಭಕ್ಷ ಆವಾಹಯಾಮ್ಯಹಮತ್ರತಿಷ್ಠ ತಿಷ್ಠ ಹುಂ ಫಟ್ ಸ್ವಾಹಾ .

ಯಂ ಯಂ ಯಂ ಯಕ್ಷರೂಪಂ ದಿಶಿಚಕೃತಪದಂ ಭೂಮಿಕಮ್ಪಾಯಮಾನಂ
ಸಂ ಸಂ ಸಂಹಾರಮೂರ್ತಿಂ ಶಿರಮುಕುಟಜಟಾ ಭಾಲದೇಶೇಽರ್ಧಚನ್ದ್ರಮ್ .
ದಂ ದಂ ದಂ ದೀರ್ಘಕಾಯಂ ವಿಕೃತನಖಮುಖಂ ಚೋರ್ಧ್ವರೋಮಂ ಕರಾಲಂ
ಪಂ ಪಂ ಪಂ ಪಾಪನಾಶಂ ನತಿರಿಹ ಸತತಂ ಭೈರವಂ ಕ್ಷೇತ್ರಪಾಲಮ್ .. ೧..

ರಂ ರಂ ರಂ ರಕ್ತವರ್ಣಂ ಕಟಿನತನುಮಯಂ ತೀಕ್ಷ್ಣದಂಷ್ಟ್ರಂ ಚ ಭೀಮಂ
ಘಂ ಘಂ ಘಂ ಘೋರಘೋಷಂ ಘ ಘ ಘನಘಟಿತಂ ಘುರ್ಘುರಾ ಘೋರನಾದಮ್ .
ಕಂ ಕಂ ಕಂ ಕಾಲನಾಶಂ ಧ್ರಿಕಿ ಧ್ರಿಕಿ ಚಕಿತಂ ಕಾಲಮೇಘಾವಭಾಸಂ
ದಂ ದಂ ದಂ ದಿವ್ಯದೇಹಂ ನತಿರಿಹ ಸತತಂ ಭೈರವಂ ಕ್ಷೇತ್ರಪಾಲಮ್ .. ೨..

ಲಂ ಲಂ ಲಂ ಲಮ್ಬದನ್ತಂ ಲ ಲ ಲ ಲ ಲಲಿತಲ್ಲೋಲಜಿಹ್ವಾಕರಾಲಂ
ಧುಂ ಧುಂ ಧುಂ ಧೂಮ್ರವರ್ಣಂ ಸ್ಫುಟವಿಕೃತನಖಮುಖಂ ಭಾಸ್ವರಂ ಭೀಮರೂಪಮ್ .
ರುಂ ರುಂ ರುಂ ರುಣ್ಡಮಾಲಂ ರುಧಿರಮಯತನುಂ ತಾಮ್ರನೇತ್ರಂ ಸುಭೀಮಂ
ನಂ ನಂ ನಂ ನಗ್ನರೂಪಂ ನತಿರಿಹ ಸತತಂ ಭೈರವಂ ಕ್ಷೇತ್ರಪಾಲಮ್ .. ೩..

ವಂ ವಂ ವಂ ವಾಯುವೇಗಂ ಗ್ರಹಗಣನಮಿತಂ ಬ್ರಹ್ಮರುದ್ರೈಸ್ಸುಸೇವ್ಯಂ
ಖಂ ಖಂ ಖಂ ಖಡ್ಗಹಸ್ತಂ ತ್ರಿಭುವನನಿಲಯಂ ಘೋರರೂಪಂ ಮಹೋಗ್ರಮ್ .
ಚಂ ಚಂ ಚಂ ವ್ಯಾಲಹಸ್ತಂ ಚಲಿತ ಚಲ ಚಲಾ ಚಾಲಿತಂ ಭೂತಚಕ್ರಂ
ಮಂ ಮಂ ಮಂ ಮಾತೃರೂಪಂ ನತಿರಿಹ ಸತತಂ ಭೈರವಂ ಕ್ಷೇತ್ರಪಾಲಮ್ .. ೪..

ಶಂ ಶಂ ಶಂ ಶಙ್ಖಹಸ್ತಂ ಶಶಿಶಕಲಧರಂ ಸರ್ಪಯಜ್ಞೋಪವೀತಂ
ಮಂ ಮಂ ಮಂ ಮನ್ತ್ರವರ್ಣಂ ಸಕಲಜನನುತಂ ಮನ್ತ್ರಸೂಕ್ಷ್ಮಂ ಸುನಿತ್ಯಮ್ .
ಭಂ ಭಂ ಭಂ ಭೂತನಾಥಂ ಕಿಲಿಕಿಲಿಕಿಲಿತಂ ಗೇಹಗೇಹೇರಟನ್ತಂ
ಅಂ ಅಂ ಅಂ ಮುಖ್ಯದೇವಂ ನತಿರಿಹ ಸತತಂ ಭೈರವಂ ಕ್ಷೇತ್ರಪಾಲಮ್ .. ೫..

ಖಂ ಖಂ ಖಂ ಖಡ್ಗಭೇದಂ ವಿಷಮಮೃತಮಯಂ ಕಾಲಕಾಲಂ ಸುಕಾಲಂ
ಕ್ಷಂ ಕ್ಷಂ ಕ್ಷಂ ಕ್ಷಿಪ್ರವೇಗಂ ದಹದಹದಹನಂ ತಪ್ತಸನ್ತಪ್ತಮಾನಮ್ .
ಹಂ ಹಂ ಹಙ್ಕಾರನಾದಂ ಪ್ರಕಟಿತದಶನಂ ಗರ್ಜಿತಾಮ್ಭೋಪಿಭೂಮಿಂ
ಬಂ ಬಂ ಬಂ ಬಾಲಲೀಲಂ ನತಿರಿಹ ಸತತಂ ಭೈರವಂ ಕ್ಷೇತ್ರಪಾಲಮ್ .. ೬..

ಸಂ ಸಂ ಸಂ ಸಿದ್ಧಿಯೋಗಂ ಸಕಲಗುಣಮಯಂ ರೌದ್ರರೂಪಂ ಸುರೌದ್ರಂ
ಪಂ ಪಂ ಪಂ ಪದ್ಮನಾಭಂ ಹರಿಹರನುತಂ ಚನ್ದ್ರಸೂರ್ಯಾಗ್ನಿನೇತ್ರಮ್ .
ಐಂ ಐಂ ಐಂ ಐಶ್ವರ್ಯರೂಪಂ ಸತತಭಯಹರಂ ಸರ್ವದೇವಸ್ವರೂಪಂ
ರೌಂ ರೌಂ ರೌಂ ರೌದ್ರನಾದಂ ನತಿರಿಹ ಸತತಂ ಭೈರವಂ ಕ್ಷೇತ್ರಪಾಲಮ್ .. ೭..

ಹಂ ಹಂ ಹಂ ಹಂಸಹಾಸ್ಯಂ ಕಲಿತಕರತಲೇ ಕಾಲದಣ್ಡಂ ಕರಾಲಂ
ಥಂ ಥಂ ಥಂ ಸ್ಥೈರ್ಯರೂಪಂ ಶಿರಕಪಿಲಜಟಂ ಮುಕ್ತಿದಂ ದೀರ್ಘಹಾಸ್ಯಮ್ .
ಟಂ ಟಂ ಟಙ್ಕಾರಭೀಮಂ ತ್ರಿದಶವರನುತಂ (ತ್ರಿದಶಲಟಲಟಂ) ಕಾಮಿನಾಂ ದರ್ಪಹಾರಂ
ಭುಂ ಭುಂ ಭುಂ ಭೂತನಾಥಂ ನತಿರಿಹ ಸತತಂ ಭೈರವಂ ಕ್ಷೇತ್ರಪಾಲಮ್ .. ೮..

ಭೈರವಸ್ಯಾಷ್ಟಕಂ ಸ್ತೋತ್ರಂ ಪವಿತ್ರಂ ಪಾಪನಾಶನಮ್ .
ಮಹಾಭಯಹರಂ ದಿವ್ಯಂ ಸಿದ್ಧಿದಂ ರೋಗನಾಶನಮ್ ..