.. ஶ்ரீஅந்நபூர்ணாஸ்தோத்ரம் ..
.. அந்நபூர்ணாஸ்தோத்ரம் ..
நித்யாநந்த₃கரீ வராப₄யகரீ ஸௌந்த₃ர்யரத்நாகரீ
நிர்தூ₄தாகி₂லகோ₄ரபாவநகரீ ப்ரத்யக்ஷமாஹேஶ்வரீ.
ப்ராலேயாசலவம்ஶபாவநகரீ காஶீபுராதீ₄ஶ்வரீ
பி₄க்ஷாம் தே₃ஹி க்ருபாவலம்ப₃நகரீ மாதா(அ)ந்நபூர்ணேஶ்வரீ..1..
நாநாரத்நவிசித்ரபூ₄ஷணகரீ ஹேமாம்ப₃ராட₃ம்ப₃ரீ
முக்தாஹாரவிலம்ப₃மாநவிலஸத்₃-வக்ஷோஜகும்பா₄ந்தரீ.
காஶ்மீராக₃ருவாஸிதா ருசிகரீ காஶீபுராதீ₄ஶ்வரீ
பி₄க்ஷாம் தே₃ஹி க்ருபாவலம்ப₃நகரீ மாதா(அ)ந்நபூர்ணேஶ்வரீ..2..
யோகா₃நந்த₃கரீ ரிபுக்ஷயகரீ த₄ர்மைகநிஷ்டா₂கரீ
சந்த்₃ரார்காநலபா₄ஸமாநலஹரீ த்ரைலோக்யரக்ஷாகரீ.
ஸர்வைஶ்வர்யகரீ தப꞉ப₂லகரீ காஶீபுராதீ₄ஶ்வரீ
பி₄க்ஷாம் தே₃ஹி க்ருபாவலம்ப₃நகரீ மாதா(அ)ந்நபூர்ணேஶ்வரீ..3..
கைலாஸாசலகந்த₃ராலயகரீ கௌ₃ரீ உமா ஶங்கரீ
கௌமாரீ நிக₃மார்த₂கோ₃சரகரீ ஓங்காரபீ₃ஜாக்ஷரீ.
மோக்ஷத்₃வாரகவாடபாடநகரீ காஶீபுராதீ₄ஶ்வரீ
பி₄க்ஷாம் தே₃ஹி க்ருபாவலம்ப₃நகரீ மாதா(அ)ந்நபூர்ணேஶ்வரீ..4..
த்₃ருஶ்யாத்₃ருஶ்யவிபூ₄திவாஹநகரீ ப்₃ரஹ்மாண்ட₃பா₄ண்டோ₃த₃ரீ
லீலாநாடகஸூத்ரகே₂லநகரீ விஜ்ஞாநதீ₃பாங்குரீ.
ஶ்ரீவிஶ்வேஶமந꞉ப்ரஸாத₃நகரீ காஶீபுராதீ₄ஶ்வரீ
பி₄க்ஷாம் தே₃ஹி க்ருபாவலம்ப₃நகரீ மாதா(அ)ந்நபூர்ணேஶ்வரீ..5..
ஆதி₃க்ஷாந்தஸமஸ்தவர்ணநகரீ ஶம்போ₄ஸ்த்ரிபா₄வாகரீ
காஶ்மீரா த்ரிபுரேஶ்வரீ த்ரிநயநீ விஶ்வேஶ்வரீ ஶர்வரீ.
ஸ்வர்க₃த்₃வாரகவாடபாடநகரீ காஶீபுராதீ₄ஶ்வரீ
பி₄க்ஷாம் தே₃ஹி க்ருபாவலம்ப₃நகரீ மாதா(அ)ந்நபூர்ணேஶ்வரீ..6..
உர்வீ ஸர்வஜநேஶ்வரீ ஜயகரீ மாதா க்ருபாஸாக₃ரீ
வேணீநீலஸமாநகுந்தலத₄ரீ நித்யாந்நதா₃நேஶ்வரீ.
ஸாக்ஷாந்மோக்ஷகரீ ஸதா₃ ஶுப₄கரீ காஶீபுராதீ₄ஶ்வரீ
பி₄க்ஷாம் தே₃ஹி க்ருபாவலம்ப₃நகரீ மாதா(அ)ந்நபூர்ணேஶ்வரீ..7..
தே₃வீ ஸர்வவிசித்ரரத்நரசிதா தா₃க்ஷாயணீ ஸுந்த₃ரீ
வாமே ஸ்வாது₃பயோத₄ரா ப்ரியகரீ ஸௌபா₄க்₃யமாஹேஶ்வரீ.
ப₄க்தாபீ₄ஷ்டகரீ ஸதா₃ ஶுப₄கரீ காஶீபுராதீ₄ஶ்வரீ
பி₄க்ஷாம் தே₃ஹி க்ருபாவலம்ப₃நகரீ மாதா(அ)ந்நபூர்ணேஶ்வரீ..8..
சந்த்₃ரார்காநலகோடிகோடிஸத்₃ருஶீ சந்த்₃ராம்ஶுபி₃ம்பா₃த₄ரீ
சந்த்₃ரார்காக்₃நிஸமாநகுண்ட₃லத₄ரீ சந்த்₃ரார்கவர்ணேஶ்வரீ.
மாலாபுஸ்தகபாஶஸாங்குஶத₄ரீ காஶீபுராதீ₄ஶ்வரீ
பி₄க்ஷாம் தே₃ஹி க்ருபாவலம்ப₃நகரீ மாதா(அ)ந்நபூர்ணேஶ்வரீ..9..
க்ஷத்ரத்ராணகரீ மஹா(அ)ப₄யகரீ மாதா க்ருபாஸாக₃ரீ
ஸர்வாநந்த₃கரீ ஸதா₃ ஶிவகரீ விஶ்வேஶ்வரீ ஶ்ரீத₄ரீ.
த₃க்ஷாக்ரந்த₃கரீ நிராமயகரீ காஶீபுராதீ₄ஶ்வரீ
பி₄க்ஷாம் தே₃ஹி க்ருபாவலம்ப₃நகரீ மாதா(அ)ந்நபூர்ணேஶ்வரீ..10..
அந்நபூர்ணே ஸதா₃பூர்ணே ஶங்கரப்ராணவல்லபே₄.
ஜ்ஞாநவைராக்₃யஸித்₃த்₄யர்த₂ம் பி₄க்ஷாம் தே₃ஹி ச பார்வதி..
மாதா ச பார்வதீ தே₃வீ பிதா தே₃வோ மஹேஶ்வர꞉.
பா₃ந்த₄வா꞉ ஶிவப₄க்தாஶ்ச ஸ்வதே₃ஶோ பு₄வநத்ரயம்..