ಸನಾತನ ದೇವ
ದುರ್ಗಾದ್ವಾತ್ರಿಂಶನ್ನಾಮಾವಲಿಃ
दुर्गाद्वात्रिंशन्नामावलिः
ದುರ್ಗಾದ್ವಾತ್ರಿಂಶನ್ನಾಮಾವಲಿಃ
ದುರ್ಗಾ ದುರ್ಗಾರ್ತಿಂಶಮನೀ ದುರ್ಗಾಽಽಪದ್ವಿನಿವಾರಿಣೀ .
ದುರ್ಗಮಚ್ಛೇದಿನೀ ದುರ್ಗಸಾಧಿನೀ ದುರ್ಗನಾಶಿನೀ .. ೧..
ದುರ್ಗತೋದ್ಧಾರಿಣೀ ದುರ್ಗನಿಹನ್ತ್ರೀ ದುರ್ಗಮಾಪಹಾ .
ದುರ್ಗಮಜ್ಞಾನದಾ ದುರ್ಗದೈತ್ಯಲೋಕದವಾನಲಾ .. ೨..
ದುರ್ಗಮಾದುರ್ಗಮಾಲೋಕಾ ದುರ್ಗಮಾಽಽತ್ಮಸ್ವರೂಪಿಣೀ .
ದುರ್ಗಮಾರ್ಗಪ್ರದಾ ದುರ್ಗಮವಿದ್ಯಾ ದುರ್ಗಮಾಶ್ರಿತಾ .. ೩..
ದುರ್ಗಮಜ್ಞಾನಸಂಸ್ಥಾನಾ ದುರ್ಗಮಧ್ಯಾನಭಾಸಿನೀ .
ದುರ್ಗಮೋಹಾ ದುರ್ಗಮಗಾ ದುರ್ಗಮಾರ್ಥಸ್ವರೂಪಿಣೀ .. ೪..
ದುರ್ಗಮಾಸುರಸಂಹನ್ತ್ರೀ ದುರ್ಗಮಾಯುಧಧಾರಿಣೀ .
ದುರ್ಗಮಾಙ್ಗೀ ದುರ್ಗಮತಾ ದುರ್ಗಮ್ಯಾ ದುರ್ಗಮೇಶ್ವರೀ .. ೫..
ದುರ್ಗಭೀಮಾ ದುರ್ಗಭಾಮಾ ದುರ್ಗಭಾ ದುರ್ಗದಾರಿಣೀ .
ನಾಮಾವಲಿಮಿಮಾಂ ಯಸ್ತು ದುರ್ಗಾಯಾ ಸುಧೀ ಮಾನವಃ .. ೬..
ಪಠೇತ್ ಸರ್ವಭಯಾನ್ಮುಕ್ತೋ ಭವಿಷ್ಯತಿ ನ ಸಂಶಯಃ .
ಶತ್ರುಭಿಃ ಪೀಡ್ಯಮಾನೋ ವಾ ದುರ್ಗಬನ್ಧಗತೋಽಪಿ ವಾ .
ದ್ವಾತ್ರಿಂಶನ್ನಾಮಪಾಠೇನ ಮುಚ್ಯತೇ ನಾತ್ರ ಸಂಶಯಃ .. ೭..
ಇತಿ ದುರ್ಗಾದ್ವಾತ್ರಿಂಶನ್ನಾಮಾವಲಿಃ