భూసూక్తమ్

.. భూసూక్తమ్ ..

 భూమి॑ర్భూ॒మ్నాద్యౌర్వ॑రి॒ణాఽన్త॑రి॑క్షం మహి॒త్వా .
ఉ॒పస్థే॑ తే దేవ్యదితే॒ ఽగ్నిమ॑న్నా॒దమ॒న్నాద్యా॒యాద॑ధే ..1..

ఆఽయఙ్గౌః పృశ్ని॑రక్రమీ॒ దస॑నన్మా॒తరం॒ పునః॑ .
పి॒తరం॑ చ ప్ర॒యన్త్సువః॑..2..

త్రి॒ꣳశద్ధామ॒ విరా॑జతి॒ వాక్ప॑త॒ఙ్గాయ॑ శిశ్రియే .
ప్రత్॑యస్య వహ॒ద్యుభిః॑..3..

అ॒స్య ప్రా॒ణాద॑పాన॒త్య॑న్తశ్చ॑రతి రోచ॒నా .
వ్య॑ఖ్యన్ మహి॒షః సువః॑..4..

యత్త్᳚వా క్రు॒ద్ధః ప॑రో॒వప॑మ॒న్యునా॒ యదవ॑ర్త్యా .
సు॒కల్ప॑మగ్నే॒ తత్తవ॒ పున॒స్త్వోద్దీ॑పయామసి..5..

యత్తే॑ మ॒న్యుప॑రోప్తస్య పృథి॒వీ-మను॑దధ్వ॒సే .
ఆ॒ది॒త్యా విశ్వే॒ తద్దే॒వా వస॑వశ్చ స॒మాభ॑రన్ ..6..

మే॒దినీ॑ దే॒వీ వ॒సున్ధ॑రా స్యా॒ద్వసు॑దా దే॒వీ వా॒సవీ᳚ .
బ్ర॒హ్మ॒వ॒ర్చ॒సః పి॑తృ॒ణాꣳ శ్రోత్రం॒ చక్షు॒ర్మనః॑ ..7..

దే॒వీ హిర॑ణ్యగర్భిణీ దే॒వీ ప్ర॒సూవ॑రీ .
సద॑నే స॒త్యాయ॑నే సీద .
స॒ము॒ద్రవ॑తీ సావి॒త్రీ హ॒నో దే॒వీ మ॒హ్యఙ్గీ᳚.
మ॒హీధర॑ణీ మ॒హోవ్యథి॑ష్టా శ్శృ॒ఙ్గే శృ॑ఙ్గే య॒జ్ఞే య॑జ్ఞే విభీ॒షణీ᳚ ..8..

ఇన్ద్ర॑పత్నీ వ్యా॒పినీ॑ సు॒రస॑రిది॒హ .
వా॒యు॒మతీ॑ జల॒శయ॑నీ శ్రి॒యన్ధా॒ పరి॑మేదినీ .
శ్వో॒పరి॑ధత్త॒ పరి॑గాయ .
వి॒ష్ణు॒ప॒త్నీం మ॑హీం దే॒వీం॒ మా॒ధ॒వీం మా॑ధవ॒ప్రియాం .
లక్ష్మీ᳚ ప్రి॒యస॑ఖీం దే॒వీం॒ న॒మా॒మ్యచ్॑యుత వ॒ల్లభాం ..9..

ఓం ధ॒నుర్ధ॒రాయై॑ వి॒ద్మహే॑ సర్వసి॒ద్ధ్యై చ॑ ధీమహి .
తన్నో॑ ధరా ప్రచో॒దయా᳚త్ ..10..