॥ অথ পঞ্চদশোঽধ্যাযঃ ॥

শ্রীভগভ়ানুভ়াচ
ঊর্ধ্বমূলমধঃশাখমশ্বত্থং প্রাহুরভ়্যযম্।
ছন্দাংসি যস্য পর্ণানি যস্তং ভ়েদ স ভ়েদভ়িৎ॥১॥

অধশ্চোর্ধ্বং প্রসৃতাস্তস্য শাখাঃ
গুণপ্রভ়ৃদ্ধা ভ়িষযপ্রভ়ালাঃ।
অধশ্চ মূলান্যনুসন্ততানি
কর্মানুবন্ধীনি মনুষ্যলোকে॥২॥

ন রূপমস্যেহ তথোপলভ্যতে
নান্তো ন চাদির্ন চ সম্প্রতিষ্ঠা।
অশ্বত্থমেনং সুভ়িরূঢমূলম্
অসঙ্গশস্ত্রেণ দৃঢেন ছিত্ত্বা॥৩॥

ততঃ পদং তৎ পরিমার্গিতভ়্যম্
যস্মিন্ গতা ন নিভ়র্তন্তি ভূযঃ।
তমেভ় চাদ্যং পুরুষং প্রপদ্যে
যতঃ প্রভ়ৃত্তিঃ প্রসৃতা পুরাণী॥৪॥

নির্মানমোহা জিতসঙ্গদোষাঃ
অধ্যাত্মনিত্যা ভ়িনিভ়ৃত্তকামাঃ।
দ্বন্দ্বৈর্ভ়িমুক্তাঃ সুখদুঃখসংজ্ঞৈঃ
গচ্ছন্ত্যমূঢাঃ পদমভ়্যযং তৎ॥৫॥

ন তদ্ভাসযতে সূর্যো ন শশাঙ্কো ন পাভ়কঃ।
যদ্গত্বা ন নিভ়র্তন্তে তদ্ধাম পরমং মম॥৬॥

মমৈভ়াংশো জীভ়লোকে জীভ়ভূতঃ সনাতনঃ।
মনঃষষ্ঠানীন্দ্রিযাণি প্রকৃতিস্থানি কর্ষতি॥৭॥

শরীরং যদভ়াপ্নোতি যচ্চাপ্যুৎক্রামতীশ্বরঃ।
গৃহীত্বৈতানি সংযাতি ভ়াযুর্গন্ধানিভ়াশযাৎ॥৮॥

শ্রোত্রং চক্ষুঃ স্পর্শনং চ রসনং ঘ্রাণমেভ় চ।
অধিষ্ঠায মনশ্চাযং ভ়িষযানুপসেভ়তে॥৯॥

উৎক্রামন্তং স্থিতং ভ়াঽপি ভুঞ্জানং ভ়া গুণান্বিতম্।
ভ়িমূঢা নানুপশ্যন্তি পশ্যন্তি জ্ঞানচক্ষুষঃ॥১০॥

যতন্তো যোগিনশ্চৈনং পশ্যন্ত্যাত্মন্যভ়স্থিতম্।
যতন্তোঽপ্যকৃতাত্মানো নৈনং পশ্যন্ত্যচেতসঃ॥১১॥

যদাদিত্যগতং তেজো জগদ্ভাসযতেঽখিলম্।
যচ্চন্দ্রমসি যচ্চাগ্নৌ তত্তেজো ভ়িদ্ধি মামকম্॥১২॥

গামাভ়িশ্য চ ভূতানি ধারযাম্যহমোজসা।
পুষ্ণামি চৌষধীঃ সর্ভ়াঃ সোমো ভূত্বা রসাত্মকঃ॥১৩॥

অহং ভ়ৈশ্বানরো ভূত্বা প্রাণিনাং দেহমাশ্রিতঃ।
প্রাণাপানসমাযুক্তঃ পচাম্যন্নং চতুর্ভ়িধম্॥১৪॥

সর্ভ়স্য চাহং হৃদি সন্নিভ়িষ্টো-
মত্তঃ স্মৃতির্জ্ঞানমপোহনং চ।
ভ়েদৈশ্চ সর্ভ়ৈরহমেভ় ভ়েদ্যো-
ভ়েদান্তকৃদ্বেদভ়িদেভ় চাহম্॥১৫॥

দ্বাভ়িমৌ পুরুষৌ লোকে ক্ষরশ্চাক্ষর এভ় চ।
ক্ষরঃ সর্ভ়াণি ভূতানি কূটস্থোঽক্ষর উচ্যতে॥১৬॥

উত্তমঃ পুরুষস্ত্বন্যঃ পরমাত্মেত্যুদাহৃতঃ।
যো লোকত্রযমাভ়িশ্য বিভর্ত্যভ়্যয ঈশ্বরঃ॥১৭॥

যস্মাৎ ক্ষরমতীতোঽহম্ অক্ষরাদপি চোত্তমঃ।
অতোঽস্মি লোকে ভ়েদে চ প্রথিতঃ পুরুষোত্তমঃ॥১৮॥

যো মামেভ়মসম্মূঢো জানাতি পুরুষোত্তমম্।
স সর্ভ়ভ়িদ্ভজতি মাং সর্ভ়ভাভ়েন ভারত॥১৯॥

ইতি গুহ্যতমং শাস্ত্রমিদমুক্তং মযাঽনঘ।
এতদ্‌বুদ্ধ্বা বুদ্ধিমান্ স্যাৎ কৃতকৃত্যশ্চ ভারত॥২০॥

॥ ওং তৎসদিতি শ্রীমদ্ভগভ়দ্গীতাসূপনিষৎসু ব্রহ্মভ়িদ্যাযাং যোগশাস্ত্রে শ্রীকৃষ্ণার্জুনসংভ়াদে পুরুষোত্তমযোগো নাম পঞ্চদশোঽধ্যাযঃ ॥